Swer in vroͤmden landen vil der tugende hat

aus Wikisource, der freien Quellensammlung
Textdaten
Autor: Spervogel
Illustrator: {{{ILLUSTRATOR}}}
Titel: Swer in vroͤmden landen vil der tugende hat
Untertitel:
aus: UB Heidelberg 416r
Herausgeber:
Auflage:
Entstehungsdatum: 12. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg
Kurzbeschreibung:
Mit aufgelösten Lettern. Vergleiche auch Swer in vꝛoͤmdē landē vil d̾ tugende hat in Originallettern.
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]


[416r]

Swer in vroͤmden landen vil der tugende hat·
der solde niemer komen hein dc were min rat·
ern hete da den selben mv̊t·
es enwart nie mannes lob so gv̊t·
so dc von sinem huse vert· da man in wol erkennet·
wc hilset dc man tregen esel mit snellem marke rennet·

Wan sol die ivngen hvnde[WS 1] lazen zv̊ dem bern·
vnd den ivngen habch zem reiger welle ers gern·
vnd ellú ros zur stute[WS 2] slahen·
mit linden wassern hende twahen·
mit rehtem herzen minnen got· vnd al die werlt wol eren
vnd neme zewisem manne rat vnd volge ǒch siner lere·

Swer sv̊chet rat vnd volget des der habe danc·
als min geselle speruogel sanc·
vnd sol der leben tusent iar·
sin ere stiget dc ist war·
ist danne dc er trúwen pfliget vnd den niet wil entwenken·
so er in der erden infulit ist so man sin gedenken·

Es zimt wol helden dc fro nah leide sin·
kein vngelúke wart nie so grôs da enwere bi·
ein heil des svln wir vns versehen·
bis mag wol vrum nah schaden geschehen·
wir haben verlorn ein veiges gv̊t· vil stolze helde enrůchet·
dar vmbe son wir niht verzagen es wirt noh derc versv̊chet·

Was vrumt dem rosse dc bi dem vůter stat·
vnd einem wolve dc er bi den schafen gat·
vnd der in dú beidú túre tůt·
so ist es einem also gůt
der veile vindet swc er wil· vnd des niht mac vergelten·
ein lieht in vremdes mannes hant dc froͤit den blinden selten·

Swer einen frúnt wil sv̊chen da er sin niht enhat·
vnd vert zewalde spúrn so der sne zergat·
vnd kǒfet vngeschǒwet vil·
vnd haltet gerne verlornú spil·
vnd dienet einem boͤsen man da es an lon belibet·
dem wirt wol after rúwe kunt ob ers die lenge tribet·

Swer lange dienet da man dienstes niht verstat·
vnd einen vngetruwen mit slúzel hat·
vnd einen valschen nach gebur·
dem wirt sin spise harte svr·
ob er sich wil also betragen dc er arman niht verdirbet·
dc mv̊s von gotes helfe komen wan er mit trúwen wirbet·

Dv́ selde dringet vúr die kunst dc ellen gat·
vil dike nah dem richen zagen· in swacher wat·
er ist tump swer gv̊t vor eren spart·
zvht dv wellent grawen bart·
trúwe machet werden man· vnd wise schone vrage·
liebe meistert wol den kǒf· so scheidet schade die mage·

Wan sol einen biderben man wol drisseg iar·
darvf beladen dc ich ú sage dc ist war·
ob man dem herren wider sage·
dc er im holdes herze trage·
swen dc gv̊t zeherzen gat· der gewinnet niemer ere·
io enrede ichs niht dvr minen vrumen· wan das ich sies alle lere·

So we dir armv̊t dú benimst dem man·
beidú witze vnd ǒch den sin dc er niht wissen kan·
die frúnde getv̊nt sin lihten rat·
swenne er des gv̊tes niht enhat·
si kerent im den ruggen zů vnd gruͤzent in wol trage·
die wile dc er mit vollem lebt so hat er holde mage·

So wol dir wirt wie wol dv doh dem huse zimst·
an dem worte niemerme dv abe genimst·
swie kleine man gebresten hat·
wol doch der wirt imme hvse stat·
der wirt der kan des hvses reht· wol messen nah der snvͤre·
wc solde ein wiseloses her dc ane meister vuͤre·

Anmerkungen (Wikisource)

  1. Vorlage: hvndē.
  2. Vorlage: zurſtun.