tenebant, precio quinque marcarum liberasset ab illis, ita ut ipsi nobis eum libere re-signarent, et mansum unum in eadem villa cum area una et prato pertinentibus ad eundem, quem ab Alberone ipsum a nobis tenente octo marcis nichilominus liberaverat prepositus memoratus, necnon et locum unum orto congruum iuxta molendinum predic-tum de consensu capituli Georgio et ecclesie de Hakelinge cum omni iure contulimus et presenti auctentico confirmamus. Ut autem hec nostra donatio rata permaneat et iu-giter inconvulsa, presentem paginam inde conscriptam sigilli nostri inpressione et muni-mine roboramus, sub anathematis interminatione districtius inhibentes, ne quisquam in contrarium venire presumat. Testes huius rei sunt: Walterus maior prepositus, Albertus decanus, Anno cellerarius, Otto Bavrus, Eodolfus scolasticus, Fridericus de Mein-dorp, Tidericus de Scerenbeke, Liudolfus de Swanebeke, Wernherus de Sconenwalde, Conradus de Saltwidele, Crafto, Lodewicus, Conradus de Upin, Burchardus de Glinde, prepositus Otto de Boemia, Godefridus, prepositus Conradus de Mildense, Wilhelmus Aquensis1 prepositus, magister Gernandus, Henricus de Plawe, ecclesie nostre canonici. Actum Magdeburch anno ab incarnatione Domini m0.cc°.ix°, indictione duodecima, pon-tificatus nostri anno tertio.
1209. October 18. Brandenburg. Markgraf Albrecht II von Brandenburg bestätigt dem von seinem Grossvater Albrecht dem Bären und seinem Vater Otto I begründeten dortigen Domcapitel dessen Rechte, Freiheiten und Besitzungen.
In nomine sancte et individue trinitatis Adelbertus secundus Dei gratia marchio in Brandeburch. — — — Eaproptör, ut omnis controversie materia conquiescat, notum fieri dignum duximus tarn faturis quam presentibus, quod nos ob spem divine remune-rationis ecclesiam cathedralem in urbe Brandeburch a pie memorie rege Ottone in ho-nore Dei et beati Petri, apostolorum principis, fundatam et constitutam modis Omnibus exaltare et honorare decrevimus et canonicos ordinis Premonstratensis, qui secundum Dei timorem et beati Augustini regulam a Wiggero bone memorie Brandeburgensi epi-scopo in ecclesia beati Godehardi in civitate Parduin primo fuerant constituti, postea vero a Willemaro venerabili eiusdem ecclesie episcopo consilio et ope Wigmanni Mag-deburgensis archiepiscopi atque avi nostri marchionis Adelberti necnon et patris nostri marchionis Ottonis cooperante iuvamine in sedem episcopalem urbis Brandeburch sunt transpositi, sicut pie recordationis frater noster marchio Otto secundus in suam susce-pit defensionem, et nos quoque sub nostra protectione suscipimus eisque omnimodam libertatem, quam clericis imperialis sanctio divinitus per ora principum promulgata per-misit seu etiam canonica constitutio contradidit, et nos quoque perpetuo iure in con-vulsam et illibatam manere discernimus. — — —
Otto von Heinemann (Hrsg.): Codex diplomaticus Anhaltinus. Erster Theil. Dritte Abtheilung., Dessau 1873, Seite 574. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_1-3_574.jpg&oldid=- (Version vom 31.7.2018)
