Seite:De DZfG 1890 04 337.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Verschiedene: Deutsche Zeitschrift für Geschichtswissenschaft

39.

Jam pugna committitur multum violenta;

Tellus rubet undique sanguine cruenta
Propter moriencium diversa lamenta,
Admiratur ratio, stupent elementa!

40.

Parvus amnis^{[x 1]} candidus utrosque salutat,

In colorem rubeum se frequenter mutat
Quisque belli gloriam obtinere putat,
Pennis volans dubiis palma diu nutat^{[x 2]}.

41.

Tandem suo pugili spiritus divinus

De supernis affuit, quare Conradinus
Omnino devincitur. Fugit asininus,
Adhuc testis superest campua Palentinus.

42.

Tunc in ore^{[x 3]} gladii fere ceciderunt

Omnes hostes fidei, qui Christum oderunt;
Set pauci residui, qui capti fuerunt,
Puniuntur capite, sicut meruerunt.

43.

Romanis et Apulis morti derelictis

Est Henricus profugus captus ab invictis,
Qui regis carceribus detinetur strictis,
Ubi penitenciam agit de delictis^{[x 4]}.

44.

Conradinus anxius corona regali

Pro corona plectitur pena capitali.
Instruamur igitur in exemplo tali,
Cum tenere debeat malos pena mali.

45.

Hujus honor prelii mundo dat honorem

Pacis, set pax requiem, requies dulcorem.
Dulcor dulce gaudium, gaudium odorem
Sanitatis, sanitas vitam longiorem.

46.

Obfuscatur vanitas, fuscum evanescit,

Vilescit res sordida, vilitas sordescit,
Discrescit^{[x 5]} lux glorie, diesque lucescit,
Ordinatur requies, ordo requiescit.

47.

Quiescat quicunque vult hostibus deletis

Tempus acceptabile, tempus est quietis.
Omnes gentes plaudite, que deum timetis!
De tanta victoria gaudere debetis.

48.

Set letare forcius terra desolata

Sacro sancto sanguine Christi dedicata

Anmerkungen (x)

Empfohlene Zitierweise:
Verschiedene: Deutsche Zeitschrift für Geschichtswissenschaft. Freiburg i. Br.: Akademische Verlagsbuchhandlung von J. C. B. Mohr, 1890, Seite 337. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_DZfG_1890_04_337.jpg&oldid=- (Version vom 13.10.2022)