Seite:Literarischer Verein Stuttgart IX 083.png

	Verschiedene: Bibliothek des Literarischen Vereins in Stuttgart (Band IX)

7.

Si ist mir liep vnd dvnket mich(H. 1, 178^b)

dc ich ir vollecliche gar vnmere si.
nv waz darvmbe dc lide ich.
vnd bin ir doch mit trivwen steteclichen bi.
wc obe ein wunder lihte an mir geschiht.
dc si mich eteswenne gerni siht.
denne^[1] den laze ich iemer ane haz.
swer giht dc ime an froiden si gilvngen baz.
der habe ime dc.

8.

So etteswenne mir der lip.

dvr sine bœse vnstete ratet dc ich var.
vnd ich gefrivnde mir ein ander wip.
so wil iedoch dc herze niender wan dar.
so wol ime dc ez so reine weln kan.
vnd mir der sv̊ze arbeite gan.
doch han ich mir ein liep erkorn
dem ich zedienste vnd were es alder welte zorn
mv̊z sin geborn.

9.

Vnde ist dc mirs min selde gan.

dc ich von ir redin deme^[2] mvnde ein kv͛ssen mac versteln.
vnd dc iz mit mir bringe (Bl. 1^b) dan
ich wil ez tǒgenliche tragen vnd iemer heln.
ist aber dc si ez vur groze swerre hat.
vnd vehit mich dvr mine missetat.
wc tv̊n ich danne ich selic man.
da hebiz vf. vnd lege ez hin. wider als ich wol kan.
da ich ez da nam. ◒◒◒◒◒◒◒◒◒

10.

     So vil so ich gesanc nieman.(H. 1, 177^a)

der anders niht enhete wan den blozen wan.
dc ich nv niht mere enkan^[3]
des enwunder nieman mir hat zwivel den ich han
alles dc ich kvnde gar benomen.
wenne sol mir iemer spilende froide komen

1. So, stark abgerieben.
2. Lies wol redendem.
3. Die Hs. ″kan″en.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 83. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_083.png&oldid=- (Version vom 7.1.2019)