Seite:Literarischer Verein Stuttgart IX 105.png

	Verschiedene: Bibliothek des Literarischen Vereins in Stuttgart (Band IX)

geswien swiger sweher swager ez ensi war.
tageliet clageliet hvgeliet. zvgeliet tanzeliet leich erkan.
er singet crv͛celiet tvuingliet schimphiet.^[1] lobeliet. regeliet als ein man.
der mit werder kvnst den lv͛ten kvrzet langes iar.
wir mvgen wol alle stille swigen da her lvtolt sprechen wil.
ez darf mit sange nieman gv^eden wider in.
er singet also ho ob allen meistern hin
ern werde noch die nv da leben den brichet er daz cil.

12.

* Daz erste wip den^[2] ersten man den ersten schaden eriet.^[3]

da von got vil menege sele von deme paradyse schiet.
diert itewiz der wirret gv̊ten reinen wiben. niht.
wip vnd wip gelicher name wil^[4] vngelichez leben.
der welde heil vns eniv nam dc habt^[5] vns einiv wider geben
ein engel vnd ein reine wip sint beide wol in einer phliht.
vil reiniv mv̊ter vnd maget. div vns von even stricke nam.
din werdicheit behv^et vns noch div reinen wip.
so gewinnent wegescheiden hie der zweir lip
die gv̊ten dort die vbelen hie die sint den beiden gram.

---

1. So.
2. So, lies dem.
3. So, lies geriet.
4. Lies vil.
5. Lies hat.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 105. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_105.png&oldid=- (Version vom 7.1.2019)