Seite:Literarischer Verein Stuttgart IX 129.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.
69.
Swelch herze sich bi disen ziten niht verkeret

sit dc der babest selbe dort den vngelǒben meret.
da wont ein selic geist vnd got des minne bi.
nv seht ir waz der pfaffen werc vnd waz ir lere si.
ê daz waz ir lere bi den werken reine.
nv sint si aber anders so gemeine.
dc wirs vnrehte wurken sehen vnrehte hœren sagen.
die vns gv̊ter lere bilde solten tragen.
des mv̊gen wir tvmbe leien wol verzagen.
ich wene aber min gv̊ter closenere trage[1] vnd sere weine.

70.
. . . . .[2] hove so lobelicher manne(H. 1, 262b)

so ist min win gelesen vnd sv̊zet wol min pfaffe[3]
der biderbe patriarche missewende vri.
der ist ir einer so ist min hofscher trost zehant da bi.
lv͛polt zwir ein fvrste stir vnd osterriche
niemen lept den ich zv̊ deme geliche.
sin lop ist niht ein lobelin er mac. er hat. er tv̊t.
so ist sin vetir alse der milte welf gemv̊t.
des lop waz ganz. ez ist nach tode gv̊t.
mir ist vil vnnot. dc ich dvrch handelvnge iht verre stricke.[4]

71.
Ich bin des milten lantgrave in gesinde(L. S. 35.)

(Bl. 9b) ez ist min sitte dc man mich iemer bi den tivrsten vinde.
die andern vu͛rsten alle sint vil milte. iedoch
so steteclichen niht. er waz e. vnd ist ez noch.
da von kan er baz danne si der mitte gebaren
er enwil dekeiner lvne varen.
swer hv͛re schallet vnd ist hin ze iare bose alse ê.
des lop grv̊net. vnd valwet so der clê.
der dvrnge blv̊me schinet dvr den sne.
svmer vnd winter blv̊t sin lop. als in den ersten iaren.

72.
Herzoge vz osterriche la mich[5] den lv͛ten.

wunsche mir ze velde niht zewalde. ich enkan niht rv͛ten

  1. ↑ Lies clage.
  2. ↑ So, in der Hs. leerer Raum; ergänze Die wîle ich weiz drî h.
  3. ↑ So, lies pfanne.
  4. ↑ Lies strîche.
  5. ↑ Hier fehlt bî.
Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 129. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_129.png&oldid=- (Version vom 7.1.2019)
Von „https://de.wikisource.org/w/index.php?title=Seite:Literarischer_Verein_Stuttgart_IX_129.png&oldid=3472906“