Seite:Literarischer Verein Stuttgart IX 136.png

	Verschiedene: Bibliothek des Literarischen Vereins in Stuttgart (Band IX)

vil der^[1] in minen hohen sanc
gern ich in allen dienen sol
doch habe ich mir diz vz erkorn.
ein ander weiz die sinen wol
die lobe er ane minen zorn.
habe ime wise vnd wort
mit mir gemeine lobe ich hie so lobe er dort.

90.

Got hat ir wengel^{[WS 1]} hohen vliz(H. 1, 244^b)

er streich so tv͛re varwe dar.
so reine rot so reine wiz
hie rœseloht dort lilien var.
obe ich vor svnden tar gesagen.
so sehe ich ez^[2] si iemir gerner an
danne himel wagen (so)
owe wc lob ich tvmber man
mache ich si mir zeher
vil lihte wirt mins mvndes lop mins herzen ser.

91.

Si hat ein kv͛ssen dc ist rot

gewunne ich dc fv͛r minen mvnt.
so stvnt ich vf vz dirre not
vnd were och iemer me gesvnt.
dem si dc an sin wengel legt
der wonet da gerne nahe bi.
ez smeket so mans iender reget
alsam ez alles balsame si
dc. sol si lihen mir
so dicke so si ez wider wil so gib ich ez ir.

92.

Ir kel ir hant iewer^[3] fv̊z

dc ist zewinsche wol getan.
obe (Bl. 11^a) ich da entswischent loben mv̊z
so wene ich me beschowet han.
ich het vngerne dicke bloz

1. Lies werde.
2. Diese vier Wörter sind in der Hs. abgerieben, und, wie es scheint durch Anwendung von Reagentien, unleserlich geworden.
3. Lies ietweder.

Anmerkungen (Wikisource)

1. Vorlage: wegel (korrigiert nach S. 296).

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 136. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_136.png&oldid=- (Version vom 7.1.2019)