Seite:Literarischer Verein Stuttgart IX 139.png

	Verschiedene: Bibliothek des Literarischen Vereins in Stuttgart (Band IX)

dc gelichet sich rehte alse ars vnd mane
hêr walther singet wc er wil
des kvrzen vnd des langen vil.
svz meret er der welte spil
so iagent ir alse ein leithvnt nach wane.

98.

Mir hat ein lieht von vranken

der stolze missenere braht.
dc wert^[1] von Lvdewige
ich enkan in^[2] niht gedanken.
so wol alz er min hat gedaht.
wan daz ich tiefe nige.
kv͛nde ich swc ieman gv̊tes kan.
dc teilt ich mit dem werden man.
der mir so hoher eren gan
got mv̊ze ime erenneren.^[3]
darzv̊ vliz vnd selden vlvz.
iht wildes vnd^[4] sinen schvz.
sin hvndes lovf sins hornes dvz.
der helle ime vnd schelle ime wol nach eren.

99.

     Dv͛ sele mv̊ze wol gevarn§     (H. 1, 250^a; L. S. 67.)

ich han zer welte menegen lip.
gemachet vro man vnd wip
kv͛nde ich dar vnder mich bewarn
lop     ich des libes minne dc der sele leit.
si giht ez si ein lv͛ge ich tobe.
der     waren minne gibt si ganzer stetecheit
wie gv̊t si si weiz si^[5] iemer wer
lip la die minne dv͛ dich lat
vnd habe die steten minne wert
mich (Bl. 11^b) dvnket der dv hast gegert
dv͛ si niht visch vnz an den grât.

100.

Ich hat ein schonez bilde erkorn

owe dc ich^[6] ie gesach.

1. Lies vert.
2. Lies ims.
3. L. êre mêren.
4. L. mîde.
5. Lies. wies.
6. Fehlt ez.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 139. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_139.png&oldid=- (Version vom 7.1.2019)