Seite:Literarischer Verein Stuttgart IX 171.png

	Verschiedene: Bibliothek des Literarischen Vereins in Stuttgart (Band IX)

mer     ist swer ir ze rehte gert.
ob ich an mir selbem vunde
dc ich hohes mv̊tes mich gern vnder wunde.
sone vund ich niht den nivnden der mirs gvnde.

42.

Ich mv̊z lieben vnd leiden

leiden     trost von schvlden geben.
truwe vnd ere virret beiden
nieman kan geleben. (so)
alten sitten ivngen lv͛ten.
swer dv͛ beidv͛ nv wil mit den andern trvten.
der wirt gar ze spote kan ers niht verkivͤten.

43.

Liezent tǒben sich die wisen.

wisen     vf der selden vart.
so kvnde ich ir leben geprisen
prisen     wir ir tǒben art.
dc mac wol ir tv̊gent gerv͛wen.
do man alte sach dvr zvht die ivngen blvwen.
do stvndez an eren baz vnd och an trvwen.

44.

Wer sol sich an valschen keren.

keren     sich die valschen dran.
die niht gerne^[1] wan valscher (Bl. 17^a) eren.
eren     craft nieman gewan.
wan der eine der des varte.
daz er so mit truwe vnd och mit zvhte gebarte.
dc er si niemer aner betagitet noch och beiarte. (so)

45.

We dc wir so crancke werben.

werben     anders danne also.
est ze ivngest niht wan sterben.
sterben     alse lihte vro.
so dc wir die tage verswenden
ane vrevde vnd doch mit sorgen niht verenden.
wc sol truren vur dc nieman kan irwenden.

1. Lies gern.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 171. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_171.png&oldid=- (Version vom 7.1.2019)