in iemer wernde herzeser.
diz ist in vor geteilet. neme dc eine swer dir welli
swer sich miltet dem wirt hohe nach geselli[1]
vnd swer sich hoͤhet dc der da genidert wirt.
da iamer vnd senede leit an ende swirt.
von gote ein rihtere dc er rehte rihten sol. vnd da zehant.
swa er uernimpt dc were war.
vnd sol dem valschen vogel[2] volgen niht
der in[3] dvr vru͛nt dvr gv̊t. dvrch dc[4] getruwes rates vber siht.[5]
wan dc ich wilen solte sehen.
der mir dc herze nie vergaz.
sit si mir tv̊t mit gv̊te we.
vnd ir mins willen wart veriehen
mit vorhte alse ich ir wort entsaz
do we. ir wort ir werc so minnenclich. vnd alles ir gebaren.
der iemer nach dem winsche schones wibes solte varen.
der kvnde si nach minem dvnke schoner niht gemachen.
mich vrowet wer ich haber[6] tot.
gervhte mich ein selich wip von herzen an gelachen.
dc iar. die wile vnd och dc leben.
dc ich sorge twinge vf hoher ste.[8]
ich weiz die sv̊zen selte an ir
dv͛ selde froide kan gegeben.
von der wol trvren mv̊z zergen.
wie mohte also bescheidenlicher gv̊te iht arges wider striten
in der si reinecliche lebit mit selden zallen ziten.
ez mvͤste wol sin ein vz der maze nahe gende swere.
da also werdes wibes trost
den si wol gebe rvhte sis niht gv̊t zebv̊ze were.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 175. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_175.png&oldid=- (Version vom 7.1.2019)
