Seite:Literarischer Verein Stuttgart IX 226.png

	Verschiedene: Bibliothek des Literarischen Vereins in Stuttgart (Band IX)

3.

     Diche ich mir gedenke(H. 3, 256^b)

swenne ich mich vereine
wer in der wibes gv̊te da
sine hete sich so lange niht an ir verholn
miner nv͛wer clenke
lonet si mirs eine
nv mac ich dienen anderswa
nein ich wil mit willen disen kvmber langer dohi^[1]
waz obe lihte ein selic wip
noch den mv̊t verkeret
vroiwe min herze vnd troste den lip
dv͛ zwei dv͛ sint geseret.

4.

     Je^{[WS 1]} lieber vnd ie lieber is si mir dv͛ wol getane§     (H. 2, 119^b)

ie leider vnd ie leider bin ich ir dc ist mir leit
bin ich vro dc kvmet mir gar von einem lieben wane.
sit si mir ir hvlde vnd ir gnade wider seit.
trostes vnd gedingen wil ich niemer werden ane
min trost des trvrens ie vergaz
so dv͛ schone vor mir saz
alsam ein voller mane.

5.

Sine^[2] tage lovfent von der hoh gegen der neige

gv̊t frowe troͤste mich die wile ich vf der hohe si.
sit ich dir mit trvwen stetez herzeliep ir zeige.
zeige dine gv̊te mache mich von sorgen vri.
mine sorge sint von dinen schvlden manicvalde
nv schaffe ir ende selic wip
ê daz min vil tvmber lip
zesere in sorgen alde.

6.

     Wie vberwinde ich beide§     (H. 3, 246^a)

mit^[3] liep vnd die svmerzit.
ich enkan die wol getanen schiere niht verclagen.

1. Lies doln.
2. Lies Mine.
3. Lies min.

Anmerkungen (Wikisource)

1. Vorlage: Ie.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 226. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_226.png&oldid=- (Version vom 7.1.2019)