Seite:Literarischer Verein Stuttgart IX 247.png

	Verschiedene: Bibliothek des Literarischen Vereins in Stuttgart (Band IX)

si hat mich gestozzen mit ir rotem mvnde
eines dc mir in min herze brach
des kan mir niht werden rat
ez hat sich gesenket also hin zegrvnde
daz min vreide nach ein ende hat.

8.

Owe wes hat sich dv͛ liebe an mir gerochet^[1](H. 1, 89^a)

oder wie han ich gedienet daz.
dc si hat so vil der vreiden an mir zebrochen
vnd ir^[2] mit trvwen nie vergaz
dane waz ich ir niht wert
we wes han ich tvmber man mich so versprochen
dc ich gv̊tes wibes han gegert.

9.

Ich wil gein der lieben singen vmbe ein scheiden

vnd wil doch sand ir teilen ê.
also han ich geteilet schiere vns beiden
ir si wol so si mir iemer we.
si habe ir dc herze min
so belibet mir dc ich in seneden leiden
iemer mv̊z biz an min ende sin.

10.

(I)ch wande ie do ich eiz waz^[3] der welte were

vntz ich die warheit han gesehen
an der lieben sit ich ir bin so gar vnmere
so sol mir niemer heil geschehen.
mich trv̊c da hin ein tvmber wan.
owe tot dazt ie so lange mich verbere
sit ich selbe min gespotet han.

---

1. Lies gerochen.
2. So = ich ir.
3. So die Hs.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 247. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_247.png&oldid=- (Version vom 7.1.2019)