Seite:Literarischer Verein Stuttgart IX 345.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

Ei wibes grůz.
frǒden sůz.
dich wol můz
loben wand dv tůst der swere bůz.
wer were der.
der were wer.
frǒden ane dich
nie kunden siht.[1]
Lǒb graz blůmen alse wnnenclich.
noch der vogel sanc so minnenclich.
frowen sam din blik. so selden rich.
wei was lob ich tore an wiben.
sit mich eine kan vertriben.
von ir hulden
von der schulden.
ich můz frǒden ane bliben.
waz dan min herce mac doch niht
sich von ir lieben angesich
dikeine stunde wenden.
ich můz eth dar genenden.
singen von ir schone manicvalt.
sist so rehte wol gestalt.
Ir[WS 1] loker (so) reide goldes var
die tunt mich beide hercen bar.
Ir[WS 1] vmbe twengen offen tinne
berobent mich der (so) vil gar der sinne.
Ein lutzel vf gezogen
vf gebogen
sah ich da.
wol stende bra.
daz brach mir in min herze na.
So sin so clar ir ǒgenbrehen.
daz můz ich armen[2] balde sehen.
Ach vnd owe von mir schehen.[3]
ei roselehter lilien schin

  1. ↑ Lies sich.
  2. ↑ Lies armer.
  3. ↑ Lies geschehen.

Anmerkungen (Wikisource)

  1. ↑ a b Vorlage: Jr.
Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 345. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_345.png&oldid=- (Version vom 7.1.2019)
Von „https://de.wikisource.org/w/index.php?title=Seite:Literarischer_Verein_Stuttgart_IX_345.png&oldid=3471479“