wan swa der menschen kinder hant mit argen hobet svnden[1] phlit.
der wil ir niht bescholten han.
Vnd schiltet si doch gar.
was sol man schelten mer an ir wand svnderich getat.
Swas meines die getv̊nt die si gevruhtet vnde gewochert hat.
den hat ir selbes lip getan.
Si warf den samen dar.
dar vs die wochsen die mit schulden an ir gevallen sint
dv͛ welt ist anders niht wand mensche vnd menschen kint.
swa menschen kinder svndent da beget du welt vil sunden arg.
warunbe schulte man an ir niht dise vnvůre strac.[2]
das sich vs ir gerv̊chte cleiden got an aller schulden sere.
vnd si des niht erkennen wil.
das er si geeret hat
sit das der himel chore vs ir noch mv̊sen werden vol.
So zeme ir das an eren vnde an hoher selikeit wol
das si beginge niht (s)o vil
(t)otlich(e)r miss(e)tat.
wil (s)i betrah(t)en niht[3] das got von ir becleidet wart.
Vnd ane svnde wos vs ir nach menschelicher art.
So tv̊t si sam ein fules mos das einen vrischen burnen birt.
Vnde es doch selbe niht gevrischet noch gereinet wirt.[4]
- ↑ Die Hs. svnden hobet svnden.
- ↑ Lies starc.
- ↑ Das gesperrt Gedruckte ist am Rande nachgetragen; das Eingeklammerte weggeschnitten.
- ↑ Die Strophen 47–54 und 56 stehen in der Pariser und Jenaer Hs. unter Friderich von Sunburg. – Den übrigen Raum dieser Seite hat eine ungebildete Hand zu folgender Notiz benützt: Item hensselin schuohemacher heb ich fer luohhen (?) den pheber (?) vj herbeste einnen fergebben vnd v nb (nb durchstrichen) vnb das iii teil vf das (das durchstrichen) die mitterfast in dem jor do man zalte von gottes geburt CCC m har (?) LXXX vij jor. Vergl. Hagen’s Grundriss 497.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 350. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_350.png&oldid=- (Version vom 7.1.2019)
