Ein Marckt in Oesterreich / dabey das Schloß Haußeck gelegen; vnnd da herumb es viel Schmidt- vnd Eisenhämmer hat.
Ein beschlossener Marckt-Fleck / vnnd Closter / Praemonstratenser Ordens / im Hertzogthum Kärnten; aber / sampt seinem Ampt / vnnd dem vesten auff einem hohen Felsen gelegenen Schloß / dem Bisthum Bamberg gehörig. P. Joan. Crusius, S. J. in tract. 3. contra P. Roman. Hay., schreibet pag. 11. also: Monasterium Griffen, Ord. Praemonstrat. in Carinthia, olim conventu destitutum, efflagitatu Caroli Archid. Austriae, à Clemente VIII. non Societati, sed tenuioris fortunae studiosis, in sustentationem assignatum fuit, in Academia Graecensi. Auß welchen Worten zu ersehen / daß gemeldten Closters Einkommen jetzt nach Grätz / zu Vnterhaltung armer Studenten / bey selbiger Hohen Schuel / gehörig seyn.
Ein Stättlein in Ober-Oesterreich / so / sampt dem dabey gelegenen Schloß Partz / den Herren von Polheim vorhin gehörig gewesen / vnd vielleicht noch. Siehe aber vnten Steyeregg vnd vnsern Text / pag. 21.
Ein Marckt-Fleck in Ober-Steyer / von dem / vnd den Schlössern Neuhauß / vnnd Falkenburg / auch andern daselbst herumb gelegenen Orten / vnser Text / p. 82. zu sehen.
Schloß / vnnd Herrschafft / nahend der Statt Steyr / in Ober-Oesterreich gelegen / vnnd den Herrn Graven von Losenstein gehörig; auß denen der Keyserlich Obrist Stallmeister gewesen / der Anno 1653. gestorben ist. S. Relat. Vern. de An. 54. p. 69. Es kommen aber diese Herren Graven her / auß dem alten Geschlecht der Graven von Steyer. Sihe den Text / p. 35.
Ein Landsfürstlicher Marckt in Vnter-Oesterreich 3 meilen von Wien / gegen der Neustatt / gelegen.
Es ist auch / in diesem Vnter-Oesterreich / 3. meilen von Znoym / ein Schloß / vnd Dorff / dieses Nahmens / so den Herren Teuffeln / Freyherren / gehörig.
Ein schöner Marckt-Fleck / auch herrliches Domstifft / vnnd Probstey / in Kärnten; allda der Dom-Probst deß Bistums / so von disem Ort den Nahmen führet / wohnet. Sihe den Text / p. 100.
Ein Stättlein / im Vntern-Crain / an dem Fluß Savo, oder an der Sau / gelegen / so ein schönes Schloß hat; davon im Text / p. 121.
Ein Marckt-Fleck in Vnter-Oesterreich. Es liget auch ein Ort dieses Namens in Ober-Oesterreich. Zun Zeiten Königs Ottocars in Böheim / so ein Zeitlang Oesterreich inngehabt / biß Er / in einer Schlacht / mit Keyser Rudolffen dem Ersten gehalten / vmbkommen / hat Herr Heinrich von Hag gelebt; von welchem das nunmehr abgestorbene Geschlecht der Herren Aespan von Haag / Freyherrn / in Ober-Oesterreich / sein Herkunfft genommen hat. Dann / als einer in diesem Geschlecht Esping geheissen / haben dessen Nachkommen denselben Nahmen / behalten / vnnd / auß dem Tauff: ein Geschlecht Nahmen gemacht; Valentin Prevenhueber / in castro Styr. p. 37. Sihe Vnten Widenspach.
Matthäus Merian: Topographia Provinciarum Austriacarum. Frankfurter Kunstverein, Frankfurt am Mayn 1679, Seite 410. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Austriacarum_(Merian)_410.jpg&oldid=- (Version vom 1.8.2018)
_410.jpg&oldid=-){kind=link}
_410.jpg&oldid=3396347){kind=link}