zu schlagen / etc. wie hievon / mit mehrern / beym H. Limnaeo, in dem tomo 4. de J. publ. Imp. Rom. Germ. p. 486. seq. in Addit. ad lib. 4. zu lesen.
Eine wolbekante / an dem Adriatischen Meer gelegne / vnd dem Hauß Oesterreich / zur InnerOesterreichischen Regierung / auff Grätz / gehörige Statt / von der / in vnserm Text / p. 125. zu lesen. Anno 1646. ist allhie Herr Antonius Morentius Bischoff worden.
Ein Marckt-Fleck an der Göß / in Ober-Steyer / vnnd eine meil Wegs von der Statt Leubm / gelegen.
Ein Landsfürstliches Stättlein / im Vntern-Crain; davon im Text / p. 125.
Ein Marcktfleck in Vnter-Oesterreich / von deme / wie auch dem Carthäuser Closter Maurbach / im Wienerwald / in vnserm besagten Text / p. 58. zu lesen.
Eine Landsfürstliche Statt in Vnter-Oesterreich / 5. meilen vnterhalb Crembs / vnd 5. ober Wien (dann also ist der Text / p. 36. a. zu corrigiren) gelegen; davon / vnd dem Marckt Trebensee / d. p. 36. et seq. zu sehen.
Ein Landsfürstliches Stättlein / in Vnter-Steyer / auff der Landstrassen von Grätz nach Cilly / vnd Laybach gelegen; davon im Text / p. 78. seq.
Ein sehr alte / vnnd weyland die Haupt-Statt im Hertzogthum Kärndten / dem Hochlöbl. Hauß Oesterreich gehörig; davon / wie auch der zerstörten Statt Salla / am Sallfeld / den Schlössern Tanzenberg / Tackenbrunn / vnd Hohen-Osterwitz / (welches letztere sehr vest ist) vnser Text / p. 97. seq. zu sehen.
Eine vnter die InnerOesterreichische Regierung zu Grätz / im Land Steyer / gehörige / am Wasser Flaum / ins gemein Pflaum genant / vnd bey dem Adriatischen Meer / in Histerreich / vnd auff 3. Tagreisen von Laybach / der Crainerischen Haupt-Statt / gelegne Statt; von der vnser Text / p. 125. seq. zu lesen / vnd / im Beschluß das Wort Zeug / in Zeng / zu verändern.
Es ligt auch ein Marckt-Fleck dieses Nahmens S. Veit / in der Graffschafft Görtz / vnd ein halbe meil von Wippach.
Ein schöner / vnnd von steinern Häusern wolerbauter Landsfürstlicher Marckt / 5. meilen vnterhalb Grätz / an dem Wasser Rab / vnnd nahend dem Schloß Heymfelden / in Vnter-Steyr / gelegen.
Ein Bischofflich Bambergischer Ort / oder Marcktfleck / von theils ein Stättlein genant / zwischen S. Veit / vnd Villach / vnnd von jeder Statt 3. meilen / in Kärndten gelegen; so ein Ampt hat.
Ein wolbekante / auch im Hertzogthum Kärndten[WS 1] gelegne / vnd dem vorgedachten Bisthum Bamberg zuständige Statt; davon im Text / p. 98. seq.
Anmerkungen (Wikisource)
- ↑ Vorlage: Kärdnten
Matthäus Merian: Topographia Provinciarum Austriacarum. Frankfurter Kunstverein, Frankfurt am Mayn 1679, Seite 451. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Austriacarum_(Merian)_451.jpg&oldid=- (Version vom 1.8.2018)
_451.jpg&oldid=-){kind=link}
_451.jpg&oldid=3396375){kind=link}