Hillebrand, dat myn juncher Syverd my bovel, dat ic ju solde senden 200 cronen. Nu weren neyne bynnen Hamborch to kope und de muntmester de hadde 35 cronen, de dede he my unde de hebbe ic Spyritus gedan demer loper, de sal se ju bryngen und de synt gemerket met dyssen merke 
. Item wart my noch 37 cronen und dar synt mede und dar synt mede 3 Gentsege nobelen und 8 Engelsche nobelen. My enkonde er nicht mer werden op desse tyt. Anders nycht men beydet over my. Ghescreven 8 dage na der hilgen 3 konynge dach 1400 int 9de jar.
Item wart my noch van Werner 4 Gentsche 5 Eyngelsche nobelen 32 cronen und 9 nobelen, dar synt summa tohope over al nobelen und cronen 22 cronen und hundert.
19. Sivert Veckinchusen, Peter Karbow und Heinrich Slyper in Köln an Heinrich op dem Orde und Hildebrand Veckinchusen in Brügge. – 1409 Apr. 14.
- Rev. St.-A. Orig. In dorso von der Hand des Hildebrand Veckinchusen 1409, 17 Aprylle. Adr.: An Hynric op Orde unde Hyldebrand Veckynchusen to Brugge littera detur.
Vrentleke grote vorscreven. Hinrik unde Hildebrant, leve vrende, welt weten, dat wy hir unser selscop sake oversproken unde ok en deel overrekent hebben, Peter unde Hinrik Sliper unde ik, unde ok overdacht hebben, alse hirna gheschreven steet.
Item int eyrste so dunket uns guet na deme dat de gheselscop vorghestaen hevet op 5 deel alse by namen Hinrik op me Orde unde sin broder een deel, Hartwich Krukkuwe unde Mertin Ossenbroughe een deel met, Tideman Brekelvelden unde dat dor deel Peter Karbouwe, dat veyrdel Hannes van Mynden, dat vifte Hildebrant Vockinchusen unde Sivert, elk deel 1000 mark Lub.
Item darna wart inghenomen Hinrik Sliper met 200 marken unde ander junghe ghesellen, elk met en deel geldes unde elk solde winnen na penninktalle. Aldus so hope wy dat dese gheselscop wol de helfte ghewunnen hebbe, wan al guet vorkoft unde scult inkomet, dat wy hopen, dat al seker si, so es der gheselscop hovetguet wol 11000 mark Lub. wert of beter.
Item hirop es unse guetdunken, de wille men de selscop met desem hovetgude nicht ghehantheren en kan, dat mallek van uns utlegghe so vele, dat der gheselscop hovetguet 20 000 mark Lub. si.
Item dat es to vorstane, dat Hinrik op me Orde unde sin broder so vele utlegghen solen, dat se an deser selscop hebben 4000 mark Lub. Item her Mertin Osenbruggen unde Hartwich Krukkouwe unde Tideman Brekelvelde so vele, dat se ok an deser selscop hebben 4000 mark Lub. Item Johannes van Mynde(n) unde Platensclegher, Gronhaghen, dese dre ok 4000 mark Lub. Item Hildebrant unde Sivert Vockinchusen
Briefwechsel Hildebrand Veckinchusen, Seite 23. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_023.jpg&oldid=- (Version vom 31.7.2018)
