Seite:Briefwechsel Hildebrand Veckinchusen 008.jpg

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.
Eine zweite, Sivert Veckinchusen’s Hand ähnliche Schrift derselben letzten Seite besagt: dey vormunder syn her Johan Swager vyckarius in unser leyven vrowen kerken to L—[1] und Hyldebrand Vockinchusen und Zyverd Vockynchusen. Got hebbe dey seyle und …[1] genedych und barmehertych und alle kersten seylen amen.

In nomine domini amen. Ik Lodewych Vockinchuss propst[2] van Godes genade gesunt unde wol torek, bete und schicke dat testament mynes lesten wyllen sunder nascreven wyse.

Int erste bevele ik myne sele in de hande des almetyghen Godes. Int erste ys dat sake, dat unse leyve here Got dat syre by my dot, also dat ik sterve des natuerliken dodes, so keyse ik myne graft to deme op den domes wrythofe, dar ene sal men mynen steyn legen op myen graf. Item ys dat sake dat ik to Lubeke sterve, so geve ik den byscop van Lubeke 16 sl. Lub. nicht anderes; item den heren to unser leyven vrowen to Lubeke 4 marc Lub. und de solen my 1 vigilien nasyngen unde 1 seylemysse; ys dat ik to Lubeke sterve.

Item sal men husarmen geven 2 marc Lub. Item sal myn broder Hildebrant hebben 3 ℔ gr. und dat nye myssebok sal men ok keren in de ere Godes, dar myne broder Hildebrant und Syvert best dunket syn, in ene arme kerke, doch hadde ik dat leyvest to Darpte in myne capellen, de Gobele van der Enepen hevet laten maken in unser leyven vrowen kerken.

Item so geve ik Ryzen myner moddere 6 marc Lub. und Tallen myner modderen 1 marc Lub. Item so geve ic der praoren Ermegart van Pentzen 1 marc Lub.

Item geve ic deme proveste van der Ryghe 1 marc Lub. her Johan van Zost.

Item geve ic mester Hinric (Os[3])senbrugge mynen langen blawen kerle met marten gevodert; myn begeerte ys (da(s) (h[1])ey en selven dregen wille beyvart.

Item geve ic Gotschalt Woste (s[3])ynen broder Johannes 2 nobelen.

Item so sal hebben Johannes Wys– –[3] unde syen broder Evert to Dorpmunde 4 Ryns gulden und 1 svarten reymen met silver (b[4])eslagen met slichten spangen.

Itemsal hebben myn suster Druden sone Johennes Vincken 1 nobelen.

Item so sal heven myn swager her Hinric Scriver mynen swarten kerle met musen vodert eder en ander gud kleyt, dat eme nutte ny to dregene.

Item sal men geven der Medebrekesche, de to Darpte wonede, 14 marc Ryghesch. Dat do ik darumme, wente ic hadde van der Vincken wegen

  1. ↑ a b c Papier ist abgerissen.
  2. ↑ Die Auflösung der Buchstaben war fraglich; könnte auch als prover = Untersucher, Prüfer gelesen werden.
  3. ↑ a b c Das Manuscript ist an dieser Stelle durchlöchert.
  4. ↑ [Fußnote Nr. 4 fehlt]
Empfohlene Zitierweise:
Briefwechsel Hildebrand Veckinchusen, Seite 8. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_008.jpg&oldid=- (Version vom 18.8.2016)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_008.jpg&oldid=2890916“