schaden. Item werd, dat gy quytansyen nicht gud ghenoch wern, dey Hans Greverode by dessen breyve dar sand hebben, so spreket en darvor und scryvet hyr wat quytansyen sey hebben wellen, dey sal hey wol senden, dar moge gy wol gud vorsyn, op dat gy dat gelt krygen mogen.
Item umme dat gelt also 264½ marc, dey wyste ic wol, hedde gy dat opkoft, dat hedde wol betalt worden overlanc. Doet wol und nemet al gelt op, also ic ju wol screven hebbe und ramet des besten al umme. Item ic hebbe Buggener ghelovet, est dat hey dynschedage op den dach darkomet, so sole gy eme eynen Rynschen gulden geven van der Venedyesschen selscop wegen, queme hey ok op den dach nicht dar, so gevet eme neyn gelt, dyt hevet hey my lovet. Slyper scryvet in al synen wyllen, dar na ramet des besten, also gy best kunnen; und wy hebben Peter Karbowen al unsen wyllen screven, also wy best kunnen. Grotet myn suster und alle vrunt vruntlyken und beydet over my. Ghescreven des eyrsten dages na der hyllegen 11 000 megede dage 1410 jar.
42. Sivert Veckinhusen in Köln an Hildebrand Veckinhusen in Brügge. – 1410 Novbr. 1.
- Rev. St.-A. Orig. Adr.: An Hyldebrand Veckynchusen Brugge littera detur. Darunter von H. Veck.’s Hand: 1410, 19 in november 550 Rynsche gulden.
Broderlyke leyve vorcsreven. Wetet dat ic ju bydde, dat gy geven Johan Knechtken 100 gulden Rynsch ofte 33 gr. vor den gulden, dey tyt es op Mertyne und geyt my propper an. Aldus hebbe gy van myner wege betalt 500 gulden, dat es Knechtken tovorn 100 gulden, dey 50 gulden gengen Bockel an; nu Knechtken 100 gulden und Byrckenerss selscop 300 gulden, dyt gelt nemet van den 5 ballen sardok und wellen dey sardok nicht 5½ sl. gr. gelden, so gevet dey umme 5 sl. efte myn und betalt dyt gelt to dancke und scryvet my woevele dese sardoke myn gelden dan gude Oeusborger ossen und lewen. My was leyt, dat ju Slyper myn sardoke nicht en sande. Item scryvet my ok, ofte ju dey 80 ℔ gr. worden syn op dey rechte tyt, also dey breyf utwyset und scryvet my al tydynge und gudduncken und beydet over my. Ghescreven op aller hyllegen dach 1410 jar.
43. Sivert Veckinhusen in Köln an Hildebrand Veckinhusen in Brügge. – 1410 Novbr. 9.
- Rev. St.-A. Orig. Pap. Das Papier ist auf beiden Seiten vollständig beschrieben. Raum für eine Adresse ist nicht vorhanden.
Broderlyke leyve vorscreven. Ic screve ju dey rekenscap tuschen Hans van Mynden und my also hey my dey sulven overscreven hevet,
Briefwechsel Hildebrand Veckinchusen, Seite 56. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_056.jpg&oldid=- (Version vom 31.7.2018)
