Seite:Briefwechsel Hildebrand Veckinchusen 082.jpg

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.
Wilhelm Stieda (Hrsg.): Briefwechsel Hildebrand Veckinchusen

Wy moten uns wol holden to dessen saken bet dan uns wol noet were, dat sal, ef Got wel, noch al gud werden und ic wel des besten ramen.

Item scryvet uns sunder sumen, ofte gy Arnd Wachendorp ok 1 tunne werx kopen kunnen op unse was umme 12 ℔ gr. ofte myn dat gud sy, est des nicht, so mote gy uns dat gelt van den 15 stuocken wasses to Francvord int eyrste van der mysse maken al wat dat kostet. Item ic moet propper hebben 400 gulden in dey mysse dey ic op schaden nomen hebbe, Got geve, dat dat gud van Lubeke vor dey 700 marc met leyve komen mote. Doet wol und sendet Herbborde und Tydemannen eynen besegelden breyf, ic wel ju, ef Got wel, wol schadelos holden. Ic hope ok dat sole to Lubeke bynnen kord gud werden, ic wel, ef Got wel, to Luonenborch op den dach na paschen[1] wesen. Got geve met leyve to leven, so wel ic myn gud wol vry und quyt krygen und moet dat op deme dage gud werden, ef Got wel, Got gevet.


68. Sivert Veckinchusen in Köln an Hildebrand Veckinchusen in Brügge. — 1412 Jan. 16.

Rev. St.-A. Orig. Pap. Adr.: An Hyldebrand Veckynchusen Bruogge littera detur. Darunter von H. Veck.’s Hand: 1412, 22 in jannewario 300 gulden to 34 gr.

Broderlyke leyve vorscreven, ic bydde ju, dat gy geven Bartolmeuos Eppelebes 300 gulden Rynsch, 14 dage na dessen breyve vor elken gulden 34 gr. Dyt gelt moste ic hebben und gevet dat ut van den 15 stucke wasses und woe gy dat over gelt van dem wasse to Francvord overkopen, also wel ic oc dey 300 gulden to Francvord utgeven ofte nemet van eme andern 300 gulden in dey mysse to betalen. Betalt dyt gelt to dancke und latet my den schaden betalen und beydet over my. Ghescreven 10 dage na der hyllegen 3 konynge dach 1412 jar. Ic hebbe dyt gelt van Symon nomen und eme 2 wesselbreyve geven.

Zyverd Vockynchusen, Kolnne.


69. Sivert Veckinchusen in Köln an Hildebrand Veckinchusen in Brügge. — 1412 Jan. 17.

Rev. St.-A. Orig. Adr.: An Hyldebrand Veckynchusen to Brugge littera detur. Darunter von Hild. Veck.’s Hand: 300 Rynsche gulden betalt deme Lumbarde.

Broderlyke leyve vorscreven juwen breyf by Hans van der Marcke hebbe ic wol vornomen. Hyr es nu eyn 1000 werk nicht mer to kope, ic heddes over 14 dage wol 20 tausend to 94 gulden koft op sunte Mychels, dyt es nicht scheyn, dey tyt es gheleden. Item Arnd Wachendorp bydde ju, dat gy eme kopen 4 ofte 5 tausend gudes schons werx met deme gelde dat van den 15 stucke wasses vallen sal und sendet eme dat op syn eventuor,

so sal hey dat gelt utgeven to Francvord vor dat was. Item betalt

  1. ↑ 4. April.
Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 11. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_082.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_082.jpg&oldid=3224437“