|
Wilhelm Stieda (Hrsg.): Briefwechsel Hildebrand Veckinchusen |
|
|
ind hant uns clegelich furbracht ind gezont wie daz die edelen juncher Johan ind juncker Golfrit gebroedere greven van Zegenhagen ind yre gewalt vur ziiden denselven wilne Hinric Sliiper yren man ind broder in yrme lande ind geleyde so as he van wegen sulcher geselschaf as he mit Syfarde Veckinchusen zo haven ind zo hantyren plach ussgeschickt were gefangen ind in yrme gefencknisse gehalden geschat ind afgedrongen haven 1700 Reinsche gulden ayn alsulchen gelt pert ind cleynoide as yem zo den ziiden van yn nyet genoymen ind haven dat gedain uf eynen ertzenbuschof van Coelne uf den noch ouch uf syn gestichte wir noch unser stat ind burgere doch nyet pantbur noch bedeplichtich en syn as daz allis wale kundich ist wilch vurscreven afgeschatte gelt der vurgenante Syfarde uf syn eygen cost ind anxst versorgt ind bestalt ind van yrre gemeyme geselschaft goide zo lastungen des egenanten Hinric Sliipers bezailt ind verricht habe daromb daz he dye vurgenanten greven van Zegenhagen beydesament ind dye stat van Treyse vur des vurgenanten unss gnedigen herren des Roempschen coenynx hofgerichte geladen ind in des heiligen riichs achte bracht habe as wir daz gentzlich verstanden haben also hant dye vurscreven Cathrina Nelle ind Aleyt desselven wilne Hinric Sliipers nyeste erven ind navolger eyndreichtlichen wie sie billigh doin seulden ind beste moechten alle die vurgenante sache vorderonge ind anspraike van der vurgenanten schetzongen ind geschichtz wegen ind so waz cost ind schaden daruff gegangen ist ind so waz reichtz oder deils yn davan in eyncherwyse geburt oder geboeren mach vur uns mit guden vryen willen gantz ind gar gegeven erlaissen ind ufgedragen dem vurgenanten Syfarde Veckinchusen in syne hant ind gewalt ind yn daroever eynen volmechtigen vormunder ind procuratoir gemacht ind ordinyert die vurscrevene clage ind anspraike uff die vurscreven gebroedere die greven van Zegenhaen besampt ind besunder uf dye stat Treyse ind uff alle dyeghene dye daz mit antreffen mach ind der Sachen pflichtich synt vur dem vurgenanten hofgerichte uf yn zo erfolgen urteyl ind reicht davan zo neymen ind zo geven ouch mynne ind vruntschaf mit yn zo dadingen ind anzogayn umb die vurgenante schetzonge heuftgelt gewalt ind alle coste ind schaden die darufgegangen synt qwiitancie van dem untfencknisse zo geben qwiit zo schelden ind zo verzüen ind vurbaz in desen vurscreven sachen zo doin zo laissen ind vurzokeren allis daz sich na reichte ind gewoenden des hofgerichtz vurscreven darzo heischt ind geburt oder sust in mynnen oder gutlicheit zom besten erkant wurde ouch in der selven macht ind gewalt ander vurmonder ind procuratoir in syne stat zo setzen wa oder wie ducke des noit geburde ind so wat der vurscreven Syfart oder syne ersatte substitueirde procuratoir in allen vurscreven sachen in mynnen oder in reichten doende oder laissende werdent daz hant dye vurgenante Cathrina Nelle ind Aleyt var uns bekant ind in guden truwen geloift vaste ind stede zu halden sunder eynche wederreyde ind ayn alle argelist ind dis zo gezuge der wairheyt so han wir unser stede ingesegel ad causas an desen brief doin hangen. Datum anno domini millesimo quadringentesimo decimo quinto ipso die beati Andree apostoli.
: Briefwechsel Hildebrand Veckinchusen. Leipzig: S. Hirzel, 1921, Seite 64. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_135.jpg&oldid=- (Version vom 31.7.2018)
