Seite:Briefwechsel Hildebrand Veckinchusen 138.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

ik ju sy, dat wyl ik ju allewege lever doen met vruntschoppen dan myt rechte. Unde ok so scryve gy wol in juwen breven, dat gy edder myn suster wolden herkomen met uns to sprekende dat dunket my nycht nutte wesen, dat se herqueme, wente dar en is genre wyve dedynge scholt in, wes up uns komet her by unsen vrunden unde by den juwen, wes gude lude kennen konen, dat wyl ik ju allewege lever don myt vruntschoppen dan myt rechte. Dergelyken dot my wedder, darumme en isset geinre wyve dedinge. Latet se dar, wente se is genoch gevoret over de lande. Unde ok so wetet swager, dat gy wol scryven also van som andern punte, dat schole syk hir neghest wol wynden, wans darto kommet. Hebbe ik ju wes ungelykes gescreven, des wyl ik blyven by guden luden unde by myner scryft, dergelyken dot uns wedder unde de hyndernysse, de wy van juwer wegen hebben, der wylle wy unvorsumet wesen; nycht mer uppe desse tyd. Got late ju gesunt to langer tyd an sele unde an lyve unde grotet myne suster seire myt eren kynderen unde alle vrunt. Gescreven by sunte Mattyas dage.

By my Enghelbrecht Wytte.

114. Werner Scherer in Köln an Hildebrand Vechinhusen in Brügge. – 1416 April 23.

Rev. St.-A. Orig. Adr.: An den erberen man Hyllebrant Veckinchusen to Brugge kome desse bref.

Vruntlike grote tovoren an mynen leven vrunt. Hillebrant Veckinchusen wete sole gy, dat wy de 10 laken wol untfangen hebben unde ok dat pack met den packe bomwullen, Got hebbe danck, unde wy wellen des besten ramen in allen saken; unde wy hebben hir ein vat, dar is in by 19 tymmer marten unde ein 1000 werx, dat welle wy ju^o senden net den ersten karren, de van hir vart. Ok so welle wy darto noch 2 fardel senden, wy hedden se jo lange gesant, mer wy einkonden vor der myssen nycht hebben unde ik was to Vranckvort, mer ik einsach nu quader market van allerleyge gude dan dar was, lyck also ju^o ok juwe broder Sivert wol scriven sal unde de hope ik dat van dessen dage hir wesen sal, Got de geve myt leve. Item Hyllebrant so einhebbe wy noch nicht al gedaen myt Hinrick oppem Orde, mer ik hope dat erste dat juwe broder komet, dat es dan ein ende wesen sal, oft Got wel, wente de bruwers de sin nu bet mede to spreken dan se int erste weren, Got de beholde se in den guden sinnen. Ok Hillebrant vraget dor dar, wat dat Stypensche golt dar gelt, op spolen gewonden dat ℔, unde scrivet dat Reiner met den ersten, des einlatet nycht, ik mochte es to Vranckevort hebben gehat wol oppe 1400 gulden, de twe del ein jar to borge unde dat derdendel to der Andorper market to betalen unde ik ein dorfte es nycht eventuren, dat quam darby to ik ein wyste nycht wat it dar golt, mer overme jar doe wonne wy gelt daran. Anders ein wet ik ju^o wat scriven dan ik mene in kort by ju^o to sinde. Unde grotet my myne moder Greten unde juwe dochter Druden unde den boven Renolt Zwarten vruntlyken van myner wegen; unde myn wyve doen ju^o sere groten unde Pasken mede

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 67. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_138.jpg&oldid=- (Version vom 31.7.2018)