Seite:Briefwechsel Hildebrand Veckinchusen 144.jpg

	Wilhelm Stieda (Hrsg.): Briefwechsel Hildebrand Veckinchusen

Broderlyke leyve vorscreven, wetet dat ic ju nicht wares scryven kan van Lubeke, men dey olde rat sal weder inne syn, men woe al dync ghemaket eder vort an staen sal, wan my dat to weten ward, dat wel ic ju dan wol scryven darna mote wy uns dan som rychten. Got geve uns altyt wol to doene und voge al dync to den besten.

Item Hans Losekynch hadde dar noch 1 pak Monstrolsche laken by Tydeman Swartten herward to senden, my wundert, wor dat blyvet, dat sal uns schaden, dat et also lancsam komet. Helppet dat my bescheyt darvan werde myt den eyrsten und ok herward kome und scryvet, wat gy van Lubeke vornemen und al ju duncken.

Item also gy my segeden, dat gy unse rekenscap besegelt lyggen hedden to Brugge, darop sende ic ju ok myn rekenscap, dey ju hadde wyllen to senden vor pynxsten, dat ic doe doch na leyt umme des wyllen ic eyne wyle neynen wyllen to Andorppe to wesen und ic ok nicht meynt hadde, dat gy dar solden komen hebben. Also sende ic ju desse rekenscap noech darna moge gy ju rychten und helppen uns desser sorge to eyme eynde. Grotet al vrunt, myn suster, juwe kynder und Reynolt und Tydeman und beydet over my. Ghescreven 3 dage na sunte Johannes dage mytsommer anno 16.

Zyverd Vockynchusen, Kolnne.

121. Rechenschaftsablegung des Sivert Vechinhusen in seinen eigenen und der Gesellschaft Angelegenheiten. – 1416. Juli 12.

Rev. St.-A. Orig. 1½ Bog. Papier in Quartformat zusammengebogen. Ein halber Bogen trägt die Adresse: Hyldebrand Vekynchusen Brugge detur und ist im übrigen rein geblieben. Die anderen 8 Blätter sind nicht vollständig beschrieben und unpaginiert, so daß für die richtige Reihenfolge nicht volle Sicherheit gewonnen werden konnte. Der Anfang ist gleichbedeutend mit der Rechenschaft vom 2. Juni 1416. (N. 117)

Dyt es myn propper rekenscap.

(1) Int jar 1412 jar 9 dage vor unser leyven vrowen dage lechtmyssen^[1], doe scref my myn broder rekenscap van mynen propper dyngen, also dat hey dar by syk beheylt van myner wegen 63 ℔ 8 sl. gr. Darna untfenc hey van myner wegen op dat nye van wasse, dat ic und Slyper em sanden, to mynen partte 45 ℔ 4 sl. 5½ gr. Item gaf em Boekel van myner wegen vor 50 gulden summa 6 ℔ 17½ sl. Item untfenge gy 24 cronen summe 4 ℔ gr. Item van Wyllem Dalhusen wasse untfangen 8 ℔ 12 sl. 3 gr. Item untfenge gy van lasten blyvendes 7 ℔ 5 sl. gr. Item untfenge gy van Lubecke van wasse und wercke, dat em Tydeman und Herbbord van myner wegen sanden 107 ℔ 16 sl. 3 gr.^[2]. Item untfenge gy van Hoensteyne van myner wegen

---

1. 1416 Januar 24.
2. An dieser Stelle hat H. Veck.’s Hand hinzugefügt: hirvan wedder gan vor myn eventur to mynen parte 4 ℔ gr.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 73. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_144.jpg&oldid=- (Version vom 31.7.2018)