Seite:Briefwechsel Hildebrand Veckinchusen 168.jpg

	Wilhelm Stieda (Hrsg.): Briefwechsel Hildebrand Veckinchusen

Item in schepper Albrecht van Barken 2 stro, darinne 15 stucke, wegen 2½ schippunt 1½ lis℔ 1 mark℔; dat scheppunt steit erstes kopes 52 mark myn 8 scot., to ungelde 20 scot., summa hirvan mit ungelde 134 mark 2 sl.

Item in Albert Ludekessone 1 stucke, weget 27½ lispunt; dat scheppunt steit 52 mark, to ungelde 31 sl, summa hirvan es 71 mark 42 sl.

Item noch in Albert Ludekenssone in myns broder tunne 2000 Lettowessches werkes; dat 1000 steit 47½ mark, to ungelde hirop 26 scot., summa 96 mark 2 scot. Item noch in desser tunne 1 stucke sulvers, weget 7 mark 1 scot., de mark steit 6 mark 10½ scot., summa hirvan es 45 mark 8 scot myn 3 ₰. Noch hebbe gi hir 1 kannephas inne und 1 line umme de tunne.

Item so sende ik ju in Hanneke Troste 12 tunnen 1 mese, hirinne sint 50 sentener libenter koper, de sentener steit erstes kopes 4 mark, to wegen, dregen van elkem sentener 1 sl., vor de tunne 36 sl. to toslan, to scheppen van elkem sentener 1 sl. to scheppe to voren ½ sl., to puntgelde 1 mark, summe des ungeldes 3 mark 9 scot. 1 sl. Summa in al dat dit kopper steit 203 mark 9 scot. 1 sl. Aldus so is de summa in al dat ik ju^e sende to Lubeke wart unde to Flanderen wart in all 784 mark 21 scot. 3 ₰. Item so gaf ik Hanneken Smede 7½ mark 2 scot. Item Hildebrant, so steit my noch ute vele geldes van juwen laken. Item so es my noch Johan Byler schuldich de 241½ mark, de bu^et my werk und kopper darvor to geven, wante hir steit to male ovel gelt to krigen, men ik hedde lever dat rede gelt. Hirumme so moet ik em noch ein luttik stu^enden unde gevet he my dat gelt, so wil ik et ju^e an sulver ofte an wasse to Lubeke wart senden, so ik erste kan. Item de rys es noch unverkoft up 2 vate na, de sint vorkoft an lentelen stenen. Item so hebbe ik darmede gefunden 2 vate, dar es water in gekomen, also dat dar wol by 6 stenen ane vorvolt sin mid alle unde ofte et mer es dor manck, des weit ick nicht. Unde ik sprak mit Smede darumme, wo he et also vorwart were, do segede he my, dat et tusschen Brugge unde Slus gescheen were in de polleyten, dar were vele waters inne gewesen. Item de komel es noch al unvorkoft, der vigen es ok noch by 50 korven unvorkoft, dat es tomale snode gut; de lude willen er nicht kopen.

Item (ik) wil des besten gerne ramen, dat ik kan. Got sy myt ju. Gescreven des anderen vrydages na paschen 1400 int 17 jar.

Gerwin Marschede.

149. Gerwin Marschede in Danzig an Hildebrand Veckinchusen in Lübeck oder in Brügge. – 1417 April 23.

Rev. St-A. Orig. Adr.: An den erbaren man Hildebrand Veckinchu^esen to Lubeke ofte to Bru^egge littera detur. In dorso von der Hand des Empfängers: Int jar 1417, 18 in meye. Ein stucke sulvers woych 7 marc 1 scot., dat woych Hinrik Uzmant myn 7½ esterl. De marc golt 22 sl. gr. Hirop untfanghen 6 ℔ gr., dey untfench Johan dey Galleper. Item 4 stroy wasses; 50 sintener kopers in Troyste, betalt 13 sl. unde dat wynghelt. Item dey 4 stroy wasses sin vorkoft to 52 marc 1 quart, sey woyghen 9 wagen myn

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 97. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_168.jpg&oldid=- (Version vom 31.7.2018)