Seite:Briefwechsel Hildebrand Veckinchusen 171.jpg

	Wilhelm Stieda (Hrsg.): Briefwechsel Hildebrand Veckinchusen

151. Gerwin Marschede in Danzig an Hildebrand Veckinchusen in Brügge. – 1417 April 23.

Rev. St.-A. Orig. Adr.: Dem erbaren manne Hyldebrand Veckinchu^esen to Bru^egge littera detur.

Vru^entlike grote vorgescreven an mynen leven vrent. Hildebrant Veckinchusen weten sole gi, dat ik ju^e sende in Hanneke Troste 12 tunnen 1 mese myt kopper. De schipper sal hebben darvan to vracht 13 schill. gr. Den kinderes gaf ik 2 scot. to winnegelde. Item so hebbe ik et int beste gedan, dat ik ju^e dyt kopper to Flanderen wart sende. Ik woltet hebben geschepet in Peter van Ru^essen to Lunden wart; de wolde hebben 19 schill. unde he wert noch lange nicht reyde.

Item so sende ik ju^e nu^e in Albrecht van Borken 3 stro wasses. Item in Albrecht Ludekenssone 1 stro wasses unde in mynes broder tunne 2000 Lettou^ewessches werkz, dat 1000 stet 47½ mark. Item 1 stu^ecke sulvers, stet 45 mark 8 scot unde wat dyt was unde dink mer stet, dat vinde gi ofte Got wil in anderen breyven wol. Got geve beholden reyse. Item so wil ik ju^e ofte Got wil in kort mer to Lubeke wart senden. My stet noch fu^este gelt ute van juwen laken. Gescreven des anderen vrydages na paschen.

Gerwin Marschede.

152. Tideman Brekelvelde (in Lübeck) an Hildebrand Veckinchusen in Brügge. – 1417 Mai 1.

Rev. St.-A. Orig. Adr.: An Hildebrant Veckinchusen to Brugge littera detur.

Vruntlike grote tovorne screven. Hildebrant, gude vrunt, ju ghelewe to wetene, dat ik den terling scheppede in Gherd Vosse unde de seghelde van hir des dinschedaghes darna alse gy des midwekens van hir reden unde ik hope, dat he wol overkomen sy. Item. Hildebrant, ik hebbe de 32 ℔ grote wol betalt unde Hinrik Seillehorn de screff her enen breff op sunte Marcus dach^[1], dat ik altohant moste utgeven 95½ mark; also screff he my, dat gy eme schuldich weren. Aldus gaff ik de 95½ mark ut op den sulven dach, alse my sin breff quam. Item so hebbe ik Hans Crowel ghegeven 10 mark to hushure, mer dar hevet he mede ju bescheden, dat gy dat ghelt nicht weder hebben en solen, dat gy vor den myst utgeben tovorne unde dat in deme kelner unde op deme bone licht, dat wel he drade enwech laten voren. Hildebrant, dit vorscreven gelt is al betalt unde wy en vornemen noch nicht van Ludeken Detmers, dar ju de 3 scheppunt me^ode wasses solden inne komen. Got geve, dat he mit leve komen mote, wante hir sin vuste scheppe ut der Wisel ghekomen, sint dat gy van hir reden, na Dedeghissen, dat he nicht utkomen en konde, unde ok so en was he nicht alto stark.

Item, Hildebrant, ik hebbe noch by 12 ℔ syden unvorkofft van der

syden, de ik hir hadde alse gy van hir reden. Item alse ik vornomen hebbe,

---

1. 25. April.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 171. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_171.jpg&oldid=- (Version vom 31.7.2018)