Seite:Briefwechsel Hildebrand Veckinchusen 189.jpg

	Wilhelm Stieda (Hrsg.): Briefwechsel Hildebrand Veckinchusen

nemen moten unde wellen dat op my overkopen. Hildebrant, ik en hope nicht, dat gy enich ghelt op my kopen, anders dan to unser beder behoff, off dat enighe syde queme unde gy der guden kop hebben mochten ume gheret ghelt, dat gy dat op my kofften. Alse gy, off Got wel, herkomen, wes wy dan to rade werden, dat wy utnemen, dat vindet sick wol. Ik seghe gerne, dat gy uns guden kop kofften mit dessem reden ghelde, dat ik hir hebbe. Wat uns dan allentel betalt worde, dat wy dat dan deilden, hir weset op vordacht. De vrowen sin uns noch vuste ghelt schuldich.

Item so hevet ju Gerwin Marschede noch 1 stucke sulvers gheweghen, dat hevet to Dantzeke weghen 11½ mark lodich unde 1½ schot; wat dat et hir weghen wel des werde ik ghewar. Item Lodewiich Lozekingh hevet van den Arras mit sick ghenomen 26 unde wel gerne des besten darby ramen. Ok hevet he van den hozen wat mit sick ghenomen, mer my dunket, dat he sick van solken nicht vele mer underwinden en welle. Anders en wet ik ju nicht to scriven dan blivet ghesunt. Ghescreven in vigilia Jacobi apostoli anno 17.

Item her Tideman van deme Nyenlo unde ik wy wellen, off Got wel, en mandaghe mit Greteken eten.

T. B.

171. Gerwin Marschede (in Danzig) an Hildebrand Veckinchusen in Brügge. – 1417 Juli 27.

Rev. St.-A. Orig. Adr.: Dem erbaren manne Hildebrant Veckinchu^esen to Bru^egge littera detur. In dorso von der Hand des Empfängers: 1417, 2 in settember: 137 sintener blyess in Albrecht van Borchem vor 15 langhe van Tynen.

Vruntlike grote vorgescreven an mynen leven vrunt. Hildebrand, weten sole gi juwen breyff hebbe ik wol vorstan alzo umme de 54 ℔ gr., de gi dar untfangen hebben, de ik hir betalen (sal), dar ik doch nein gelt to en hebbe sunder 80 gulden, quemen my nu^e van Breslou^e van den Areschen. Dyt selve gelt hadde ik al reyde en dels bewert unde woldet to Lubeke wart gesant hebben. Nu^e moet ik et hir beholden. Gy scryven my altyt, ik sole de laken myt der hast vorkopen unde sole ju^e was, sulver, schonewerk wedder senden, der laken enbegert neimant umme reyde gelt to kopen. Ik geve se vele leiver umme reyde gelt unde sente ju^ewe dink wedder over, den ik se hir sal halden stan unde slan es op unde to 3 werff ofte 5 werff. Gi scryve my altyt, gi senden my gar gu^ede laken, des en du^enket ander lude nicht, wan ik se en sein late, so en kan ik jo nicht leveryren. Got wet wol, dat ik gerne dar wol by dede, konde ik, ik en wet nicht, wo ik dat gelt betalen sal, dat wet Got. Doch ik hebbet en geseget to geven, ik mot 1 terlink lanc van Tinen geven, wo ik kan, wante dat gelt doch nicht wedder over to gan unde sal ik ju^e jo alle wege myt vorlu^es kopenslagen, dat es my sere leyt. Hirumme so begere ik van ju^e, dat gi es my vordregen, wante ik hebbe dat beste gedan, dat ik konde unde heddet gerne gesein, dat ik ju^e provit geweten hedde unde et en wel jo nergen to wege wart. Gi santen my Kondytsche, ik hebbe

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 118. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_189.jpg&oldid=- (Version vom 31.7.2018)