Seite:Briefwechsel Hildebrand Veckinchusen 232.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

an dessen breyff ghehangen int jaer uns heren dusent virhondert und neghen teyne upten dertienten dach in meye.

209. Hildebrand Veckinchusen in Brügge an seine Frau Margarethe in Lübeck. – 1419 Mai 17.

Rev. St.-A. Orig. Pap. Adr.: An Margrete Veckinchusen to Lubeke lyttera

detur.

Vrentlike grote vorghescreven. Margrete wyf, wete dat ick hebbe schepet to Hamborch 1 tunne, dey sal hebben Tydeman Brekelvelde.

Item so hebbe ick noch dar sant 4 terlinge wandes, dar sint inne in elken terling 25 halve Alstedesche laken also 7 satblau unde 10 swarte, 4 rode, 4 gronne. Aldus es hir inne in dessen 4 terlingen 100 halver laken, elk half laken sal staen, er dat to Lubeke komet, 1 ℔ groten nyes gheldes, dar es 7 marc Lubisch.

Item so es hirto 4 halve Mestrollesche grauweten slachdoke, dey elle stet 16 groten nyes gheldes, dat es wol 7 sl. Lubisch dey Lub. elle by kans.

Item so hebbe ick hir noch mer laken stande, dey ick utscheppen moyt morghen. Hirmede so var wol. Altos gescriven in Brugge des dorden myddewekens vor pinxsten 1419 in Brugge.

Hildebrant Veckinchusen.

Item sende ick noch to Hamborch wort 1 pak, dar es inne 20 halve laken ghekrumpen unde schoren; wat dey stan, dat wyl ick noch wol scryven.

Item so wyl ick myn dynch also sayten, dat ick, ofte God wyl, derwart wyl komen ut den marte to pinxsten, God gheve myt leyve amen. Ick weyt noch nicht, ofte myn broder derwart es edder nicht, God gheve dat hey myt leyve komen moyte.

Item so grote alle vrende; komen unse vrende ut Lyfflande, den doy godlyken. Alle dynne vadders don dy sere groten. Wan desse laken dar komen, so sal Hoyman des besten ramen int to vorkopen.

210. Hildebrant Hoieman aus Lübeck an Hildebrand Veckinchusen in Brügge. – 1419 Mai 20.

Rev. St.-A. Orig. Pap. in 2 gleichlautenden Stücken. Adr.: Dem erbern manne Hildebrant Veckinchusen to Bru^egge littera detur. Darunter von H. V.s Hand: 1419, 8 dage na pinxsten des sal ick geven Wyllem Kalven 30 ℔ groten nyes geldes.

Minen willgen denst to allen tyden, juwe gheleve to wetende, leve Hildebrant Veckinchu^esen, wetet, dat dat uns nen gelt en werd mit alle van Francvord van Philypu^es wegen, men Jacob Molner sal 50 gulden utgeven und Ludeke van Mynden en wil nicht 1 d. utgeven van den 150 gulden, nenerleie wis ok en hebbe wy nen tydinge van Philypus sodder gehat. Hirumme so

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 45. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_232.jpg&oldid=- (Version vom 31.7.2018)