Seite:Briefwechsel Hildebrand Veckinchusen 270.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

vorlone van Kosseline hir 2 mark 8 sl.; ic dede eme to teringe 2 mark unde 4 Rynsche gu^elden, swert, sporen lende ic eme. Do he wedder quam, gaff ic eme wedder to teringe 8 mark 18 sl.; so hadde he to der Memele genommen 1½ mark, to Koningesberge 17 scot; so gaff ic vor en unde vort pert to teringe hir 5 frd., dat pert to beslanne 12 scot. Dat pert gaff ic wedder vor 10 mark. Aldu^es welde summa sin, dat ic utgegeven hebbe by 28 mark 4 scot.

Ane spikerhu^er, wegen, to dregen, ik wolde dat ik ½ mark hedde to bate op elke last boven dat ungelt; ik wolde dat solt gernne overgeven. Ic wet ju^e nu^e nicht mer to scryven den Got sy myt ju^e. Gescreven 5 dage vor pingesten 1400 int 20 jar.

Gerwin Marschede.

245. Gerwin Marschede an Hildebrand Veckinchusen in Brügge. – 1420 Mai 22.

Rev. St.-A. Orig. Adr.: An den erbaren man Hyldebrant

Vockinchusen to Bru^egge littera detur.

Vru^entlike grote vorgescreven. Wetet, Hildebrant, gu^ede vru^ent, dat ic ju^e sende in Walter Berndessone 2 stro wasses, dar es inne 3 stu^ecke wasses. Vortmer so sende ic ju^e to Lubeke wart 2 stro. Desse 4 stro wegen 5 scheppunt, ein cleine mer; dat scheppunt stet erstes kopes 34½ mark. Op ein ander tiit so wel ic ju^e wol bescheyt scryven, ik kansch nu^e nicht doen, men ik dencke ju^e noch mer to Lubeke wart to senden myt den ersten. Got sy myt ju^e. Gescreven des mytweken vor pingesten 1420.

Gerwin Marschede.

Item so sende ic ju^e in Marquart Stu^ebben to Lubeke wart 2 stro wasses.

246. Hildebrand Veckinchusen in Brügge an seine Frau Margarethe in Lübeck. – 1420 Juni 5.

Rev. St.-A. Orig. m. d. Resten des briefschließenden Secrets. Adr.: An Margreten Veckinchusen

to Lubeke lyttera detur.

Vrentlike grote vorghescreven. So wes ick gudes vormach to allen tyden, Greteke, leyve wyf unde Trudeken, dochter, dat ick ju beyden sende 1 pack myt maten beslaghen, dar sint inne 2 secke bomwulle. In den korttesten sacke es 142 punt myn 1 quartyr bomwulle, elk punt stet 3 gr. Summe van den sake es 35 sl. 5 gr.

Item so es in den langhesten sake 120 punt fyner bomwulle van der besten wulle; darvan stet elk punt 4 gr., dat 6 ₰ mer op elk punt, dey wulle moste ghelden 3 sl. Lub., darinne so provet ju beste. Desse wulle sende ick ju op juwer beyder eventur, dey stet tohope 3 ℔ 15 sl. 6 ₰. Myt unghelde sal sey stan tohope an Lub. ghelde by 28 marc Lub. Dyt pack es

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 147. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_270.jpg&oldid=- (Version vom 31.7.2018)