Seite:Briefwechsel Hildebrand Veckinchusen 301.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

Rande abgerissen und die Schrift so stark verblaßt, daß sie auch nach Anwendung eines Erneuerungsmittels nicht völlig leserlich wurde.

Minen vruntliken gruet vorescreven. Wetet Hillebrant Fokenhusen, dat my Gerwyn Marschede nyet me to seggen wylde dan 16 ℔ gr. van den 30 ℔ gr., die gy koften van Johan Osterman to Brugge al so dat ik em vra[ge]de, wo hyt myt den 14 ℔ holden wolde. Hy seyde y en wystes nyet, do seyde ik … wolde des geldes geleyt hebben to sunt Jacob daghe, wolde hy my dat gelt toseggen to betalen, hy en wolde my nyet toseggen, do kofte ik dat gelt weder hover, dar kumpt 2 ℔ gr. to schaden up. Dot wol und latet disse vorscreven 16 ℔ gr. in Vlandren of hyer in Prusen, dat dar gener groteren schade up en kome, worden sy weder hoverkoft, yk kope sy weder hover. Hyerume so dot wol und syt darup vorsyen, dat dyt gelt betalt werde, dar bydde wy ju ume, her Wolter Oldach und … Pieter van den Water. Hyer synt 2 Ypersche gruen laken, die en … elik nyet hebben von 80 mark, dar wyl my sy Gerwin vor geven und ik en willer nyet duerer hebben, dan 70 mark Prus und …

So bleve gy my noch tachter wel 70 mark, liewe Hyllebrant, van dissen bryef eyn antworde myt den ersten dat geyn schade up dyt gelt kome. Got sy myt ju. Gescreven to Danczke int jar 21 8 dage na sunt Johannes dage.

Wolter Holdach, Pieter van den Water.

278. Gerwin Marschede in Danzig an Hildebrand Veckinchusen in Lübeck. – 1421 Juli 2.

Rev. St.-A. Orig. Adr.: An den erbaren man Hildebrant Veckinchu^esen to Lu^ebeke littera detur. In dorso von der Hand des Empfängers: op sunte Jacopes dach 21. Hiernach bestimmt sich das Datum des Briefes. Wenn Veckinchusen in Lübeck den Brief am 28. Juli 1421 erhielt, so ist wohl anzunehmen, daß er am 2. Juli geschrieben und abgesandt wurde.

Vru^entlike grote tovoren an mynen leven vru^ent. Hildebrant Veckeynchu^esen weten sole gi alzo ic ju^e engescreven hebbe alzo van den 30 ℔ gr., de ik hir solde untrychten her Peter van Water, des so wetet, dat ik des geldes nicht en hadde van ju^ewer wegen mede utrychtes, des hebbe ic eme gelovet to geven van den 30 ℔ gr. 16 ℔ gr., so blifft darnach na 14 ℔ gr. unbetalt. Des hevet he de 14 ℔ overgekoft, alzo dat darby 2 ℔ wert to schaden opgan. Vortmer so hadde ic noch 2 Ypersche grone, de heft her Peter to sik nu^e genomen vor 80 mark, gelden se mer, dat sal to ju^ewen provite sin, gelden se ok myn, dat solen gi em togeven, alzo sal eme noch untbreken by 60 mark, de sege he gerne, dat gi de wolden untrychten. Johan Ostermanne ofte wolde gi se hir senden, des wer he ok wol begerende unde ic bydde ju^e myt her Peter, dat gi eme hir ein antworde van scryven wellen, wat ju^ewe wille hirvan es unde wor he syk to vorlaten moge. Vortmer so wetet alzo ik ju^e wol er gescreven, ok so wete gi et wol, dat ik groten schaden genomen hebbe unde dat ic et nicht utreyden en mochte, anders en solde dyt gelt nycht overgegangen

Empfohlene Zitierweise:
Briefwechsel Hildebrand Veckinchusen. Leipzig: S. Hirzel, 1921, Seite 66. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_301.jpg&oldid=- (Version vom 31.7.2018)