|
Wilhelm Stieda (Hrsg.): Briefwechsel Hildebrand Veckinchusen |
|
|
alse wy vorstaen, entfenghen, ynnehelt, dat de hovetbreyff solde vor oghen wesen und worumme gy dat overgheven, des en boven wy nicht erkennen. Hyrumme so doet also, dat gy dar nicht yn en latet vallen, gy en komen selven hyr up dat wy alle sake vort overspreken and eyndighen moeghen bet dan wy ju gescriven kont. Hyrvan beghere wy juwer antworde met den eyrsten. God zy met ju. Gescreven under ingezegel Everd van Megen, des wy beyde hyrto gebrukende zyn up ten 8 dach in julio.
Evert van Meghen.
Hyr was eyne harde conclusio angesat, de na vrende rade wort ume des besten willen achtergelaten.
281. Tideman Brekelvelde (in Lübeck) an Hildebrand Veckinchusen in Köln. – 1421 Juli 10.
- Rev. St.-A. Orig. Adr.: An Hildebrand Veckinchusen to Collen littera detur. In dorso von der Hand des Empfängers: Int jar 1421, 20 in jullejo und darunter: 320 marc 5 sl. 4 ₰ den tymmejan.
Vruntlike grote tovorne screven. Wetet, Hildebrant, gude vrunt, dat ik juwe breve wol vornomen hebbe, den enen ghescreven an Margreten unde an my, den anderen hadde gy unde Hildebrant Suderman an Bertolt Herentey unde an my ghescreven unde alse gy bede an Bertolt Herentey unde an my ghescreven hebben, dat wy dat ghelt al overmaken solen to Brugge wart (under den kopman[1]), dat uns Gobelinus Marten hir gheantwort hevet. Hirop so wetet, Hildebrant, dat wy overghekofft hebben 200 ℔ grote, de hebbe wy ghescreven to entfanc gy unde Hildebrant Suderman, Johan Kovolt unde Evert van Meghen. Aldus seghede gy my ok, do gy hir weren. Item so hevet my Enghelbrecht Veckinchusen, juwe vedder, hir enen breff ghesant, dar de kopman inne tughet, dat gy Enghelberte mit vryen willen vor deme kopmanne opghelaten hebben van juwen partte alse van deme ersten ghelde, dat dar inkomen sal van deme Romeschen koninge 50 ℔ grote. Aldus so hebbe wy Enghelberte overwesselt 50 ℔ grote alse van juwen partte. Dit hebbe ik ju to Brugge wart ghescreven in dubbelten breven unde ik en hedde nicht ghehopet na deme alse gy hir segheden, dat gy to Collen wesen wolden. Item, Hildebrant, so wetet, dat Hinrik Kule, Herman Wulff unde Herman Derssow to Bertolt Herentey unde to my quemen, alse se vornemen, dat wy dat ghelt entfanghen hadden unde weren van uns begherende, dat wy van juwen partte alse van deme ghelde underholden solden to des Lubeschen derdendel behoff 60 ℔ grote. Des weren se hoch van uns begherende unde meinden, weret dat wy des nicht don en wolden, so wolden se under uns so vele bekummeren. Hildebrant, ik hadde tovorne to her Hinrik Rapesulver ghewest unde hadde al dat ghelt leyden laten. Hirume so en wolde wy en nein ja wort segghen unde segheden slecht,
- ↑ Das Eingeklammerte ist nachträglich eingeschoben.
Briefwechsel Hildebrand Veckinchusen. Leipzig: S. Hirzel, 1921, Seite 69. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_304.jpg&oldid=- (Version vom 31.7.2018)
