1218. (1219.) December 28. Die Aebtissin Adelheid II von Gernrode bezeugt den Verkauf von vier Hufen Landes und elf Hofstätten zu Leverikesdorf an das Kloster Marienthal seitens ihres Ministerialen Bertram von Egeln.
In nomine sancte et individue trinitatis Adhelheydis divina miseratione abbatissa in Gerenroht omnibus Christi fidelibus in perpetuum. Quoniam generatio preterit et generatio advenit et fluentium temporum vicissitudo facta hominum plerumque permutat, nos contractum quendam coram nobis rationabiliter ac legitime celebratum litteris perpetuare duximus necessarium. Eapropter noverit tam presentium quam futurorum Christi fidelium universitas, quod quidam ministerialis ecclesie nostre nomine Bertrammus de Egelem quatuor mansos cum areis xj sitos in villa Leverikestorp fratribus Vallis sancte Marie pro convenienti pecunia vendidit, quos liberos ab omni iure advocatie ac comitie, litonum etiam ac rusticorum coram nobis assignavit eisdem, accedente favore nostro ac bona voluntate, legitimorum etiam heredum suorum compromissione. Ne cui autem veniat in dubium de nostro consensu ac legitimo contractu, paginam hanc bulle nostre auctoritate sororum quoque ac ministerialium nostrorum roboravimus testimonio, quorum ista sunt nomina : Gisla preposita, Beatrix decana, Osbern custos, Jutta de Wardenberc capellana nostra, Gertrudis de Crozuc; Bertrammus custos, Henricus filius Hartungi capellanus noster, Fridericus dapifer, Johannes de Vrose, Conradus pincerna, Thidericus de Plezenze, Thidericus dapifer noster, Arnoldus de Gerenrode.
Datum vo Kalendas Januarii, anno dominice incarnationis mo.cco.ixxo, indictione vjta, epacta xxijta, concurrente vijo, anno iijo domni Honorii pape, regnante feliciter Romanorum et Sicilie rege domno illustrissimo Friderico. Amen.
1218. Erzbischof Albrecht II von Magdeburg bestätigt den Kauf der Vogtei über 14 Hufen Landes, darunter 7½ Hufen zu Mühlingen, seitens des Propstes Wichmann vom Marienkloster in Magdeburg.
In nomine sancte et individue trinitatis Albertus Dei gratia sancte Magdeburgensis ecclesie archiepiscopus. Ea, que ad ecclesiarum nostrarum utilitatem et commodum provide et rationabiliter ordinantur, tam solida volumus consistere firmitate, ut nec prolapsu temporis aut defectu memorie hominum labilis presumptionibus malignorum valeant subiacere. Proinde notum esse volumus Christi fidelibus hanc paginam inspecturis, quod dilectus in Christo filius Wichmannus, prepositus beate Marie Magdeburgensis, de nostro beneplacito et assensu ad ecclesie sue utilitatem et usum liberavit per subscripte pecunie quantitatem a nobili viro Burchardo burchgravio Magdeburgensi advocatiam
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 28. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_028.jpg&oldid=- (Version vom 31.7.2018)
