Seite:DE CDA 2 109.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Otto von Heinemann (Hrsg.): Codex diplomaticus Anhaltinus. Band 2.

Hoc autem factum est anno gratie m^o.cc^o.xxxvij^o, anno ordinationis nostre primo. Ut autem hec confirmatio rata permaneat et inconvulsa, ad veritatis evidentiam hanc paginam testimonialem cum sigilli nostri appensione dignum decrevimus et necessarium communiri.

Aus dem Original im Stadtarchive zu Aschersleben. - 1. Orig. nur: L.

135.

1237. Magdeburg. Herzog Albrecht I von Sachsen überweiset dem Frauenkloster Plötzke fünf ihm von seinem Truchsess Dietrich sowie von Johann und Heinrich von Richow aufgelassene Hufen Landes zu Sibbesdorf.

In nomine sancte et individue trinitatis Albertus Dei gratia dux Saxonie omnibus hanc literam inspicientibus salutem in Domino. Quoniam terrenorum acta menti facilius elabuntur, nisi scripturarum tenore memorie recondantur, necesse est, ut ea, que perpetuo debent rationabiliter observari, in formam scripti redigantur, ut per hanc pateat tam presentibus quam futuris rei eventus pariter et processus. Noverint igitur universi, quod Thidericus dapifer noster, Johannes de Richowe et Henricus frater suus quinque mansos in villa Sebornestorp sitos, que ad proprietatem eorundem pertinebant, resignantes tradiderunt nobis ad manus venerabilis abbatisse et totius conventus beate Marie Magdalene in Plozke cum omni iure et servitio tam in villa quam in agris attinente, sub eadem igitur forma, qua mansos iam dictos in nostra accepimus potestate, quod eosdem videlicet ecclesie prenotate traderemus. Ipsa quoque potestate fruentes mansos sepe dictos cum omnibus appendiciis tam in villa quam in agris, sicut diximus, ecclesie permittimus et donamus, scrinio beate Marie Magdalene nostris manibus imponentes. Ut autem hec donatio rata, firma et incommutabilis perseveret, presentem paginam sigilli nostri munimine duximus roborandam. Huius rei testes sunt: nobiles et fideles nostri Gunzelinus comes de Zverin, Thidericus et Olricus de Witin; ministeriales nostri Henricus de Gatersleve, Thidericus de Ztene, Bodo de Snetlingen, Henricus de Richowe, Wipertus Rabil, Wedego et Reinardus de Gline fratres, Wedego de Tselingen, Thidericus et Eggehardus de Cocstede fratres, Bertrammus pincerna, Gerardus de Panekowe, Wedego de Torgowe, Olricus de Kune, Burchardus de Zvegen, Conradus de Trocin, Fridericus dictus Croge, Bruno de Fischersleve, Cono de Rovelt, Thidericus de Burowe, Egeno, Heidenricus marscalcus noster, Otto magister coquine, Albertus de Chlote, Reinwardus et Johannes cives Magdeburgenses.

Actum Magdeburg, anno Domini m^o.cc^o.xxxvij^o, regnante Friderico ij imperatore, Wilbrando Magdeburgensi archiepiscopo, Gernando Brandenburgensi episcopo.

Aus dem Copialbuche des Klosters Plötzke in der gräfl. Stolbergischen Bibliothek zu Wernigerode, verbessert ex schedis Schoettgenianis im Hauptstaatsarchive zu Dresden (nach dem dort befindlichen Orig.).

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 109. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_109.jpg&oldid=- (Version vom 31.7.2018)