1241. (Januar-September.) Walbeck. Graf Walter von Arnstein verkauft drei Hufen Landes zu Klein-Wiederstedt an das Hospital zu Hettstedt.
Waltherus Dei gratia comes de Arnensten omnibus hoc scriptum inspecturis in perpetuum. Ea, que rationabiliter statuuntur, et ideo scripturarum testimonio roborantur, ne diductu temporis a memoria lapsa mortalium litibus parent et novas suscitent questiones. Ideoque notum esse volumus universis tam presentis quam futuri temporis Christi fidelibus, quod nos hospitali beate Marie et beati Gingolfi martiris in Hetstide tres mansos proprietatis nostre sitos in parvo Wederstide vendentes cum omni utilitate et proventu eosdem Deo et Sanctis hospitalis iam dicti cum consensu fratris nostri Alberti resignando contulimus liberiate perpetua possidendos. Huius rei testes sunt: Heidenricus prepositus de Walbike, Heinricus de Rogese, Heinricus plebanus de Welpesleve, Albero plebanus de Arnenstide, frater Theodericus de Hetstide, et laici Alwardus, Heinricus Thuringus, Theodericus de Juterboc, Daniel de Asmersleve et Gerardus Vulpes milites de Arnenstein, Guntherus de Arnenstide, Johannes de Quenstide, et alii quam plures.
Acta sunt hec anno dominice incarnationis mo.cco.xlj, indictione quarta decima. Ut autem hoc factum nostrum ratum maneat et inviolatum iugiter perseveret, ad veritatis evidentiam hanc paginam sigilli nostri impressione fecimus annotari et firmiter communiri. Datum Walbike.
1241. Die Aebtissin Gertrud von Quedlinburg verkauft dem Landgrafen Heinrich von Thüringen die Quedlinburger Güter in der Duderstädter Mark, um mit dem dafür gelösten Gelde andere Güter, darunter auch solche in Rieder und Hoim, zu erwerben.
In nomine Domini amen. Gertrudis Dei gratia Quidelingeburgensis ecclesie abbatissa omnibus in perpetuum. Cum propter statum incertum conditionis humane super rebus gestis dubie questionis facile scrupulus oriatur et semper suspecta de malignandi vitio futura posteritas habeatur, necessarium et dignum existit, ut eorum, qui rationabiliter et utiliter ordinata pervertere moliuntur, reprehensioni temerarie scriptis et testibus occurratur. Sane cum tam nos quam abbatisse precedentes complures in bonis suis in marchia Duderstadensi nostre pertinentibus abbatie adeo graves et intolerabiles sustineremus iniurias tam in reddituum nostrorum defectu quam etiam in alio iure
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 122. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_122.jpg&oldid=- (Version vom 31.7.2018)
