1246. December 19. Lyon. Papst Innocenz IV ertheilt allen Förderern der Minoritenbrüder in Schwaben und Sachsen, auch im Fürstenthume Anhalt, einen vierzigtägigen Ablass.
Innocentius episcopus, servus servorum Dei, universis Christi fidelibus presentes litteras inspecturis salutem et apostolicam benedictionem. Quoniam, ut ait apostolus1, omnes stabimus ante tribunal Christi recepturi, prout in corpore gessimus, sive bonum fuerit sive malum, oportet nos diem messionis extreme misericordie operibus prevenire ac eternorum intuitu seminare in terris, quod reddente Domino cum moltiplicato fructu recolligere debeamus in celis, firmam spem fiduciamque tenentes, quoniam qui parce seminat, parce et metet, et qui seminat in benedictionibus, de bedictionibus et metet vitam eternam. Sane dilecti filii ministri et fratres ordinis fratrum minorum Alamannie et Saxonie ibidem, sicut accepimus, ecclesias cum aliis edeficiis suis usibus oportunis ceperunt construere, in qua divinis possint laudibus deservire. Cum itaque pro huiusmodi edeficiis consumandis ac etiam pro sustentatione arte vite ipsorum indigeant fidelium iuvari subsidiis, qui propter Christum extreme ferunt sarcinam paupertatis, universitatem vestram rogamus et hortamur in Domino in remissionem vobis peccaminum iniungentes, quatinus eis pias elemosinas et grata caritatis subsidia erogetis, ut per subventionem vestram edificia huiusmodi consumari valeant et alias eorum indigentie provideri ac vos per hec et alia bona, que Domino inspirante feceritis, ad eterne possitis felicitatis gaudia pervenire. Nos enim de omnipotentis Dei misericordia et beatorum Petri et Pauli, apostolorum eius, auctoritate confisi omnibus vere penitentibus et confessis, qui eisdem pro dictis consumandis edificiis vel pro ipsorum necessitatibus relevandis manum porrexerint adiutricem, quadraginta dies de iniuncta sibi penitentia misericorditer relaxamus.
Datum Lugduni, xiiij Kalendas Januarum, pontificatus nostri anno quarto.
1246. Nienburg. Abt Gebhard von Nienburg verkauft an den Propst Richard von Hagenrode eine Hufe Landes zu[WS 1] Rodensleben.
In nomine Domini Gevehardus Dei gratia Nienburgensis abbas universis Christi fidelibus hanc paginam visuris eternam in Domino karitatem. Ea, que ad utilitatem et commodum ecclesiarum provide disponuntur, scripture decet testimonio commendari, ut ad posteritatis noticiam fide transeant oculata. Noveritis igitur universi, quod, cum curia nostra in Asmersleve quibusdam debitis, que dilationem non caperent, graviter premeretur et via solutionis non posset alia inveniri, quin unum mansum ecclesie ibidem
Anmerkungen (Wikisource)
- ↑ Vorlage: zn
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 135. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_135.jpg&oldid=- (Version vom 30.4.2018)
