roboratum. Huius facti testes sunt: capitulum ecclesie beate Marie virginis; miles
Theodericus de Anvorde, Johannes Hircus, Jordanus villicus, milites dominus Florin de
Osterendorp, Dragebode, Conradus de Besenrode.
Datum anno incarnationis Domini mo.cco. quinquagesimo sexto, quarto decimo Kalendas Septembris.
1256. August 28. Anagni. Papst Alexander IV erlässt einen Schutzbrief für die Minderbrüder, auch im Fürstenthume Anhalt.
Alexander episcopus, servus servorum Dei, dilectis filiis …1 generali et provincialibus ministris ac aliis fratribus ordinis fratrum minorum salutem et apostolicam benedictionem. Nimis iniqua vicissitudine largitori bonorum omnium respondetur, dum hii, qui de Christi patrimonio impinguati luxuriant dampnabiliter in eodem, Christum patenter in famulis suis persequi non verentur, ac si factus sit impotens Dominus ultionum. Cum enim abnegantes salubriter vosmet ipsos elegeritis in altissima paupertate Christo pauperi ad placitum famulari tamquam nichil habentes et omnia possidentes, non desunt plerique tam ecclesiarum prelati quam alii, qui ceca cupiditate traducti proprie aviditati subtrahi reputantes, quicquid vobis fidelium pietas elargitur, quietem vestram multipliciter inquietant, contra vos molestiarum occasiones varias exquirentes. Volunt namque, etsi non omnes, vobis invitis vestras confessiones audire ac vobis iniungere penitentias et eucharistiam exhibere nec volunt, ut corpus Christi in vestris oratoriis reservetur, et fratres vestros defunctos apud suas ecclesias sepeliri compellunt et illorum exequias celebrari et, si quis decedentium fratrum alibi quam in ecclesiis suis eligit sepulturam, funus prius ad ecclesias suas deferri cogunt, ut oblatio suis usibus cedat, nec sustinentes vos habere campanam vel cimiterium benedictum, certis tantum temporibus permittunt vos celebrare divina. Volunt etiam in domibus vestris certum numerum fratrum sacerdotum, clericorum et laicorum necnon cereorum, lampadarum et ornamentorum pro sua voluntate taxare ac residuum cereorum et candelarum a vobis exigunt in toto vel in parte, quando in vestris ecclesius apponuntur, nec permittunt, ut novi sacerdotes vestri alibi quam in ecclesiis suis celebrent primas missas, vos nichilominus compellentes, ut in cotidianis missis, quas in vestris locis et altaribus celebratis, oblationes ad opus eorum recipiatis et etiam conservetis. Quicquid etiam vobis, dum celebratis missarum sollempnia intra domorum vestrarum ambitum, pia fidelium devotione donatur, a vobis extorqueri oblationis nomine contendentes, quod vobis tam in ornamentis altaris quam in luminaribus, ecclesiarum fabricis, libris et aliis necessitatibus vestris absolute confertur vel in ultima voluntate legatur, in parte vel in toto vendicant iuri suo cogendo vos ad sinodos suas vel convocationes accedere ac suis constitutionibus subiacere. Nec hiis contenti capitula, scrutinia et inquisitiones in locis vestris seu alibi de vobis facturos se comminantur, fidelitatem iuramento firmatam a vestris ministris,
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 168. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_168.jpg&oldid=- (Version vom 31.7.2018)
