Seite:DE CDA 2 244.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Otto von Heinemann (Hrsg.): Codex diplomaticus Anhaltinus. Band 2.

Bennenstede cum quinque marcis castrensis feudi, curiam in Hedersleve cum hiis bonis: in eadem villa habet dominus Hinricus Scot sex mansos proprietatis, Alexander pincerna sex mansos, --- dominus Rodolfus de Vrekenleve habet dimidium mansum, --- dominus Heynemannus dapifer de Alsleve habet tres mansos, dominus Olricus marscalcus de Ascharia unum mansum, decem prata in Hedersleve, que conputantur annuatim pro sex marcis, vineam Rumpene, que omnibus abductis conputatur quolibet anno pro viginti plaustris, quotlibet plaustrum solvens tres marcas. Ista bona superius nominata damus venerabili domino nostro Volrado Halberstadensi episcopo et sue ecclesie ---

Acta sunt hec anno Domini m^o.cc.lxvij, in octava sancti Bartholomei apostoli.

Aus dem Copialbuche des Domstiftes zu Halberstadt im Besitz des dortigen Domgymnasiums.

335.

1267. September 1. Die Aebte Gebhard von Nienburg, Ludwig von Reinhardsbrunn und Werner von Gerode fordern zur Unterstützung des wegen Alters baufällig gewordenen Klosters Sagenrode auf.

Nos Dei gratia Gevehardus de Niemburg, Ludowicus de Reinheresburnen et Werenherus de Gerot monasteriorum abbates, ordinis sancti Benedicti, rectores capitulorum a sede apostolica delegati, omnibus Christi fidelibus presentes litteras inspecturis salutem in eo, qui omnium vera salus. Quoniam, ut ait apostolus¹, omnes stabimus ante tribunal Christi recepturi, prout in corpore gessimus, sive bonum fuerit sive malum, oportet nos diem messionis extreme misericordie operibus prevenire ac eternorum intuitu seminare in terris, quod reddente Domino cum multiplicato fructu recolligere debeamus in celis firmam spem fiduciamque retenentes, quoniam qui parce seminat, parce et metet, et qui seminat in benedictionibus, de benedictionibus metet et vitam eternam. Cum igitur dilecti nobis in Christo prepositus et conventus monasterii in Hagononroht, ordinis sancti Benedicti, Halberstadensis diocesis, sua nobis insinuatione monstrarunt, quod officine monasterii ipsorum prenimia vetustate sint collapse et ad reparationem earundem eisdem proprie non suppetant facultates, universitatem vestram rogamus, monemus et hortamur in Domino et in remissionem vobis peccaminum iniungentes, quatenus de bonis vobis a Deo collatis pias elemosinas et grata eis ad hoc caritatis subsidia erogetis, ut per subventionem vestram opus inceptum valeat consummari et vos per hec et alia bona, que Domino inspirante feceritis, ad eterne possitis felicitatis gaudia pervenire. Nos enim de omnipotentis Dei gratia et auctoritate nostri ordinis generalis capituli hoc anno apud Herbipolim celebrati omnibus Christi fidelibus, qui ad hoc opus manum porrexerint adiutricem, damus fraternitatem in centum quinquaginta monasteriis nostri ordinis et ipsos reddimus participes omnium orationum, vigiliarum, elemosinarum et omnium operum caritatis, que fiunt in monasteriis memoratis. Datum anno m^o.cc.lx^o.vij, Kalendis Septembris, presentibus usque ad consummationem operis valituris.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 244. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_244.jpg&oldid=- (Version vom 31.7.2018)