Seite:DE CDA 2 258.jpg

	Otto von Heinemann (Hrsg.): Codex diplomaticus Anhaltinus. Band 2.

quinque mansos et amplius, monasterio sancte Marie apud Aschariam, ubi se sanctimoniales ordinis Cisterciensis ad vacandum Deo divinis obsequiis manciparunt, liberaliter contulimus, ipsum super altare eiusdem gloriose virginis manualiter offerentes cum omni iure, quo ad nos dinoscebatur pertinere, titulo proprietatis quiete ac pacifice perpetuo possidendum, pro eo videlicet, quod tam antecessorum nostrorum quam successorum necnon et nostra memoria apud idem monasterium in perpetuum devotius recolatur et nos per hec et alia caritatis opera, que Domino inspirante fecerimus, peccatorum veniam consequentes in die iuste retributionis non cum hedis a sinistris sed a dextris cum ovibus collocemur¹. Huius nostre donationis testes sunt: illustris et dilectus noster awunculus dominus Albertus dux de Bruneswic et milites nostri Johannes maior de Monte, Olricus marscalcus de Ascharia, Theodericus de Ascharia ultra aquam, Stumpones de Ascharia Theodericus et Alexander fratres, et alii complures. Ne autem super hac nostra libera donatione aliquis in posterum dubietatis scrupulus oriatur seu suadente diabolo cuiusquam versucia infirmetur, presens scriptum inde confectum awunculi nostri prelibati ducis Bruneswicensis ac nostro sigillis duximus muniendum. Datum Ascharie, anno Domini m^o.cc^o.lxviij^o.

Aus dem Original im Staatsarchive zu Magdeburg: angehängt sind an roth-, grün- und gelbseidenen Fäden das Siegel des Herzogs Albrecht von Braunschweig und an gelb- und rothseidenen Fäden das Siegel der Aussteller (Taf. II. 1), beide verletzt - 1. Matth. 25. 33.

353.

1268. Die Herzöge Johann I und Albrecht II von Sachsen überweisen dem Frauenkloster Plötzke vier Hufen Landes zu Berwitz.

In nomine patris et sancte individue trinitatis Johannes et Albertus Dei gratia duces Saxonie, Angarie et Westvalie universis, ad quos presens scriptum devenerit, salutem in Domino salutarem. Ne res geste mortalium¹ future posteritati oblivionem ingerant, necesse est, ut in scripta publica redigantur. Noverint igitur tam presentes quam futuri, quod nos de maturo consilio claustro dominarum in Plötzke damus proprietatem quatuor mansorum in villa Bervicz cum omni iure, sicut noster fidelis miles Heinricus de Coxstede a nobis bone memorie possidebat, qui dictos mansos pro salute ipsius anime deputavit claustro memorato in perpetuum possidendos. Ut autem ipsius assignatio et titulus nostre donationis rationabilis perseveret, presentem paginam nostro sigillo roboratam in eiusdem testimonium dicto loco iussimus presentari.

Acta sunt hec anno m^o.cc^o.lxviij, presentibus² Conrado de Cotene, Wedegone de Gatersleve, Eberhardo de Warmestorp meo pincerna, Annone de Sidau, Gerhardo de Wederden, Gunthero de Wederden.

Aus dem Copialbuche des Klosters Plötzke in der Gräfl. Stolbergischen Bibliothek zu Wernigerode. - 1. Mspt: nobilium. - 2. Fehlt im Mspt.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 258. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_258.jpg&oldid=- (Version vom 31.7.2018)