Seite:DE CDA 2 286.jpg

	Otto von Heinemann (Hrsg.): Codex diplomaticus Anhaltinus. Band 2.

Meringe situm domina de Drondorp a nobis ac heredibus nostris comparaverat, quem ipsa monasterio et conventui in Meringe contulit propter Deum de nostro ac heredum nostrorum beneplacito et consensu. In cuius rei testimonium presens scriptum sigilli nostri munimine duximus roborandum.

Datum Meringe, anno Domini m^o.cc^o.lxxj^o, in die xj milium virginum.

Aus dem Original im Haus- und Staatsarchive zu Zerbst, mit dem an einem Pergamentbande anhängenden Siegel des Ausstellers (Erath cod. dipl. Quedl. Taf. XXVII. 8). - 1. Orig. nur: H.

397.

1271. December 2. Halberstadt. Bischof Volrad von Halberstadt schlichtet einen Streit zwischen dem Dompropst Hermann und dem Dompförtner Hermann auch in Bezug auf eine Hufe Landes zu Ströbeck, von welcher der Archidiaconus von Aschersleben 25 Schilling an den Domchor zu entrichten hat.

Volradus Dei gratia Halberstadensis ecclesie episcopus omnibus, quibus hoc scriptum videre contigerit vel audire, salutem in Domino. Ne sopite controversie reviviscant et morbum paciantur questiones abolite recidivum, recognoscimus et protestamur publice in hiis scriptis, quod, cum inter dominum Hermannum ecclesie nostre prepositum et Hermannum eiusdem ecclesie nostre portenarium questio verteretur super quatuor marcarum redditibus, quas idem portenarius beneficio porte cum quibusdam bonis aliis a capitulo nostro dicebat asscriptas in restaurum quorundam reddituum quondam ex ipsa porta pro necessitate nostre ecclesie venditorum, nos ab unoquoque ecclesie nostre canonico sub virtute obedientie veritate super hiis singulariter requisita ac habito consilio super dictis ac testimoniis singulorum sentenciando protulimus et questionem sopivimus in hunc modum, quod prefate quatuor marce ad preposituram redire deberent, sed officium Kalendarum in Dingelstede post mortem ipsius prepositi ad porte officium perpetualiter pertinebit, mansus autem in Bossenleve, qui ad preposituram eiusdem ecclesie pertinebat, et mansus in Strobeke, pro quo archidyaconus in Aschersleve ad habendam memoriam domini Conradi de Vroborch in die sancti Egidii in chorum viginti quinque solidos annis singulis presentabit, et ferto et dimidius in Drubeke, qui ad archidyaconatum in Uttesleve pertinebant, ad prememoratum porte officium sine contradictione qualibet et diminucione ex nostra sententia perpetuo remanebunt. Acta sunt hec Halberstat, in nostro capitulo generali, presentibus Hermanno preposito, Wickero decano, Wedekindo, Henrico de Drondorp, Bertoldo de Clettenberch, Christiano scolastico, Hermanno Hodone, Gunthero vicedomino, Ludolfo de Dalem, Henrico de Coldiz, Heydenrico de Scartfelt, Conrado de Swanebeke, Ghevehardo cellerario, Conrado de Dorstat, Rodolfo de Gatersleve, Theoderico de Amvorde, Reynardo de Cranecfelt, Heydenrico de Querenvorde ecclesie nostre canonicis, anno Domini m^o.cc^o.lxxj, quarto Nonas Decembris.

Aus dem Halberstädter Copialbuche im Besitz des dortigen Domgymnasiums.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 286. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_286.jpg&oldid=- (Version vom 31.7.2018)