Bodone et Theoderico fratribus de Turgowe, Heinemanno de Landesberc, Heinone de
Zporne militibus, et aliis quam pluribus fide dignis.
1276. Juli 8. Magdeburg. Vertrag zwischen dem Erzbischofe Konrad II von Magdeburg und den Herzögen Johann I und Albrecht II von Sachsen über die gegen Uebernahme der Schulden der letzteren geschehene Abtretung der Stadt Stassfurt, des Schlosses Gloworp, der Stadt Aken, sowie der Vogteien über die Klöster Neuwerk und Gottesgnade, endlich über Richow, an ersteren.
Inter venerabilem dominum Conradum sancte Magdeburgensis ecclesie archiepiscopum et illustres principes Johannem et Albertum duces Saxonie tractatus subsequens intervenit. Quia dominus Conradus Magdeburgensis archiepiscopus intravit debita ducum usque ad summam sex millium marcharum et eorum factus est tam apud christianos creditores quam Iudeos etiam fideiussor, ipsi domini duces proprietatem oppidi Stasvorde cum omnibus suis utilitatibus, cum ipsa munitione, cum centum et quinquaginta marcis argenti in annuis reditibns liberis, cum omnibus bonis infeodatis aliis, cum molendinis, pratis, pascuis, aquis, aquarum decursibus, piscationibus, cum omnibus suis pertinentiis cultis et incultis venerabili domino Conrado archiepiscopo ac sue Magdeburgensi ecclesie donaverunt. Ad hec castrum Gloworp et civitatem Aken cum centum marcis liberis in reditibus annuis cum aliis bonis infeodatis omnibus, cum omni iurisdictione ac iure, sive ius temporale sit sive spirituale vel annexum fuerit spirituali, et cum omnibus attinentiis ad predicta, insuper monete et thelonei officia in Stasvorde apud serenissimum dominum Rodolphum regem Romanorum procurabunt in iustum transmitti feodum domino Conrado archiepiscopo Magdeburgensi suisque successoribus usque ad festum beati Mychaelis, alioquin extunc in festo Martini alter ducum intrabit Magdeburg ad iacendum cum suis militibus infra scriptis: Bůrchardo burchravio quondam Magdeburgensi, Tiderico de Tilberch, Conrado de Cotene, Conrado de Ostrouwe, Wedegone de Gatersleve, Wedegone de Richouwe, Annone de Sidouwe, Ulrico de Amendorp, Rodolpho de Jerchouwe, Conrado de Coxstede, Bartholomeo pincerna et Tyderico de Hekelinge, nec exibunt, donec transmissionem feodorum talium a domino rege Romanorum sepe dicte Magdeburgensi ecclesie poterunt promovere. Preterea advocacias monasteriorum Novi Operis et de Gratia Dei necnon advocatiam in Richouwe cum venationibus et cum omnibus suis pertinentiis eidem domino Conrado archiepiscopo nomine Magdeburgensis ecclesie dimiserunt renuntiantes omnis beneficio iuris tam canonici quam civilis, quod ex nunc in bonis istis et prioribus competebat dictis ducibus vel competere poterit in futurum, hoc pacto: si dicti domini duces a festo beati Jacobi nunc venturo ad annum dominum archiepiscopum ac suam ecclesiam ab onere fideiussionis huiusmodi absolverint, ipsi ad se recipient bona sua cum suis munitionibus, que et quas sine difficultate qualibet archiepiscopus et Magdeburgense capitulum restituere debeat eis, sin autem extunc statim elapso festo sancti Jacobi munitiones cum bonis attinentibus et cum advocaciis superius nominatis apud dominum Magdeburgensem
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 349. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_349.jpg&oldid=- (Version vom 17.5.2021)
