1284. Juli 2. Abt Hermann von Nienburg und der dortige Klosterconvent verkaufen dem Stifte S. Nicolai zu Magdeburg vier Hufen Landes mit einer Wiese und einigen Hofstätten in dem wüsten Dorfe Polne.
In nomine Domini amen. Hermannus Dei gratia abbas, Theodericus prior totusque conventus monasterii in Nienburch omnibus has litteras inspecturis in perpetuum. Noverint universi, quod nos de communi et unanimi consensu nostri capituli et iconimi1 nostri, honorabilis viri prepositi Hinrici sancti Wiperti in Nyenburch dicti de Gronenberch, vendidimus2 et tradidimus ecclesie sancti Nicolai et capitulo in novo foro Magdburch quatuor mansos sitos in deserta villa dicta Polne solventes tres choros tritici et dimidium et totidem siliginis Calvensis mensure cum prato et areis solventibus iiijor solidos et vj denarios pro centum et triginta duabus marcis, fertone minus, Stendalgensis argenti. Quam quidem pecuniam nos recognoscimus ab eisdem recepisse et in solutionem debitorum nostrorum usuris deservientium convertisse, tradentes nichilominus predicta bona dicte ecclesie et capitulo coram venerabili domino nostro Erico sancte Magdeburgensis ecclesie archiepiscopo, ipso annuente pariter et favente, ab omni onere3 advocatorum et servitio libera et soluta. Et ne alicui super predictam vendicionem et traditionem bonorum dubium oriatur, presens scriptum predicti venerabilis domini Erici archiepiscopi sigillo extitit roboratum, et ad maiorem evidenciam similiter presens scriptum nostro, nostri capituli yconimique1 nostri predicti sigillis fecimus communiri. Huius rei testes sunt: Theodericus canonicus Hildensemensis maioris ecclesie dictus de Irekesleve clericus, Heidenricus de Nygrip, Conradus Smuk marschalcus, Heyno de Scharthove milites, Tilo de Scherenbeke, Dehenhardus magister coquine famuli, et quam plures alii fide digni. Acta sunt hec anno Domini mo.cco octogesimo quarto, sexto Nonas Julii.
1284. Juli 7. Halberstadt. Bischof Volrad von Halberstadt weiset die Schuldner der Kirche zu Gernrode und Frose zur Erfüllung ihrer Verpflichtungen an.
Volradus1 Dei gratia Halberstadensis ecclesie episcopus plebanis et viceplebanis, ad quos scriptum presens scriptum2 pervenerit, salutem in Domino. Auctoritate presentium vobis in virtute sancte obedientie districte precipiendo mandamus, quatenus parrochiales, qui venerabili domine abbatisse in Gernrode et …3 domine preposito ac conventui in Vrose debitis fuerint obligati in censu, annona seu aliis debitis, moneatis, ut satisfaciant ad quindenam, alioquin extunc vobis ex parte dictarum dominarum
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 407. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_407.jpg&oldid=- (Version vom 31.7.2018)
