Seite:DE CDA 2 508.jpg

	Otto von Heinemann (Hrsg.): Codex diplomaticus Anhaltinus. Band 2.

gratia comparaverit, ipsi, quoad vixerit, et post mortem suam ad communem utilitatem conventus nostri debent et curie presentari. In cuius rei testimonium nostri conventus sigilli et dominorum nostrorum Borchardi et Walteri de Barboy sigilli muniminibus presentem paginam fecimus roborari. Actum et datum anno Domini m^o.cc^o.xcij^o, Idibus Marcii.

Aus dem Original im Haus- und Staatsarchive zu Zerbst: an Pergamentbändern angehängt: a) das Siegel der Ankuner Kirche (Taf. IX. 5), b) ein Barbysches Siegel, dessen Legende grossentheils abgebrochen, vermuthlich Burchards von Barby. - Gedr: Beckmann Hist. d. F. Anhalt I. 227. - 1. Orig. überall nur: Tho.

719.

1292. März 26. Erfurt. Der Scholasticus Heinrich von S. Marien zu Erfurt bedrohet den Grafen Otto I von Anhalt wegen des der Marienkirche zu Halberstadt zugefügten Schadens mit der Erneuerung der Excommunication.

Henricus scolasticus ecclesie sancte Marie Erfordensis, iudex sive executor a reverendo patre ac domino Gerhardo archiepiscopo Maguntino deputatus, honorabilibus viris et discretis …¹ prelatis …¹ plebanis ac viceplebanis per Halberstadensem civitatem et dyocesin constitutis, ad quos presentes littere pervenerint, salutem et fructuosam in Domino caritatem. Cum illustris princeps dominus Otto comes de Anehaylt in mortis articulo constitutus honorabili viro Hermanno preposito ecclesie sancti Bonifacii Halberstadensis iuraverit, …¹ decano et capitulo ecclesie sancte Marie Halberstadensis satisfacere de dampnis datis et iniuriis irrogatis, et in quindecim marcis tantum pro annona ablata in Hoyhem satisfactum sit canonicis prelibatis, nosque eidem preposito mandaverimus, ut eundem comitem commonitum haberet, ut ante festum beati Martini preteritum de aliis dampnis satisfaceret sufficienter decano et capitulo prenotatis, cum igitur dicti decanus et capitulum sibi hucusque pepercerint nec ipsis, quantumque inviti, amplius in suo iure possimus deesse, vobis singulis et singulariter universis in virtute sancte obediencie et sub pena suspensionis ingressus ecclesie, quam sententiam in vos ferimus¹, trium dierum a receptione presencium computandorum monitione premissa, districte qua fungimur auctoritate mandamus, quatenus memoratum comitem in ecclesiis parrochiarum, in quibus se recipit, publice commonitum habeatis, ut infra sex dies post vestre monitionis edictum, quos quidem dies pro primo, pro secundo et pro tertio canonice monitionis termino sibi deputamus, de huiusmodi dampnis datis et violenciis irrogatis exhibeat satisfactionem plenariam et condignam. Quod si non fecerit, extunc sicut exnunc ipsum comitem in pristinas excommunicationis sententias retrudimus in hiis scriptis mandantes vobis sub pena iam predicta, quatenus sepefatum dominum Ottonem comitem de Anehalt in vestris ecclesiis singulis et omnibus dominicis diebus, nullo alio mandato ulterius expectato, accensis candelis sonantibusque campanis tam diu excommunicatum et ab omnibus arcius evitandum publice nuncietis, donec de relaxatione earundem sententiarum per nostras litteras vobis constiterit evidenter. Datum Erfordie, vij^o Kalendas Aprilis, anno Domini millesimo ducentesimo xc^o secundo. Viso mandato reddite litteras indilate.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 508. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_508.jpg&oldid=- (Version vom 31.7.2018)