strennui militis et honesti precibus et obsequiis favorabiliter inclinati proprietatem unius
mansi censualis in Ammendorp siti cum omnibus attinentiis tam in villa quam in campo
donavimus unanimi consensu ecclesie beate Marie virginis in Halberstad iugiter permanendam, quem idem miles ab advocatia libere et omni honere servitutis exemptum a
nobis iure tenuit feodali ipsumque sub eodem libertatis tytulo vendidit ecclesie memorate. Et ne hanc nostram proprietatis donationem aut dicti militis venditionem mortalitas delere valeat, oblivio vel vetustas, presentem cedulam inde confectam sigillis,
nostro videlicet ac conventus nostri, roboratam iam dicte ecclesie beate Marie virginis
tradere curavimus ad firmitatis perpetue munimentum.
Datum anno gratie millesimo ducentesimo nonagesimo octavo, pridie Non. Februarii.
1298. Februar 26. Ritter Heinrich von Hoym verzichtet zu Gunsten des Marienstiftes in Halberstadt auf alle vogteilichen Rechte an 15 Joch Acker zu Deesdorf.
Ego Heinricus miles dictus de Hoyem scriptis presentibus publice recognosco, quod in quindecim iugeribus, que Johannes villicus de Dedestorp de overlando ab ecclesia sancte Marie Halberstadensis tenet et ipsa ecclesia ab eodem conparavit, me penitus nichil iuris advocatie vel servitii, cuiuscumque alterius nomine censeatur, habere. In cuius rei evidens testimonium presens scriptum sigilli mei munimine duxi roborandum. Actum anno Domini mo.cco.xcoviijo, feria iiijta proxima post diem sancti Mathye apostoli.
1298. März 11. Oppenheim. König Adolf verpfändet dem Grafen Eberhard von Katzenelnbogen für die von diesem an des Königs Bundesgenossen, darunter Graf Otto I von Anhalt, gezahlten 3500 Mark verschiedene Reichseinkünfte und Reichsgüter.
Nos Adolfus Dei gratia Romanorum rex Semper augustus universis presentes literas inspecturis cupimus esse notum, quod spectabili viro Eberhardo comiti de Katzenelenbogen, avunculo et fideli nostro dilecto, in tribus milibus et quingentis marcis argenti puri occasione pecunie, quam quibusdam nobilibus Thuringie, quemadmodum inferius exprimitur, pro adiutorio nobis faciendo promisimus in hunc modum, videlicet Ottoni de Anhald et Friderico de Bichelingen comitibus et … domino de Querenvorte, mille et quingentas marcas argenti, item Ottoni de Orlamunde, … de Rabenswald et … de Schwartzburg comitibus octingentas marcas argenti, item …
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 590. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_590.jpg&oldid=- (Version vom 31.7.2018)
