1300. März 17. Eberswalde. Markgraf Albrecht III von Brandenburg bestätigt die Uebertragung des Patronatsrechtes der Kirche zu Börnecke an die Bartholmaeikirche zu Zerbst seitens des Edlen Busso (Burchard) von Barby.
In nomine Domini amen. Nos Albertus Dei gratia marchio Brandeburgensis recognoscimus publice per presentes, quod vir nobilis dominus Busso de Barboy, consanguineus noster dilectus, ius patronatus ecclesie in Borneken, prepositure Barnowensis, ecclesie sancti Bartholomei apostoli in Cerwist, quam noviter fundaverat, pure contulit propter Deum. Et quia idem dominus Busso eandem villam Borneken a nobis in feodo habuit, nobis intime supplicavit, ut consensum nostrum ad hoc adhibere Dei nomine dignaremur. Cuius precibus favorabiliter inclinati, quicquid iuris in dicto iure patronatus eiusdem ecclesie in Borneken habuimus, eidem ecclesie sancti Bartholomei in Cerwist collegiate pure simpliciter donavimus propter Deum. In cuius rei evidenciam presentes conscribi et sigilli nostri appensione iussimus communiri. Testes quoque huius sunt: reverendus pater dominus Johannes abbas ecclesie Lenynensis, frater Wilhelmus quondam prior ordinis predicatorum in Soldin, dominus Bruno, magister Johannes de Dymyn, capellani nostri; Betheco de Jagow, Arnoldus de Uchtenhagen, Johannes Sparro, Reyneko de Wulcow et Heinricus de Oderberghe milites, et quam plures alii fide digni. Actum et datum Everswalde anno Domini millesimo trecentesimo, die beate Ghertrudis virginis.
1300. Juni 13. Graf Albrecht I von Anhalt bestätigt die Erkaufung eines Talentes jährlicher Zinsen seitens des Pfarrers Reinhold von Köthen, Stiftsherrn zu Gottesgnaden, für sich und sein Kloster.
In nomine patris et filii et spiritus sancti1 Albertus Dei gratia comes de Anehalt omnibus in perpetuum. Quoniam omnium rerum habere memoriam magis est divinitatis quam humanitatis, ideo ea, que per nos aguntur, conscribi facimus, ut, si que oblita fuerint de rebus gestis, per scripti memoriam ad reminiscentiam revocentur. Notum igitur esse volumus tam presentibus quam posteris, quod dilectus noster Renoldus plebanus in Kotene, monasterii sancti Victoris in Gracia Dei canonicus, ab Alberto et de suis coeredibus, bone memorie quondam Vulradi filiis, talentum Kotenensium denariorum cum proprietate eiusdem empcionis titulo sibi et suo monasterio ademit de nostro beneplacito, consensu et licencia speciali, hoc adiecto, quod predictum talentum de duobus mansis cum dimidio, qui ville Cerquiz adiacent, in festo beati Michahelis annis singulis solvi debet, nos quoque pro remedio anime nostre contulimus et libere dedimus eterno Christi
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 612. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_612.jpg&oldid=- (Version vom 31.7.2018)
