| — 20 — |
Da ist eyn ersamer weysen rath;
Sy furent eyn loeblichs regiment:
das raithaus was getzieret schon;
dar auff stont auch treyg kunigs kron
Auff ein durn, ist wol erbawen,
Von bildwerck schoin in stein gehouwen.
Mit groisser tzierheit man sie beget;
da synt vil gelerter doctoren
In allen kunsten ausserkoren;
Treytzehen collegia synd auch da,
Gelierte magistri sint da ym spyll;
der baccalari macht man vil;
Clerick discipel syn one tzal
Auss allen landen weit vberall;
Schoenne frewlyn schiessent auch tzum tzeil.
zu Coellen trinckt man bier vnd guten wein,
da willent die weiber meister seyn
Vber alle doctoren vnd mannen:
Neuntzehen pharkierchen gebauwen schon,
Ob hundert Capelen daint tzu Coln stain.
Vier vnd tzweintzig cloester wol erbawen;
dar vnder syn ouch zwelff von Junckfrowen.
Ist die heilig sant Vrsell furwar
Kumen gen Coelen in die stat,
Als mich die schrifft bescheiden hat,
Mit irer geselschafft wonderlich,
Auss Pritania ein kunigyn.
die reine iunckfraw het got ym syn,
Von got hedt sie vil gnad enpfangen:
zu dem het sie ier hoechst verlangen,
Die goetlich weissheyt hatz wol bedacht.
Kein Keyser mocht sie nit erwerben:
In reinikeit wolt sie arsterben,
Den christlichen glauben deth sie leren:
Kein schoener Junckfrow ward nie erhoert,
Eylff tausent hatz im glauben bekerth,
