| — 25 — |
Bald kuschdet sie im sein heylig hend,
Für ieren herren ward es erkent.
deth man bey den Kunigen spuren,
zu opferen ier gaben was in gach:
Prachtent dem kind gold, mir vnd wiroch.
Maria ier kint heth fur sie gelegt,
Melchior was ein cleine person,
Auss arabia trueg er ein cron,
Sein volck in nubia het in hold,
dem herren opfert er erschlich gold.
Von saba trug er ein kunigs cron;
dem herren opfert er mirren,
Eyn Kunig der godoleyern.
Kaspar was auss tarsis geboren,
Weyroch opferth er dem herren
Auss der insel egriseulen.
Als Maria vorm kindlin gebeth,
Hetens das opfer in kripen gleth.
den herren betetens an gar schon;
da plibens ligen ein gantzen tag.
das wunder niemans ausssprechen mag,
Wie sie der stern hette dain furen,
Wasser noch berg hettens vernumen,
Wunderlich warens da hin kumen
Sunder essen, trincken oder froscht,
Bey in was weder hunger noch durst;
Kein fuesstrit ward ier keinem harth.
Kamel vnd pferd liessent sie rasten,
Welche gehabt ein lange vasten,
Als sie da bleyben woltent die nacht.
Rustent sie bald wider auff die ban.
zu Herodes woltent sie nit gon,
Sie zugent heim ein andere strassen:
Herodes zurneth vber die massen.
Herodes volgt in bis an ein berg
Bey einem wasser die Seyler mit namen.
