Benutzer:Jonas kork/MartinaP2

[201]

Ane valsch megde zvht

Frowe ane sünden meil

60

Tvoz dur diner svnden heil

Sit div gotis dirne bist

Laz vns den vil süezin crist

Mit lieblichin ovgen sehin

Daz wir im dienstis iehin

65

Zerehtim herren gerne habin

Siniv gebot mit willen stabin

Iemir vnverdrozzin

In sinen dienst geslozzin

Ist abir daz vnmuglich

70

Uon menschin crankeit truglich

Daz er zeschovwen niht entüge

In sinem götlichin flüge

So wen wir sin niht gern

Gar mit willen sin enbern

75

Vnd wellen sine knehte

Nach dienstlichim rehte

Iemir sin die wil wir lebin

Nach sinen hvlden iemer strebin

Und sinv gebot leistin

80

Div minsten zvo den meisten

Willeclichin büezin

Mit henden vnd mit füezin

Unsir alten schulde

Vnd vmbe sine hulde

80d,85

Vnsirn sweiz rerin

Daz wir sine herin

Genade noch erwerbin

E daz wir ersterbin

Wir wellen vnverschamet

90

In stetir rivwe sin verclamet

Herze vnd libe enblanden

Swaz wir vnverstanden

Svnden haben her gepflegen

Die muozen mit der ovgen regen

95

Werden hie geweschin

Unsir süntliches næschin

Mvozin wir mit buoze twahin

Vns der alten schulde entslahin

Mit dez helfe der sich bot

100

In den scherpfesten tot

Der da her von adamen

Menschlichim schamen

[202]

E von warheit wart ebotten

Vnd daz lasterliche spotten

105

Daz der himil zimber man

Und der erde macher nan

Von der ivdenschin diet

Als in ir vbil muot geriet

Aber den keisir alexandern

110

Und darzvo die andern

Die so sere smahten

Mit herzin mit libe vahten

81,1

Wider div süezin gebot

Div der hohe milte got

In siner magen crefte

Mit svnder meisterschefte

5

Gesetzit hat gemachit

Getenpirt vnd bewachit

In siner hohin witze

Mit siner clarheit glitze

Von der nieman geahten

10

Kan noch betrahten

Daz man den vil geslahten

Mit kvnste muge erfahten

Wer ez so geschaffen

Daz alle sternen pfaffen

15

Werin wol geleret

Und volleclich gekerit

In die aller hosten kvnst

Vnd in die besten vernunst

So ie dekeinir stunde

20

Alhie von menschin mvnde

Mit rehtir rede wart vernomen

Zim allir besten vollekomen

Die mohten niht den anevanc

Machen kvnt der ane wanc

25

Zvo diner wisheit pflihtet

Div wislich wol berihtet

Ane krumb elliv dinc

Ir hende vnd ovch ir vrsprinc

81b,29

Wie dv der erde element

30

An allir slahte fundament

Uf div wazzir hast gesetzit

Sinwel wie div genetzit

Wirdet allenthalben

Beidv vf den alben

[203]

35

Und och in den planen

Bi svnnen vnd bi manen

Wirt si schon erfuhtet

Dur gelenzit vnd erluhtet

Mit mengem lihtem kleide

40

Die bernden ovgenweide

Dem herzin frovde bringet

Und vngemüete ringet

Die vnzallichin wunne

Hat menslichim kvnne

45

Der frie milde got gegebin

Vnd daz wir solden lebin

Der erde schonen fruhte

Uolleclichin mit genuhte

Vnd die mit dienste gelten

50

Owe daz tvon wir selten

Wir also sin rehte tovp

Daz wir tegelich den rovp

An spise an tranke niezin

Dez wir gemache fliezin

55

Von einer sünden vntugent

In die ander ane mvgent

81c,57

Wie vnd wa daz ende

Daz stat in siner hende

Der diz allis werden hiez

60

Daz mer vnd sinen griez

Unde swaz da inne swebit

Alder hie vf erde lebit

Div wunderlichin wunder

Der div geschuof besunder

65

Wil dez niht zeherrin iehin

Uon dez gewalt diz ist geschehin

Der keisir vnsir herre

So wellen wir vil verre

Von siner heinlich wesin

70

Und an sine hilf genesin

Mit im dekeinis teilis pflegen

Scheiden vns von sinen wegen

Vnd vffen sinen strazin

Uns niht vinden lazin

75

Swie er gewaltic keiser si

So wellen wir doch wesin fri

Vnd von sinem gewalte

Swie groz wie menicvalte

Er si in disen landen

[204]

80

Als wir e wol erkanden

Den wellen wir vermiden

Und dar vmbe liden

Swaz vns nv geschehin mac

An disem armen horsac

81d,85

Der doch ie vntugende pflac

Beidv naht vnde tac

Martina div vil selic

Allir svnde vnmelic

Div reine div getriuwe

90

Div liebe tugenden Niuwe

Div svze hoh erborne

Rose ane sünden dorne

Ob allim golde div tiure

Div reine vnd div gehure

95

Div sveze vnd div milde

Die tugenden nie bevilde

Div edil vnd div zarte

Uor schande div bewarte

Div here vnd div guote

100

Vor wandel div behuote

Div clare vnd div kivsche

Div slehte svnder tiusche

Div liebi div vil here

Ein schuol zvhten lere

105

Ein bilder der gedulde

Der selden vbir gulde

Alder megde exempil

Rehtes gelobin ein tempil

Ein bilder frowen zvhte

110

Vrsprinc der selden fruhte

Der bernden frovde ein bovn

Mvndis vnde sinne ein zovn

82,1

An libe an sele clare

Sprach do offenbare

Ich wil iv gebin minen rat

Der iv nv zem besten stat

5

In gotis minne miniv kint

An allir slahte vnderbint

Svlt ir mit gedankin

Mit herzin ane wankin

Gar ivwir munt ivwer zvnge

10

An alle gelichzvnge

Ane bieggerie schrenkin

[205]

Svnder zwievils wenkin

Gelovbin an endis drvm

An minen herren ihesum

15

Daz der sveze ihesus crist

Himil vnd ere schepfer ist

Und swaz da vnder wont

Ist er kvnic keisir vnd kont

Versmahin hie div tovbin

20

Apgot vnd gelovbin

An den der iv erzovgte

Sin lieht vnd da ovgte

Sinen gewalt sine tugent

Sine gotlichvn mugent

25

Und erkennen waz er wil

Gebin iv an endis zil

Lones mit frovden gelte

In der kvnftigen welte

82b,29

Bi sinen liebin kinden

30

Dez himil ingesinden

Bi den vzirwelten

In wunne die gezelten

Nv was mac Alexander

Der helle salamander

35

Der gewaltic keisir

Sin frode wirt noh heisir

Swie er grozir froden pfliget

Und sich also hohe wiget

Vnd an ihte geschaden

40

Er mac die sele wol entladen

Uon dem crankin libe

Da wider ich iv schribe

Einen gotlichin ruon

Er mac der sele niht getuon

45

Div stat in gotis hende

Svnder missewende

Und och in siner hulde

Der heilic geist erfulde

Siv der selbin stunde

50

Siv riefin vz einem munde

An die seldeclichen magt

Genade frowe swaz gesagt

Vns ist mit dinen worten

Uon orte gar zeorten

55

Gelovbin wir mit vollen

Dem abgot appollen

[206]

82c,57

Wen wir iemer wider sagen

Und von vnsirn herzin iagen

Zvo dem herrin lovfen

60

In sinem namen tovfen

Den dv hast gebredigot

Der vns hat erledigot

Von der vinsternisse

Und vns die gewisse

65

Wege hat erzeiget

Und sich gein vns geneiget

In siner demvote

Uon gotlichir guote

Wir sprechin alle ane spot

70

Ez ist dekein ander got

Wan den die cristen nennint

Und zegote erkennint

Zvo dem wen wir fliehin

Vns von allen goten ziehin

75

Untz an in alleine

Der guote vnd der reine

Dur den wir wellen sterbin

Vnd swie er wil werbin

Lip guot dur in gebin

80

Der vns armen daz lebin

Mit sinem tode kovfte

Und sich frilich strovfte

In die crankin menscheit

Da inne willeclichin leit

82d,85

Menge versmehte

Daz vns der edil brehte

Zvo sines vater hvse

Der himilschen cluse

Von dirre welte gruse

90

Und ir valschin gesmvse

Nv horent von den gesten

Den starken mvotis vesten

Von gotis gesten die wisen

Die wir billich prisen

95

Waren vnerschrocken

Keckin vnd ane rocken

Sprachin siv gemeinlich

Offenlich niht heinlich

Vesteclich die ritter

100

Ane vorht ane zitter

[207]

Die nivwen gotis swert degen

Crist gap in swertes segen

Dez wan siv vorhten ane

Von warheit niht von wane

105

Sprachin zvo alexandern

Ez horten och die andern

Daz siv niht enwolden

Gelovbin noch ensolden

Den abgoten verruohten

110

Valschen vnd verfluohten

Daz waren ane zwivil

Alliz samint tivil

83,1

Vnd veriahin och der beider

Daz siv wern leiden

Uon in her geleret

Vnwissentlich verkeret

5

Uon dem rehtin gotis wege

An die helleschlichin stege

Von den wellen wir nv tretten

Den rehten scheppfer anbetten

Der vns worden ist erkant

10

Den wec zvo im gebant

Hat vns div turtel tube

Div slehte niht div strube

Martina wibes krone

Div here vnd div frone

15

Gotis sveziv amye

Den einen vnd die drie

Scheppfer allir dinge

Ane misselinge

Uater svn heilic geist

20

Der drier namen volleist

Drier vnd doch einer

Gewerer got alleiner

Einer in der drivalt

Junger mensche vater alt

25

Alt vnd doch iunge

In der wandelunge

Wir dich vater wissen

Svn heilic geist geflizsen

83b,29

Vffen dine hantgetat

30

Der andirs niemer wurde rat

Do disiv worl geschahin

Und siv alsvs veriahin

Ihesum crist lobende

[208]

Do wart der keisir tobende

35

Zurnic vnde wuotic

Uon zornis brvnste muotic

Ane sin vnsinnic

In tobesvhte brinnic

Von vngedult rasende

40

Sin sele mazende

Daz die gotis catecumini

Waren also rehte fri

Bi got so veste lagen

Und also ringe wagen

45

Sine keiserlichin craft

Vnd sine grozin herschaft

Sinen gewalt sine magt

Haten siv so cleiner aht

Siv wagen also smæhe

50

Den richin keiser vehe

Frevillich siv retten

Geswinde si vf wetten

Lip vnd guot zetiute

Siv wolden hiute vnd hivte

55

Vnde swaz siv hatten gebin

Umbe daz himilsche lebin

83c,57

Alse der tievil selbir sprach

Uon iobe do er in ersach

So veste so gedultic

60

Hvt vmbe hut git der man

Vnd allis daz er mac han

Daz div sele werde ernert

Und niht eweclich verhert

Daz zvrnde och alexander

65

Die smacheit erkander

Div im was erbotten

Vnd sinen abgotten

Dez sach man in brivwen

Gein den swert degen nivwen

70

Menger hande kvmbir

Da mit er vil tumbir

Ubilwillic heiden

Von ir reinen muote

Svz sprach der vnguote

75

Hey hey ir vngengin

Ir valschin vnde strengin

Ir sint von den cristen

Und ir zovbirlisten

[209]

So lasterlich ertovbit

80

Daz ir nv gelovbit

An den criucegotten

Dez mvn ivwer spotten

Die hohin vnd die wisen

Die ivngen vnd die grisen

83d,85

Daz ivch hant also betrogen

Die cristen vnde so verlogen

Pfi ir bösen wihte

Ir tovgen gar zenihte

Wie sint ir nv geschendit

90

Der selden gar gepfendit

Geswinde dez antwurten

Uon tugenden hohgeburten

Wan tugent daz ist hoh geburt

Swer vzzir tugende furt

95

Artet der ist hoh geborn

Da bi tugende hat erkorn

Dem sol man gerne zarten

Den man svz siht arten

Ich spriche daz vntiure

100

Ein vngeslaht gebiure

Ist der tugende schuhit

Und sich von in zvhit

Tugende sint ein richer hort

Von gote sint siv gevrbort

105

Uon dem siv och fliezzint

Genuhteclichen diezint

Bi im ist ir vrsprvnc

Er si alt oder ivnc

So sprich ich vnhælic

110

Er ist edil vnd selic

Werndes hordes riche

Daz wizzint sicherliche

84,1

An menger hande sache

Er slafe oder wache

Er gange alder rite

In dirre welte wite

5

Er stande oder sitze

So hat er guote witze

Er trinke alder ezze

Mit der tugende mezze

Wirt im dort vergolten

10

Und ist och vnbescholten

Hie von der welte kinde

[210]

Gotis ingesinde

Sol er iemir heizin

In dez himil creizin

15

Svz waren siv von hoher art

Gotis kenpfen wol bewart

Gein dem keiser vnverzagt

Offenlichen wider sagt

Vnd sprachin zim dv bœser hunt

20

Gotis lere ist im vnkvnt

Dv giftiger slange

Din gewalt wert vnlange

Dv nidez vaz dv mordis vol

Aller selden bistu hol

25

Dv todemiger tracke

Uon bœsim vnreinem smacke

Aller tugende iteil

Smehe von der svnden meil

84b,29

Dv verdampnoter hohfertic

30

Der tievil wider wertic

Hat in dir gehuset

Dez vns abdir gruzit

Den dv zegote nennist

Und den niht erkennist

35

Der dich vnreinen schuldic

Der dich vnreinen schelbin

Geschuof nach im selbin

Vnd dir disen gewalt gab

Und diner herschaft vrhab

40

Dich alhie gehohit

Dem hast dv dich enpflohit

Vnd im fromede gemachit

Die sele verswachit

Mit sünden gar bewollen

45

Dur dinen got appollen

Gar vntz an daz ende

Mit allir missewende

Dez nimest dv gebende

Dort von dez tievils hende

UON DER AHTE RITTER MARTER

50

Der keiser zvrnde sere

Daz siv an sin ere

Getorsten so gesprechin

Balde hiez ers rechin

Ir lip gar zerbrechin

[211]

55

Und hiez siv ane wenken

Vf enbor henken

84c,57

Vil geswinde ane wern

Hiez er ir fleisch wie zern

Mit kreweln vngefuogen

60

An siten vnd an bvogen

An ruggen an allen lidern

Daz getorste nieman widern

Und mit swerten scharpfen

Wessin vnde sarpfen

65

Hiez er ir lip hovwen

Man moht ir bluot schowen

Daz da von ir libe floz

Dez den keiser niht verdroz

Wan dez zornis strale

70

Uersneit in do zemale

Dar zvo nit vnde haz

Daz er dez blvomen vergaz

Der an der megde schappel stuont

Mit andern blvomen wol gegrvont

75

Die wan dem keiser tiure

Er was so vngehure

In der tugende ärmede

Daz im div erbermede

Der tugende riche blvome

80

An milteclichim fiuome

Gantzlich was ersalwet

In sinem herzin ervalwet

An erbermede erblindit

Dez er och niht ervindit

84d,85

Erbermede an iener welte

Er vindet lonis gelte

Den er an den kenpfen hie

Cristes er warb horint wie

Do siv alsvs entnackit

90

Wurdent vnde zerhackit

Mit mengem scharpfem swerte

Als do der keisir gerte

Und siv alsvs erwillen

Mit marterlichim villen

95

An gotis kenpfin hatten

Die in ir blvote batten

Vnd da inne getovfet

Daz himilrich gekofet

Waz tatin die erwelten

[212]

100

Die si alsvs quelten

Die tugende richen swigen

Antwurte siv gar verzigen

Ze niemanne siv niht iahin

Wan daz siv vf sahin

105

Mit den ovgen vf zehimil

Daz siv div lebindigiv simil

Minneclichin spiste

Und siv geistlich wiste

Dez himilrichis straze

110

Vnd die rehten maze

Uil lvzil ahten vnde zeln

Dez libes kvmbir vnde queln

85,1

Ez waz in harte svoze

Div liplichiv buoze

Siv vil cleine muote

Div gotis zarte ruote

5

Minneclichin si beswanc

Swie doch da blvot dranc

Uon ir libe mit genuht

Daz was der sele fruht

Cleine doch der lip enpfant

10

Daz er also wart entrant

Mit den swerten vngeclobin

Beidv vnden vnde oben

Vor hinden vnd en nebin

Wart ergrabin vmbe ir lebin

15

Ir libe als ein messir lade

Dirre lipliche schade

Den siv willeclichen litten

Waz niht nach menschen sitten

Der svezin minne brvnste

20

Uon dez heiligen geistis kvnste

Hat ir herzin so enzunt

Vnd ir selen an der stunt

Daz siv niht en ahten

Der martir wan siv trahten

25

Wislich vnd erkvrnden

Wie dicke siv erzvrnden

Die gotlichun witze

In der rvwe hitze

85b,29

Die swert degin hiengen

30

Da von siv enpfiengen

Süezeclich die pine

Die ellenden bilgerine

[213]

Zeherbergen gahten

Da von siv versmahten

35

Der martir kvrze stunde

Und daz siv enbunde

Jhesus vil geswinde

Von dez keisirs gesinde

Daz was ir guot gedinge

40

Da von so wac in ringe

Swaz siv kvmbirs dolten

Da mitte siv beholten

Iemer wernde wunne

Da siv der lebinde brvnne

45

Und der ware svnne

Er luhtet wol mit wunne

Da hœrent von dem keiser

Der wirt von zorne heisir

Daz er so gar gedultic

50

Gotis ritter vnschuldic

Die martir sach enpfahin

Vnd die niht versmahin

Daz mohte er niht erliden

Uon hazze vnd von niden

55

Im was also swere

Daz in die marterere

85c,57

Vbir wunden mit gedult

Swie er doch hatte erfult

Mit vil bœzir akvst

60

An in sine muotgeluste

Und hiez si nemin dannen

Balde von sinen mannen

Vor gote der ver meilte

Mit sinem munde erteilte

65

Daz man die erlovpten

Balde solde enthovpten

Horent vmbe den verworhte

Der was in grozin sorgen vorhten

Daz die gotis verserten

70

Daz volk da bekerten

Daz e wol hate gesehin

Waz mit den erwelten geschehin

Waz alda besvnder

Daz groze frömde wunder

75

Daz sich da schone erovgte

Gotis gewalt da zovgte

[214]

Der vil lihte clare blic

Der vmbe die magit dic

Der vmbe ir wizgere erschein

80

Und die bekerte allein

Dvr sant Martinvn gebet

Daz si minneclichin tet

Vbir ir durehter

Daz vorhte der versmehter

85d,85

Alexander vil harte

Daz er daz wol bewarte

So hiez er siv verderbin

Balde vnd ersterbin

Daz daz volk vnerbolgen

90

In niht mac volgen

Mohte dur div zeichin

Noch da von erweichin

Daz siv iht versmahten

Div abgot vnde gahten

95

Uf die rehten gotis wege

Er vorhte sere die rede

Div so wislich wart gesagt

Beidiv von in vnd der magt

Wan div hatten groze craft

100

Uon gotlichir meisterschaft

Wan siv die erfulten

Und den keisir verschulten

Vmbe sin vnreht

Die waren gotis kneht

105

Da von hiez er siv füeren hin

Uf dez libis vngewin

Dan siv wolde losin

Von der argen bœsin

Ungetrivwen welte

110

In div himilschin gezelte

Do man siv suz hin leite

Zvo der martir arbeite

86,1

Daz was in harte lihte

An dez gelovbin bihte

Siv froliche kamen

Als man in wolde kramen

5

An allir slahte vorhte zitter

Die vil werden gotis ritter

Ab dem tode siv niht erschrihten

Frolich siv vf blihten

Zehimil ane smerzin

[215]

10

Mit sele mit herzin

Rvoften siv vil verre

Alder welte herre

Milter vater ihesu crist

Den wir vntz an dirre frist

15

Leider niht erkanden

Noch zeherrin nanden

Wir han da her geirret

Unwizzentlich verwirret

In dem dienste der apgote

20

Leistende ir gebotte

Vnd wan in vndertænic

Ie gar wider spænic

Der cristenlichin lere

Untz vns div vil here

25

Selden richiv frowe

Der rehten warheit schovwe

Wislichin hat gepfadet

Zvo dir vatir geladet

86b,29

Der himil erde vnde lvft

30

Div abgrunde der helle cruft

Die svsenden winde

So snel so geswinde

Vnd die sternen vngezalt

Beide hitze vnde kalt

35

Beide blvomen vnde sne

Mer wazzir vnde se

Svmir vnde winter

Alle sprache sinter

Kvnt von allen tieren

40

Dv kanst och erzwieren

Allir sinne wanken

An worten an gedanken

Din sin doch vngrundic

Dv bist vns worden kvndic

45

Dvr die wisen predierin

Unsir svnden ledierin

Martinvn din gemahel

Dvr die die selden richer stahil

Div abgote der tumben diet

50

Mit dinem gewalte verschriet

Dvr ir falsch gelovbin

Ze bvlvir vnd zestovbin

Si den gewalt gemachete

Der si gar verswachete

[216]

55

Dvr die maget bistv kvnt

In vnsir sinne grunt

86c,57

Hohir richir heilis funt

Gemachit vnsir sel gesunt

Den wir vatter nennin

60

Mit gelovben erkennin

Ane zwivil vz erkorn

Uor dem morgen sterne geborn

Den elliv abgrunde

Vnd der helle bvnde

65

Furtent vnd in zitter stant

Alle velse berge hant

Uorhte gein dinem namen

So vorhteclichin lobsamen

Doch svze vnd frovden riche

70

Ist er eweclich

Den die in da minnent

Vnd wislichin sinnent

Dar vf mit ganzer zvoversiht

Und mit reines gelobin vergiht

75

Wan dv erbermede waltest

Und alle die behaltest

Die an dich gedingent

Ir herze fur dich bringent

Mit demüetiger begirde

80

Nach diner hohin wirde

Werdent siv besorget

Uon svnden vmbehorget

Genade erbermede krone

Von diner guote throne

86d,85

La din genade liuhten

Vnsir herzin erfurhten

Mit der waren rivwe

In vaterlicher trivwe

Enpfahe vnsir geiste

90

In diner genaden volleiste

Zvo der engel pressen

Geruche herre vergessen

An dine werden hulde

Der alten groze schulde

95

Uf die wir ane wissen

Waren ie geflizzen

Rvoche vns kranken eschin

Uon den svnden weschin

[217]

So vinster vnd so tunkil

100

Himilschir karfvnkil

Von der sünden milwen

Und dez todis hilwen

Hilf vns herre wenden

Zvo dinem fride lenden

105

Mit solchir svnden strafen

Der here gotis wafen

Macheten an ir stirnen

Die kenpfin tugende virnen

Dez herin criuces zeichin

110

Die wisen svnder smeichin

An ir antlüte an ir brüste

Mit frier mvot gelüste

87,1

Ir libe ir sele bewarn

Vf dez todis hine varn

Uon dem criuce sprichit sus

Der heilige augustinus

5

Daz cruce daz hie vor was

Dur lastir dur dez todis haz

Den morderen vf gesetzit

Ir lebin mit geletzit

Dem schacher vnd dem diebe

10

Daz haltent nv vil liebe

In der grosten ere

Keiser kvnge here

Menic furste der genoz

Dez crucis craft ist so groz

15

Daz lib sele vnd elliv lit

Mit dem cruce sint befrit

Dar an der kvnic hienc

Der ez willeclich enpfienc

Mit nageln dran gespannen

20

Vn milteclich zerdannen

Uon der minne gelust

Als an dem armbrvst

Div senwe ist gezogin

An dem gespannen bogin

25

Daz zeichin crist vns lihet

Daz er sus hat gewihet

Mit sinem blvote tiure

Daz namen och zestiure

87b,29

Diz getovften heiden

30

Vf dez libez hin scheiden

Den tot siv cleine ahten

[218]

Frolich siv strahlen

Willeclich ir hovbit

Als ez was erlovbit

35

Wurden abe geswungen

Siv wolten sich ivngen

Uon alter sünden vnmugent

In bezir lebin vnde ivgent

Die wisheit siv sugent

40

Alle von gotis tugent

VON DEZ PHENIX NATVRE

Nach dez phenix figure

Der ist frömder nature

Uon im schribet alsvs

Der meister fisiologus

45

Als wol kan erzwieren

An vogiln vnd an tieren

Ir nature ir svnder art

Als ein hunt vf der vart

Wislichin nach iaget

50

Svz hat er och gesaget

Ir nature ir svnder lebin

Als im got hat gebin

Uon dem phenix seit ersa

Daz er si in yndia

55

Swen er fivnf hundert iar

Hat gelebt für war

87c,57

So fluget der wise

In daz paradyse

Und sament mit genuht

60

Von der edelen bovme fruht

Dar zvo menic edil wurze

Beidv lanc vnd kvrze

Uon dem süezin holze

Der edil der stolze

65

Verschivbit sine vetechin wol

Als er danne tragen sol

Mit wurzen aller hande

So er best erkande

Uollekomen ane gebrest

70

Machet er ein michel nest

Darzvo einen hvfen groz

Von durren rise vil bloz

Under daz nest en mitten

Nach siner nature sitten

[219]

75

So er diz erzvget

Balde er vf fluget

Von angeborner witze

Zvo der svnnen hitze

Daz fiur er niht enschuhit

80

Balde ers mit im zivhit

Als sin nature erkennit

Den hufen er enbrennit

Der vnder dem neste lit

Unde slvfet ander zit

87d,85

In sin nest balde wider

Vnde leit sich da nider

Daz brinnit als die kerzen

Diz tuot er zemercen

So er diz svz beginnet

90

Zebulver er da brinnet

Daz pulver an dem ersten tage

Wirt nach dez meisters sage

In einen wurn gekeret

Als div nature leret

95

Dez andirn tages vnverirt

Der wurn zeinem vogel wirt

Dez drittin tagis worden

In sinen alten orden

Mere wirt der vogil niht

100

Wan ir einer so man giht

Wan er genaturet ist

Uf vnsirn herren ihesu crist

Der ist och alleiner

Wan mensche wart dekeiner

105

Uon megde libe geborn

Wan dirre lylie ane dorn

Unde sol niht me geschehin

Als div warheit hat veriehin

Von ediln holzirn samit erhie

110

Ein nivwes nest hœrint wie

Nach vil mengen iaren

Die wir in sünden waren

88,1

Vz dez paradysis walden

Der patriarchen alden

Die im bvtten menic lob

Abraham ysaac iacob

5

Die waren ane schande

Abraham von sinem lande

Und von sinem kvnne schiet

[220]

Als gotis liebe im geriet

Ysaagen er ze oppfir bot

10

Sin einic kint in den tot

Als got geruohte

Da mit er in versuohte

Ysaac erzovgte dienstis vil

Untz an sines libes zil

15

Jacob zwelf svn gewan

Von den menic edil stan

Uf erde wart gezwiget

Uon svnden wart wol gefriget

Von den menic edil bovn

20

Der mengen selderichen rovn

Got ze zinse hat gegebin

Hie vf erde bi ir lebin

Ein edil ast was Dauit

Den got hie bi siner zit

25

Hiez tragen kvngis kron

Dez sun kvnic Salomon

Uon dem kan vil esten

Der hohsten vnd der besten

88b,29

Ob dus reht verstanden hest

30

Vz dem ediln forest

Got ein nest zesamen laz

Da inne er menschlichin saz

Der kivschin megde wamme

Sin mvoter vnd sin amme

35

Uon himil fivr wart gesant

Da er inne wart verbrant

In der starken minne brvnst

Dez grimmen todis begunst

An dem criuce mit gedulde

40

Die minne er svz erfulde

Daz er vnsir schulde

Braht zedez vaters hulde

Dez ersten tages ein wurn

Uon dez herten todis sturn

45

Dez er selbin hat vergiht

Ich bin ein wurn mensche niht

Dez ander tagez ane wanc

Ein vogel snel vnde swanc

In der tiefen helle tunc

50

Vnd nan da alt vnde ivnc

Sine liebin frivnde

[221]

Uz der helle bivnde

Dez dritten tages vollekomen

Als ir wol hant vernomen

55

Von dem tode erstanden

Und dez todis banden

88c,57

Vnd fluoc als ein adelar

Er fuorte die gevangen schar

Die er hate erlost

60

Uon der vinstern helle rost

Die fuorter frœliche

In sines vater riche

Den phenix bezeichint svz

Der milte ihesus cristus

65

Der svz wart geivnget

Von minne fivre besunget

Svz wurden och ernivwet

Dez siv niht enrivwet

Cristes schilt generten

70

Daz siv wol behorten

Vnder siner baniere

Die werden soldeniere

Ritterlichin vahten

Den keiser siv versmahten

75

Darzvo sin gesinde

Daz wagen siv gar swinde

In wart der welte truren

Und ir kvnftic sivren

Vnd ir wehzil frœde smal

80

Ir zwivillichin liebe wal

Der welte glanzes morgen rot

Daz si valslich ie bot

Und ir liehten abent

Die doch ie gabent

88d,85

Darnach vngewitter

Nach kvrzer frovde bitter

Daz wart in gewehzilt so

Daz siv iemer wesint fro

Der wehzil kan frovde machen

90

Weinen vmbe lachen

Truren vmbe hoh gemüete

Stetez vbil vmbe güete

Swere vmbe engel sanc

Kvrzes lebin vmbe lanc

95

Sorge vmbe guot gemach

Arbeit vmbe rvowe tach

[222]

Vngedult vmbe zvht

Grozin gebresten vmb genvht

Armvot vmbe richtvom

100

Laster vmbe eren rvom

Hvnger vmbe spise

Spot vmbe prise

Er driezin vmbe geselleschaft

Krankeit vmbe groze craft

105

Grozen mangel vmbe rat

Nactvom vmbe wat

Swacheit vmbe ere

Torheit vmbe lere

Vngefuogkeit vmbe kvnste

110

Affenheit vmbe vernvnst

Urlvge vmbe schimpf

Vnbescheidenheit vmbe gelimpf

89,1

Solchir wandelunge vil

Vf dirre welte wehzil spil

So si lange hat gepflegen

Wart vil cleine nv gewegen

5

Uon disen kenpfen guoten

Reinen guoten wol gemuten

Die taten sich geswinde abe

Dirre welte varnden habe

Zewehzil vmbe hohin kovf

10

Ir tiures blvot was ir tovf

Daz siv frilich guzzin

Dez kovfes siv genuzzin

Wan ir namen sint geschriben

Da si stete sint beliben

15

An daz lebinde gotis buoch

Daz siv dirre welte fluoch

Niemer me gemuoget

In frovde stete blvoget

Als ein edil mandel blvot

20

In froden ivnget sich ir mvot

Als der edil valke

Uon dem helle schalke

Vnd mengen schurpfere

Sint die marterere

25

Frolich hin gezvcket

Ir ovgen lieht gedrvcket

In den spiegel der drivalt

Schowen got mit gewalt

89b,29

Uon dem froide fluzit

[223]

30

Vnd elliv güete duzit

Da frode entslvzit wunne

Alse den rosen div svnne

In der liehten ovwe

Fruo in dez meigen tovwe

35

Und trostet siv div frvowe

Der himil mit ir schowe

Svz sint siv hin gescheiden

Uon dirre welte leiden

Nach der warheit sage

40

An dem sibenzehinden tage

Nach dem gotis gebot

In dem dritten herbist manot

Der november ist genant

Wir svn alle sin gemant

45

Daz wir die marterere bitten

Daz siv nach ir tugende sitten

Geruche sich erbarmen

Ubir vns vil armen

Die noch hie in svnden lebint

50

Vnd vngewerlichen swebint

Uf dirre welte tobendem mer

Crank mit dez herzin wer

Gein der svnden wellen

Die gehin vnd die snellen

55

Die vns dicke schuppfent

Vnd frevillichin guppfent

89c,57

In frömede habe vnser schif

E ez neme den begrif

An der rehten selden stat

60

So han wir menic svre bat

Uon dem tiefel e bekort

Vf der wilden erde bort

Dez wir cranken welfe

Svn ir richin helfe

65

Demüeteclichin flehin

Nigen vf ir zehin

Die Martina die maget

Als ir vor han gesaget

Zegotis hulden brahte

70

Uon ir svnden ahte

Die sint also minne warn

Zeherbergen für gevarn

Zvo der frovden hvse

[224]

In die minne cluse

75

Da div minne heizit wirt

Da inne alle frode birt

Da div minne schenkit

Die geste frœlich trenkit

Da minne truren swachit

80

Da minne lieblich lachit

Da minne kvmber büezit

Die geste frolich grüezit

Da minne minne minnet

Da minne nach liebe sinnet

89d,85

Da minne haz vertribet

Und svnder leit belibet

Da minne in tugenden gruonet

Da minne vnfride svonet

Da minne tusint valt vil wern

90

Me danne ie man mac gewern

Da man den wunderere

Minnet ane swere

Da minne mit minne spiset

Da niht daz alter griset

95

Da minne gein tugenden smieret

Da hove gesinde zieret

Da stete minne nivwet

Vnd sich zetugenden trivwet

Da minne niht entwichet

100

Und alle tugende richet

Da minne in wunschis blvote

Lebt ane wider muote

Da minne vnde zvoversiht

Mit ein ander habent

105

Da minne vnde wisheit

Gantze frovde hant bereit

Da minne vnde demvot

Alle tugende machet fruot

Da minne vnde miltekeit

110

Zvo ein ander sint gecleit

Da minne vnde fride sint

Vzirweltiu gotis kint

90,1

Da minne kivsche krœnet

Da minne maze schœnet

Da minne schame cleidet

Ir ovgen an erweidet

5

Da minne vnd gedult

Sint der tugenden vbergult

[225]

Div minne niht anders ist

Wan der vil svezir crist

Der vns dur minne kovfte

10

Da sich der milde slovfte

In die menscheit also cranc

Do der vil snelle swanc

In der megde tristkamer

Uon ir die menscheit namer

15

Da mit er sine hantgetat

Gekovfet vnd erloset hat

Div minne wunder hat geworht

Minne ist gar vnervorht

Sist alse der tot starke

20

Wan si von der arke

Der hohin gotheit fliuzit

Und swen si wil beguzet

Div sveze minne here

Seht alsolche lere

25

Git div starke minne

Herzin vnde sinne

Daz hat si wol beweret

Si hat gar vnerneret

90b,29

Gotis ekenpfen enbunden

30

In vil kvrzen stunden

Daz wart dem keiser kvntgetan

Wie siv mit grozin frovden wan

Uon dirre welte hin gevarn

Mit den engelslichen scharn

35

Do begunde dem vngehiuren

Alexandern frovde tivren

Daz er niht hatte harter

Mit menger valte marter

Vnd mit todes pine

40

Die gotis pilgerine

Furbaz me geletzit

In grozer not gesetzit

Dez in der tiefil kretzit

Der gein im iemer wetzit

45

Nv hœrent vmbe den veigen

Dienstman vnd eigen

Dez tiefils von der helle

Er welle alder enwelle

Daz im niht genuogte

50

Swaz er kvmbers ie gefuogte

[226]

Gotis kenpfen ane schulde

Vnd daz er gar er fulde

An in sinen willen

Mit marterlichem villen

55

Zegerihte er sich sazte

In zorne er sere wazte

90c,57

Als ein wildez ebir swin

Und hiez daz reine frowelin

Martinam für sich fuoren

60

Den alten kriec ruoren

Dez andern tages kan si für

Div maget in frier kür

Div sveze ane flecken

Ane dez herzen schrecken

65

Dez keisirs muot was herte

Vnd sprach von hoferte

Wa ist div vnrehte

Div valsche niht div slehte

Div vnvertige cristen

70

Div mit ir zovbir listen

Uns wenet hie gehœnen

Vnd sich selbin kronen

Si wolt vns vber winden

Machen vns zekinden

75

An der rehten warheit

Dest war daz were mir leit

Daz vns div hexse ertorte

Und vnsir e zerstorte

Mit zovberlichen tucken

80

Vns von sinen zvcken

Bringen ze vngelinpfe

Zespote vnd zeschinpfe

Si wolt vns vbir schalken

Mit zobir craft erwalken

90d,85

Vnd machen vns ze affen

Wir svn ez anders schaffen

Ez mac niht also geschehin

Si hat vns gar vber sehin

Div gar vnvertigiv

90

Gein gotten wider wertigiv

Sin hovbt begunder wegen

Anders svn wirs dar legen

Gein der velschen wehen

Von zober listen spehen

95

Do div magt fur gienc

[227]

Wie der keiser si enpfienc

Dez horent fromede kœse

Uon hofart der lœse

Do er si an blihte

100

Sin hobt er vf rihte

Von meine der bewollen

Uon hohfart der geswollen

Sprach zer minneclichen

Von tugenden der vil richen

105

Noch volge minem rate

Und bringe din opfir drate

Den helfe richen gotten

Vor disen werden rotten

Und erkenne ir hohen gewalt

110

So vollekomen so menicvalt

Von den die liute lebint

Und allen creaturen gebint

91,1

Sinne vnd vernünste

Vnd menger hande künste

Die ieman kan betrahten

Die hohen wol geslahten

5

Die den himel rihtent

So meisterlichen pflihtent

Daz maht div wol lernen

An vngezalten sternen

Wie siv ir lovf enpfahint

10

Und ane sumen gahint

Nach ir rehten rente

An dem hohin firmamente

An dez manen schine

Wie der wahze vnd swine

15

Wie div lihte svnne

So frode bernde wunne

Alder welte lihet

Ir liehtes niht verzihet

Dekeiner creatiure

20

Si svoche frovden stiure

An ir svzen glaste

Vnd wie rehte vaste

Hie div sinwel erde

In loblichim werde

25

Uon ir stet geblvomet

Vnd wunneclich geruomet

Mit blvomen menger leige

Wie siv der lihte meige

[228]

91b,29

Mit frovden hat gezieret

30

Vnd meisterlichen verwieret

Allent halben garwe

Mit menger slahte varwe

Die ieman kan geschriben

Die mannen vnde wiben

35

Hohgemuote bringent

So siv so schone dringent

Uf dur den grüenen kle

Hvndert tusint vnde me

Einer kvrzir einer lenger

40

Vf dem breiten liehten anger

Uon blvomen vngezaltiv schar

Swer sin rehte nimet war

Sus hant die gote here

In loblicher ere

45

In helfe vns gesendit

Ir genade gewendit

Gen vns menger hande

Dez ich dich dicke ermande

Diz soltv frowe erkennen

50

Din herze gar entrennen

Nv von dinem gelovben

Dem valschen vnde tovben

Lazin dinen smehin got

Er ist gar der wisen spot

55

Vnd ahtent vf in cleine

Die wisen algemeine

91c,57

Si dunkit ein geluppe

Ivwir lebin vnd ein gestuppe

Spotlich si ivwer lachent

60

Daz ir ivch also swachent

Mit einem govgel spelle

Daz man doch so snelle

Mit warheit wider tribet

Daz ez gar belibet

65

An ende vnd ane craft

Mit vnser gotte meisterschaft

Da von kere frowe wider

Lege dine turnpheit nider

Kere dine begirde

70

Gein der götte wirde

Die so grozir tugende

Pflegent da bi mugende

Der aldie livte bevindent

[229]

Siv lœsint vnde bindent

75

Aller creature lebin

Daz soltv merken ebin

Dich frowe lazin rivwen

Mit ernste mit trivwen

Balde in disen ziten

80

Din tumbes wider stritten

Vnd din langes biten

In diner tumpheit witen

Der rede do antwurte

Div maget von hoher gebvrte

91d,85

Div reine muotes veste

Uon genaden vberleste

Hœre div vermeider

In sünden div versteider

Gotis genaden div verflvochter

90

Von vngelovbin dv verruohter

Uol meines vnde mordes

Dv richer sünden hordes

Dv blinder doch gesende

Der warheit niht veriehinde

95

Aller tiere grimmer vnd ræzir

Von svnden vngemezir

Uerdilget ist vor gote din name

Hast dv niht darumbe schame

Daz dv gar vber wunden

100

Bist an disen stunden

Von mir krankem wibe

Und ich vor dir belibe

Fri vnd vmbetwungen

Vnd dine valschen zvngen

105

Mit der rehten warheit

Han geschant vnd hin geleit

Wie getorstu tobic hunt

Dinen vnreinen mvnt

Uf getuon an dirre frist

110

Gein minem herren ihesu crist

Der allir dinge waltet

Vnd swie er wil behaltet

92,1

Aller creature wesin

Ir sterbin vnd ir genesin

Ir ane vanc ir ende

Daz stat in siner hende

5

We dir torschin affen

[230]

Sin wisheit hat geschaffen

Die hohin himel vnd ir sellin

Die lihten sternen ane zellen

Darzvo die svnnen glantz

10

Div zierit sines lobis krantz

Dez manen wehlichin schin

Als in hiez div witze sin

Von svnden dv vil lasser

Ja hat er vf div wasser

15

Div erde swær gesetzit

Wie div werde genetzit

Daz ist dir gar vnkündic

Dinem sinne vngrundic

Wie er allenthalben

20

Div tal die wilden alben

Mit claren wasser erfiuhte

Die plane lihte wite erliuhte

Mit blvomen mit gruonem grase

Wie der krutige wase

25

Uon den rifen valwe

Vnd von den snewen salwe

Wie so menger hande holtz

Mit so svozer fruhte stoltz

92b,29

Stat gebluomet rilich

30

Den liehten sumer frilich

Und doch zewinter stirbet

Vnd sin clarheit verdirbet

Wie in mache lebinde

Sin schonheit wider gebinde

35

Und wider zeclarheit bringe

Der scheppher aller dinge

Jhesus min liebir herre

Daz ist dir harte verre

Von dinen goten sprichit svs

40

Damit er phlamigrofus

Ez sint ane zwivil

Der liute göte tivil

Got die himil hat gemaht

Mit siner wisheit wol geslaht

45

Dv solt diner göte dagen

Wan dv kanst niht gesagen

Uon ir craft dekeine

Wan siv sint von steine

Sus gemachet wehe

50

Er graben harte spehe

[231]

Geverwet hohverteclich

Uon menschen widerwerteclich

Die livte da mitte betriegen

Machen siv zegiegen

55

Uz ere sint siv gegozzin

Die ir vnverdrozzin

92c,57

An bettent für got

Dur den tievillichen spot

Wan siv habent ovgen

60

Und ist och ane lovgen

Daz in ir ovgen niht entugent

Nieman siv gesehin mugent

Dar zvo hant siv munde

Vnd ist in alle stunde

65

Doch alle sprache versaget

Den ir holdez herze traget

Och hant die tovbin toren

Und ane gehœrde oren

Man siht siv och fuoze han

70

Doch mvnt siv niht engan

Ivwer göte hende habent

Den ir so groze liebe stabent

Vnd mvn doch niht gegrifen

Die tovben holen pfiphen

75

Die ir stete an bettent

Uz ir gebote niht entrettent

Die torschen helle welfen

Mvn in selbin niht gehelfen

An die ir helfe svochint

80

Vnd ir genaden ruchint

Ez sint die got verstozen hat

Dur die alten missetat

Daz siv in himilriche

In wolten sin geliche

92d,85

Dez wurden och die tumben

So missestellit krvmben

Also schœn siv wan gewesin

Als die meister hant gelesin

Als sint siv nv entschicket

90

Swer siv an blicket

Der verlvset sine sinne

Uon ir grozen vnminne

Fur alle creature

Sint siv so vngehiure

95

Sage an dv verwazen

[232]

Solt ich dvr die lazen

Den himelslichen zimberman

Der so wislichen kan

Uz erde menschen machen

100

Nv prvefe an disen sachin

Sin gewalt kvnste rich

Kein mensche den andern ist gelich

Daz machtv schowen hiute

Daz dekein antliute

105

Dem andern sich gelichit

Min herze niht entwichit

Von im einen halben fuoz

Mir ist allir vorhte bvoz

Da von ich erwerben mvoz

110

Sinen vaterlichen gruoz

Dv maht mit dinen witzen

Valschen vnde spitzen

93,1

Min herze niht geneigen

Daz ich dem tievil veigen

Mitt oppfir hie iht bringe

Ald an in helfe dinge

5

Der im selbe niht mohte

Gehelfen als ez tohte

Daz dv valscher spehe

Mit dinen ogen sehe

Wie din got wart geschant

10

Vor dinen ovgen alzehant

Der warheit ein exempel

Wie wart din richer tempel

Da nider gevellet

Da vnder vngezellet

15

Heiden wart erdrvcket

In die helle gezvcket

Daz alliz offenlich geschach

Wie der tievil da veriach

Siner missetete

20

Und der bosen rete

Wie er die liute verkerte

In vnselde merte

Und ir vngelucke

Vil menger bosen tucke

25

Diz kan doch niht veruahin

Daz dv wellest versmahen

Dine gotte die tievil sint

[233]

Div bist danne ein rint

93b,29

Wan daz haltet daz lebin

30

Als im got hat gegebin

Swie ez sich verstande

So bistu mit dem bande

Dez tiefels so geseilet

Vnd mit im verteilet

35

In sin selbis fluoche

Nach der warheit buoche

Da von swaz du kvnnest

Ald mir vbils gunnest

Daz ovge swenne dv wilt

40

Hie wirt erst nv gespilt

Ich opfir dinen göten niht

Die wile man mich leben siht

Krist hat min gemüete

In siner minne flüete

45

Geweschin vnd gereinet

Und mich zvo im vereinet

In siner minne triskamer

Mit der rehten liebe hamer

Sint miner rehten sele lide

50

Von dem himilschen smide

Also vesteclich versmit

Nach der suozen minne sit

Er hat min herze genomen

Und gedrvckit vollekomen

55

In siner minne in gesigel

Da von dv helle rigel

93c,57

Mich niht kanst erweichen

Din drowen vnd din smeichen

Ich gelicher maze wige

60

Wan min herre git mir sige

Gein dir gar verworhte

Ich bin ane vorhte

Gein dir eiter slange

Dv mordez giftic zange

65

Dv woltest mich beklemmen

In dime drvhe erlemmen

Dar vz hat mich entwunden

Mit menger grozen wunden

Min getruwer helfere

70

Mit siner marter swere

Die er leit mit willen

Und vngezaltes villen

[234]

Daz er mit gedulde enpfie

Willeclich er gie

75

An dez heren cruces bovn

Dar an der vil ture sovn

Dur vns menschlich erstarb

Ein lebindes lebin vns erwarb

Sin scharpfer tot so strenge

80

In der not gedrenge

Vns der milte erloste

Uon der helle roste

Der hohe got emanuel

Dem ich lib vnde sel

93d,85

Mit vollekominer girde

Siner hohin wirde

Bevolhin han mit truwen

Da von ich dine nvwen

Martir niht entsitze

90

Noch dines mordes bitze

Ich tore dine witze

Din hovart ich wider litze

Der keiser hoh geborne

Wart von grozim zorne

95

Vnd von der rede vnmvotic

Unsittic vnde wuotic

DIV DRITTE MARTER

Dvr sinen vngelovben

Hiez er die maget rovben

Martinam an gewande

100

Zelaster vnd zeschande

Si wolt doch niht enpfliehen

Er hiez ir abe ziehin

Div magtlichin cleider

Ir kivschin libes leider

105

Und hiez enblœzin ir lip

Die reinen maget niht wip

Vnd gebot den helle kinden

Die gemahel cristes binden

An fuozen vnd an henden

110

Uor den lvten schenden

Zespotte mit vngelinpfe

Dem volke da zeschimpfe

94,1

Die magt nakint schowen

Ir reinen lip zerhowen

[235]

Mit swerten vnd zersniden

Daz wolt si frolich liden

5

Dez keisers amptlute gar

Namen siner rede war

Vnd erfulten vor der rotte

Sines willen gebotte

Hœrent vmbe den verschampten

10

In sunden den erlampten

Der valsche der vnmilde

Der eines wibes bilde

Hiez vor im enblozen

Vnd vor sinen genozen

15

Im waren tugende tiure

Der mordez vngehiure

Dise maget gehonde

Swie man ie frovwen schonde

Daz kerte der verfluohte wider

20

Und leite wibes ere nider

Vf schanden straze tratter

Als er von sinem vatter

Hate alhie ge erbet

Der hat im daz bederbet

25

Der tievil von der helle

Dem ich in billich zelle

Zestetim in gesinde

Ze erben vnd zekinde

94b,29

Nach dem er och artet

30

Vnd sines adils wartet

Aller hovbt sivnden dorn

Uon frowen was er och geborn

Swie er dez hate vergezzin

Er was so gar besezzin

35

Mit dez tievils rate

Dem volget er zedrate

Einer frowen lip in trvok

Swie er an wiben tet vnfvok

Vnd an selden gar betrogen

40

So was er doch gezogen

Uon frowen harte lieblich

Swie er sich doch dieblich

Ze vntugenden hatte verstoln

Vnd die üebete vnferholn

45

Uor gote der verfluochte

Die cleiner tugenden ruohte

Swer frowen laster biutet

[236]

Vnd ir ere hie vernivtet

Der ist got wider zeme

50

Der welte vngeneme

Reine frowen sint ein hort

Hie der welte göte dort

Got dur eine frowen kam

Her vf erde vnde nam

55

Von ir sine menscheit

Sin gotheit da mit bekleit

94c,57

Wer mohte frowen volle loben

Sit si in himel da oben

Uolleclichen ge eret sint

60

Von der süezen megde kint

Der hat siv och vf erde

In so hohim werde

Fur alle creatur gemaht

So loblich so wol geslaht

65

Daz in niht gelichit

Ir reinekeit div richit

Beidiv erde vnd himil

Ir luter kivsche ane schimel

Aldie welt krœnet

70

Ir werder name der dœnet

Süeze in gotis ore

Vnd in der engel kore

Wol in die frovwen ere wegent

Der milte got hat gesegent

75

Daz er nieman vs schiet

Aller dirre welte diet

In einer frowen namen

Die er selbe ane schamen

Koz ze einer muoter

80

Und er ir svn guoter

Svz hat er wip gehœhit

Ir werdekeit geflœhit

In sin himilschlich gezelt

Zvo sines vater erbe gelt

94d,85

Ich gib in lobes vngezalt

Me danne lovbis habe der walt

Iht me so wirt gerechnot

Frowen lob vnd gotis gebot

Reiniv wip vnd engel

90

Der kvsche ein lylien stengel

Heizent siv von schulden

Der tugenden vbir gulden

[237]

Wan siv in sinen hulden

Hie sin lob erfulden

95

Doch muozen zallen ziten

Die reinen frovwen striten

Gein dez libes blode

Wie man daz fleisch ertode

Daz ez der sele niht enschade

100

Noch vf siv svnde lade

Dez entuont die engel niht

Anders sint siv einer pfliht

Der engel von genaden hat

Daz er ist ane missetat

105

Daz ist frowen niht gegebin

Die dar vber kvschis lebin

In reinem willen haltent

Vnd dez von tugenden waltent

Daz div nature verzihet

110

Die sint von reht gewihet

Uon ir tugende fundament

In den engelslichen sent

95,1

Svz hat reiner frowen strit

Lob in diser welte wit

Vnd lob vor gotis ovgen

Daz ist ane lovgen

5

Wer wil sich danne an nemen

Waz lobez frowen sol gezemen

Daz er daz volle bringe

Mit der warheit gedinge

Der duhte mich an witzen tumb

10

Vnd an rehten kvnsten krumb

Daz er ir lobis hohen hort

Uolle brahte an daz ort

Daz in got hat verluhen

Wer mohte daz volle zvhen

15

Man sol die frowen eren

Ir dinc zeguote keren

Daz beste von in sprechin

Sich niht an ir rechin

Zvht vnd ere in bieten

20

Als ie die besten rieten

Ir leit mit trivwen clagen

Ir beswerde helfen tragen

Ist einiv eren vnbehuot

Da wider nim in dinen muot

[238]

25

Daz tusent tusent hundert

Mit tugenden sint besvndert

Die reinen muot hant erwelt

Die sin für eine dir gezelt

95b,29

Darzvo ich dir laze

30

Ein guot ebin maze

Jhesus der alle sinne

Erkande vz vnd inne

Von dem alle wisheit floz

Uz alder welte zwelf erkoz

35

Vnder den was einer

Noch ander me dekeiner

Der in an den tot gab

An dez heren cruces stab

Pfenninge vmbe drizic

40

Sines todis vil flizic

Dez doch niht engulten

Die andern wan die erfulten

Sine hohen botschaft

In der svzen minne craft

45

Dez sint frowen lobis wert

Der muot reines willen gert

Vnd ir eren wirde ganz

Uon einer frowen div den cranz

Ob allen frovwen leitet

50

Vf erde in himil breitet

Si aller frowen selde

In der tugenden gemelde

Uon ir claren kvsche

Div gar ane tusche

55

Alle frowen gestet

Vz in allen si glestet

95c,57

Mit loblichir stimme

Als div edil gimme

Vz dem roten golde

60

Dvr die sol man holde

Alle frowen iemer haben

Ir eren veste vmbe graben

Ist mit der eren genuht

Uon der selben frowen zvht

65

Der die engel singent

Vnd lobe wirde bringent

Der erbermede ein amme

Uon yesse dem stamme

Div da zallen ziten

[239]

70

An dez kvngis siten

Von himel ist gesetzit

Mit ir wol ergetzit

Dez schaden so wir namen

Uon even vnd von adamen

75

Der ist mit ir vergolten

Vnd swaz wir gelten solten

Si wil allen wiben

Den itwiz vertriben

Der in ist von einer komen

80

Als ir dicke hant vernomen

Dez sol man gar verswigen

Vnd reinen frowen nigen

Daz hat div eine verschuldet

Aller frowen lip vberguldet

95d,85

Mit ir ir wirde krœne

Nach lobelichim done

Div hohe vnd div frone

Mit himilschlichim lone

Dez sich doch niht versinde

90

Uon sivnden der blinde

Ir lobes noch der andern

Ich meine alexandern

Der Martinam die magt

Als ich vor han gesagt

95

Ir gewandes enkleite

Und ir laster breite

Doch was si lasters ane

Von svnden der vertane

Wolt ir ere krenken

100

Daz kvnde wol bedenken

Uon himel der tugenden stahel

Do er sach sine gemahel

Enblozen vor den livten

Vnd solich vnere biuten

105

Waz tet der wunderere

Dez horint frömde mere

Unde siner tugende fliz

Der megde lip wart snewis

Als ein blankes helfenbein

110

Dvrluhteclich ir lip schein

Von nature was si clar

Ir lip ir goltvarwes har

96,1

Als ich vor han veriehin

[240]

Dar vber sante liehtis prehin

Got ander megde hut

Siner minneclichen brvt

5

Der also rehte vaste

Uon ir libe glaste

Solchiv wunder da geschahin

Alle die sie an sahin

Daz den ane lovgen

10

Ir vil liehten ovgen

Also vinster wurden

Uon ir schonheit burden

Wan von ir lip fine

Giengen solhe schine

15

Die so clare luhten

Daz siv sere schuhten

Ir aller ovgen gesiht

Und mohten den liden niht

Vnd wurden in so tunkel

20

Do der himilsche karvunkel

Da so schon erblichte

Dez menic ovg erschrichte

Nv horint grozis wunder

Daz do geschach hie vnder

25

Als got do enborte

Daz nie kein man gehorte

Ein wunder harte wilde

Der ander megde bilde

96b,29

Vnd an ir lip geschach

30

Daz die nature zerbrach

Und wunderlichen wandelotte

Do man vbel handelotte

Ir lip vnd den verhivwen

Mit dem tode driwen

35

Man sach ander megde

Dem kvschin smaragde

Daz ich für wunder wige

An ir megdlichim sige

Swa ir lip wart versnitten

40

Wider der nature sitten

Offenlichen vnde bloz

Süeziv clare milch floz

Uon ir libe für daz blvot

Daz betute daz ir muot

45

Ir lip ir reines herze

Vor aller sivnden smerze

[241]

Uon gote was gereinet

Mit dem si was vereinet

Vor sivnden gar gefriet

50

Der hate ir och gezwiet

In ir sele ein lebindez obes

Da von rvme ich vnd lobes

Daz von ir kvschen libe ran

Div clare milch lobsan

55

Daz vber alder welte bort

Nie von menschin wart gehort

96c,57

Wan von sante paulo

Dez lebin was von kivsche ho

Und div guote sant katherin

60

Der kivsche ein richer schrin

Von den luter milch gienc

Do got ir sele enpfienc

Ane missewende

An ir libes ende

65

Do man irs hovbt abslvoc

In der gotis minne klvoc

Do floz von ir libes arke

Milch von der kivsche starke

Die siv hatten getragen

70

Dur got bi ir tagen

Horint aber da wider

Uon allir dirre megde lider

Swa man ir lip serte

Div milch geflozzin kerte

75

Für daz blvot genvhteclich

Daz leit div maget zvhteclich

Owe wie rein ir lip was

Diz durlvhtic spiegel glaz

Von aller hande sivnden

80

Sit so fromede ünden

Uon ir libe runnen

Die mazen nie gewunnen

Div edil balsem kiste

Die so reine got wiste

96d,85

Div tiure myrren bvhse

Die hie der helle lvhse

Vn milleclich dur gruoben

Die smehin helle buoben

Doch an den selben stunden

90

Uon ir vngezalten wunden

Kam ein also edil smak

[242]

An dem solhe süeze lak

Als alle edil wurzen

Lange vnde kvrzen

95

Die da wol smeckent

Und die sinne weckent

Zefroden zallen ziten

In dirre welte witen

Vnd alle edel salben

100

Waren allenthalben

Umbe si vz gegozzin

Suz was vmbe flozzin

Mit edilm smacke tiure

Von himelschlicher stiure

105

Div reine vil gehiure

Bran in der minne fivre

VON DEZ PANTIERES NATVRE

Ir herzin was vil gach

Mit ernst lief sie nach

Vil balde vnd och schiere

110

Dem himelschen pantiere

Uon dem pantier wil ich sagen

Siner natiure niht verdagen

97,1

Als fisiologus betiutet

Und dez vrkvnde biutet

Siner edilin nature

Vnd sines libes figure

5

Sin hut ist im garwe

Uon menger hande varwe

Vber die maze schœne

Senftmüetic niht hœne

Wan allein ist ez behaft

10

Mit vil steter vientschaft

Gen der tracken kvnne

Sin haz der ist niht dvnne

Zallen ziten ist im scharf

Sin gemüete vnde sarf

15

Gein dem leiden trackin

In sinem hasse strackin

Vnd so ez sich gesattet

Und sinen lip bestattet

Mit allir hande spise

20

Nach siner nature prise

So ez danne hat er iaget

Nach siner arte wol betraget

[243]

So gat daz vil schone tier

Vil geswinde vnde schier

25

Uffen rvowe inhiuli

Daz vil minneclich fiuli

Vnde slafet drie tage

Nach dez meisters sage

97b,29

Darnach ez erwachit

30

Als sin nature machit

Und lat eine stimme groz

Einen brüelenden doz

In den lvft witen

Mit dem ane biten

35

Lat er einen süezen drast

Und einen froderichen blast

Der vertriffet alle wurzen

Ich wil die rede kvrzen

Sin svze volleclichen wiget

40

Fur swaz div welt pfliget

Wurzen vnd aromata

Die sint hie vertroffen sa

Darzvo alle picment

So der welte fursten hent

45

So sin stimme wirt vernomen

Vnd der smack vollekomen

So volgent im vil balde

Div tier von dem walde

Und sinem svzen smacke

50

Wan alleine der tracke

Dem ist also grimme

Dez pantieres süeze stimme

Die er balde fliuhit

Und sich dannan zivhit

55

Tovgen inder erde hol

Da er danne truwet wol

97c,57

Vor der stimme genesin

Und dem smacke sicher wesin

Ze samen er sich zvckit

60

Mit vorhten versmuckit

Lit der vngeneme

Der vngehiur wider zeme

Gelichir wis den toten

Sin craft ist im verschroten

65

Div andern tier mit ir schar

Nement dez pantieres war

Vf sinen spor siv gahint

[244]

Den smak siv enpfahint

Der von dem pantier dræhit

70

Der allen smak vbir wehit

Der hie ist vf erde

So süeze ist er so werde

Bi disem tier reine

Betiutet sich alleine

75

Jhesus crist der milde

Der vnder dem bilde

Menschlicher nature kam

Die kranken forme er nam

Von minnen der vnverzagte

80

Die gevangen er iagte

Die lange wan in sorgen

In der vinster verborgen

Die der tievil verleite

Zelanger arbeite

97d,85

Zelaster vnd zeschande

Und siv in sinem bande

Hate wol fivnf tusint iar

In stiller gewer offenbar

Der ie dem menschen var

90

Truoc daz ist leider war

Die leite vz todis fürte

Crist mit siner geburte

Do er trat geswinde

Uon dem himilschin gesinde

95

Vnde sich geruohte legen

In dis iamerlichen gegen

Zeburgen vnd zegisil

Mit ernst ane visil

Hielt er daz verlorne spil

100

Daz also rehte langiu zil

Was verlazen ane wer

Gein dem tievillichen her

Daz wart vns sit also ganz

Mit siner minne schanz

105

Verboten vnd gewunnen

Als er vns wolde gunnen

Svz wart der tievil vber spilt

Sin valschis reht gar vngezilt

Daz pantier mange varwe hat

110

Die betiutet cristes wat

Der von menger leige

[245]

Als der liehte meige

98,1

Wunneclich was becleit

Div erste varwe wisheit

Da mit er was gefazzit

Die doch menger hazzit

5

Div ander varwe demuot

Div alle varwe machet guot

Div dritte varwe minne

Div rihtet alle sinne

Div vierde was vorhte

10

Div alle selde worhte

Div fivnfte was milde

Der got nie bevilde

Div sehzte was vernunst

Div hat aller tugende gunst

15

Div sibende was sterke

Die ich zekleide merke

Div ahtode was kivsche

Div was da svnder tusche

Gerehtekeit was div nivnde

20

Aller tugende frivnde

Erbermede was div zehinde

Der bin ich lobis iehinde

Trivwe was div einlifte

Div ie vil guoles slifte

25

Div zwelfte varwe maze

Der bristet hie dem fraze

Div drizehinde was gedult

Div vil lobis hat verschult

98b,29

Div vierzehinde was schame

30

Div wildiv herzen machet zame

Div fivnfzehinde was stete

Div fuogte wol der wete

Div sehzehinde bescheidenheit

Div von rehte krone treit

35

Div sibenzehinde reht gelovbe

Div hilfet vz dem stovbe

Aller hovbt sivnden

Noch mere wil ich künden

Div ahzehinde varwe zvoversiht

40

An die guotes niht geschiht

Div nivnzehinde varwe zuht

Die er truoc mit genuht

Div zwenzigoste gehorsami

Div im volleclichen bi

[246]

45

Volgete vntz an sin ende

Uz disem ellende

Dise varwe menicvalt

Vnd ander menge vngezalt

Schon ob allen varwen kluoc

50

Daz himelsche pantier truoc

Swer sich nv verwen welle

Dem rate ich daz er stelle

Nach disen varwen richen

Da mitte minneclichen

55

Lip vnd sele malen

Mit disen varwen svnder twalen

98c,57

Als ich iv da vor seite

Uon der grozen schonheite

So dem pantier ist gegebin

60

Svnt ir rehte merken ebin

Daz alle schone heizit blint

Vntz an crist der megde kint

Ir svn vnd och ir vatter

Solche schone hatter

65

Als div warheit hat geschriben

Daz sin schonheit ist beliben

Ob aller menschen kinder

Div sint an clarheit minder

Und rehter schonheit ane

70

Als div svnne vnd der mane

Vnglichis schines glestet

Also was ve gegestet

Jhesus an rehter wunne

Uvr aller menschen kvnne

75

Alse Dauit vnverzaget

An dem salter hat gesaget

Daz sin schone hoh betaget

Der welte schonheit hat veriaget

Daz pantier senfmuote

80

Ist vnd vol der güete

Als was och der geminte

Jhesus der wol versinte

Guot vnd darzvo linde

Dez ich urkünde vinde

98d,85

An ysaia dem wissagen

Der sprach bi sinen tagen

Frowe dich tohter von syon

Wan din kvnic mit der kron

[247]

Kvmit her balde zvo dir

90

Der dich nach diner gir

Vil gutlichin losen

Uon dem argen bœsen

Dem tievil dinem voget

Vnd kvmet mit guote gezoget

95

Sin guote ob allem guote

Er hat mit sinem blvote

Gekovfet vns vil armen

Von dem fivre warmen

Als ich iv e bewiste

100

Do sich wol gespiste

Daz pantier mit geiegde

Mit guotem getregde

Do leit ez sich vnde slief

Balde in sin hiuli tief

105

Gelichir wis der megde zart

Do er dvr vns gesattet wart

Von menger spise weide

Uf dirre welte heide

Vor der iuden rotte

110

Mit menger hande spotte

Uon smehim vnruoche

Mit mengem grozin fluoche

99,1

Von herter geselunge

Die der süeze ivnge

Enpfienc mit gedulde

Fur alder welte schulde

5

Nam er mengen halslac

Vf sinen minneclichen nac

Darzvo siv in bekorten

Mit mengen scheltworten

Wart er hie gehœnet

10

Sin werdes hobt gekronet

Mit mengem scharfen dorne

Da mit der hohgeborne

Hat vnser leit verbuwen

Sin antlüt an gespvwen

15

Daz in hohir wirde

Die engel mit begirde

Vnverdrozzin an sehint

Dar an gantze frovde spehint

Daz kriuce er selbe truoc

20

Daz was iamerlich genuoc

Svz smahte man in harter

[248]

Daz er sin marter

Uf im selbe muoze tragen

Daz niht in den tagen

25

Die zwene schacher tatin

Die ez verschult hatin

Mit morde bi den ziten

Die an siner siten

99b,29

Wurden do ertœdit

30

Und dur reht genœtit

Willeclich er gienc

An daz criuce vnd enpfienc

Den tot ane schulde

Und wart mit gedulde

35

An daz criuce gezwickit

Dez billich erschrickit

Ein iegslich reine herze

Wa der grimme smerze

Allen smerzin vber wac

40

So ie menschin kvnne pflac

So vil sin nature

Und sin menschlich figure

Zarter vnde reiner was

Lvter als ein spiegel glas

45

So vil scherpfer vnde wirz

Was sin tod gelovbint mirz

Horint furbaz mere

Uon siner marter sere

Wie er wart getrenkit

50

Ezzich im wart geschenkit

Gemischit gar mit gallen

In spotwis mit schallen

Siv sich an im rachen

Dur sine siten siv stachen

55

Mit einem scharpfen spieze

Merkent wie er lieze

99c,57

In sin herze entrennen

Daz wir da bi erkennen

Sine minne muosten

60

Wie er in dirre wüesten

Der welte vns hat erarnet

Daz wir da bi gewarnet

Ualscher minne weren

Vnd daz wir gar enberen

65

Zegantzlicher liebe

Div vns als die diebe

[249]

Gotis minne verstelint

Vnde tugende vor vns helint

Svz wart crist gespiset

70

Als ich iv han bewiset

Mit vnsüezen trahten

Svren vngeslahten

Darnach er sich leite

Slafen nach der arbeite

75

Menschlichen in ein grab

Der scrift er ein ende gab

Alse die propheten

Uon im gekvndet heten

Daz ich niht kan erzellen

80

Dar nach er zer hellen

Fuor mit sigenvnfte

Da er mit siner kvnfte

Bant den giftigen vnk

In der abgrunde tunk

99d,85

Vnd den tracken rezen

Den argen vngemezen

Die alten vipper natrvn

Div vns menge blatrvn

Mit svnden hat gemachet

90

Der craft wart geswachet

An der selben stunde

In der helle grunde

Da er niht geschaden mak

Weder naht vnde tak

95

Wan so vil wir hengen

Im an sinen gengen

Und an sinem rate

Fruo vnde spate

Er mac vns niht getwingen

100

Keiner svntlichen dingen

Sin craft ist nihtes wert

Gebin wir im vnser swert

Daz er vns mit ersteche

Vnd sich an vns reche

105

Da sin wir schuldic an

Beidiv wip vnde man

So wir im wafen bieten

Die vns ie verrieten

Daz siv vns verderbin

110

An libe an sele ersterbin

Wem wellen wir daz wizen

[250]

Ob wir vns selbe flizen

100,1

Wislich vf vnsern schaden

Unsir vient vf vns laden

Siv mvn vns nv niht getuon

Doch so wirdet niemer suon

5

Doch dekeiner slahte frit

Vnd ist daz ir alter frit

Niemer dar vns komen trit

Got der schende in alliv lit

Sie müeget iemer sere

10

Daz wir die grozen ere

Süln dort besitsen

Die siv mit vnwitzen

Vnd mit hofart verlurn

Do siv ir scheppfer verkvrn

15

Do wurden siv bekrenkit

In die helle versenkit

Uon dem himilschen pantiere

Zvo dem verfluohten biere

Daz siv selbe hant gebrvwen

20

Mit lvge mit vntruwen

Krist nach dez pantieres sitten

Stuont vf an dem dritten

Tage nach dem slafe sin

Daz was von dez todis pin

25

Vnd liez einen grozen doz

Der von sinem munde floz

Daz wan div grozen wort

Div vber alder welte bort

100b,29

Von den wissagen hullen

30

Und och sit erschullen

Von sinen botten lobsamen

Die sinen hohen werden namen

In die welt sit kvnten

Und die liute entzvnten

35

Mit dez heiligen geistes fiure

Daz was e vil tiure

Von dem pantier och gat

Ein smak der craft hat

Dez im vnerbolget

40

Allis will volget

Daz den smak bevindet

Wan ez niht erwindet

Ez lovf nach mit yle

[251]

Dem pantiere menge mile

45

Svz gie von ihesu crist

Ein svzir smak alle frist

Den ich svz betiute

Wan die wilden livte

Liefen sinem smake nach

50

Und was in also rehte gach

Daz siv libes vnd gutes vergazen

Frivnde vnd mage lazen

Muoter darzvo vater

Von den beiden trater

55

Uon kinden vnd von wiben

Bi den niht beliben

100c,57

Von swester vnde brvoder

Dur dez smakis lvoder

Darzvo in wilden walden

60

Dur den smak alden

Sach man ir genvoge

In der minne fuoge

Lovb graz ezzin vnde krvt

Mengen werden gotis trut

65

Dur den süezin smak

So der himel pantier wak

In rotschen och verborgen

Abent vnde morgen

Alsam div tier wilde

70

In holtze vnd vf gevilde

In gebirge in menger hurst

Grozin hunger mengen durst

Stark hilze svren frost

Siv haten harte cleine kost

75

Mit ir selbir libe

Noch me ich kvmbers schribe

Nach dem smake siv gahten

So daz siv versmahten

Alder welte richtuom

80

Ir gezierde vnd ir rvom

Vnd liezin sich pfenden

Der füeze vnd der henden

Elliv lider binden

Und also rinder schinden

100d,85

Sieden vnde braten

Dur den smak vmberaten

Rosten alse vische

Vf glvoten alse frische

[252]

Mit glugenden ysen brennen

90

Mit allen fieren dennen

Und spannen an die schragen

Vnd binden an ir kragen

Änker vnde mulstein

Alsi weren vnrein

95

In daz mer schiezin

Zegrunde lazen fliezin

Wer mohtes gar gezaln

Man hiez etslich maln

Als korn in den mvln

100

Noch me wir sagen svln

Man hiez etsliche segen

Als wir nv mit holze pflegen

Uon dem hovbete dvr nider

Do sprachen siv niht wider

105

Zvo etslichen geschozzin

Mit bogen vnverdrozzen

Vnd mit arnbrvsten vil

Gelicher wis als zeime zil

Svmelich in reder geflohten

110

So daz siv niht mohten

Hende noh fuze geregen

Ir genuoge sach man legen

101,1

Zespise dem gewürme

Die vnn menslichen stürme

Siv willeclich enpfiengen

Svmelich och hiengen

5

An den füezen hoh enbor

Svz liefen siv vf den spor

Dez himelschen pantieres

Vnd waren also zieres

Mvotes vnd so veste

10

Die himilschen geste

Den ediln smak siv suohten

So girlich daz siv niht rvohten

Wie siv wurden gehandelot

Ald ir lebin gewandelot

15

Zvo menger hande plagen

Uon frvnden vnd von mægen

Man sach ir vil strœwen

Ze spise für die lœwen

Och ist daz ane lovgen

20

Svmelichen wurden div ovgen

Mit nagberen vz gebort

[253]

Also wurden die bekort

Ir genuoge man versande

Von ir vatter lande

25

Uerre in wildiv einlant

Da siv waren vmbekant

Vnd von hunger sturben

In mengewis siv verdurben

101b,29

Vnd ir lebin gesetzit

30

Ir wart och vil geletzit

In zer lazin wallendez bli

Da siv doch beliben fri

Uor allem vngemache

Mit menger hande sache

35

Siv den smak gulten

Da mitte siv erfulten

Ir lip vnd och ir sele

Mit dem hohen got emanuele

Der in himilrich gehiez

40

Und niht vngelonet liez

Swaz in der marter spiez

Tet vnd der helle fiez

Daz man ir leben tete mat

Wart ir etslicher gesat

45

In wallendez öl heiz

Daz ir lip niht enbeiz

Und wol da von genasen

Ane marter mazen

In ysen wart ir vil versmidet

50

Svmelich gar entlidet

An ir lidern allen

Dv spotliches schallen

Nivwe marter siv funden

Etsliche siv bunden

55

Wilden rossirn an sweifen

Und iamerlichen sleifen

101c,57

Vber velt vnd dur stocke

Mit mengem wilden zocke

Dvr studen vnd dur hursten

60

Den scherpfesten vnd wursten

Swar so div ros beduhten

Uor wilde siv niht schuhten

Man mohte ir vil schowen

Alse swin zerhowen

65

Vnd vz in riemen sniden

[254]

Daz sach man siv liden

Willeclichen mit gedult

Wan siv waren gar vngedult

Dez himelschen pantieres smak

70

Der in solhe svoze wak

Daz siv gar vergazen

Swaz siv in kvmbers mazen

Wer mohtes gar gesagen

Etslich hiez man iagen

75

Nackent dur die stete

Mit razen hunden enwette

Die zene mit siumeliche slvoc

Vz ir munde dur vnfuoc

Mit einem hamer ane zvht

80

Daz was doch der sele fruht

Wan div marter was groz

Ir genvoge man begoz

Mit wallendigem smalze

In die wunden mit salze

101d,85

Dvr pine gesprenget

Daz hat got verhenget

Uns armen zetroste

Ir genuge man troste

Vf einem roste ysen

90

Daz man siv wolde wisen

Ab dez pantieres pfade

Hin zvo der helle stade

Och war vil mengem vngelogen

Dvr vientschaft vz gezogen

95

Mit haspiln daz gederme

In der svzen minne werme

Ir vil mit seilen erwürget

Dem tode alsvs verburget

Man hiez och ysen glüegen

100

Da mitte nitlich brüegen

Mengen werden gotis trut

Ane erbermede dvr sine hvt

Man hiez der megde brüste

Zvo dez todis verlüste

105

Von ir libe howen

Und menger reinen frowen

Den siv och vz erswarten

Ir valwis har siv zarten

Vnd an ir zoppfe hiengen

110

Dar zvo siv begiengen

[255]

Mit marter grozem vnfuoc

An menger ivngen megde clvoc

102,1

Den si benamen garwe

Ir lilien rosen varwe

Och hat der himilsche adamas

Si tusint valt geverwet baz

5

Uor dem siv lvhtent iemer

Sin glanz erloschit niemer

Menic marter siv an huoben

Svmlich siv lebinde begruoben

Vnzallich not siv dolten

10

Wan siv niht enwolten

Uon dem smake fliehen

Man hiez etslichen vz ziehen

Ir aderan mit zangen

Disen kvmber langen

15

Siv willeclichen litten

Mit rehter gedult siv erbitten

Dez iemer wernden gemachis

Vnder der froden tachis

Mit selden vngezelten

20

Die gotis erwelten

Uon anegenge hat bereit

In der frovden stetekeit

Da sich div frovde nivwet

Vnd da nieman rivwet

25

Die kvrze reise

In dirre weltefreise

Wan dirre marter strick

Als ein gehin ovgen blick

102b,29

Gen den steten frovden wiget

30

Div ander wunne liget

So got mit sinen pfliget

Div aller frovde angesiget

Daz pantier sus betiutet

Als div warheit gebiutet

35

Jhesum der in dem grabe slief

Dem mensliches wilt nach lief

Dur den smack süezen

Der von sinen henden vnd füezen

An dem cruce hat gerochin

40

Der noch hiute vmberochin

Ist allen svnderen

Die sin not wil beswæren

[256]

Die svn mit dirre magt

Balde lovfen vnverzagt

45

Martinvn die seldenrichen

Uon ir niht entwichen

Div edil von hohgeburte

Div dem pantier nach spurte

Als ich da vor kvnte

50

Div den smak ergrunte

Wan von ir reinem libe

Der megde niht dem wibe

Ir munde vnd ir lidern ovch

Gie ein so süezir rovch

55

Der so minneclichen drahte

Und irdenschen smak vberwahte

102c,57

Wa man si och ruorte

Alde ir hut zerfuorte

Do floz div milch clare

60

Uon ir offenbere

Diz wunderlich zeichin

So billichen weichin

Alle reine sinne

Vf dirre megde minne

65

Wan ir rein gemuote

In der kivsche blvote

Got also bewarte

Und er offenbærte

Daz lvter spiegel glas

70

In daz gar gereinte vaz

Gozer sinner minne fluz

Mit dez heiligen geistis dvz

Daz siv allenthalben

Alse die edeln salben

75

Uon ir claren libe brach

Do man die milch sach

Von ir libe rinnen

Div tiute daz si innen

Reine was vnd vzzen

80

Do so balde schuzzin

Fluzze also frömede

Von ir fleisches hömede

Ich meine ir blanken hut

Div von clarheit vber lut

102d,85

Mohte nieman an gesehen

Von dez glastes prehen

So got an sine lieben streich

[257]

Da von in allen entweich

Div craft ir ovgen gesiht

90

Die da wolten haben pfliht

Bœser vnreiner begirde

Si hatte mit hohir wirde

Jhesus ir gemahil bedaht

Wan div vil kivsche vaht

95

Dur in herte strite

In disem kvrzin zite

Da von die reinen frowen

Die got wolde betowen

Mohte nakint gekiesen

100

Er muose alda verliesen

Siner ogen glast

An den liehtis in gebrast

Uon der megde zivhin

Ir libes clarheit schiuhin

105

Die er furbaz schonte

Mit svnder schonheit kronte

Ir kivschin lip svnderlich

Mit siner schonheit wunderlich

Die claren er clarer machite

110

Ir schoni schonheit swachite

Alle die si an blihten

Daz der ovgen erschrihten

103,1

Ab der schonen schonheit

Die got hat an si geleit

Wart ir ovgen lieht versnitten

Ane dez herzin bitten

5

In ir wirde en mitten

Niht nach menschin sitten

Ez tet daz lieht daz elliv lieht

Uon sines liehtis glanze schiet

Gein dem allis lieht erloschit

10

Vnd doch elliv lieht erfrischit

Und och an im enzvndit

Von dem gewerlich kvndit

Sant johanes ewangelist

Daz was ihesus crist

15

Daz lieht in der vinster

Zeswen halb vnd winster

Dem livte lieht sande

Daz in dem vinster lande

Saz an dez todis schatten

[258]

20

Und niht liehtes hatten

Wan ez was da tunkel

E der lihte karfunkil

Er glaste in den limbo

Und sin volk machte fro

25

In dem vorhove der helle

Der ich niht gar enzelle

Wan ir was ein michil schar

Die der werde adelar

103b,29

Mit im zehimel brahte

30

Do er von hinnan gahte

Der süeze milte gotis svn

Von dirre welte prisun

Der luhte och der megde

Div sines kanpfes geiegde

35

Mit vesten muote iagte

Vnd och wider sagte

Dem keiser alexandern

Und och den andern

Die ir lip plageton

40

Vnd ir sele lageton

Mit so menger marter

In den si vngesparter

Svz mit gote rette

Mit herzin vnd munde enwette

45

Herre crist ich han geruoft

Zvo dir vater vnd gewuoft

Und hast mich och erhœret

Min sorge zerstœret

Vnd miner svnden fluoche

50

Suosir vatter nv ruoche

Daz miner herten marter strit

Sin ein lob elliv zit

Uor dinem antliute

Iemer me vnd hiute

55

Die sivften mines herzin

Vnd dez libes smerzin

103c,57

Von diner gotlichin gesiht

Muozen iemer haben pfliht

Miner sel zeheile

60

An frovde richim teile

Wan ich vil armer tumber

In mines libez kvmber

Han dich an geschrivwen

In vaterlichen truwen

[259]

65

Daz hastu vollekomen

Von mir herre vernomen

Und hast mine viende

Sere gein mir schrigende

Mit diner helfe zvhte

70

In spotlichir fluhte

Von mir hin gekeret

Und mine frovde gemeret

Des habe ich befunden

Die warheit zallen stunden

75

Darzvo dv wol weist

Daz an vnderlaz min geist

Vor dir ist vz geschozzin

Mit willen vnverdrozzin

Reht alsam ein brvnne

80

Bi dir lebinder svnne

Uil an dem brvnnen liget

Bezeichenvnge so er pfliget

Ez ist ane lovgen

Der brvnne rinne tovgen

103d,85

Uon gotlichim werde

Verborgen vz der erde

Allen luten vnkvndic

Und ir witzen vngrundic

Also was in alle stunt

90

Div reht warheit vnkvnt

Dem keiser vnd den liuten

Dez lebenden brvnnen betiuten

Wannan div genade groz

Tovgen zvo der megede floz

95

Daz si nieman mohte

Vberwinden als ez dohte

An dekeinen orten

Mit marter noch mit worten

Noch ir gemuote strovwen

100

Mit zarte noch mit dröwen

Mit zarte vbil noh mit guote

So daz man ir gemuote

Uon gote iht mohte keren

Ald vngelovbin leren

105

Man sach die vil heren

Gotis ere meren

VON DES BRVNNEN NATVRE

[260]

Och ist der brvnne clare

Daz man wol offenbare

Sich darinne mac ersehin

110

Dez ir alle muozent iehin

Die ez hant versuochet

Ald swer sin noch geruochet

104,1

Ir munt och daz ahten

Selbe vnde trahten

Tumben vnde wise

Alt vnde grise

5

Gewahzen vnde ivnge

Ein bezeichenunge

So die brvnnen pflegent

Swie vil ez hat geregent

Daz siv doch niht betruobent

10

Die art si noch behuobent

Got ist lvter iemer

Vnd getrubet niemer

Swie vil wir gesünden

Mit der vntugende ünden

15

Daz er doch luhter rinnet

Und niht trüebe gewinnet

Swenne wir keren wider

Vnd die sivnde legen nider

Und vns die mit trivwen

20

Stete lazen riuwen

So lat er vns genesin

Vnd wil der lœzir wesin

Sin guote div ist menicvalt

Och ist der brvnne kalt

25

Swenne wir so vil gewinnen

Sivnden daz wir verbrinnen

Wellen vor ir hitze

Und ir vnreinen bitze

104b,29

Vnd wir da inne wuolen

30

Ze hant wil vns erkvolen

Der kvele brvnne here

Nach sinner minne lere

So wir die verwazen

Svnde wellen lazen

35

Och ist der brvnne reine

Allen liuten gemeine

Alse warheit steppfet

Da man in scheppfet

Uil gemeinliche

[261]

40

Der arme als der riche

Svz ist der brvnne lebendic

Von himilrich gebendic

Sin genade zallen ziten

Gvotlich ane vnder biten

45

Milteclich vnlasser

Sin lebindiges wasser

Daz er vns armen schancte

Uz siner siten vnd vns trancte

In der svnden hurste

50

Von dem wernden turste

Het er vns enthabet

Und brvoderlich erlabet

Do vns waz gebrosten

Ander selden kosten

55

An sele vnd an liben

Mannen vnde wiben

104c,57

Er hat vns och geweschin

Von der svnden eschin

Och ist der brvnne stete

60

An dez wazzirs gerete

Daz er stete wazzir git

Ane gabe zallir zit

Und hat niht deste minder

Daz merkent liebin kinder

65

Wie got ane vnderlaz

Uns biutet sineir applaz

Dar zvo sine hulde

Vmbe alle vnsir schulde

Die wir hie beweinen

70

Und ware riuwe erscheinen

Alder ioch besivftet wirt

Daz vns div gar verbirt

Er ist och solchis muotes

Daz er dekeines guotes

75

Vmbe die genade gert

Erst hiure richir dane vert

Und git die genade vergebin

Zvo dem svn wir strebin

Der brvnne me betiutet

80

Als sin nature gebiutet

Wan er zetal duzit

Und niht zeberge fluzit

Also rinnet div genade gotis

Vnd div craft sines gebotis

[262]

104d,85

Und sin suoze minne

Niht wan in die sinne

Vnd herzen der demuotigen

Die mun im ein an gesigen

Und sin genade vinden

90

Mit sinen liebin kinden

Aber die zevollen

Mit hofart sin geswollen

Vnd sich so hohe plægent

Die snident vnde mægent

95

Darnach siv gebuwen hant

Dez si mit truwe ir pfant

Die berge sint die wehin

Die hohvertigeu spehin

Die sich niht geneigent

100

Vnd sich zeberge steigent

Mit vbermuotes willen

Und sich niht wen stillen

Daz sint die niht fiuhtent

Der brvnne noch erluhtet

105

Er flivzit nvwan in div tal

Div herzen von die mvtes smal

Dar hat sin genade val

An die ist ez allis sal

Doch me der brvnne tuot

110

Er ist niender also guot

Daz merkint alt vnd iunge

So do er vf von sprvnge

105,1

Gewalteclichen wallet

Und also frischer vallet

Mit murmel also lose

Vnd mit so stolzim kose

5

So man zegot ie gahet

Kvmet vnd ie nahet

So sin genade ie grozer

Ist vnd och ie blozer

Und och ie baz getrenkit

10

Vnd die genade schenkit

Ie volleclicher mit genuht

Wol im wol der die fruht

Eweclich sol niezin

Ane dez herzin verdriezin

15

Da von sprach div magt

Als ich vor han gesagt

[263]

Martina in ir gebette

Daz si zegote tete

Daz als ein brvnne were

20

Ir geist ane swere

Bi ir liebin amyen

Dem himelschen frien

Mit dem si me koste

Ir herze si enbloste

25

Und ir sele alsam

Vnde sprach abraham

Der alt vater vnser mac

Sinen lieben svn ysaac

105b,29

Dir zeime opfer brahte

30

Als din wille gedahte

Da mit dv in versuochtest

Vnd sin zeknehle ruohtest

Den brahter diner gotheit

An ende tief vnde breit

35

Den dv herre enpfienge

Und dine guote begienge

Wan er vmbe tovbete

An dich vater gelovbete

Also enpfahe minen strit

40

Den min lip min sele git

Und mines herzin gedingen

Zvo guotem ende dringen

Daz die svnden gifter

Vnd dez meines stifter

45

Bekennen also verre

Daz dv liebir herre

Gewalteclich vnd milde

Zerbreche daz gulden bilde

Daz die ivden machten

50

Siv da mit verswachten

Do Moyses von in gie

Vf den berg vnd enpfie

Synay div zeichen gebot

Uon dir vater vnde got

55

Vnd vierzic tage da was

Ane spise er da genaz

105c,57

Daz wart dur dich gebrochin

Din zorn an in gerochin

Uon dem helde Moyse

60

Der ir vil vnde me

Vmbe den grozin vnfuoc

[264]

Hiez slahin vnde selbe slvoc

Umbe ir svnde zelone

Darzvo dv zebabilone

65

Als din gewalt geruochte

Ein abgot so verfluochte

Daz was geheizen bel

Daz din kneht Daniel

Der dich gerne horte

70

Mit diner craft zerstorte

Und rach daran dinen haz

Wan daz tievilliche vaz

Er so gar zergante

Daz sich sere langte

75

Swer ez solde volle sagen

Wie es ergie in den tagen

Wan diz vnd menic wunder

Daz alhie besunder

Hat begangen din gewalt

80

So rehte hoh so menicvalt

Und nv an mir erzeiget

Din genade vnd geneiget

Gein miner kranken demuot

Die du herre hast behuot

105d,85

Und nv nach der ystorie

Diner gotheit glorie

Div niemir wirt ergründit

Hast erzeiget vnd gekvndit

Offenlich mit vollen

90

Dem abgot appollen

Vnd an dem grozen geruste

Daz din gewalt zirknüste

Und och den keiser wehin

So hofertigen spehin

95

Mit alle hast geschendit

Siner eren gepfendit

Vnd mich din dirnen gewehlich

Mit dinem liehte egberlich

Und dine gotliche glanze

100

Volleclichin ganze

Durliuhteclich erglestet

Nach dinem lobe gegestet

Uor dem keiser vnd der diet

Mich din liehter schin vz schiet

105

Daz ich nach rehtem flize

Mit mines libez wise

[265]

Dez kranken fleischis geluste

Vnd die bosen akvste

Der argen nivwen fivnde

110

Die totlichin sivnde

So min viende ruochint

Da mit siv mich versuochent

106,1

Mohte wol enpfliehin

Lip vnd sele ziehin

Von ir geselleschefte

Mit diner hohin crefte

5

Alse div e tete

Nach diner alten stete

Wan du nie getrete

Uz der erbermede wete

Do dise rede vnd andriv wort

10

Der riche keiser erhort

Dv mit got dise maget

In ir gebete hate gesaget

Und in ir libes plage

Div vf dez todis wage

15

Dez rehtes gewegis lot

Zvo dem grimmen tode bot

Wart er do von zorne

Der veige der verlorne

Also harte versnitten

20

In sinen grozen vnsitten

Mit so menger beswerde

Vnd sprach do mit geverde

Harte zornlichen

Zvo der seldenrichen

25

Entweder div verschamptiv

In schanden div beclamptiv

In bosheit div verwarret

Mit valsche div versparret

106b,29

Dv hast hie ane fristen

30

Mit dinen zoberlisten

Daz folk hie betovbit

Der sinne gar berovbit

Und torest ir sinne

Vffen bœse gewinne

35

Die hie stant zegegen

Uf die dv wollest legen

Dine valschen tucke

Vf werendez vngelucke

[266]

Dv bist in wider zeme

40

Hegxse gar vngeneme

Der rede gap antwurte

Div maget hohir geburte

Martina dv werdiv frovwe

Der herze von himel tovwe

45

Suoze was erfiuhtet

Dvr glenzit vnd erliuhtet

Uon ir schuol meister

Vil gerne triuwe leister

Der megde in ir strite

50

Bi der guoten alle zite

Was sin helfeclichir trost

Der ir sele tet erlost

Wan er die liebun meinde

Da von er si reinde

55

An sele vnd an libe

Gelichir wis ich schribe

106c,57

Wan er was ir holt

Als man lutert daz golt

Daz man wil gehalten

60

Dur liebi lazen alten

Daz wirt dicke erbrennit

Untz daz man wol erkennit

Nach der kvnste lere

Daz ez niht mere

65

An im hat dez rostes

Vnd ez dez besten kostes

Wirt so ez werden mac

Also wart vf beiac

Gelutert div goldis bovge

70

Dur daz ir sele ovge

Frolich ane schricken

Mohte an blicken

Die gewaren svnnen

Und die lieht erkvnnen

75

In volleclichim glanze

Wan div lobis cranze

Treit in froden schanze

Uil luter vnde ganze

WIE DER ADELAR GENATVRET IST

Die kan nieman angesehin

80

Volleclichen hœre ich iehin

Kein creatiur ane schaden

[267]

Ir ovgen werden vber laden

Also rehte vaste

Von der svnnen glaste

106d,85

Daz si da von blindet

Als grozin schaden bevindet

Wan allein der adelar

Dez ovgen sint so clar

Daz er in die sunnen sihit

90

Ane wenkin so man gihit

Merkint von im furbaz

Aristotiles schribet daz

Er si sneller nature

Und einer edilen flgure

95

Wan er het fleischis cleine

Nach der grozi sinem geheine

Ge adirt wol nach krefte

Uon gotis meisterschefte

Da von er krefte pfliget

100

Div fur alle vogel wiget

Von siner nature guft

Ist sin geist von luft

Genaturet vnd gerichtit

Da von er stete pflihtit

105

In dem lufte mit wesin

Und in dem wol genesin

Von im schribet alsus

Sanctus augustinus

So er alten beginnet

110

Daz er danne gewinnet

Brestin an siner gesiht

An sinen vetechin och geschiht

107,1

Daz die beginnent swaren

Uon mengi siner iaren

Wie dez presten werde rat

Dez ist selbe er artat

5

Er suochit einen brvnnen

Als er wol kan erkvnnen

Der von grunde och vf quelle

Ob dem vf vil snelle

Fluget er mit witze

10

In der sunnen hitze

Vntz im erhitzit daz gevider

Uetechin ovgen da wider

Danne kvmet er geflogen

Vnd drvckit sich vngesmogen

[268]

15

In dem brvnnen dristunt

Als siner nature ist kvnt

Svz ist im wol gelungen

Svz kan er sich ivngen

Och hat der ar wehe

20

Ein wunderliche spehe

Gein sinen kinden

Da mit er wil bevinden

Welez nach im arte

Und biutet danne vil zarte

25

Ein ieglich ärlin

Vf gein der sunnen schin

Daz dar in volleclichin siht

Er zerehtem kinde giht

107b,29

Daz abir daran zwieret

30

Mit den ovgen kieret

Und die sunnen schiuhit

Mit den ovgen fliuhit

Dur den selbin gebrest

Muoz ez rumen daz nest

35

Vnd het ez an vnderbint

Niht fur sin eigen kint

Div aber der sunnen glanz

Mit vollen ovgen schowet ganz

Div spiset er sa mit zvht

40

Fur sines libes rehte fruht

Och ist der adelar

Fur ander vogel milte gar

Swaz er spise beiaget

Mit frigem muote vnverzaget

45

Daz lat er vnvergezzin

Alle vogel mit im ezzin

Dur die milten sitte

Volget im vil uogel mitte

Als div schrift bezivget

50

Kein vogel so hoh fliuget

Als der adelar wol gemuot

Uf in die lufte tuot

Mit fleisch ist er vngesoumet

Swenne er sich vf goumet

55

So siht er vf gedinge

Allumbe sich zeringe

107c,57

Der kvene der vil wise

Wa er sine spise

Nach siner art erwerbe

[269]

60

Und niht von hunger sturbe

Alder schowet sine clawen

Mit flize dur die brawen

Die im wol gevellent

Vnd sich zewer stellent

65

Alder schowet ane pin

Den vil liehten svnnen schin

Ane der ovgen wider slac

Daz an in doch niht mac

Kein creature me getuon

70

Dez hat er ob in allen ruon

Schowent wel edelkeit

Dem adelar ist bereit

Dez er lob vil gemeit

Ob aller creature treit

85

Sam tet och div frige

Martina gotis amige

Sin gemahel vnd sin brvt

Er ist friedel vnd ir trut

Div sich ane lovgen

80

Mit der sele ovgen

An aller slahte wenken

An der ovgen crenken

Staht in dez svnnen prehin

Niht den wir hie da sehin

107d, 85

Ez ist der himel vnd erde

Entliuhtet hat so werde

Div grundelosen abgründe

Der ertgeruste bünde

Vnd der wazzir vmbe ring

90

Der brvnnen verborgen vrspring

Und der wilden gebirge sloz

Die sewe menic wuste moz

Der vmbetruobte karvunkil

Der in die vinster tunkil

95

Der vor helle blichte

Vnd sine liebin erkichte

Die sin gebitten haten

An dez todis schaten

Nach der warheit buoche

100

Uon dem alten fluoche

Den wir alle namen

Von vnsirm vater adamen

Den hat nv versüenet

[270]

Sine minne vnd ergrüenet

105

Der wolkenlosen svnnen glast

Dem liehtis schines nie gebrast

Sach div maget Martina

Ane wider wenken da

Die der keisir rich beschalt

110

Dur siner hofart gewalt

Als ich da vor gewuoc

Dur den haz so er truoc

108,1

Der megde ane schulde

Dur sine vngedulde

Zeich er si zovberliste

Dur daz si an criste

5

Was vil stete iehinde

Sine götte vber sehinde

So schalt si der furste

Alexander so er wurste

Mit siner rede kvnde

10

Vz vil süezim munde

Div magt dez antwurte

Div reine hohir geburte

Sprach zvo dem keiser

Div gewarer helle reiser

15

Dv bist mordes vnsatter

Der helle wirt din vatter

Ist aller sivnden anevank

Der ie nach morde rank

Ein furst allis zovbirs

20

Verfluochter vnde tovbirs

Wart nie creatiure

So swach so vngehiure

Wart nie tier gebildet

Uon got ist er verwildet

25

Der arge valsche tuscher

Er minnet die vnkvchir

Vnd swer vnreht wirbit

Ane libe an sele stirbit

108b,29

Vnselic an allen eggen

30

Er minnet die manslegen

Die meinteter er triutet

Unde swer sich biutet

In wider wertige geluste

Vnd in bose aküste

35

Die wil der eren bloze

Brvten in siner schoze

[271]

Bi sinen helle welfen

Wie mac mir der gehelfen

Den ich so gar versmahe

40

Noch sinen rat enpfahe

Noch kein gebot leiste

Daz von dem bosem geiste

Ie wart vf geleit

Als din munt hat geseit

45

Wan daz ist ein luge

Und ein offen truge

Da mit dv ie buge

Die selen von gote zvge

Abir min behalter

50

Allir tugenden walter

Min schepphir ihesus crist

Der wil alle frist

Verdampnon ane zwivil

Mit dem argen tivil

55

Die widerwerteclichin lebint

Und wider sin gebot strebint

108c,57

Die muozen mit flize

Die ewigen wize

Iemir mere niezin

60

Ane endis verdriezin

Och soltu keiser vernemin

Waz dir sol gezemin

Du solt werlich wissen

Als dv bist geflizzen

65

Vffen menge marter

Daz dv vil harter

Pine muost erarnen

Dez wil ich dich warnen

Swie dv nv erblindest

70

Daz dv noch bevindest

Die rehten warheit offen

Clar vnd versloffen

Daz ich mit zovberlisten

Als dv vns cristen

75

Zihest gewerliche

Noch erverst geverliche

Daz ich in dem namen

Jhesu cristi lobesamen

Der himil vnd erde pfliget

80

Mit dem ich han gesiget

[272]

An dinen martern allen

Und an dinem schallen

So dv hast gepflegen

Die ligent vnder wegen

108d,85

Die han ich vberwunden

Nu an disen stunden

Diner marter geluppe

Sint mir ein gestuppe

Siv kvnnen niht gewerren

90

Mir vor minen herren

Crist der min hüetet

Und trutlichin brüetet

Vnder siner vetechin schatten

Mich siner genaden gesatten

95

Die rede zvrnde sere

Der riche keiser here

Uon zorne misse stellit

Daz so vil gezellit

Was siner gote laster

100

Dez was sin muot vaster

Vf vbiltat gekeret

Sin vngedult gemeret

Wart mit grozin vnsitten

Sin herze was versnitten

105

Mit dez zornis strale

Und hiez alda zemale

Die heren maget engesten

Ir cleider vnd enbesten

Ir reines libes gewande

110

Der arge niht erkande

Daz man ie frowen schonde

Da wider er si honde

109,1

Sin herze was verschiket

Mit vnselden verzwket

Mit schanden gar vernietet

Uon dem tievil gemietet

5

Was der vngeneme

Gote wider zeme

Und dem himilschen here

Die reinen magt ane were

Hiez er der cleider rovben

10

Daz si den gelovben

Cristes niht wolde lazin

Schelten smehis grazin

Muoze div maget liden

[273]

Hazzin darzvo niden

15

Div gvote hate sich bewegen

Dur den himilschin degen

Swaz ir geschehin mohte

Daz ir ze liden tohte

Svz wart si enblœzit

20

Ir gemahil genœzit

Dem vil süezin gaste

Jhesu der an dem aste

Dez cruces nakint hienc

Den tot willeclich enpfienc

25

Fur der welte sünde

Div dort in dem gründe

Der helle salamanders

Iemir muozen anders

109b,29

Geselleschefte leistin

30

Den verfluochten geistin

Dem leiste dise maget

Geselleschaft vnverzaget

Div lie sich handelon

Nackent vnde wandelon

35

An ir wibes ere

Nach ir friedels lere

Der ir vil richis cleider

Sit zelone an sich sneider

Siv waren ir libes gewaltic

40

Do was div tube einvaltic

An ir sele luter

Zarter vnde truter

Danne ich gesagen kvnne

Wan der gotlich brvnne

45

Lip vnde sele gebadet

Hate vnd zvo im geladet

Zesines vater wirschaft

Dar ilte si mit craft

Zvo menger süezir trahte

50

Der welte honic irsmahte

Als ein fuler schalme

Der welte lobis galme

Und ir valschis tœren

Mohte siv niht hœren

55

Daz mengem süezim hillet

Rehte alse dem vnwillet

109c,57

Ab vnreiner spise

Also was div wise

[274]

Besezzin mit der welte

60

Und ir frovden gelte

Da von wac si ringe

Der welte guot gedinge

Und ir ovgen weide

Vf dirre wehzil heide

65

Und lie sich ir cleide

Berovbin ane leide

DIV VIERDE MARTER

Horent waz der guoten

Süezin wol gemuoten

Vnfuges hie geschehe

70

Lastirs vnde smehe

Do div lilie wize

Nach dez keisers flize

Ir cleider wart engestet

Der herze doch gevestet

75

Was mit cristes wafen

Und och gar vertrafen

Alder welte herte

Vnd ir vngeverte

Div starke minne hitzic

80

Div ir herze witzic

Mahte vnde sinneclich

Und wart div minneclich

Nackint geleit da nider

In reinen kvschen lider

109d,85

Wurden do zirdannen

An vier pfele gespannen

Gar an alle milde

Daz rose varwe bilde

Daz gote wol behagte

90

Lac gar vnverzagte

Div starke gotis kenpferin

Sines gelovbin stenpferin

Der tugenden vbir gulde

Mit zvht mit gedulde

95

Lac div svnden frie

Vor dez hoves massenie

Dem volke zekapphe spille

Der warheit ich niht hille

Ovwe der vnfuoge

100

Daz ein maget cluoge

Also wart zespotte

[275]

Uon dez keisirs gebotte

Der wolde si gehonen

Dem vngelovbin kronen

105

Alexander noch furbaz

Ovgte sinen alten haz

Der megde ane vleckin

Mit vngefüegen steckin

Slahin ir lip vil murwe

110

Ane svnden hurwe

Hat in got gewihet

Solche gabe er lihet

110,1

Allen die in minnent

Stete nach im sinnent

Div maget ane schonen

Uon zwein centurionen

5

Wart ane vnderlaze

Geslagen vbir die maze

Daz waren herren groze

Ubir ander ir genoze

Ir ietweder an der stat

10

Vbir hundert ritter gesat

Daz siv do pflagen

In ir gebot si lagen

Da von liezin siv also

Nach centum centurio

15

Und swer da vbir vz gesvndert

Ritter vbir hundert

Was zepfleger gegebin

Daz merkint vil ebin

Der was centurio genant

20

Fur einen herren erkant

Uon den wart div maget

Alse vor ist gesaget

Mit steckin gemurdet

Binlichin geburdet

25

Waz tet div gehure

Div edil vnd div tiure

Mit froderichim herzin

Mit muote sunder smerzin

110b,29

Machte si sich veste

30

Fur die bosin geste

Die von sunden leste

Stant in schanden este

Ich meine die heiden

[276]

Die waren gescheiden

35

Mit warheit svnderliche

Uon dem himilriche

Si wolte sich gote eichin

Vnde nam sin zeichin

Daz er selbe och truoc

40

Do er den vient sluoc

Dez herin criuces stap

An dem er vns gap

Daz lebin iemir wernde

Was der minne gerende

45

Wart dar an ertotet

Daz cruce gerotet

Mit bluote vnd gebrvnit

Da mitte wart bezvnit

Der megdeliche körpil

50

Fur die helle dörpil

Vor nebint vnde hinder

Fur dez tievils kinder

Was div reine verletzit

Mit dem criuce besetzit

55

Wan si wolde vehten

Mit dez tievils knehten

110c,57

Do div guote was bewart

Mit dem cruce wol verspart

Zegotte si do rette

60

Mit ernste gar entwette

Herre nach diner wirde

Habe ich groz begirde

In minem herzin gehabet

Div mich hat erlabet

65

Mit diner hohin güete

In diner tugende blüete

Nach der frovden kraft

So diner hofart angehaft

Ist von diner minne

70

Div vbir alle sinne

Unbefundenlichin swebit

Swaz hie vf erde lebit

Daz hat dekeine sterke

Daz ich rehte merke

75

Noch pfliget keiner kvnste

Noch keiner vernunste

Noch dekeiner crefte

Noch keiner meisterschefte

[277]

Noch niemer gewinnet

80

Wan diu alle rinnet

Uon diner wisheit kruft

Div da erde vnde luft

Fiur vnde wazzir

Div vns machent nazzir

110d,85

Div erde vnde fruhtic

Menger spise genuhtic

Frost darzvo hitze

Hat din hohe witze

Getempirt den liuten

90

Svz kvnnen siv betiuten

Diner wisheit bünde

Die doch ane grunde

Allen menschin wankent

Und ir sinne crankent

95

Die dar vbir trahtent

Ald von torheit ahtent

Die gelovbe ich herre

Hohir vnde merre

Danne mir ieman kvnne

100

Gesagen vor der wunne

Dines gotlichin glanzes

Lvter vnde ganzes

Den ich han befunden

Nv vnd zallen stunden

105

Vf diner wisheit brvggen

Dez han ich minen ruggen

Gebotten zvo den slegen

Ane wider wegen

Darzvo ich kerte

110

Swa man mich serte

Minen lip mit willen

Unde lie die villen

111,1

Vnd min fleisch zerren

Ane wider werren

Ich habe vngewendit

Min antlüt gelendit

5

Gein den schurpfæren

Miner wizegærin

Dur den vil lobesamen

Dinen frovde riche namen

Min bluot vnverdrozzin

10

Dur den namen gegozzin

In diner minne zerflozzin

[278]

Div mich hat geschozzin

Da von ich dich bitte

Dvr din milte sitte

15

Der dv hast gepflegen

Daz dv diner minne regen

Mir sendest einen troppfen

La mich niht ercloppfen

Gein dem helle welfe

20

Rvoch in mine helfe

Komin niht zespatte

Sende herre drate

Mir dine zeswen hant

Div mir lœse div bant

25

Mines fleischis blœde

Daz si mich niht tœde

Herre vater ile

Hilf mir von dem bile

111b,29

Der grimmen helle hunde

30

Die da alle stunde

Gein miner sele grinent

Und minen lip pinent

Mit tievillichir luote

Von der helle brvote

35

La dv mich besvnder

Uon der svnden zunder

Vnd von ir geneiste

Mit dinem trost geiste

Den sende mir geswinde

40

Mir vater dinem kinde

Uon dinem hohin huse

Der himilschen cluse

Der mich nv ergetze

Mines libes letze

45

Div mir hie ist geschehin

Daz ich han veriehin

Diner hohin gotheit

Der nie wart an geleit

Anevanc noch endis brot

50

Noch der tiefe ein ort

Noch breite noch lenge

Vzganc vnd anegenge

Noch der wite ein drvm

In secula seculorum

55

Do du maget here

[279]

Nach ir sinne lere

111c,57

Sich mit gote erkosete

Und sinen gewalt erglosete

Lieplich svnder smeichen

60

Do tet got ein zeichen

Der tugende riche stahel

Dur sine liebin gemahel

Der centurionen siben

Die mit pine vmbe triben

65

Den lip dirre megde

Mit marters geiegde

Den siv vbel handelotten

Daz sich die wandelotten

Alle siben zemale

70

An ir marter quale

Vnd ruoften vil snelle

Mit luter stimme helle

Keisir dir si geclaget

Unsir craft ist veriaget

75

Gein dirre frowen

Wir sehin vnde schowen

Daz ist ane lovgen

Gotis engel tovgen

Div vnser sele lagent

80

Und vns armen plagent

Mit ysninen sparren

Swie wir langer harren

So sin wir verdorbin

Von in vnd erstorbin

111d,85

La dir herre gezemen

Heiz si von vns nemen

Wir sin nach fromeden sitten

In den aderan versnitten

In dez libes marge

90

Sin wir verseret arge

Dar vbir vnser gebeine

Groz vnde cleine

Darzvo vil vngehiure

Als von einem fiure

95

Vnsir fleisch geroestet

Alsvs vngetrœstet

Unsir lip hitzet

Vf kvmber gespitzet

Rvoche vns keiser gewern

100

Dez wir herzclich gern

[280]

Daz div vns von hinnan

Lœsest mit minnen

Wir han anders verkofet

Lip vnd guot versovfet

105

In dez todis wage

Frivnde vnde mage

Swaz wir der hatten

Die mun vns zestatten

Niht komin ane dirre not

110

Wir muzen alle den tot

Lasterlichin kiesen

Lip vnd guot verliesen

111,2,1

Dez mac mit keinen listen

Nieman vns gefristen

Daz wizzent bi den eiden

Wir werden danne gescheiden

5

Uon dirre frowen here

Div vns menge sere

Schaffet mit ir marter

Wan wir werden harter

Uon ir pine geswachet

10

Daz vns truric machet

Dez vnsir schade wachet

Vnd ir herze lachet

Wafen iemir wafen

Ich muoz den keisir strafen

15

Darzvo der heiden kint

Wie waren div so blint

Uerfluchit vnd vermeinet

Verhertet vnd versteinet

Wie was ir sin so stunpf

20

In der svnden svnpf

Waren siv versvnken

In dem fluoche ertrunken

Der ir herren wart gegebin

Lvcifer do er strebin

25

Wolte zegotis stuole

Nider zvo dem pfuole

Wart der schalch gehuset

Zvo der helle vercluset

111,2b,29

In dez swebils butzen

30

Wer mac in me gelutzen

Danne er sich selbe

Der vngeschaffen schelbe

[281]

Sin hofart ist verzwicket

Ist so gar entschicket

35

In die helschin sentine

Da er vnd die sine

Enpfahint ir lones gelt

Dvr alle kvnftige welt

Also waren enblendet

40

Uon dem tievil geschendet

Ir herzen wares lieht

Ir selde was erdieht

Darzvo ir gelucke

Dvr die bœsen tucke

45

So siv der megde zeigton

Da mit siv sich veigton

Dez siv niht gesahin

Noch mit gelovbin veriahin

Der wunderlichen wunder

50

Die siv wol besunder

An der megde spehten

Fur die siv sahin vehten

Engesliche ritter

Die der marter bitter

55

Uon der megde kerten

Vnd die centurionen lerten

111,2c,57

Mit gehir kestegunge

Dez alda ir zvnge

Offenlichin gar veriach

60

Als ich da vor sprach

Daz wolde der vermeinder

Keiser gar versteinder

Mit gelovbin niht verstan

Waz got hate da getan

65

Daz er hatte wol gesehin

Waz alda was geschehin

Den siben centurionen

Und begonde honen

Sere in sinem muote

70

Der vbil niht der guote

Der vnverstanden helle gudel

Allis vnflates ein sudel

Ein schalch der missewende

Der helle spil ein vende

75

Der tugende ein vbil schach

Beidiv vor vnde nach

Unrehtes gewaltis ein roch

[282]

In dez tievils ioch

Hatte er sich gewetten

80

Er wolde niht tretten

Von der helle stige

In der svnden wige

Wolte der tievils kenpfe

Und der schanden stenpfe

111,2d,85

Gerne werden funden

Bi den helle hunden

In der svnden ruore

Spise vnde fuore

Sol er mit ir kivwen

90

Niemir me geliuwen

Iemir elliv sine lid

In dem steten vnfride

Ane rvowe biegen

Bi dem helle giegen

95

Der veige der verlorne

Mit svnden der gehorne

In der schanden dorne

Mit nide mit zorne

Die im vnselde rieten

100

Hiez er do gebieten

Die maget slahin furbaz

Mit ir blute machen naz

Daz gewihte bilde

Daz vnder gotis schilde

105

Mit geduldes strite

In dirre kvrzen zite

Also manlichin vahten

Mit so menschlicher maht

So streit in cristes wapen

110

Die tievillichin lapin

Hatte si erlemmet

Die mengen hant beclemmet

112,1

Die hatte si vbir slagen

Dez sich wol die zagen

Dirre welte mohten schamen

Die man siht erlamen

5

Gein der helle wurme

Hie in gotis sturme

Der nieman vbir windet

Den er mit wer vindet

Mit iage er nieman schuhit

[283]

10

Swer ane wer fluhit

Und an gote verzaget

Balde er den iaget

Den er vindet ane wer

Dem ist er wol ein her

15

Clein ist anders sin rvon

Er mac nieman getuon

Wan als vil er selbe wil

Svz hat sin craft ein zil

Pfuch der also wirbet

20

Daz er an wer stirbet

Der hat beident halb verlorn

Daz tet niht div hohgeborn

Süeze maget Martina

Dez si der keiser sa

25

Hiez villen vnde letzin

Sine schurpfer hetzin

Daz siv die vil cluogen

Mit stecken zersluogen

112b,29

Vnd er lip zerfuorten

30

Swa siv den beruorten

Div vil tugende riche

Lieb vnd leit geliche

Wac si harte smehe

Dez der keisir wehe

35

Hiez ir blvot reren

Und ir marter meren

Dv lobis richiv gimme

Martina do ir stimme

Zvo dem keisir rihte

40

In wislicher pflihte

Mit tugenden div gezierte

In ir rede smierte

Ach tu vnreht vertiger

Gote wider wertiger

45

Uon sünden dv verdampnot

Verdilget von gotis gebot

Uor sinem gerihte verfluochter

Siner genaden verruochter

Gotis vient verræter

50

Sin wider kenpfe steter

Stifter nivwer sünde

Meister todis fünde

Svntliches wildez iage hunt

Uon dem bœsen geiste enzvnt

[284]

55

Hovbt svnden ein enkir

Heiliges blvotes ein trenkir

112c,57

Daz du hast gesogen

An rivwe vngelogen

Darnach dich noch durstet

60

Zvo der helle gefurstet

Bistu vnd gewihet

Din lip niht verzihet

Dem herzin sines mordes

Und aller svnden hordes

65

Giftiger vipper

Dem tievil bistu sipper

An dinen werken danne gotis

Zerbleget als ein krotte

Bistu gar von hofart

70

Du totlichir svnder gart

Wan der schanden pfluog

Der dich ie truog

Hastu har gemennet

Dez doch niht erkennet

75

Din herze svnden wüetic

Du eiter slange brüetic

Und dv meintetic vaz

Wiltu niht erkennen daz

Div wunderlichin wunder

80

Dv an mir besvnder

Und vor dinen ovgen

Offenlich niht tovgen

Sint geschehin vnd getan

Daz du ane zwivils wan

112d,85

Blinder esil tovbir

An allir slahte zovbir

Der der himil wunderere

Der och ane swere

Himel vnd erde hiez

90

Wesin vnde meres griez

Und die liehten svnnen

Der welte wolde gunnen

Daz dv von ir gesehe

Vnd die sternen spehe

95

Die so schone glestent

Und den himel gestent

Daz wandelliche schinen

Wahsen vnde swinen

Alse der mane pfliget

[285]

100

Und im got wiget

Och hat er die erde

Mit menger hande werde

Gezieret vnd geblvomet

Daz sinen gewalt rvomet

105

Daz mere vnd die vische

Die küelen brvnnen frische

Die so schone vf quellent

Vnd riuschende hellent

Clingende dur die steine

110

Groz vnde cleine

Und edil gebœme

Die menge süeze sœme

113,1

Gebint mit genuhte

Den liuten tiure fruhte

Und die ediln reben

Daz siv vns win gebin

5

Der div herzin frœwet

Vnd die spise dœwet

Die wir lobis krank

Dicke nemen ane dank

Öle dar zvo vigen

10

Dez wir selten nigen

Siner milten hende

Wir armen ellende

In der svnden gebende

Daz kvnt von missewende

15

Vnd von vnsir krenke

Diz wunder bedenke

Keiser ane witze

In diner sünden hitze

Wie wart gegebin zezolle

20

Din werder got appolle

Der vor diner gesihte

Nach wunderlicher pflihte

Als wahz wart gesmelzit

Mit laster betelzit

25

Zepulver gekerit

Wie wurden och verserit

Dine werden pfaffen

Wie wurden die geschaffen

113b,29

Und ane zal die heiden

30

Die in grozen leiden

Gehis da zerknuste

[286]

Daz tievillich geruste

Die stift dines tempils

Waz wiltu me exempils

35

Die furbaz nv kiesin

Und ich hie ane verliesin

Fri vnd wol gesvnde

Vntz an dise stunde

Uon minem herren cristen

40

Ane zovbirlisten

Bin frœlichen komin

Och hestu wol vernomin

Engelsliche manvnge

Die alt vnde ivnge

45

Wol mohten hœren

Die von den kœren

Dez himilrichis kamen

Daz siv wol vernamen

Darzvo der lihte schin

50

Der bedenthalbin min

Vnd vmbe mich erblihte

Und min herze erkihte

Vnsinnic hunt betrahte

Unrein von vngeslahte

55

Daz dv mich crankis wip

Vnd minen brœden lip

113c,57

Hiez ane schonen

Von zwelf centurionen

Slahin in wider strit

60

Die alle bider zit

Wurden an mir gewandelot

Unde vbel gehandelot

Vnd ane zwivel harter

An miner grozin marter

65

Danne ich brodiv frovwe

Daz merke vnde schovwe

Wie ich bin genesin

Ich wil dir kvnftic lesin

Daz alle die wize

70

Die dv mit flize

Vf mich hiez machen

Uon menger hande sachen

Als din gewalt uobte

Mich doch nie betruobte

75

An herzin noch an krefte

Von gotis meisterschefte

[287]

Ich smehe dinen kvmber

Den dv goch vil tumber

Minem libe ist erbotten

80

Wider seit si dinen gotten

Und dir œden govche

Von der svnden rovche

Din valschir lip smeckit

Uon bosheit vnverdecket

113d,85

Min herze daz ist ringe

Ich han min gedinge

Uon dirre welt geflœhet

Gein dem gehohit

Der den luten leben

90

Mac nach tode geben

Vnd hie vnd dort tœten

Mit tode nach tode nœten

Hie vnd dort verderbin

Lebin vnd och sterbin

95

Er wundet vnde heilet

Er loset vnde seilet

Er teilet selbe vnde welt

Uon himil der werde helt

Er hongit vnde bittert

100

Swie er wil so wittert

Den abint vnd den morgen

Daz ist gar vnverborgen

Diz ist im allis mvgelich

Mit warheit vnlvgelich

105

Minem got dem erren

Dem hohsten vnd dem merren

Dez ich mich zeherren

Gihe ken kvnden vnd gen verren

Div cristenlich bihte

110

Was der megde lihte

Uor keiser alexander

Ez horte och menic ander

114,1

Herre vnde furste groz

Wan si was sorgen bloz

Unde libes sich bewegen

Vnde gutis dur den degen

5

Si waz muotes riche

Dem warb si vil geliche

Dize rede svnderlich

Duhte hart wunderlich

[288]

Einem richin fursten her

10

Dem si was ein herze ser

Gar hoh vnde rich erkant

Evmenius was er genant

Hohir arte man im iach

Also zvo dem keiser sprach

15

Keiser wizzist daz für war

Daz disv ivncfrowe clar

Lidet niht von herzin

Disen grozen smerzin

Diz vngefüege villen

20

Dur dez crucegotten willen

Den si zegote nennet

Vnd zeherren erkennet

Noch dur der cristen ere

Si ist der hohsten lere

25

Uon wisheit vnnder wiset

Ir herze ir sin gespiset

Mit der hohsten kvnste

Vnd der besten vernunste

114b,29

So ich han gehœret

30

Vnd het vns gar betoret

Reht alsam die blicke

Uon der svnnen dicke

Glenzint vnde brechint

In div ovgen stechint

35

Svz hat vns erblendet

Ir kvnst ir schin geschendet

Svz seit er vngeflizzin

War doch ane wizzin

Der lihte gelovbe cluoc

40

Den div maget truoc

Tet er gelovbin geschant

Ir sin ir ovgen erblant

Und die heidenschen diet

Evmenivs dem keiser riet

45

Vffen bezzir beiage

Fruo zem andern tage

Die maget tvon behalten

In einen kerker schalten

Ich wil gebin einen rat

50

Der vns nv ze staten stat

Heize nach miner ger

Vnslit vnde darzvo smer

Grozen speck veizen

[289]

Und den zerlan heizen

55

Mit der vnreinen salben

Ir lip allenthalben

114c,57

Vnreinen vnde smerzin

Als von harze kerzin

Svn wir gar gehonen

60

Ir lip so rehte schonen

Machen vngeneme

Den livten widerzeme

Div maget vnverdrozin

Wart alda beslozzin

VON DEZ MENSCHEN NATVRE

65

In dem kerkere

Da lac si ane swere

Vntz si sich bedachten

Wie siv gar versmachten

Den himelschlichen glast

70

Der so wunneclichen brast

Uon ir antlüt so luter

Vnd ir lip so truter

Den mohten siv niht liden

Ir ovgen mvozen miden

75

Die vil liehten schine

So von ir libe fine

Gesihteclichen giengen

Mengen rat siv geviengen

Wie siv gemahten tunkel

80

Den liehten karfunkel

Daz gotliche zimber

Wie siv daz nv timber

Machten ze vollen

In svnden die bewollen

114d,85

Dez waren siv so hitzic

Die toren gar vnwitzic

Uon der svnden schanden

Daz siv niht erkanden

Die menschlichen krankeit

90

So si uon nature treit

Der si doch befunden

Selbe da zestunden

Von der sele wunden

Bi den helle hunden

95

Lat ivch niht wesen swere

[290]

Ich muoz vz dem mere

Ein cleine wile gan

Dez wil mich niht erlan

Div menslich blœde

100

Div also reht œde

Ist von eigenschefte

Und so kranker crefte

Von nature waltet

Und sich allis schaltet

105

Hohir mit der girde

Danne er si an wirde

Und sich stete guftet

Sin herze luftet

Gar vbir sin geleze

110

Danne im si gemeze

Der trahte mit wiser pfede

Dez hohin wissagen rede

115,1

Den im got vz laz

Der reine Jeremias

Merkint rehte sine wort

Ir vrhab vnd ir wort

5

Siniv wort sint also

Er sprichit vil vnfro

Warumbe bin ich her komen

Uon miner muoter genomen

Geborn von ir libe

10

Daz ich hie vertribe

Gar inswere minv zit

Vf disem ertrich wit

Und ich frœden krvmber

Arbeit vnde kvmber

15

In dirre welte schouwe

In ir sorgen ovwe

Vnd ich mine tage

In vil schantlicher clage

Alle hie verslize

20

In kvmberlicher wize

Der rede antwurte suz

Der babest Innocentius

Der hohe lerere

In sinez herzin swere

25

Sit sich der clagte

Den got e er betagte

Mit sines geistis flamme

In siner muoter wamme

[291]

115d,29

Hatte geheiligot

30

Mit siner hant gesegenot

Owe mir armen manne

Waz sol ich sprechin danne

Sit mich in svnden dorn

Het min muoter geborn

35

Ich sprich muoter vnverswigen

Wez hestu mich gezigen

Daz dv mit crankem gelte

Mich brehte zvo der welte

Einen svn der arbeit

40

Unde grozir bitterkeit

We daz ich niht starb

In minem neste verdarb

In dem tode niht besovf

Do ich vil armer slovf

45

Uon der wamme miner muoter

Dem tode hie zefuoter

Vnd e ich frœden bloze

Keme zvo der schoze

Und vf mine verlust

50

Keme zvo der muoter brvst

Geborn vil vnwize

Ze einer steter spise

Dem eweclichin fiure

Da frœde ist iemer tiure

55

Von dez tievils stiure

Der ist so vngehiure

115c,57

Wolte got wer ich erslagen

Als ich iv wil sagen

In min selbis neste

60

In der nature gebreste

E ich vil vngeneme

Uon der muoter keme

Daz si doch von vrhab

Mir were ein ewic grab

65

Als ich her vnvernomen

Nie von muoter were komen

Zvo dem grabe der erde

Mit iamir mit vnwerde

Disiv rede alsus geschach

70

Dvr daz süntlich vngemach

Daz dem menschin ist gegebin

So ez enpfahit daz lebin

[292]

So ist ez verteilit

Mit den svnden geseilit

75

Daz doch svnde nie gepflac

Dirre iemerliche tac

Der vns hie beschinet

Ane gediende schulde pinet

Lip vnd sele verderbit

80

Daz han wir geerbit

Uon den vnd grozis smahen

Die wir nie gesahin

Die dur kranke spise

Von dem paradyse

115d,85

Wurden her gesendit

Ir kvnne ver ellendit

Ist von ir schulden

Daz wir diz muozen dulden

Daz clagete dirre herre

90

Mit iamir also verre

Und sprichit ane lovgen

Wer git minen ovgen

Daz iemerliche wazzir

Daz ich rvwe nazzir

95

Mit trehenen beweine

Daz arme lebin cleine

Dez menschlichin künnez

Daz vf vngewünnes

Zit hat her gehuset

100

In dise welt vercluset

Und ich weine also crank

Den schuldigen fvrgank

Ze dirre welte iamer tal

Da alliv frovde ist so smal

105

Vnd daz ich sorgen riche

Beweine ich clageliche

In tusen valten leiden

Daz verdampnot hin scheiden

So menschliches kvnne pfliget

110

So im der tot an gesiget

Der mit missewende

Der welte git ein ende

116,1

Weinende ich gedahte

Daz mich zeiamer brahte

Wa vz der mensche ist

Gemachit nv an dirre frist

5

Waz der mensche tüge

[293]

In so menger müge

Waz er hernach werde

Tvonde vf der erde

Uz leime ist er geschaffen

10

Nach warheit der pfaffen

Sin schulde do fur gienc

Do sin muoter in enpfienc

Svz ist er hie geborn

Ze einer wize erkorn

15

Darzvo ane getwinc

Tvot er menic bœse dinc

Div niht muozlich sint

Der svndige menschin kint

Darzvo menic svndic werc

20

Tvot daz menschlich getwerc

Mit willen ane vrdrvtz

Daz doch het dekeinen nvtz

Vnd wirt vnvergezzin

Gen grimmen fiure ein ezzin

25

Da mit er ist verseret

Und daz fiur gemeret

Dem gewurme ein spise

Die ich cleine prise

116b,29

Und der fiule ein masse

30

Den livten gar zehasse

Div riner mere smecket

Smack mit stanke wecket

Stete vnverdecket

Den mvnt niht volle recket

35

Swie lieb er vor were

Er wirdet denne vnmere

Muoter vnde vatter

Div sint sin danne satter

Swie lieb er were gestir

40

Dem brvoder vnd der swestir

Ist diz niht ein vnfuoc

Der do gestir so cluoc

Was vnd so rehte wert

Daz dez nv nieman gert

45

Er ist so vngehiure

Vnd allir liebi tiure

Die warheit ich schribe

Kinden vnde wibe

Ist er ein smeher gast

[294]

50

Verre vbir zehin rast

Were er im zenahe

Also rehte smahe

Wirt der arme danne

Sin liebi ist da zebanne

55

Der warheit ich iv gihe

Wa wart ie todez vihe

116c,57

Den livten wider zemir

Und och vngenemir

Danne dez menschin lip

60

Ez si man oder wip

Sin bester frivnt in schiuhit

Balde er von im fliuhit

Reht alsam div ivwel

Ist der vogel gruwel

65

Als ist er zestunden

Fromeden vnde kvnden

Ein vngehurer butze

Vnwert zvo allim nutze

Der dicke diz bedahte

70

Waz daz nutzis brahte

Ich wil iv bescheiden baz

Die rede die ich e las

Merkint vngelachit

Der mensche ist gemachit

75

Der arme der tovbe

Vz dem cranken stovbe

Und darzvo vzzir hor

Als ich seite da vor

Vnd vz bloder eschin

80

Smaher vngeweschin

Och ist der mensche lœser

Waz mohte wesin bœser

Kon von menschen samen

Uon dem wir alle namen

116d,85

Vnsers lebins anevanc

Prvofent wie rehte cranc

Ist vnsir nature

Wel ermiv figure

Ist daz menschlich tier

90

Und wierehte schier

Sin lebin ist verendit

Mit dem tode gebendit

Horint kvmber langen

Wie wir sin enpfangen

[295]

95

In boser akvste

Uon dez fleischis geluste

In vnkivschir mugent

Von angeborner vntugent

Fleischlichir kvnde

100

In dem flecken der sünde

Ich wil dez gedagen

Niht me da von sagen

Der wize es wol merkit

Wie er ist hie gesterkit

105

Da von si ir wisheit

Hie mit genuoc geseit

Wan mac wisen liuten

Schiere daz betiuten

Uz ir herzin riuten

110

Daz svntliche truten

Der kint was och schaffe

Hie der menschlich affe

117,1

Er ist geborn furwar

Hie zelebin elliv iar

In arbeiten menicvalt

Lebt er lange er wirt alt

5

Und lebt in sorgen grozin

Bi andren sinen genozin

Er lebt in mengem sere

Nach der nature lere

Bœsiu werc machende

10

Slafende wachende

Da mit er got erzvrnet

In sünden sich verdurnet

Und erzvrnet och den nehsten

Von hofart den wehsten

15

Darzvo sich selbin ovch

Mit sinem zorne der govch

Er tuot och ane getwinc

Dicke harte bœse dinc

Da mit er vnbeschœnit

20

Den lvmeden gehonit

Und schendit sine persone

Im selbin svz zelone

Er seret och mit smerzin

Die gewizzint sinez herzin

25

Er tet och werc vil vppige

Von svnden gar geluppige

[296]

Da mit er vngerumet

Er nehstlich dinc versumet

117b,29

Vnd svmet von vrdrvtze

30

Daz guote werc vil nvtze

Er sumet nach toren sitte

Daz notdurftige da mitte

Als och div schrift erzivget

Div niemer wort geliuget

35

So wirt der menschen kinde

Ein spise ein ingesinde

Dem fure iemir stete

Ein iemerlich gerete

Daz niht mac erlöschin

40

Als die durren böschin

Brinnent die verlorne

In dez fures zorne

Het er menge sturme

Ein ezzin dem gewurme

45

Als div buoch sagent

Die wurme steteclich nagent

Der eine diu gewizzin

Der ist dez gar geflizzen

Der wurn naget iemer

50

Vnd gervowet niemer

Ein fule masse endeckit

Div eweclichin smeckit

Der menschlich horsac

Git iemer stanc vnde smac

55

Der an endis tac

Alle vnreine ie fur wac

117c,57

Got von siner guote

In siner tugende bluote

Die er vns hie erzeigte

60

Do sich der werde neigte

Uon der hohi her nider

Vnde machite och sider

Der sveze der vil milde

Nach im eins menschin bilde

65

Bloze vz der erde

Div hohir do an werde

Was vnd wirdiger rente

Fur div andern elemente

Si was dannoch ein maget

70

Als div schrift saget

[297]

Uon gote vnverfluochit

Mit bvwe niht versuochit

Vnd truoc mit grozir genuht

Ane bvwen alle fruht

75

E si gewunne kvnde

Der menschlichen sünde

Even vnd adames

Die vns swachis krames

Mit ir geluste werten

80

Do siv dez obsez gerten

Daz in verbotten hate got

Do siv brachen daz gebot

Do wart verfluochit der bv

Der erde do vnde nv

117d,85

Daz siv von gotis zorne

Distel vnde dorne

Vnd menger hande vnkrvt

Treit stille vnd vberlut

Uon der sünden orden

90

Ist sie vnberhaft worden

Ir edilkeit sie verloz

Do ir got den fluoch koz

Als wir von warheit lernen

Planeten vnde sternen

95

Machter vz dem fiure

Sinem lobe zestiure

Och machter vil geswinde

Die svsenden winde

Uz dem liehten lufte

100

Von siner wisheit gufte

Die vogel vnd die vische

So snel vnd so frische

Wurden vz wazzer gemachit

Als in ist an geslaht

105

Menschin vnde vihe gar

Gemachit vz erde bar

Swie cluoc swie wehe

Swie hohvertic swie spehe

So ist er doch komen

110

Von erde vnd genomen

Uon leime der cranke cruoc

Der sich ie so hohe truoc

118,1

Tvo dich nider blœder stovp

Dv bist an wizzin tovp

Wil er sich rehte an sehin

[298]

Und die creature spehin

5

Gemachit vz dem wazzir

Wie verre danne lazzir

Ist vnd vngenemer

Sinem scheppfer widerzemer

Svz muoz er sich ahten

10

Krenkir vnde trahten

Uon der warheit stiure

Danne dez wazzirs creature

Wil er abir schowen

Die gescheppfede vnverhovwen

15

Div von lvfte ist bekomen

Als ir vor hant vernomen

So muozer tumber lœser

Sich ahte verre boaser

Wan div artet nah gote

20

Und volget sinem gebote

Daz er dick vbir gat

Vnd sinen vatterlichen rat

Der vil dicke wirt versmaht

Uon sin selbis hantgetat

25

Vil im aber daz gezemen

Der creature war nemen

Div von fiure ist gemachit

Wie er danne ist verswachit

118b,29

Wan div lovfet vnde vert

30

Als ir got hat geschert

Nach ir rehten orden

Svz sint siv tiurer worden

Danne der menschen kint

Die gesehinde blint

35

Sint in tumbem wane

Uf der erde plane

Och mac der mensche niht

Nach der warheit vergiht

Den himelschen gelichen

40

Den muoz er balde entwichen

Daz ist billich vnde reht

Daz der hovbt svnden kneht

Sich darzvo niht maze

Vnd dez den crieg laze

45

Svz getar sich der tovbe

Gemachet vz dem stovbe

Fur die irdeschen sich nit wegen

[299]

Wil er nach warheit stegen

Wan er vindet sich gelich

50

Hie dem vihe sicherlich

Und sint einer materie

In dirre welte serie

Uon gotis ordenunge erkant

Dez namen svnders genant

55

Ist in och ein not

Erchant vnd ein gemeiner tot

118c,57

Vnd sint eines geslehtes gar

Der mensche het niht svnderbar

Hie gebürte vor dem vihe

60

Dez ich mit der schrift vergihe

Siv sint von erde beide

Her komen ze mengem leide

Und kerint mit vnwerde

Och beide zvo der erde

65

Ir svnt wissen disiv wort

Hant niht vrhab vnd ort

Von iegliches menschen mvnt

Wan si hat gemachit kvnt

Der hohe wise Salomon

70

Dem got der wisheit kron

Hie vf der erde werte

Als er von im kerte

Gent siner rede antwurte

Waz ist eht von geburte

75

Der mensche nach oder vor

Wan ein esche vnd ein hor

Da von sprichet ane spot

Hie der mensche zegot

Ich bitte dich vil verre

80

Daz du gedenkest herre

Daz dv mich vmbe timbert

Uz horwe hast gezimbert

Vnd mich och kerest wider

Hie zerehtem stovbe nider

118d,85

Svz antwurtet der rede

Got nach der warheit pfede

Und sprichet zvo der menscheit

Dv bist esche mit warheit

Vnd och zvo der erden

90

Und zestovbe wider werden

Och sprichit iob der guote

An gedult der behuote

[300]

Ich bin vz horwe gemacht

Unde bin da von geslaht

95

Ich bin gelichet horent wie

Eschen vnd velweschin hie

Ir wizzint wol daz vnverirt

Daz ein ieglich hor wirt

Vz wazzir vnd vz stovbe bar

100

Und belibet ietwedirs gar

So wirt och vzzir holtze

Vnd vz dem fure stoltze

Div esche alhie besvnder

Unde doch da vnder

105

Zergat daz holtz vnde fiur

Daz ist offenbar hivr

Trahtent wez der cranke stovp

Der vil arme mensche tovp

Sich so hohe lufte

110

Vnd sich mit hofart gufte

Wez bleiest dv dich esche

Der würme genesche

119,1

Wer hochfertest dv gehvrwe

Blœde vnde mvrwe

Der hie niht geleben mac

Uon im selben einen tae

5

Swie er sich hie güfte

Vnd sin herze lüfte

Uon der svnden tüfte

Sol er zehelle crüfte

Mensche dv sprichist liht also

10

Gein dirre smehin dro

Adam vnsir vater allein

Gemachit wart vz erde lein

Da wider doch kamen

Uon menschelichim samen

15

Do adam gemachit wart

Dannoch was vil vnverschart

Div erde ein maget reine

Von süntlichim meine

Und dannoch vnversvndet

20

Als div schrift kvndet

Wer mac rein dinc gemachen

Uon vnreinen sachin

Wer sprichit daz hie si

Der mensche rein vnde fri

[301]

25

Alder dir zvo iht tüge

Daz er reht geheizin müge

Geborn an dem libe

Uon manne vnd von wibe

119b,29

Er ist hie reht niht geborn

30

Uon einer svnde vz erkorn

Svnder mit menger missetat

Die er alle vf im hat

Mit eigenen sünden vz genomen

Ist der mensche her komen

35

Mit frömden sünden ovch

Hie der menscheliche govch

Zweier hande geburt ist

Der ich swige nv zefrist

Vnd wil ir nv niht sagen

40

Der warheit och gedagen

Dur zvht dur bezzerunge

Daz der tumbe ivnge

Niht darnach gedenke

Und sine zvht verkrenke

45

Wan div menschlich fruht

Kvmet rehte her zefluht

E si begriffe daz lebin

So ist er der tot gegebin

Ich meine den alten schaden

50

Mit dem wir sin geladen

Den vil alten fluoch

Den vns kvndent div buoch

So wir vil lange namen

Uon even vnd adamen

55

Der vns niht entslifet

Mit svnden vns begrifet

119c,57

Wa wir sa zestunden

Mit sunden sin gebunden

Und vns sunde muogen

60

E wir sunde getugen

Vnd vns mit vngedulde

Gevangen hat div schulde

E wir schulde gemachen

Wer mohte dez erlachen

65

Und grozin schaden gewinnen

E daz wir schaden beginnen

Von eines menschin ger

Kam div sünde alher

Uon erst in aldie welt

[302]

70

Dur der sunden gelt

Hat vns der tot troffen

In alle liute gesloffen

Ach we vnd frovde selten

Daz wir nv muozen gelten

75

Dez wir doch nie enbizzen

Niht wan sage wizzen

Daz muozen wir nv dœwen

Wen mohte daz gefrowen

Wie och der mensche vnwise

80

Enpfahe sine spise

In siner mvter celle

In dem cranken velle

Und waz div spise si

Div dem kinde wonet bi

119d,85

Daz von sage ich vngerne

Daz ieman hie gelerne

Der fromeden spise name

Wan daz were ein schame

Mir vnd allen luten

90

Solde ich ez betiuten

Nieman frage fur daz

Wol geswigen fuget baz

Danne vbil sprechen

Und die zvht brechen

95

Von der nature stiure

Ist ein armiv creatiure

Daz menschliche bilde

Uf dez iamers gevilde

Daz ez hat geschiuset

100

Dez mir armen gruset

Owe ach vnd aber ach

Daz der arme ie gesach

Der vnsteten welte schin

Vnd vf so mengen pin

105

Hie lebin hat enpfangen

Und wizzint kvmber langen

In dirre welte kreise

Mit mengen svren sweize

Sine spise erringen

110

Daz ertrich twingen

Vmbe sine lipnar

Zvo dirre kvrzwile har

120,1

Ist der mensche her gevarn

Bloz vnde guotes arn

[303]

Iemer ganze frovde sparn

Nv haben zekalt noch zewarn

5

Selic die da sterbint

E si daz lebin erwerbint

Und zvo dem tode gahent

E siv daz lebin enpfahent

Vnd die der tot enbindet

10

E man dez lebins enpfindet

Und die der tot lœset

E si div welt verbœset

Wan ich clage clegelich

Daz in der welte tegelich

15

Menic mensche wirt geborn

Daz beide hinnan vnde vorn

So iemerlichen ich gestalt

Daz ez kvme wirt gezalt

Fur ein menschliches kint

20

Wan ir genuge sint blint

Etslich sint erlamet

Daz sich vil sere schamet

Uater muoter brvoder

In ist ein sweres fuoder

25

Ir beider kinde an blick

Und ir grozin leides schrick

Etsliches het zwei hovbit

Daz man kvme gelovbit

120b,29

Svmliches mit zwein liben

30

Wer mohti diz geschriben

Daz ez got erbarme

Mengem bristet der arme

Ir vil geborn ane hende

Mit menger missewende

35

Kvmet diu menschlich geburt

Zvo dirre welte iamers furt

Och ist daz ane lovgen

Mengem pristet der ovgen

Genvoge der sinne tumbe

40

An henden an fuozen crumbe

Etslich an vernunst

Ane bescheidenheit ane kvnst

Ir vil ane sprache

Uon der nature rache

45

Mengez niht gehœrit

Der sinne gar betœrit

[304]

Etsliches hat den lip

Zerehte weder man noch wip

Vnd ist an den beiden

50

Zerehte niht bescheiden

Daz er ein man heizen muge

Alder iht ze wibe tuge

Schowent wie div menscheit

Ist mit iamer hie becleit

55

Wie si zvo der welte

In kvmberlichen gelte

120c,57

Kvmet her besunder

Gelich dem mer wunder

Weder mensch noch tier

60

Und wirt doch harte schier

Sin lebin hie verrihtet

Ze iamer gepflihtet

Owe armer horsac

Der hie naht vnde tac

65

Gen gote hofertet

Und sich dem wider wertet

Von dem er eine hat

Lebin spise vnde wat

Der eichurne den bern iaget

70

Der hase dem lovwen wider saget

Und dem wolfe daz lamp

So der mensche sinen camp

Gen sinen herren striuzit

Vnd sich dem ebin hiuzit

75

Der in geschuof vz miste

Gein dez hohin liste

Elliv wisheit er affet

Swaz menschin sin geklaffet

Daz ist gar ein trovn

80

Reht als ein sovn

Wiget gein eim fuoder

Svz swebit der wisheit luoder

Ob aller wisheit fundament

Uon der div vier element

120d,85

Geschaffen sint vnde worden

Darzvo menschlich orden

Und swaz menschlich sich verstat

Alder svnder sinne hat

Der wisheit vernunst

90

Vnd ir sinne kvnst

Clein gein gote wegent

[305]

Swenne vns armen niht regent

Sin genade vnd vns towet

Und vns armen beschowet

95

Daz lieht siner ovgen

So ist daz ane lovgen

Vnsir selde si verendit

Und vnsir wisheit geschendit

Gar verdorbin vnsir craft

100

Vnd intorheit gehaft

Unsir sinne enthaft

Dez hore eine bischaft

Swenne diz arme lebin

Wirt dem menschin gebin

105

In dirre welte stede

So ist ane wider rede

In dez iamers wuof

Sin erstiu stimme ane ruof

A ist ez ain knabe

110

Als ich gelesin habe

Der tohter stimme ein E

Waz welt ir nv me

121,1

A nach adame hillet

Daz vns mit iamer villet

Und daz e nach even gar

Daz ist zetiute rehte bar

5

Daz wir ach vnde we

Daz vil iamerlich geschre

Mit erbe svn besitzin

Vmbe vnsir nar erswitzin

E daz eva geviele

10

In dez fluochis giele

Und mit dem wurde gebant

Do was div reine genant

Ein mannin nach mannis namen

Den si truoc wol ane schamen

15

Sit nach dem valle

Uon der sunden galle

Wart si eua genenmet

Der erre name gehenmet

Darzvo ir gotis zorn

20

Grozin kvmber hat erkorn

Daz keinem wibe wirdet buoz

Daz si mit nœten muoz

Her bringen ir geburt

[306]

Zedirre welte iamers furt

25

Der nœte niht gelichit

Alliv arbeit wichit

Gein dirre welte reise

So stark ist div freise

121b,29

Svz komen wir mit leide

30

Zvo dirre welte weide

Rachel von solcher not verdarb

An einem kinde si erstarb

Daz hiez si selbe Benoni

Dem namen si zetiute bi

35

Ein svn grozir arbeit

Finees wip och leit

Den tot von einem kinde

Dem gab si geswinde

Sinen namen hicabot

40

Wan er selbe was ir tot

Mit gelichem mere

Die frowen sint in swere

Als die sint begriffen

Mit zerbrochinen schiffen

45

Uf dem wilden mere

Von der starken winde her

Svz mvz man die frowen

In grozin nœten schowen

So siv ir kint geberint

50

Diu si doch frovden werint

Mit lobelichim gelte

So si koment zerwelte

Div kint doch gemeine

Uon naturlichir vnreine

55

Werdent hie enpfangen

Geborn in kvmber langen

121c,57

Und erzogen mit angest

Von ir angest muoter aller langest

Behuot mit mengen sorgen

60

Abint vnde morgen

Der arme der cranke

Mit grozim vndanke

Und wirt mit leidez sturme

Ein az dem gewurme

65

Der ist rehtez aigen

Horint von dem veigen

Mit welher richeit er kvnt

An siner geburte stunt

[307]

Von siner muoter cluse

70

In schamelichim gruse

Gar allir cleider bloze

Kvnt er zvo der schoze

Nakint als die buoben

Zvo dirre welte huoben

75

Als er gar habe verspilt

Den grozin armuot mich bevilt

Er bringet her ein hemede

Lasterlichin frömede

Daz ich mit grozir clage

80

Und och mit schame sage

Mine frovde ez stœrit

Genemet vnd gehœrit

Wirt ez schamelichen ovch

Schamelicher zesehen dennovch

121d,85

Horint von dem gewande

Mit iamer mit schande

Bringet mit der mensche her

Nach der nature ger

Eine blvot varwe wat

90

Die im sin liebe muoter hat

Gegebin her zestiure

In sint anders tiure

Aller cleider genuht

Hant niht für vnzvht

95

Daz ich daz cleit celle

Er ist och der helle

Eigen vnd ir grunde

Uon angeborner sünde

E in wider hie kovfe

100

Div genade gotis tovfe

Vnd in hie enslovfe

Uon der svnden trovfe

Gedenkint wie rehte arn

Kvmet her der menschen barn

105

In svnden fluche verbennet

Und doch niht erkennet

Sin vbir mezigen armvot

Vnd och dekein guot

Daz er hie mac bervoren

110

Uon hinnan hin gefuoren

Nach der warheit vergiht

So braht er och her niht

[308]

122,1

Merkint alle ein wunder

Daz der mensche hie vnder

So grozir hoferte pfliget

Und sich so hohe wiget

5

Vnd och niht hat die guotez

Und so friges muotes

Svnder gein gotis namen

Vnd in der svnden hamen

Sich alle tage verwirret

10

Der warheit er verirret

Daz er tumber tovbe

Alle tage mit rovbe

Hie erfullit sinen balc

Der vil ode tumbe schalc

15

Wez het nv gedaht

Er het och her niht braht

Und mac och von hinnen

Mit allen sinen sinnen

Dekein guot geleiten

20

Er rüeret iamers seiten

Vf dirre welte harpfen

Und hœrit mengen scharpfen

Don vf ir gigen

Vnd muoz och balde sigen

25

Uon disem toppil spil

Er habe luzel oder vil

Er mac si niht begurten

So daz er diz vrten

122b,29

Nach toppils reht beziehe

30

Da von der arme schihe

Lip vnd sele zepfande

Muoz setzin dort mit schande

Vf hase hartes schanze

Im wirt dekein vianze

35

Uon dem wirt dort benant

Er ist burge vnde pfant

Gelt vnd och gisel

Da hilfet dekein visel

Gein dem helle wirte

40

Er ist ein stetir hirte

Vnd hutet sin mit schimpfe

Er ist ane gelimpfe

Gein sinen schafen

Er hutet ane slafen

45

Rvwe ist im vnkvnt

[309]

Er ist der helle hunt

Der da niht fuoge gert

Hivre vmbe scheiden vnd vert

Wan mac in gerne schiuhin

50

Uerre von im fluhin

Swaz er hat verluhin

Daz wil er vbir riuhin

Owe swer suz mit gelte

Scheidet von der welte

55

Der muoz dem wirte reiten

Mit sorge ane beiten

122c,57

Er nimet ane bette

Uon dem toppel brette

Doch wizzint daz er git

60

Daz lieht vergeben alle zit

Er git kvchi spise

Mit steckin nit mit rise

Er git in vnverdrozzin

Ein brot so begozzin

65

Ich wil schimpfes vergezzin

Siv mohtens liebir ezzin

Unbegozzin vs dem hauen

Beidiv geste vnde slauen

Er ist vnverwizzin

70

Vf vnfuoge geflizzin

Er schetzit die geste

An vnselden veste

Ist im sin gemuote

Er zvckit dur die gluote

75

Die geste bi dem hare

Wizzin daz für ware

Die armen toppelere

Lident menge swere

Sere si do switzent

80

Die da ze urten sitzent

Bi der geselleschefte

Mit iamers vberleste

Ir svnt von dem gesinde

Scheiden vil geswinde

122d,85

Die da mit grozir quale

Geltent da div male

Div si da hant verzert

Frovde wirt in gar verspert

Siv zerint vf die hiute

[310]

90

Die selben tumben liute

Wan den argen bœsen

Wil nieman pfant lœsen

Und ist da niht sit

Daz man div pfant mache quit

95

Siv muozen zepfande streben

Gar verstanden iemer leben

Ich rate mit gedulde

Daz wir vnsir schulde

Niht vntz da hin sparn

100

Wir svn ez hie bewarn

Nach der genade gotes

Daz wir dez spotes

Werden dort erlazen

Bi den helle frazen

105

Horent furbaz mere

Uon dez menschin ere

Vnd von siner blœde

Wie cranc wie œde

Ist siner nature wesen

110

Als ich han gelesen

Und ich ez erluter

Schowent bovme kruter

123,1

Unde dar zvo die rebin

Wie siv selbe win gebin

Die bovme öle vnd blvomen

Mit wunneclichim rvomen

5

Darzvo vil gehiure

Edilen balsamen so tiure

Und anders mengen rat

Den man von bovmen hat

Waz gistu danne fruhte

10

Mensche von diner genuhte

Mit vrlob si gesaget

Daz dich vil dicke naget

Under dinem cleide

Mit kvmber mit leide

15

Von bœsem gewurme

Uil vnsenfte sturme

Die in dicke crawent

Sinen lip vnrawent

Beidiv tac vnde naht

20

Vnd vns ie ane vaht

Swie sich der mensche hœhe

So tuont im die flœhe

[311]

Uil leidez an dem libe

Dem man zvo dem wibe

25

Daz doch die vber muoten

Wol mohte demuoten

Die sich niht erwern mugent

Einer flohe iugent

123b,29

Vnd doch so hofertic

30

So gar wider wertic

Hie gein gote strebint

Und sin in sünden lebint

So rehte frevilliche

In disim frömeden riche

35

Daz in doch niht bestat

Noch mit zeschaffent hat

Wan er kan nakent her

Beidiv dv vnd och der

Daz ist wol bezovget

40

Daz min munt niht luget

Unde lebit doch so fri

Als ez sin eigen si

Vnde pfliget so spehe

Menger hande wehe

45

Mit disim frömden guote

Mit so frigem muote

Uon got ist ez verliuhin

Swie wir in doch schiuhin

Wir muozen in doch flehin

50

Umbe diz vnstete lehin

Daz doch schiere endet

Vnd vnsir frovde wendet

Mit dem tode gebendet

Uon hinnan verellendet

55

Vnsir lebin ist ein trovn

Daz merke an dem bovn

123c,57

Wie wunneclich er diuzit

So ole von im fluzit

Und von reben süezin win

60

Waz mohte minneclicher sin

So merke wie dv fliezist

Waz dv von dir giezist

Dv guotes vnd eren arn

Daz vil vnreine harn

65

Fluzit von dir alle stunt

Als vns allen ist kvnt

[312]

Gedenkint tumben toren

Waz gat vz den oren

Nv vnd zallir friste

70

Uon vnreinem miste

Och gat ane lovgen

Die von dinen ovgen

Vnflates widerzeme

Und gar vngeneme

75

Och merke in dinem sinne

Waz von der nasen rinne

Dar ab vns vnwillet

Und die nature villet

Gedenke alle stunde

80

Waz von dinem munde

Unflates vf die erde

Von dir geworfen werde

Och merke vnverdrossen

Waz hie kome geflozzen

123d,85

Uon dincs libes porten

Daz ich doch ze worten

Vil vngerne brehte

Swer abir sich bedehte

Waz er wirt vnd ieze ist

90

Der demuote sich alle frist

Merke armer sieche

Waz von dem bovme riche

Uil menic süezer smac

Der dir armen horsac

95

Smeckit vngeliche

Er ist frovden riche

Da wider dv mensche last

Mengen swachen blast

Div rede si mit vrlobe

100

Daz ich niht entobe

Wan ez ist ein warheit

Swaz ich habe geseit

Doch ich menger erhenkit

In den tot versenkit

105

Daz er zevil hat gesaget

Hie der warheit vnverdaget

Ich spriche bi dem eide

Ich rede ez niht zeleide

Svnder dur bezzerunge

110

Daz alte vnde ivnge

Ir krankeit erkanden

[313]

Und sich zegote wanden

124,1

leglichir fruht ir art nimet

Als von dem bovme ir gezimet

Wan dez bovmes adil gar

Nimt man bi der fruhte war

5

Der vbil bovn bringet niht

Süeze fruht so man giht

Noch der guot bovn vbil obez

Daz prüefe selbe vnde lobez

Merkint vil gefuoge

10

Swer nv si so cluoge

Do der mensche wunderlich

Dem bome gelichit svnderlich

Unde zvo dem gezalt

Der von grunde lit gevalt

15

Dez wurzen ane vare

Gelichent dez menschen hare

Vnd der stok dem hovbit

Als man noch maze gelovbit

Zvo dem halse och da mitte

20

Wol nach der fuoge sitte

Div brvst nach dez bovmes stam

Unde nach dem buche alsam

Die arme gelichint dien esten

Vnd den schinebeinen so vesten

25

Div zwiger man gelichen sol

Den vingern dez menschen wol

Mit allen irn geleichen

Svz kan der bovn bezeichen

124b,29

Die menschlichen geschaft

30

Mit aller siner craft

Ist der cranke tovbe

Gelichit dem stovbe

Daz der wint hie weget

Swenne er sich reget

35

Er mac div stupphel wol sin

Die da derret der svnnen schin

Uns sagent och pfaffen

Do hie vor geschaffen

Die lute von erst waren

40

Daz zenivn hundert iaren

Etslichem was sin lebin

Und noch furbaz gegebin

Daz begonde sturzin

Gemalich sich kvrzin

[314]

45

Do sprach got ze Noe

Min geist belibet niht me

Bi dem menschen langer frist

Wan ez gar fleisch ist

Siv namen dez fleischis war

50

Mit sinen gelusten gar

Und sprach aber do zestunde

Vz sinem gruozamen munde

Zwenzic iar vnd hundert

Si dem menschen vz gesvndert

55

Nach disem selben orden

Ist luzil dekeiner worden

124c,57

Elter fur daz selbe zil

Ez ist selzene vil

Daz nv vf der erde

60

Dekeiner eltir werde

Ir kvmet lüzel für war

Nv vber ahzic iar

Suz gat ez nach sage

Abe von tage zetage

65

Unde wahzit clage

Von dez todis iage

Swer sehzic iar ergrifet

Und dar vbir slifet

Dem wirt sin herze betruobit

70

So in daz alter vobit

Balde er danne crankit

Darzvo sin hovbit wankit

Uon amaht vnde ridet

Mengen kvmber er lidet

75

Dar zvo slewet im der geist

Uon alters not aller meist

Dez lebins in verdrivzit

Dez er cleine geniuzit

Der aten in vnsanfte gat

80

So er iht gegangen hat

Sin craft im entwichit

Er draset vnde kichit

Sin aten vbil smeckit

Von warheit vnverdeckit

124d,85

Sin brvst ist im verwüestet

Vngefuoge er huostet

Unhovelich er niuset

Sinen gelimpf er verluset

[315]

Div hut ist dem alten

90

Von alter och geualten

Sin antlüt gerumpfen

Sin hut gar verkrumpfen

Daz alter het in troffen

Sin munt stat im offen

95

Und hangit im vil smehe

Er vergisset aller spehe

Sin rugge ist im gebogen

Vnde sine lide versmogen

Sin hobit nider siget

100

Swaz im wirt gegiget

Wie clein in daz frowet

Wan der tot in drowet

Daz alter in svz letzit

Dez wirt ergetzit

105

Div ovgen truobint angesiht

Daz in von alter geschiht

Und siv selbe veriehint

Einen fur zwene siv sehint

Svz daz alter zvo nimet

110

Div bezerunge im gezimet

Och crachent in div lider

Div sigent von amaht nider

125,1

Ir ovgen dicke weinent

So siv kein rvwe meinent

Wan dez alters rivwe

Ist in hie stete nivwe

5

Daz alter ist im svre

Dez todis nach gebure

Sint siv vnburgere

Dez ist ist ir lebin swere

Alsus ir ovgen riezint

10

Darzvo ir nasen fliezint

Ir har in och griset

Darzvo ez vz riset

Die zene fulent darzvo

Unde smeckint spat vnd fruo

15

Vnde werdent in vil gel

Swarz gerumpfen ir vel

Der smack ist vngeneme

Den liuten widerzeme

Daz alter siv betœrit

20

Der alte vbil gehœrit

Im vermiesent div oren

[316]

Daz siv werdent zetoren

Mengen vpigen zorn

Het daz alter im erkorn

25

Als ich han vernomen

Ze zorne mvn lihte komen

Und scheident kvme da von

Svz ist daz alter gewon

125b,29

Schiere er gelovbit daz

30

Wirt im geseit etwaz

Und da von kvme bringen

Mit dekeinen dingen

Svz belibet der grise

Vnbewegelich in siner wise

35

Dem alter wonet gitekeit

Bi mit vnbescheidenheit

Der alte treit mit karge

Dez gitsackis zarge

Daz alter gerne truret

40

Div tag mengi suret

Im ist luzil frovden bi

Hohgemuotes ist er fri

Er neme eine heize gluot

Fur dez richen meigen blvot

45

Dez meigen menic varwe wat

Lvzil im zeherzin gat

Uon dez alters stricke

Claget er vil dicke

Im wahzit alle tage

50

Vil swere muotic clage

Der alte vil geclaffet

Da von er eraffet

Alter mere enpfliget

Sin zvnge selten stille liget

55

Vnd wil die rede eine han

Nieman vz gehoren lan

125c,57

Altiv dinc er gerne lobet

Div er den nvwen allis obet

Der nvwen ahtet er niht

60

Div dunkint in ein wiht

Die ivngen er versmahet

Zvo dem alten er gahet

Er suftet vnd ist angsthaft

Stete swinet im sin craft

65

Dirre swere siechtage

Bosirt sich von tage zetage

[317]

Der allen luten doch geschiht

Ez ist ane zvoversiht

Daz dekein arzat

70

Darzvo kvnne gebin rat

Daz er vns mvge vermiden

Der arzat muoz in selbe liden

Swie vil er kvnste pflege

So muoz er doch allewege

75

Warten der siecheit

Div allen liuten ist bereit

Mengelich in liden muoz

Er tuot aller froden buoz

Mannen vnde frowen

80

In munt in alle schowen

Vnverborgen offen

Er het mengen troffen

Daz er frovden vergaz

Ir sunt alle merkin daz

125d,85

Kein arzenie frumet

Gein der siecheit div da kvmet

Vf aldie welt geslichin

Elliv varwe wirt erblichin

Uon der siecheit vngemach

90

Div hohgemvote ie zerbrach

Doch weiz ich arzenie guot

Div buoz der siecheit tuot

Vnd hilfet vz der selden not

Daz ist der grimme tot

95

Swen der begrifet in der iugent

Und in siner besten mugent

Der wirt der siecheit erlost

Von dez grimmen todis trost

Der daz alter wendit

100

Und sine not verendit

Vnd allim lebinne git

Urlob in kvrzir zit

Der tot ist ein stritic iager

Der alle frovde machet mager

105

Wan ist gewis siner kvnft

Er het steten sigenunft

An allir creature

Er ist so so vngehiure

Daz er frode leidet

110

Und lieb von liebe scheidet

Daz ich selber erkenne

[318]

Nieman weiz aber wenne

126,1

Er vns heime suochit

Lvzil liute sin geruochit

Swer dicke an in gedæhte

Waz daz nvtzis brehte

5

Der getæte niemer sünde

Heti er dez todis kvnde

Sin gehugde ist so sure

Und ist vnsir nach gebure

Der vns niht entwichit

10

Swen sin zorn bestrichit

Dem ist elliv frovde bitter

Angest groz vnde zitter

Mac wol der svnder haben

Wip man ivncfrowen knaben

15

Getrunkin hant den winkovf

Ez ist ein gemein lovf

Owe daz ich in ie getrank

Dez ist min frovde iemer crank

Den winkovf liez ich gerne varn

20

Nv mac ez nieman bewarn

Ez ist ein altes erbe

Daz der todis gewerbe

Unsir lebin sterbe

Vnd vnsir frovde verderbe

25

Der vogel ist geborn zeflvge

Svz mit warheit an luge

Ist zestetim kvmber

Geborn der mensche tumber

126b,29

Wil er div buoch lernen

30

Und dar vz den kernen

Der wisheit wil svochen

An menger hande buochen

So muoz er dicke sitzen

Mit arbeiten switzen

35

Waz het er deste mere

Wan ein lüzil ere

Div balde wirt verendit

Mit dem tode gebendit

Alde mit alter gemuoget

40

Svz wirt er vber fruoget

Mit menger missewende

Und da von sweles ende

Der mensche verkeret

[319]

So wirt im verseret

45

Sin cruoc vnd zerbrochin

Sin frovde gar betrochin

Wil er och berahten

Div himelschen vnd erfahten

So er ie hohir stiget

50

So er ie balder siget

In vezwivelunge

Der alte vnd der iunge

Und wirt ir sin geschant

Den div erde ist vnbekant

55

Die si hie stete schovwent

Vbir hobit siv howent

126c,57

Die div hohen wen erkvnnen

Div ende nie gewunnen

Und aller menschen bilde

60

Sint frömde vnde wilde

Darnach die liute sinnent

Waz si vf erde minnent

Dez sage ich iv ein teil

Wie si truric vnde geil

65

Hie ir tage slizent

Wie sich die lute flizent

Dez horen menger hande

Uon lande zelande

Von stete zestette

70

Unmvozeclich enwette

Siv ritent vnde lovfent

Siv kovfent vnd verkovfent

Siv schowent vnde veilsent

Siv trurent vnde geilsent

75

Siv machent vnd entmachent

Siv slafent vnde wachent

Siv tanzen vnde sigent

Siv lovfent vnde springent

Siv swigent vnde rüefent

80

Siv lachent vnde wüefent

Siv iagent vnde rennent

Siv rovbent vnde brennent

Siv spilnt vnde reigent

Siv wunnent vnde meigent

126d,85

Siv swendent vnde hordent

Siv slahent vnde mordent

Siv vrligent vnde svonent

Alten haz siv ergruonent

[320]

Siv birsent vnde iagent

90

Mengen kvmber siv clagent

Siv lachint vnde weinent

Siv hvfent vnde sweinent

Siv lovfent vf die berge

Als div wilden getwerge

95

Siv gahent dur div wilden tal

Beide tief vnde smal

Siv gant menic wilde wege

Vbir zvne vnde stege

Dur menge roschen wilde

100

Und vbir wilt gevilde

Siv varnt och vber mer

Mit kovfe vnd mit her

Siv bvwent vnde seigent

Siv snident vnde meigent

105

Siv rvtent vnde zwigent

Siv bannent vnde frigent

Ir holtz vnd ir sæte

Fruo vnd darzvo spæte

Siv tragent haz vnde nit

110

Daz niemer vnder in gelit

Siv grabent och dur nider

Die erde hin vnde wider

127,1

Nach silber vnd nach golde

Daz het div welt so holde

Siv machent menic mure

Svz wirt ir leben sure

5

Siv bvwent hohe turne

In der welte gedurne

Siv vestint vnde brechint

Ir leit siv ofte rechint

Siv nemint vnde gebint

10

Menger leige tuoch siv webint

In selber zekleide

Für frost vnd hitze beide

Siv grabint mengen brvnnen

Alse siv wol kvnnen

15

Siv birsent vnde beizent

Dur mangen walt si kreizent

Siv cleident sich in menge wiz

Siv werbent vmbe kvrzen pris

Siv verwent vnde malent

20

Div lute selten twalent

Siv malent vnde bachent

[321]

Meng spise siv machent

Siv bratent vnde schallent

Siv runent vnde kallent

25

Siv wahsint vnde sterbent

In kvmber siv verderbent

Siv pflanzent win reben

Daz siv in tranc geben

127b,29

Ir wirt menger trunken

30

Rehter sinne versvnken

Daz er niht got erkennet

Pfi swer sich dez wennet

Siv machent bovngarten

Den ovgen schœne warten

35

Siv vahint vil der vische

Uz dem wazzir frische

Siv siedent vnde bratent

Ein ander siv verratent

An libe vnd an guote

40

Siv sint in lercem muote

Siv tribent naht vnde tac

Vrliuge vnde manslac

Ein ander siv betriegent

Siv riefint vnde kriegent

45

Siv stiftent menge luge

Darzvo mortlich truge

Uil meiner eide siv swernt

Ein ander siv darzvo verhernt

An guote vnd an liuten

50

Diz wil ich iv betiuten

Ez ist der welte orden

Dur daz siv guot gehorden

Da mitte siv sich vfen

Win vnd korn gehufen

55

Daz siv an mengen dingen

Ir hofart volle bringen

127c,57

Ir nachgeburen drucken

Sich selben fur zvcken

Dise weinen dise schreigen

60

Beide pfaffen vnde leigen

Disen slahin dise iagen

Genen hoben disen nagen

Disen todin genen vahin

Genen blenden disen hahin

65

Disen lazin genen schetzin

Genen trosten disen letzin

[322]

Disen wunden genen heilen

Disen eren den verteilen

Mengen gar vertriben

70

Uon kinden vnd von wiben

Diz leitet zvo der helle

Swie vil ich sin gezelle

Daz wiget harte cleine

Gein der welte meine

75

Und ir grozin hofart

Div ist vil vngespart

Svz wert diz govgel spil

Vntz an der welte zil

Diz ist des geistis plage

80

Ein kvmberlichiv lage

Dem libe als ich künde

Were ez ioch niht sünde

Ob dv mir niht gelobest noch

Hern salomon gelovbe doch

127d,85

Der die warheit sach

Vnde mit warheit sprach

Ich hohte nach miner girde

Minv werc mit wirde

Und nach mines herzin gir

90

Lebte ich vnde bute mir

Mengen richen palast

Dem gezierde nie gebrast

Von reben wirgarten schone

Minen ovgen zelone

95

In richir kost ich bute

Ze menger hande crute

Garten harte rilich

Ich mohte mir so frilich

Bovngarten harte cluoge

100

Und dar in mit fuoge

Von bovmen aller leige

Da mit der liehte meige

Schone was gegestit

Mit wunnen vbirlestit

105

Gelosit vnd gekronit

Gezierit vnd geschonit

Diz tet minen ovgen wol

Ich bute wiger wazzers vol

Daz siv erfuhten gar genvoc

110

Daz gebovme daz da truoc

Menger hande fruhte

[323]

Honec süezer genvhte

128,1

Ich hatte groz gesinde

An dienste vil geswinde

Harte stolze knehte

Die dienten nach ir rehte

5

Darzvo menge dirne

Mit guotem willen virne

Juncfrowen vnde frowen

Moht man bi mir schowen

Die warheit ich gihe

10

Groze herten mit vihe

Schafe vnde rinder

Daz mere zvo dem minder

Me danne die da waren

Uor mir in allen iaren

15

Gehordet silber vnde golt

So vil min herze wolt

Vil me danne alle die

Uor mir wan gewesen hie

Vnde nach dem willen min

20

Sänger vnde sängerin

Die mir die wile kvrzin

Min vngemuote besturzin

Unde swaz wollust git

Daz hatte ich bi miner zit

25

Und nach miner lere

Ze minem dienste here

Rich neppfe vnde giezvaz

Uzir golde gemachit waz

128b,29

Ze wazzir vnd zewine

30

Gesteines vol die schrine

Gimmen mit horde groz

Ubir alle mine genoz

Die zehierusalem kamen

Vnde richeit war namen

35

Do ich disiv wunder

Schowete gar besunder

Do was ez niht wan arbeit

Div dem fleische ist bereit

Darzvo dem geiste

40

Mit warheit aller meiste

Wan vnder der svnnen

Ist niht steter wunnen

Wen wir vns dez gunnen

Der steten frovde erbunnen

[324]

VON ARMUOT VND RICHTUOM.

45

Ach waz iamers riche

Und angstlicher striche

Vnd kvmberlicher vorhte

Hat hie der verworhte

Menschlichir giege

50

Uon mengerslahte criege

Die sich an im rechint

Vnd sine frovde brechint

Und sin herze durborint

Vnd sin fleisch bekorint

55

Und sine sele dur grabent

Vnd herzliche swere stabent

128c,57

Die hohgemuote sperrent

Und allen trost werrent

Daz muze got erbarmen

60

Ich meine hie den armen

Vnd den guotes richen

Die mvn niht entwichin

Der herre noch der kneht

Wan ez ist ein reht

65

Her an vns ge erbet

Der menge frode sterbet

Nv waz welt ir me

Noch die da sint bi der e

Noch alhie der kvsche

70

Siv liden leides busche

Noch der reine guote

Uon sünden der behuote

Noch der vbil schalk

In werde alhie ir balk

75

Mit kvmber hie gepinet

Als offenlichen schinet

Wan nieman dekeine frist

Ane grozin iamer ist

Merkint waz der arme hat

80

Kvmbers vnd vnrat

Der wernden not ein ivnger

Und lidet mengen hunger

Er ist von hunger geswollen

Der welte muoz erzollen

129d,85

Hie mit siner armuot

Der hunger sweinet sin blvot

Gedenkint wie in durste

Der arme hvnger furste

[325]

Hunger durst er lidet

90

Div selde in svz vermidet

Owe dez iamers koste

Er duldet och von froste

Mengen svnder zitter

Daz im daz herze bitter

95

Mit vngemuote machet

Daz er selten lachet

Fruo vnd darzvo spate

Nackent svnder wæte

Jamer not im nahet

100

Uon armuot wirt er versmahet

Sin vil armer name

Mvos dulden groze schame

Ach wie versmahtes leben

Ist dem betler gegeben

105

Daz in ofte schendet

Und allir frovde pfendet

Mit schame er vurtrittet

So er ihtes bittet

Waz er denne bresten het

110

Ist er vor schame ane bet

Svz hat sine zvngen

Div hvngers not betwungen

129,1

Daz er mit schame dicke gert

Dez er ofte wirt entwert

Sin lebin er suz verslizit

Dicke er gote verwizit

5

Daz er vnrehte teile

Zvo dem grozin meile

Bringet in der gebreste

Darzvo dez richin feste

Der betlere nidet

10

Mit vngedult er lidet

Sins ebin kristen richent

Daz er niht vil bereit

Im sinen kvnber buozit

Und lieblichin gruezit

15

Daz er in hinder redet

Vnd vf sich sünde ledet

Merke waz der wise sage

Uon dez betleres clage

Vnde sprichit daz der tot

20

Si bezzir vnde sin not

Danne in armuote wesin

[326]

Und dez niemer genesin

Horint iamers fuoder

Den armen hazzit sin brvoder

25

Muoter vnde vatter

Svz ist er iamers satter

Sin eigen swestir in schiuhit

Sin geslehte in fluhit

129b,29

Die richin ab im schiehint

30

Sin armuot si ofte fliehint

Da wider vngeliche

Lebit abir der riche

Uon dem guote hohvertic

Wirt er vnd widerwertic

35

In machit vngefuoge

Dez werden guotes genuoge

Er cleidet sich vil wehe

Daz guot in machet spehe

Daz guot vber muotic

40

Machet vnde wuotic

Daz guot machit mengen govch

Uon im tempfet svnden rovch

Vnd tuot die sele sieche

Horint waz ovch rieche

45

Uon dez richin guote

Er muoz mit steter huote

Sin grozis guot besorgen

Den abint vnde morgen

Wie er ez behalde

50

Und mit im iralde

Vnd ez wol verhele

Daz ims nieman stele

Och het er menge sere

Wie er ez gemere

55

Und wie es gar belibe

Kinden vnde wibe

129c,57

Alsus het menge swere

Der arme betlere

Er het mengen mangel

60

Dez hungers bitter angel

Und dez iamers kerder

Machent in vnwerder

Danne menschlich nature

Vnd sint siner frovden schure

65

Der riche het ovch quale

Wie er alle male

[327]

Sin guot so rehte liebe

Behalte vor dem diebe

Und sine volle kasten

70

Die lant in selten rasten

Daz guot ist im so wert

Daz er kvme slafes gert

Swa dez menschen schaz lit

Da ist daz herze alle zit

75

Dez got selbe iach

Und hie vf erde sprach

Svz wirt sorge niemer bvoz

Wan ein eigen kneht muoz

Mengen kvmber liden

80

Dez ich niht mac vermiden

Ich muoz an dirre stunt

Ir einen teil machen kvnt

Ich heize in den veigen

Der name ist sin eigen

129d,85

Den wil ich im gebin

Den er och sin lebin

Haben muoz nach rehte

Wan die eigen knehte

Habent dez hant veste

90

Div stetest vnd div beste

Die ich doch ie gesach

Horint we vnd ach

Unsanfte dicke erweckit

Mit sarphen worten erschreckit

95

Vil dienstis vf in legen

Wihen mit starken slegin

Zvo mengem smehin ampte

Daz er vil verschampte

In grozin sorgen vebit

100

Er wirt dicke betruebit

Obirs nv gelovbit

Sin herre in berovbit

Diz gedienden guotes

Und tuot in sweres mvotes

105

Er nimet im guotes abe

Me denne er iender habe

Die armen sint mit leide

Der richen herren weide

Gewinnen in die koste

110

In hitze vnd in froste

Vnd in svrem sweize

[328]

Ir herren machen veize

130,1

Vnd muozin siv verderbin

Vil nach von hunger sterbin

Owe wel vngelichis wesin

Eine sterbin der ander genesin

5

Nv svn wir doch her komen

Von zwein menschin genomen

Wie daz geschehin si

Einer eigen der ander fri

In einer nature gemachit

10

Einer gehohit der ander geswachit

Dez ist diu warheit

Harte dicke vor geseit

Wir gangen vf iamers stege

Swie ez gar alle wege

15

So sin wir armen geborn

In der erben sünden dorn

Dez vns kvmber ist erkorn

Unde stete frode verlorn

Noch hœrint aber als e

20

Not vnde kvmbers me

Swer kivsche dur got belibet

Sin lebin mit reinkeit vertribet

Der ist selic vor got

Ez ist ein vrlug svnder gebot

25

Daz sich stete gruonet

Und niemer wirt versunet

Noch fride noch tac

Nieman da vnder gemachen mac

130b,29

Daz man ez gar verrihte

30

Und luterlich verslihte

Wan schufel vnde howe

Als ich die warheit schowe

Die gent der not ein ende

Uz disem armen ellende

35

Anders ist ez vnerlost

Ane gotis svnder trost

Der aller dinge het gewalt

Dem ist ellv craft gezalt

Ez ist ein huse urliuge

40

Uon dem ich gerne zivge

Nv mac im nieman entrinnen

Noch stetin fride gewinnen

Der mensche treit ez frische

[329]

Zvo vnd von dem tische

45

Ez gat mit im enwete

Spate vnde fruo zebete

So er och solde slafen

Wafen iemir wafen

Waz ist vns nœte beschert

50

Wie ist vns frovde verhert

In svnden wir her kamen

Uon even vnd adamen

Mit vrluge hie besezzin

Wir trinken alder ezzin

55

Er si iunc alder grise

Dise herten kvchi spise

130c,57

Machet vns der nature koch

Der vns in dis swere ioch

Svnder helfe het gewetten

60

So wir armen solden betten

So muozen wir vehten

Mit vrluges knehten

Menger hande vntugent

Die doch niht mugent

65

Hie gesehin vnser ovgen

Sint vns verborgen tovgen

Diz ist der nature fiur

Daz von dez tievils stiur

Niemer gar erlöschit

70

Und vnsirn lip tröschit

Mit der vntugende pflegel

Vnde mit der svnden slegel

Unser herze blvwet

Vnd den schaden nvwet

75

Mit vnkvschir manunge

Beidiv alt vnd iunge

Wir svn der ogen hueten

Daz siv niht enwueten

Und vnsir kranken sinne

80

Vf fleischlich minne

Mit ir botschefte kerin

Die vnsir sele verseren

Alse die wisen iehint

Div vnkivschin ovgen spehint

130d,85

Dem vnkvschin herzin

Menger sünden smerzin

Der die sele crenkit

Und in die helle senkit

[330]

Swer nv oren trage

90

Der merke waz ich sage

Wan div reine kivschekeit

Git der sele sicherheit

Der magtuom ist vmbehuot

Ane rehte demuot

95

Wan der kivscheit regel

Ist ein gewerer segel

Den reinen gotis kinden

In den sturn winden

Vf den tobenden wellen

100

Die wir sehen quellen

Gein vns mit vngeverte

In dirre welte herte

Da wir muozen beliben

Bi mannen vnd bi wiben

105

In kvmberlichim sere

Nv horint abir mere

Sit der reine kivsche

So menge swere biusche

Uon sinem fleische dulde

110

Vmbe die gotis hulde

So merkent waz ovch swere

Die armen materere

131

VON DEN ELIUTEN.

Hie tegeliche lident

Die siv niht vermident

Die bi der e sitzint

In mengem kvmber switzint

5

Die werdent iv gezellit

Ob ez iv gevellit

Der arme govch vil tumber

Uon menger hande kvmber

Ist er vngeheilit

10

Sin herze wirt geteilit

Von vil vbilen ziten

In die welt so witen

Sin muot im wirt gezvckit

In mengen sin gestuckit

15

Uon kvmbers not besnüerit

Vf fromede wege gefüerit

Und in mengen winkel

Vmbe weisen vnd dinkel

Er muoz och haben roggen

[331]

20

Dez hungers helle gloggen

In sin ore liutent

Die menge not betiutent

Beidiv nv vnd och aber

Siv eischent gersten vnde haber

25

Menic not im ruofet

So daz gesinde wuofet

Nach mengem hus rate

Fruo vnd och spate

131b,29

Siv heischint im die bonen

30

So muoz er aber honen

Erweisen vnde lisiv

Der tievil der var insiv

Gedenkit der vil arme

Daz ez got erbarme

35

Daz ez harzvo keme

Got si in widerzeme

Der mich herzvo bræhte

Und sin von erst gedæhte

Daz ich tumber mine clage

40

Muoz dulden alle tage

Siv ruefent aber nach salze

Nach fleisch vnd nach smalze

Owe ach vnd abir ach

Alsuz salzet er den bach

45

Vnd wirt sin muot beswæret

An frovden gar erfæret

Diz kvrz gemach er giltet

Dicke er sich vnderschiltet

Mit sinem hus gesinde

50

Er ist in och zelinde

So muoz er vf sich laden

Beide spot vnde schaden

Ist er aber zesure

Zehert von nature

55

So fuget sin hertekeit

Dem gesinde langes leit

131c,57

Och gewinnet er kinde

Div im och ein burde sint

Div er muoz besorgen

60

Dur siv in kvmber worgen

Svz wirt im not bechant

Sin wip heischet im gewant

Dur schirn gein dem froste

Gar vbir sine koste

[332]

65

Wil si haben cleider

Rich husgerete der beider

Mac si niht entwesin

Vnd wil er zesamen lesen

Gezierde menic hande

70

An rate an gewande

Dicke ist ir mere koste bi

Danne dez mannis koste si

Swa ir dez gebristet

So wir gar vngefristet

75

Der man an dem bette sin

Hebt sich menges iamers pin

So er slafen wolde

Als er billich solde

Daz wip svftit vnde claget

80

Sine frovde si danne naget

Rvowe mac er niht enpflegen

Daz ist och ir morgen segen

Vnde ir slaf gebet

Daz er von dem wibe het

131d,85

Bitterlich si danne weinet

Michil not si bescheinet

Si murmilt vnde claffet

Da mitte si och schaffet

Daz der vil arm man

90

Vngeruwet gar von dan

Daz sine frode machet lan

Und in guoter witze wan

Alse salomon bezivget

Der och niht enluget

95

Daz driv dinc vertribet

Dem man vnd niht belibet

In dem huse lazin

Div sint so gar verwazin

Ob div huser riechint

100

Da von div ovgen siechint

Der selbe groze smerze

Veriagæt der froden zärze

Wan der selbe gebreste

Tribet vz dem neste

105

Den man mit mengem gruze

Uon sinem eigen hvse

Daz ander ist ein trunpfe

Dar abe ich selbe erclunpfe

[333]

Swenne div tächir triefent

110

Swar so die liute sliefent

Siv mvn doch niht entrinnen

Mit dekeinen sinnen

132,1

Er si daz er lovfe

Uon dez tachis trovfe

Horint von dem dritten

Daz sage ich ane bitten

5

Ir sunt ez merkin alle

Ez ist ein vbil galle

Div niht ruowen lat

Den man der si hat

Daz ist ein vbil wip

10

Dvr ir wiplichin lip

Mit hertekeit enteret

Und ir wipheit verkeret

Ir reinen wibis guote

In hertes wider muote

15

Und natiurlich verwandelt

Wie sich div missehandelt

Div wibet niht si mannet

Ir lob si gar verbannet

Wir svn alle sament betten

20

Daz siv vz guote niht entretten

Und siv wesin wol gezogen

Keiner guote vmbetrogen

Wibez guote in allen zimet

Dekeine sich der rede an nimet

25

Als ich iv vor seite

Wie menger arbeite

Sich die lute nietent

Die sich zehuse bietent

132b,29

Er het mengen kvmber scharf

30

Daz wip vil dinges bedarf

Uon cleidern vnde stuchin

Die si wellent brvchin

Swa ir dez gebreste

Da wurde ein nit gebläste

35

Si sprichit truric vnfro

Liebir man wie tuostu so

Sich wa dez mannis wip gat

Offenlich mit richir wat

Siv erent alle liute

40

Und habent mich fur nivte

Min wirdi div ist cleine

[334]

Wan ich bin alleine

Under allen frowen versmahet

Div selde von mir gahet

45

Si wil daz man si lobe

Vnd an prise wesen obe

Und man si mit sinne

Fur elliv dinc minne

Vnd ir lieplichen pflege

50

Ir lip fur elliv lieb wege

Wirt andern frowen lieb getan

Daz wil si fur laster han

Der warheit si geswüere

Ez were ir vngefüere

55

Si gan nieman liebis niht

Wan daz ir allein geschiht

132c,57

Si wil eine lieb wesin

Uor allim lieb vz erlesin

Ir herze wirt verhowen

60

Lobt er ander frowen

Si wenit sin verdrvckit

Wirt si niht gezvckit

Si duhte vngefuge gar

Swez si mit liebi neme war

65

Ob ez der man niht hielte

Fur alle liebi wielte

Für liebirs er si habe

Ir lieb vor allim liebe stabe

Swaz si och hassen begunde

70

Fur daz niht da zestunde

Uon dem man gehasset

Ir ovge vil balde nazset

Vnd weinet bitterliche

Si wil gewaltecliche

75

Ubir winden elliv dinc

Bringen gar in ir getwinc

Vnd doch vf den erden

Niht vber wunden werden

Si wil niht daz si twinge

80

Der man mit dekeinem dinge

Swaz ir misse vellet

Ir muot ist so gestellet

Daz si wil gesigen

An gewalte niht vnder ligen

132d,85

Si wil gar geflizzen

Elliv dinc wissen

[335]

Svz wil si gewaltes

Pflegen menicvaltes

Daz ist niht ein wunder

90

Si hant da her besunder

Die besten gar betwungen

An den ist vngelungen

Die si von sinnen namen

Daz prüefet an adamen

95

Der mit volge drate

Volgete wibes rate

Dez mit grozim schaden

Ir kvnne ist vberladen

Der edil kvnic Dauit

100

Vergaz och bi siner zit

Siner frivnde dur ein wip

Und hiez ir man den lip

Nemen dur ir minne gelt

Dez noch tribet vil div welt

105

Daz och got sere rach

Do er sin gebot vber sach

Wip hant crefte krone

Daz ist an salamone

Harte wol beweret

110

Dez wisheit wart erveret

Der an witzin nie gelich

Hie gewan vf ertrich

133,1

Sin muot wart verseret

Von einem wibe verkeret

Daz der hohe wise man

Ein abgot bettet an

5

Svz vergaz er gottes

Dur wibe minne gebotes

Sampson wie stark er were

Er wart witzen doch lere

Und allir siner crefte

10

Von wibes meisterschefte

Und wart mit vngelimpfe

Siner vigende schimpfe

Der wise aristotiles

Vbir trat der witze mes

15

Daz er sich lie riten

Ein wip zeinen ziten

Div reit in gesatlot

Unde wart der liute spot

Wip hant mit gewalte

[336]

20

Betwungen iung vnd alte

Dez sint siv vil gar gemeit

Und haltent noch die gewonheit

Siv fugent lieb vnde leit

Als vns dick ist geseit

25

Svs wir in menger wise

Der man bestanden mit flize

Ob daz wip schone ist

So wert ez alle frist

133b,29

Daz si gevellet mengem wol

30

Vnd wirt dez mannis dol

Ist aber daz wip vngenge

So sorget er die lenge

Wie er si wol behüete

Daz si niht ir gemüete

35

An frovde minne kere

Suz het er menge sere

So ist hiure alse vert

Swez vil liute begert

Daz wirt behalten kvme

40

Mac ez behaben die rume

Suz wirt vmbetraget

Dem wibe vil gelaget

Menge liute schoni pflegent

Da mitte si zeminne stegent

45

Menge solche sinne hant

Die den frowen nahe gant

Menge sint so cluoge

Und hant solhe fuge

Die steten muot biegent

50

Vnd menic herze betriegent

Menger het och genuhte

Guoter geberde mit zvhte

Daz frowen wol gevallet

Und lieht gemuote ballet

55

Menger pfliget milde

Div vnder minne schilde

133c,57

Menic herze letzit

Und ere in laster setzit

Suz wirt div minne geile

60

An etslichim teile

Gevangen vnd gestrickit

In sünden gar verrickit

Daz man zallen ziten

[337]

Hie ane vnder biten

65

Ist abir daz wip vnflætic

Ungeslaht vnd vngetætic

So ist der man besezzin

Vnd wirt gar vergezzin

Uon im ganzir liebe

70

Er smilzit als ein griebe

Leidez wirt im niemer buoz

So er stete schowen muoz

Daz nieman wol behaget

Vil selten er betaget

75

An sines wibes arme

Daz ez got erbarme

Daz nieman einen halbe tac

In ganzer frode vertriben mac

Swer zemargte lovfet

80

Roz alder rint kovfet

Ald swez der man ruochit

Daz wirt doch e versuochit

Daz er doch wol elliv zit

Verkovfet vnde hin git

133d,85

Swem danne daz gezimet

Daz er ein wip nimet

Die lat man in kvme sehin

E der stete wirt veriehin

Daz si niht misse valle

90

An dez brvtlofes schalle

Svz muoz er die brvt

Beidiv stille vnd vberlut

Zvo einem steten wibe haben

Die frovwen och daz selbe staben

95

So muoz er si han

Si si gereht oder lan

Wise oder tumbe

Sleht alder krumbe

Gesunt oder siech

100

Alt swie ir aten riech

Div e clebit als ein harze

Si si wiz oder swarze

Vnfletic oder schœne

Guot willic alder hœne

105

Unwert alder aber zart

Mit demuot oder mit hohfart

Er wirt ir niemer doch fri

Swaz gebresten an ir si

[338]

Si were im danne sippe

110

Von fleischlichem rippe

Und eines wil ich ich sprechin

Daz ist diu e zerbrechin

134,1

Sweder halb daz geschehe

Daz reht in danne ich

Daz man vnder in beiden

Die e mohte scheiden

5

Er muoze abir dez genesin

lemer ane wip wesin

Aller frowen sich begebin

Die wil si hette daz lebin

Und si bi dem banne

10

Fri iemer aller manne

Die wile er lebins waltit

Und ane tot altet

Doch ist der dinge mere

Nach der babste lere

15

Daz die e swachit

Vnd schidunge machit

Der wil ich nu gedagen

Niht furbaz da von sagen

Swer anders si wip lieze

20

Und si von im stieze

Ane daz brechin der e

Der were vnvertic iemer me

Daz selbe dem wibe were

Ob si den man verbere

25

Ane die selbin sache

Vnd an eren swache

Siv muozen ane getiusche

Beidiv beliben kiusche

134b,29

Alder abir wider komen

30

Beidiv vf der e fromen

Suz drvckit harte vaste

Div e mite swerim laste

Und ist ein vil swere ioch

Ich truoge liebir ein bloch

35

Wan so ich wolde ich wurde

Wol lidic dirre burde

Wan daz wurf ich nider

Und geruwete mir der lider

Vnd lieze siuften vnde clagen

40

Die e muoz ich iemir tragen

Untz an eintwedirs tot

[339]

Daz dunkit mich ein swere not

Svz ist mit steter wise

Bestanden hie mit flise

45

Dez menschin armes leben kvrz

Kivschekeit div ist ein wurz

Bitter vnd also sivre

Wider menschlicher nature

Mit reiner stete vester

50

Ein gespil vnd ein swester

Ist si der gotis engel

Der bluogende tugenden stengel

Die vor gote bluogent

Die sorge niht en muogent

55

Div e vnd och ir orden

Sint von gote worden

134c,57

Si het lobes prise

In dem paradyse

Ir anevanc begunde

60

Uon dem gotis munde

Der ir von erste gap

Anevanc vnd vrhap

Daz man die sele behalte

Swer ir mit trvwen walte

65

Div e ist der truwe ein regel

Der steten minne ein segel

Mit zvoversiht gesnuoret

Der zehimel fuoret

Wa sint aber der e knehte

70

Die si nach ir rehte

Uf daz ende bringen

Ane misselingen

Ez ist der swerste convent

So der welte kint hent

75

Suz ist ane borgen

Not arbeit vnde sorgen

Die sele vnd lip serent

Swar sich die lute kerent

Owe armiv menscheit

80

Dir ist menic strick geleit

Din lebin zallen ziten

Ist niht wan ein striten

Mit steter lage schrigent

Vf vns vnsir vigent

134d,85

Daz ist ane zwivil

Div welt vnd der tivil

[340]

Unsir fleisch vnser sinne

Vzwendic vnd inne

Sin wir mit strite bestanden

90

Uon naturlichen vianden

Daz fleisch mit strite strebit

Wider dem geiste vntz ez lebit

Der geist och hin wider dan

Ez sin wip oder man

95

So muoz diz also sin

Daz ist der geistlich pin

Der niemer wirt versvonet

Und alle zit sich gruonet

E daz in hie verende

100

Dez grimmen todes gebende

Der ist der fride gemachet

Swer hie groz bachet

Der het dest e verkofet

So er zemargte lovfet

105

Swer hie rehte wirbet

Der lebit so er stirbet

Got git im lebin dort

Daz wert an endis ort

Daz ist der himilsche hort

110

Swer den rehte bekort

Wer ist der gesprechen muge

Mit warheit ane luge

135,1

Daz er ane tac verzert

Habe vf dirre welte wert

Nach sines herzin willen

Mit froden ane villen

5

Den div schulde me beswarte

Siner gewizzint noch ervarte

Noch dez gehin zornis craft

An im wurde sigehaft

Nach dez vnkvschen fleischis gelust

10

Mit begirlicher akvst

Noch der stritec haz

Sin herze nie getete laz

Noch der last gefugte leit

Der vnreinen gitekeit

15

Oder dem sin herze wirt verspart

Uor der geswollen hofart

Div sich allis hœhit

Den muot vf sünde zœhit

[341]

Aldie belibe tages zit

20

Ane der fivnf sinne strit

Daz sin ore nie gehorte

Daz sine frode storte

Noch oge nie gesehe

Dekein sache smehe

25

Noch hant nie gegriffe

Dez er in svnde sliffe

Noch sin nache nie gesmahte

Daz in vf svnde wahte

135b,29

Ald iht den lip beruorte

30

Daz in zebosheit fuorte

Wer het mit sinen sinnen ruon

Daz er dez habe ganze suon

Ez sin man oder frowen

Die wolde ich gerne schowen

35

Als ich han gelesin

So ist daz ie gewesin

Uon der nature rate

Von fruo vntz hin vil spate

So wirt daz zit gewandelot

40

Daz herze also gehandelot

Uon begirden menicvalden

An iungen vnd alden

Die wilden gedanke

Hant menge frovde wanke

45

Die daz herze verzvckint

Und daz gemuote smuckint

Nv in frovde nv in suren

Nv in lachen nv in truren

Nv vf süeze nv vf bitter

50

Nv in friheit nv inzitter

Nv zefroste nv zehitze

Nv zetumpheit nv zewitze

Nv vf wachen nv vf slafen

Nv vf frivntschaft nv vf wafen

55

Nv vf ezzin nv vf vasten

Nv vf arbeit nv vf rasten

135c,57

Wer mohtes gar geschriben

Uon mannen vnde wiben

Wie ir gedenke fliegent

60

Und sich ir herze biegient

Eines ernst daz ander schinpf

Eines vnfuoc daz ander gelinpf

Dirre welte frode muoz

[342]

Mit leides ende haben buos

65

Dez siv mit tiuschen worten

Die warheit zallen orten

Swer vns iht anders seit

Daz ist ein rehte trugeheit

Der iungste tac der erde ist

70

Untz an dez libes ende frist

Vnd niht der erste tac

Der ivngste reht geheizin mac

Dez svn wir ane beiten

Uns zvo dem tode reiten

75

Wan vns wahsit tegelich

Kvnftic dinc vnsegelich

Die geginwurtigen sterbint

Teglich vnd verderbint

Daz fur gevarn ist allis tot

80

Da bi merkent groze not

Vns ist der tot gegebin

Hie die wile wir lebin

Dem tode geben wir ein zil

So wir lazin der welte spil

135d,85

Vnd niht der welte lebin hie

Als ich iv bescheide wie

Swer hie lebit der welte

In ir froden gelte

Der lebt dem tode alle stunt

90

Dez leides ende ist vnkvnt

Der tot ist ein furganc

In ein ander lebin lanc

Da man iemer sanfte lebit

Ald in steten nœten strebit

95

Unsir tot stet vor der tür

Vnd bitet mit gewisser kvr

Ez ist ein wunderliches dinc

So man dez lebins vrsprinc

Hie ie naher wahzin siht

100

So nahet ie dez todis pfliht

So hie wahsent vnser tage

So nahet ie dez todis clage

Daz hie wahsit daz swinet dort

Iemer gein dez todes ort

105

Ist diz niht ein wunder

Daz merkint alle besvnder

Diz kan nieman erwendin

Mit dez todis gebenden

[343]

Wirt vnsir zit beslozzen

110

Daz mere ist gar verdrozzin

Noch merkint aber mere

Uon menschlichim sere

136,1

So wir solden ruowe nemen

Als dem slafe solde gezemen

So werden wir gesovmet

Von angste der vns trovmet

5

Swie doch die trovme triegent

Und an warheit liegent

So sint siv doch gar swere

Vnd tuont vns frovden lere

Ez trovmit harte dicke

10

Da von groze stricke

Der mensche hie enpfahit

Da von im sorge nahet

Ein teil ich ir zelle

Mengem von der helle

15

Trovmen wie er kere dar

Mit der tievillichen schar

Vnd wie man welle wenkin

Mengen ane wenkin

Mengen radebrechin

20

Ane wider sprechin

Und etslichen murden

Mengen brennen vf hurden

Genvgen trovmet da wider

Wie man in breche div lider

25

Menge liute schrigent

Siv dunkit daz ir vigent

Siv wellen slahin ane schrin

Beidiv dur schedil vnd hirn

136b,29

Menge sere weinent

30

Die grozin iamer scheinent

Menic not vbir gezzin

Den menschen hat besezzin

So er rvowe solde habin

So sin wir frovden dür grabin

35

Von menger hande muoge

Nahtis tagis spate fruoge

Lip vnd sel entreinet wirt

In dem slafe vnverirt

Als ez die wisen lasin

40

Da von div sele mazin

Gewinnet vnde fleckin da

[344]

Und div Conciencia

Als ez div schrift hat gezilt

Der tievil etswenne spilt

45

Mit den luten in dem slafe

Als der wolf mit dem schafe

Mit mannen vnde wiben

Dez ich niht wil schriben

In menger hande bilde

50

Disiv rede wilde

Ist niht guot zetuten

Aller hande liuten

Swer ez weiz dem ist genuoc

Geseit mit der rede cluoc

55

Wan der menschlich cruoc

Hatte ie gebresten genuoc

136c,57

Ach ach vnd aber owe

Waz sol ich sprechin me

Wir han so menge lage

60

Uon der nature plage

Nv sieche nv gesunde

Nv gevangen nv wunde

Nv geheilit nv geseret

Ez wirt alhie gereret

65

Vnsir bluot menge wis

Dur guot vnd der welte pris

Dur liebi vnd dur vientschaft

Uon menger siecheit behaft

Die etswenne selzene

70

Waren als ich wene

Die sint nv wol erkant

Den liuten dur elliv lant

Wan div nature swachit

Daz div vnfuore och machit

75

Der nv die liute pflegent

Und mit vbir maze wegent

Svz ist der menscheit

Menic strick hie geleit

Die siv twingent harter

80

Mit vngehurer marter

Werdent siv geburdet

Mit steckin gemurdet

Mit swerten zerhowen

Als wir dicke schowen

136d,85

Etsliche erwurget

[345]

Dem tode suz verburget

Svmelich hie verbrennet

Mit fiure vbir rennet

Ir genuoge hie versteinet

90

Ir lebin suz vermeinet

Mit geisiln ir genuoge

Zerslagen vil vnfuoge

An galgen ir vil gehenkit

Vnd in wazzir ertrenkit

95

Ir vil in ysen gebende

Genomen hant ir hende

Mit hunger vil verderbit

Und iamerlich ersterbit

Abturnen ir geworfen vil

100

Ab velsen vf dez todis spil

Ir genuoge sint geschunden

Alhie zemengen stunden

Ir ist och vil erblindet

Henden vnd füeze gepfendet

105

Enthovbtet vnd gesleifet

Dur stocke dur hurste gestreifet

Vnd lebindic gesotten

Als div reht hant gebotten

In mengewis wart ir lebin

110

Hie dem tode gegebin

Niht dur gottis minne

Noch vf die gewinne

137,1

Als gotis heiligen taten

Die sich dur in waten

In vnzallich swere

Dise marterere

5

Litten vmb ir schulde

Niht dur gotis hulde

Svnder vmbe ir missetat

Und dur vigentlichen rat

Als man alle tage vernint

10

Wie der armen menschen kint

Ir lip hie verliesint

Und menge marter kiesint

We der muoter we der geburt

Div in disen iamers furt

15

Der welt ir kint brahte

Dem solich vnselde nahte

Und in so mengen leiden

Von ir wirt gescheiden

[346]

Svz lebt allis daz hie ist

20

In not in iamer alle frist

Der tot vns balde nahet

Daz lebin von vns gahet

Waz ist gewissirs danne der tot

Und div grimme todis not

25

Niht vngewissers vf vns lit

Danne dez gewissen todez zit

Vnd sin verborgen kvnft

Div hie steten signunft

137b,29

An allim lebinne nimet

30

Als im von alter gezimet

Dez liplichin todis craft

Unde sine meisterschaft

Div vorhte harte cleine

Div süeze maget reine

35

Martina gotis dirne

Daz durluhtic gestirne

Daz mengem sunder luhtet

Vnd sin herze erfuhtet

Mit mengem vorbilde cluoc

40

Daz si vns hie vor truoc

Mit gedulde mit demuote

In aller tugende bluote

Div suze was gebluomet

In kvschekeit si ruomet

45

In der megde conuente

Da si ir lonis rente

Uon ir gemahel wartet

Der engel schar ir zartet

Die sint von ir gepriset

50

Von gotis zeswe riset

Uf si der hohgewihte segin

Der himil tovwe vnde regen

Stete vf si vellet

Mit selden vngezellet

55

Von hoh gelobter victorie

Wider zvo der jstorie

137c,57

Svz wir aber dringen

Sagen von den dingen

Da wir ez vor liezin

60

Alexander hiez besliezin

Martinam die maget

Als ich vor han gesaget

Nach pimenivs rate

[347]

Der im geraten hate

65

Daz er mahte swarze

Mit vnslit speck vnd harze

Ir schonen libez varwe

Die hate got so garwe

Mit durluhtem schine

70

Getempert also fine

Daz div varwe so gemeit

Der heiden ovgen sneit

Uon der megde schœne

Dez wurden siv so hœne

75

Vnd hiezen vil vnmere

In einen smehin kerkere

Dise maget schalden

Da inne wol behalden

Do die huoter kamen

80

Und die maget namen

Als siv geheizen waren

Dez siv niht verbaren

Siv furten vnvertliche

Die maget selden riche

137d,85

Gein dez kerkeres slozzin

Dar gie si vnverdrozzin

Mit der gotlichen craft

Alsiv zegrozer wirtschaft

Lieplich were geladet

90

Wan ir hatte vor gepfadet

Ir friedel die straze

In rehter minne maze

Do der himel wege man

Willeclich die vart nan

95

Als in div minne twanc

Gie er ane wider wanc

Gein dem cruce die rihte

Swie doch div menscheit erschrihte

Unde wart daran genagelt

100

Vf in vnmilteclich gehagelt

Uon der ivden rotte

Mit schimpflichem spotte

Vnd mit schelt worten

Gar an allen orten

105

Sin tiures bluot gereret

In mengewis verseret

Sin zartes menschliches verch

Uon sin selbis hende werch

[348]

Daz nach im was gebildet

110

Wie was ir sin verwildet

Ir ogen svz erblendet

Der selden gar gepfendet

138,1

Got hat disen wec gebant

Der martinun was erchant

Den si ane swere

Gie ze dem kerkere

5

Mit frolichem muote

In der tugenden huote

Div gotis erweltiu gimme

Rief mit liuter stimme

In der selbin stette

10

Mit dem volk si rette

Uon gotis genaden enwette

In grozir selden sette

DIV FVNFTE MARTER

Hoher fride michel heil

Gelucke aller selden teil

15

Ist den die die cristes namen

Mit geloben ane schamen

Nemint mit zvoversiht

Den kan gewerren arges niht

Sint fri vor vngelucke

20

Der welte bœsin tucke

Fri ir svnden hordes

Dez meintetigen mordes

So dv welt nv lernet

Mit velschen retin schernet

25

Der murdigen fiunden

Verfluochter tot svnden

Fri vor allim meine

Dirre welte vnreine

138b,29

Die an crist gedingent

30

Nach sinen hulden ringent

In dez fride min vart

Nv sol wesin vngespart

Dez ich niht wider bille

Min begirde min wille

35

Lit an dirre verte

Und ander marter herte

Mit den worten si do gie

Frolich in den kerker hie

Mit lobte richen worten

[349]

40

Daz siv ez alle horten

Lobende got zestunde

Mit herzin mit munde

Ir muot zegotis lobe stuont

Alse die getriuwen tuont

45

Mit warer minne pflihte

Ir sinne si do rihte

Zegote si mit ir bette

Fri vor svnden lete

Si sprach liebir herre

50

Ich mane dich vil verre

Diner gotlichin guote

Daz si mich behuote

Als den ovgapphil der gesiht

Dem niemer leit hie geschiht

55

Wan kein lit ist so zart

Elliv zit so wol bewart

138c,57

Der mensche het dekein lit

Daz doch baz si befrit

Da von bat div tiure

60

Div reine div gehiure

Den himelschen degen

Ir alse dez ovgen pflegen

Div gute mere batten

Daz er vnder den schatten

65

Siner vetechen si tete verborgen

Von dirre welte sorgen

Ich vil armiv dirne cranc

Sage genade vnde danc

Diner hohen trinitat

70

Div min herze erluhtet hat

An dinem rehten gelovbin

Und daz ich div tovbin

Abgot han versmahet

Zvo dir ich han gegahet

75

Da von ich dich bitte

Nach vaterlichim sitte

Dur dinen namen hoh gelobt

Der iemer allen namen obt

Dez stimme mit vorhten

80

Hillet den verworhten

Dez tievils ingesinde

Dez rehten gelobin bilinde

Nv kam mir zetroste

Der ie die sinen loste

[350]

138d,85

Geruoche mich lœsen

Uon dem argen bœsen

Keiser alexandern

Vnd vor den andern

Die dez vngelovben pflegent

90

Unde gar zenihte wegent

Dine craft dinen gewalt

Dine guote menicvalt

Der herze niht erweichin

Kan so menic zeichin

95

Daz siv doch hant gesehin

Waz alhie ist geschehin

Wie die nivn centurione

In rehtem werke lone

Uon miner marter inpfiengen

100

Ir armen ir hende hiengen

Erloset von der ahziln nider

Vngewaltic gar ir lider

Dez libez vbil gehandelt

An mir sint gewandelt

105

Der centurione vierzehin

Daz siv selbe muozen iehin

Die müede alle wurden

Uon miner marter burden

Vnde mich div not vermeit

110

Und mine vigende versneit

Mit wunderlichir burde plage

Vntz vf dez todis wage

139,1

Dise rede sinneclich

Und menic wort minneclich

Div maget vnverdrozzin

In dem kerker beslozzin

5

Mit ir gemahel kosete

Sine tugent si erglosete

Sr priste got mit sange

Und mit lobis clange

Och wart alda vernomen

10

Grozis lob volkomen

Von menger süezen zvngen

Die so schone erclungen

Mit lobis richim done

Die so rehte schone

15

In lobis geiegde

Mit der reinen megde

Got lobten vnde pristen

[351]

Und siner wunder wisten

Daz alle die wol horten

20

Die vor dez kerkers porten

Geleit wan dur huote

Daz div maget guote

Niht dar vz entrunne

Swie si nie gewunne

23

Dekeinen sin zefluhte

Ir herze nie geruhte

Eine stunde von gotte

Noch vz sinem gebotte

139b,29

Dez er der guoten sande

30

Trost von himel lande

Der engel geselleschaft

Die ir herzin gabin craft

Niht anders si och ruohte

Dekein trost si suohte

35

Wan zvo der himel fursten

Da von muoze dursten

Ir herze mit begirde

Nach siner hohin wirde

Er ist vermalediget

40

Der helle niht gefriget

Swer sine zvoversiht leit

Fur got in die menscheit

Sin vngelucke wirt breit

Hern dauides fluoch er treit

45

Daz tet niht div here

Allen trost vnd lere

Si von gote gerte

Dez er si och werte

Als ich da vor seite

50

Hohin trost vnd geleite

Gap ir der himel voget

Dez ritterschaft kan gezoget

Div himelsche massenige

Div mit guoter kvnpanige

55

Si troste vnde frövte

Swaz man ir gedrövte

139c,57

Daz was ir also gezartet

Ir muot vnverschartet

Was vnd vnverkeret

60

Ir lob was geheret

Uf rede vor den liuten

[352]

Als ich wil betuten

Wan si hie got minte

Als ich mich versinte

65

Mit mengen frömden zeichen

Gedenkint ane smeichen

Wie got ir wisgære

Mit svnderlicher swere

Binde vnde kestgotte

70

Dez wurden siv zespotte

Wan si gar verzaget

In einer murwen maget

Waren von gotis zorne

Daz die gar verlorne

75

Schrivwen also vaste

Uon ir marter laste

Daz si also grimme

Mit clagelicher stimme

Grisgramende wuoften

80

Vnd dem keiser ruoften

Daz er diz frovwen

Uon der siv waren verhovwen

Scheiden von in hieze

Vnd si der marter erlieze

139d,85

Die si der megde butten

In fiure in sweize svtten

Ir lider vnde brieten

Der marter siv sich nieten

Die si der megde wolden

90

Bieten als siv solden

Nv trahtent gotis kint

Wie wunderlich div mere sint

Div got dur daz gebet

Sante Martinen tet

95

Daz er den tempel valte

Da vnder vngezalte

Pfaffen vnde heiden

Ze eweclichen leiden

Mit dem tievil het verdrvomet

100

Da mitte wart geruomet

Martina sin dirne

Der lip sam daz gestirne

Von kivschim muote luhte

Daz ir clarheit schuhte

105

Daz ist ane lovgen

Alder heiden ovgen

[353]

In reinekeit was so groz

Daz milch fur blvot floz

Von ir libes wunden

110

Und die nature begunden

Wunderlich verkeren

Milch fur blvot reren

140,1

Als wie reine si doch was

Daz durluter spiegel glas

Daz die nature wandelte

Do man si vbil handelte

5

Ez was gote wol gemeze

Do dv maget der heze

Berovbit wart dez libes

Div bilde eines wibes

Uzzin an der forme trvoc

10

Der man dur zvht dur fuoc

Ie do her och schonde

Wan wibes nam och kronde

Allen manlichen pris

Als ein gebluomtes meigen ris

15

Div reinen wip glestint

Die den himil gestent

Mit mengem stolzin degine

Siv sint mit gotis segine

Hie gewihit vf erde

20

Vil menge maget werde

Hant si gesant zehimel

Ane masen ane schimel

Dez cleine hat genozzen

Martina div beslozzen

25

In dem kerkere lac

Der menic engel pflac

Die ir herze trosten

Uon aller vorhte losten

140b,29

Die hiez der keiser fruoge

30

Zvo menger grozin muoge

Einen fursten fuoren für

Limenivm von hoher kür

Und hiez si e pfenden

Ir libis namen vnd schenden

35

Mit vnslit harze specke

Daz menic vnrein flecke

Ir liehten glantz vertribe

Und ane clarheit belibe

Martina vil kivsche magt

[354]

40

Waz din lip vnverzagt

Uon dem keiser dolte

Der dine schone wolte

Swerzin mit vnflate

Als in gelerit hate

45

Sin ratgebe Limenius

Daz was allis vmbe svs

Swaz siv erdahten vnselde

Wie siv daz lieht gemelde

Der megde hie geschanten

50

Ir claren varwe wanten

Daz was doch ein spot

Wan div schœne die ir got

Temperte vnde teilte

Die mohte daz vermeilte

55

Volk niht geswachit

Noch vns uber machet

140c,57

Mit dekeinen sachen

Got wolde si bewachen

Limenius von dannan schiet

60

Ein michel volk mit geriet

Ab dez keisers palast

Den dez gelovben doch gebrast

Zvo dem kerkere er gienc

Sa zehant er enpfienc

65

Einen also suozen smac

Der so hohe tiure wac

Dez smackis in wunder nam

Vaste er sich dez erkam

Do in der smac erfulde

70

Der allen smac vbergulde

Dez sin herze doch iach

Zvo den geverten er sprach

Hant ir niht befunden

Dez smackis hie zestunden

75

Der so suoze drehet

Allen smac vberwehet

Ja wir haben alle gar

Dez smackis genemen war

Den tiuren smack gewere

80

Hant die burgere

Gemachit vnd die liute

Daz er die liebe tiute

Die si hant getragen ie

[355]

Der megde martinen hie

140d,85

Nach der liebi lere

Hant si die grozen ere

Der megde hie erzeiget

Ir gunst gein ir geneiget

Die si alle bi ir tagen

90

Dirre frowen hant getragen

Doch sprachens algeliche

Die gote helfe riche

Hant sich ir erovget

Vnd ir gewalt erzovget

95

Siv wanden daz div guote

In ir süezim muote

Der gotte war neme

Die waren ir widerzeme

Und was ir wider parte

100

Div reine div zarte

Was von ir ivgende

Also hohir tugende

Bi den luten gewesin

Und an selden vz erlesin

105

Wislichin wol besinnet

Uon allen liuten geminnet

Vor valschem wandel behuot

Div hoh gelobte demuot

Pflac ir guoten sitte

110

Daz si niht erschritte

Mit dekeiner geberde smehe

In die vnwirde spehe

141,1

Ir worte ir werke kivsche

Mit warheit ane getiusche

Ir herze ane alle geverde

Zvht pflac ir geberde

5

Die wurden an ir gepriset

Swer si hat der wiset

Sin gemuote vf rehten wec

Vnd an der tugende stec

Ir huote wol div maze

10

Zewege vnd zestraze

Zetische vnd zebette

Wislich si och rette

Ir wort si wol bedahte

Swaz si der fur brahte

15

Ir herze nie bevilde

Si pflege rehter milde

[356]

Div was ir herzin vrhab

Willeclich div reine gab

Dur got ir guot frilich

20

Svnder hofart rilich

Ir ratgebe was gedult

Div ir herze hat erfult

Vnd wil ir selden worhte

Div reine gotis vorhte

25

Besloz ir herzin tor

Dirre welte liebi vor

Div süeze gotis minne

Gewurzet was da inne

141b,29

Div tusint valt fruht braht

30

Als ez von gote was gedaht

Div vil stete triuwe

Was ir herzin nivwe

An der si nie gewanhte

Noch ir gemuote cranhte

35

Gelovbe vnde zvoversiht

Ane die guotes niht geschiht

Wan ir tugende fundament

Div och allen liuten gent

Wec zehimilriche

40

Und in vil geliche

Wegent gotis hulde

Siv tilgent alle schulde

Alle tugende wan ir zame

Uon ir ovgen truoc div schame

45

Allezit den spiegel

Ein grat vnd ein stiegel

Vf zvo der tugende trone

Mit hoh gelobter crone

Gesat an der tugende stuol

50

Ein regel vnd ein schuol

Swen si nint zeivnger

Der het stetin hunger

Wie er wol getuoge

Spate vnde fruoge

55

Ich muoz die warheit kallen

Mit den tugenden allen

141c,57

Waz verletzit vnd verhaget

Martina div clare maget

Meisterlich von gotis kvnst

60

Da von si hie die gunst

Ie hete der gemeinde

[357]

Daz si wol erscheinde

Wan der furste Limenius

Und die gevertin sin alsus

65

Wanden den smack tiuren

Der reinen der gehiuren

Martinvm were gemachet

Daz da mitte geswachet

Und geringet wurde

70

Ir sweren marter burde

Die si vil vnschuldic

Leit vnd doch geduldic

Div süeze wol besinnet

Was so gar geminnet

75

Uon aldem volke svnderlich

Daz si den smack wunderlich

Wanden von Martinvn hân

Der lieben megde wol getan

Dez was ir tumber wan

80

Der warheit doch niht erlan

Dez selben smackis rovch

Der Limenius der govch

Wande von ir götten habin

Und och dez tievils knabin

141d,85

Die mit im da giengen

Vnd den smack enpfiengen

Do was er der da ruckit

Div sele vnde zvckit

Und dirre welte smacke

90

Daz der helle tracke

Machit also suoze

Daz manger sine fuoze

Vf dem wege vergisset

Und diz cranken suoze misset

95

Fur dez himils honec waben

Die vnsir sele solten laben

Uon der svozi dekein munt

Menschen mac gemachen kvnt

Mit dekeinem worte

100

Kein ore nie gehorte

Noch nie gesahin ovgen

Die suzen gotis tovgen

Die er het behalten

Den ivngen vnd den alten

105

Die in minnent ane wanc

[358]

Fur die vnsteten welte cranc

Der smack was in vnkvndic

Wan siv waren sündic

Und leider vngetovfet

110

Lip vnd sei verkovfet

Dem tievil vngehiure

Vnd dem helle fiure

142,1

Daz niemer da erlischit

Vnd sich stete erfrischit

In menicvalter rivwe

Div ist da niemer nivwe

5

Div doch niht vervahet

Uon gote ist si versmahet

Dez vnzallichin zeichin

Ir herzin niht erweichin

Kvnden noch gebiegen

10

Die blinden helle giegen

Gotis wunder siv enpfiengen

Nach dem smacke siv giengen

Liminius vnd sine gesellen

Der ich niht kan gezellen

15

Nach dem smacke kerten

Daz si die vil geherten

Martinam hatten gevangen

Uon der och was gegangen

Der smack so selzene

20

Den der wider spene

Liminius vil grozir vant

Danne er vor were erkant

Wan er kam gedozzin

Uz dem kerker beslozzin

25

Mit so richer crefte

Von gotis meisterschefte

Daz ez siv sere wundert

Ir me danne hundert

142b,29

Limenius trat hin für

30

Mit siner hant die ersten tür

Der herre selbe da entsloz

Do sach er wa so groz

Lieht alda erglaste

Den kerker also vaste

35

Daz er sere do erschrack

Den glast er vil hohe wac

Do gie er naher hin

Als in wiste sin sin

[359]

In den kerker furbaz

40

Daz buoch seit vns daz

Daz vil gedemer were

In dem selbin kerkere

E doch der selbin herre

Keme vnd verre

45

Ein grozer schin erluhte

Der in niht enschuhte

An den selbin ziten

Vmbe in an allen siten

Daz sine geverten erschrichten

50

Die den glast anblichten

Der glanz in also ergreif

Daz im sin craft gar entsleif

Uon der grozen vorhte gar

Wart er bleich vnd missevar

55

Und viel von vorhten nider

Vngewaltic siner lider

142c,57

Vf den estrich blozin

Uon den schricken grozin

Daz er vber sinen danc

60

Wart von vorhten so kranc

Er wande liden den tot

Ze iungest mit grozer not

Er wider vf gestuont

Alse die erschrockin tuont

65

Und begonde worgen

In so grozen sorgen

Vorhte was er vber laden

Doch in daz dritte gaden

Der vil arme tumbe govch

70

Uil vnkrefteclichen crovch

Vnde sach alda die maget

Uon der ich han gesaget

Martinam mit witzen

So gar schone sitzen

75

Mit selden herlichen

Vf einem stuole richen

Keiserlichen wol geworht

Mit grozen frovden vnervorht

Umbe si mit gotis wer

80

Von mannen ein michel her

Die nieman kiesin mohte

Uor schone als ez tohte

Wan ir claren blicke

[360]

Erblihten also dicke

142d,85

Von den werden gesten

Daz ir lihtis glesten

Stach alsam der svnne

In ir besten wunne

So ir wolkenlosen glanz

90

Umbe trubit schinet ganz

Der div ovgen snidet

Vnd den niht enlidet

Dekein creature

Gehiure ald vngehiure

95

Wan allein der adelar

Dez ovgen schowent bar

Dez lihten sunne schine

An allis schaden pine

Suz kan dv maget reine

100

Div suze valschis eine

Div kvsche wandels frige

Mit himilscher massenie

Vmbe standen vnd belegen

Die der engel degen

105

Martinvn sante zehelfe

Gein mengem helle welfe

Die grozin haz truogen

Der reinen megde cluogen

Div was alsus verletzit

110

Ir kvmbers ergetzit

Uon der megde kinde

Der sin hove gesinde

143,1

Mit Martinun teilte

Ir lip ir sele geilte

Und ir gemuote loste

Von dirre welte vntroste

5

Der doch mit laster endet

Und frovden wirt gepfendet

Ir trost ir guot ist tovp

Reht als ein durrer schovp

In dem fure verflucket

10

Vnd alse der entnvcket

In einem svozin trovme

Fri vor leides sovme

Und wenet daz er schone

Die keiserlichen crone

15

Trage vf sinem hovbit

Mit rehte wol erlovbit

[361]

Waz der frovden pfliget

Die wile er also liget

So er abir erwachit

20

So wirt gar verswachit

Diu frovde die er hatte

Div ist als ein schatte

Uon im hin gewichin

Alsus wirt erblichin

25

Div frovde dirre welte

Vnd mit iamers gelte

Ane trost gebunden

Zvo den helle hunden

143b,29

Die sünde von erste funden

30

Und vns dez selben gunden

Der welte guot gedinge

Wac diu magit ringe

Gelich dem fulen pfuole

Div vf dem richen stuole

35

Uon gotis ordenunge

Div clariv maget iunge

Saz als ir wol gunde

Ir friedel der si kvnde

In dirre welte gehœhen

40

Mit svozim zarte zœhen

Vf siner luoder zil

Als ein gerndes vederspil

Mit sines hoves presse

Die mit selden messe

45

Umbe si da stuonden

Vnd ir frovde ergruonden

Mit liehter ovgenweide

Daz siv trugen ze cleide

Daz was sne wize

50

Gar nach gotis flize

Daz kvscheit betiutet

Als gotis minne gebiutet

Svs was ir cleit wizer me

Danne ein nivwe vallen sne

55

Die blanken gotis knehte

Der megde kamen rehte

143c,57

Div hatte och wizes cleit

Mit kivscheit an sich geleit

Div reine wat so fromede

60

Was dirre megde hemede

[362]

Daz div reine gotis brvt

Truoc an ir kivschin hut

Gemeze was ir daz gewant

Unde hatte in ir hant

65

Ein riche schone tavil

Mit warheit ane zavil

Vngeworht vngesnitten

Niht nach menschen sitten

Sunder missewende

70

Ane menschin hende

Div tavel gemachit was

An der div maget las

Der hohin lere schrift

Div von gotlicher stift

75

Was daran geschriben

Div wort div alda beliben

Div sint ane grunden

Der sin lat iv kvnden

Div fugten der megde wol

80

Gotis wisheit was vol

Der hate si daz geleret

Dez si was geheret

Wan er vf sine minne

Der suzen megde sinne

143d,85

Hatte gar gerihtet

Div wort div da getihtet

Wan an dem tavilline

Der sin was so fine

Und also gar gewere

90

Von dem himelschen schribere

Geschriben vnd gemalet

Div las vil vngetwalet

Div meget selden riche

Die horint gezogenliche

95

Wan si die herzin sterkint

Den die si rehte merkint

Siv machent die guoten fro

Disv wort sprachen also

Mit betiutunge bloz

100

Herre wie sint so groz

Diniv werk elliv zit

Dez vns vrkvnde git

Der erde groz geruste

Daz von friger muot geluste

105

Mit diner wisheit ist gemaht

[363]

Loblich vnde wol geslaht

Vnd der himel vmbe rinc

Uon diner wisheit elliv dinc

Mit einem worte geschaffen

110

Nach warheit der pfaffen

Diz waz der worte sin

Als ich nv bewiset bin

144,1

Div der megde munt

Tet abder tavil kvnt

Div wort vil sinnes waltent

Wol in die siv behaltent

5

Do disiv grozin wunder

Limenius besunder

Da gehorte vnd gesach

Sin tumbes herze im veriach

Also grozir vorhte

10

Daz der gar verworhte

Den kerker balde runde

Und sich niht ensvnde

Mit angest er zogte

Zvo dem romschen vogte

15

Vf sinen richen palast

Sines herzin sweren last

Dem keiser er do clagte

Div wunder er och sagte

Div er da hatte gesehin

20

Und swaz da was geschehin

Dez wart im div warheit

Von Limenio geseit

Die zvo der rede kamen

Und div wunder vernamen

25

Beide rich vnde arm

Wie ez da was gevarn

Der gote ewarten

Die den gelobin harten

144b,29

Und die schuolmeister gar

30

Dez tempils pfaflichiv schar

Die dem keiser stunden bi

Darzvo aldiv mengi

Der heiden riefen alle

Mit spotlichim schalle

35

Wafen wafen iemer mere

Dirre torlichin lere

Und der zovberlisten

In het div valsche cristen

[364]

Mit zovbir och verwiset

40

Div mengen het gespiset

Mit ir valschin rate

Den div schande sate

Mit vil grozim meine

Under diz volk reine

45

Den het si vil gelogen

Vnde etsliche betrogen

Wan sol si verderbin

Und lasterlich ersterbin

Ir lip mit tieren zercerrin

50

Div zoberlichen werk werrin

So div valsche tribet

Ob si lebindic belibet

Alde man si gar verbrenne

Daz div veige erkenne

55

Daz ez vil weger ist

Daz man hie alle frist

144c,57

Den göten opfir bringe

Vnd och ir helfe dinge

Fur dez trost vnrat

60

So der groze got hat

Den siv hant fur ein got

Wan daz ist ein spot

Swer den helfe bittet

Und sich zvo im wittet

65

Der wirt gar betœrit

Sin selde im zestœrit

Siv schulten in vnwerde

Der himel vnd och erde

Mit einem worte werden hiez

70

Mer vnde wazzirs griez

Und elliv dinc von nihte

Geschuf vnd gar gerihte

Der wart da vil gescholten

Daz hette er wol vegolten

75

Wan daz in nie bevilde

Erbermede noch der milde

Damit er ist erfult

Und der vil hohin gedult

Dez och die wol bedurfen

80

Die in zeruggen wurfen

Crist den wol geslahten

Vf den siv lüzel ahten

Sinen zorn siv wahten

[365]

Dez siv ir heil erstahten

144d,85

Der keiser wart enzundet

Mit zorne do gekvndet

Im div wunder wurden

Fur eine swere burden

Wac er tore die geschiht

90

Und die frömden gesiht

Er hiez balde senden

Bringen in gebenden

Martinam die maget

Mit gotis troste verhaget

95

Ir herze als ein adamas

In gotis minne gehertet was

Die hiez er fur leiten

Ze kvnftigen arbeiten

Den alten haz ruorter

100

Martinam die fuorter

Zvo einem andern abgote

Daz siv in sinem gebotte

Ir oppfir dar bræhte

Vnd sich noch bedæhte

105

Umbe ir vngelovben

Den valschen vnde tovben

Vnd ir zovbirliste

Unde sich von criste

Ir valschen hren zvge

110

Vnd demuotlichen buge

Ir lip vnd ir knie

Uor dem abgötte hie

145,1

Daz was geheizen arthemia

In der frowen namen sa

Was daz tempil gewihet

Als div schrift verlihet

5

Die hatten ir tumben sinne

Fur ein hohin guttinne

An die siv helfe suohten

Die tobin die verfluohten

Mit grozir zvoversihte

10

Die torschin bœsin wihte

Als in die tievil rieten

Der keiser hiez gebieten

Mit strenger manunge

Daz div maget ivnge

15

Ir oppfir bringen solde

[366]

Mit silber vnd mit golde

Der guttinne helfe riche

Ald aber lasterliche

Ir lip da verliesen

20

Ein smehis ende kiesin

Und von grimmen tieren

Sehsen oder vieren

Werden gar zerzvcket

Und iamerlich zerstucket

25

Limenius alda zehant

Mit zwein ewarten gesant

Daz waren groze fursten

Mit kvnste die wursten

145b,29

So ir e do hielt

30

Der man in wirde wielt

Nach der e sitte

Ein grozis volk da mitte

Die mit in hie giengen

Den kerker vmbe viengen

35

Als der keisir si hiez

Got sin wunder schowen liez

Daz er vor hatte enbart

Div maget abir funden wart

Vf einem stuole vzerwelt

40

Dem an richeit vngezelt

In dirre welt gestuole

Uf ir vnsteten prvole

Dem stetes dinges iht gezimet

Swer der warheit war nimet

45

So ist div welt ein truge

Vnd ein vmbe schontiv luge

Der man doch gerne gert

Wan ist ir gar vngewert

Und muoz von ir scheiden

50

Mit iamer vnd mit leiden

Ane schimpf mit ernest

So man aller gernest

Bi der welte hie belibe

Vnd frovde mit ir tribe

55

Daz zvo liebe kvrze wile

So vert si hin mit ile

145c,57

Vnd lat vns mit vnwitzin

Uf blozim velde sitzin

Ez heizit kvrzewile wol

60

Swer ez rehte tiuren sol

[367]

Si wirt so gar gekvrzit

Vnd het hie vngewurzit

Der welte frode vnde trost

Ach wie schiere div erlost

65

Wirt mit todis gehe

Vnd wie rehte smehe

Der mensche ist allen livten

Wer mohte daz betiuten

Dem man so sere minnet

70

Daz der so balt gewinnet

Uon hasse also grozen last

Mensche dv bist hie ein gast

Vnde wenest sin ein wirt

Der stetekeit bistu verirt

75

Dv mvst niht kvrzewile han

Uon den froden balde gan

Din zit ist schiere gezellet

Swie div welt doch stellet

Vf kvrzwile alle zit

80

Die noch kvrzir vf vns lit

Merkent der warheit sage

Wir stellen hie alle tage

Wie wir si gemachen kvrz

Die doch vf so gehit sturz

145d,85

Sint alhie gesetzit

Dez menger wirt geletzit

An den kvrzen froden sin

Diz ist hie der welte bin

Daz ist der gelovbe min

90

Ez wirt doch vil dicke schin

Lazen die rede ligen

An tot nieman kan gesigen

Swer hie enpfahet daz leben

Der muoz ez och wider geben

95

Dem tode hie zezinse

Swie vil man hie getinse

Grozir horde zesamin

Dez sich nieman wil schamen

Daz muoz doch hie beliben

100

Die warheit wil ich schriben

So ie der arge stirbet

Lip vnd sele verdirbit

Sinen herren wirt sin guot

Dar vf stat gar sin mvot

[368]

105

Sin fleisch dem gewurme

Nach dem sint cleine sturme

Wan in tragent vil schiere

Siner frivnden viere

Mit iamer zvo dem grabe

110

Die sin gerne koment abe

Und div sele dem tivil

Daz ist ane zwivil

146,1

Er si ir och vil geil

Der drier keines sinen teil

Gebe vmbe die zwene niht

Nach der warheit vergiht

5

Ieglichez teil ist im so wert

Daz er der zweiger niht vergert

Der herre ist dez guotes so fro

Die wurme dez fleischis also

Der tievil wil die sele han

10

Die zwene teil mit willen lan

Svz wirt dez menschin hort

Geteilet vnde och dort

Dez teilins div maget was si fri

Gotes minne was ir bi

15

Dem gab si ir sele

Dem vil hohin emanvele

Dem keiser gab si ir lip

Div maget niht ein wip

Zvo dez todis marter

20

Der me an ir vnd harter

Mit grozim pine wart gequelt

Als ir legende hat gezelt

Mit vestem mute vollekomen

Daz ich ie habe vernomen

25

Uon frowen ald von mannen her

So stark was ir herzin ger

Nach ir gemahel alle stunt

Der ir herze hat verwunt

146b,29

Mit siner suozen minne

30

So daz ir kivschin sinne

Stete nach im brvnnen

Und rvowe nie gewunnen

E si ir friedel vmbe vienc

Der si lieblich gar enpfienc

35

Daz ich mit menger sach

Ivch ie harnach kvut gemache

Ir guot si armen liuten gab

[369]

Daz was ir tugenden vrhab

Alsus div maget stete

40

Martina ir sele gerete

Hatte hie gar besetzit

Da von si was verletzit

Mit dem engilschin here

Daz vmbe den stuol stuont zewere

45

Als ich e seite da vor

Vf einem richen stuol enbor

Wart div maget funden

Umbe si an den stunden

Daz gotis here snewize

50

Daz ir mit hohim flize

Pflac an gotis stete

Vnde lieblich mit ir rete

Dez wart mit leidez craft

Limenius vnd sin geselleschaft

55

Vbir laden da zemale

Mit lazze vnd nidez strale

146c,57

Vnd von zornis vnsitten

Ir herze sere versnitten

Daz wac doch harte cleine

60

Martina vil reine

Mit vnverzagtem muote

Sprach div maget guote

Herre nach diner pflege

Han ich gelovfen die wege

65

Diner hohir gebotte

Mit warheit svnder spotte

Troste mich noch mere

Gip mir din hohen lere

Die enpfahe ich vil gerne

70

Hilf mir daz ich gelerne

Die rehten gerehtekeit

Div diner guote ist angeleit

Daz ir erkenne besunder

Diniv götlichen wunder

75

Behuote mich vor den ræten

Vnd och den vbiltæten

Dirre valschen livte

Iemir vnd och hivte

Daz ich an alle truge

80

Dinv gebot behalten muge

Mich hant nv zestunde

Hie die helle hunde

[370]

Mit grozim rate vmbe geben

Wie siv genemin mir min leben

146d,85

Vnd mich din schaf verderbin

Und eweclich ersterbin

Nv soltv dv liebir vater guot

Schowen mine demuot

Vnd min gebet enpfahen

90

Und daz niht versmahen

Daz ich niht werde geschant

Als siv gein mir gedaht hant

Geruoche si balde schenden

In herzin sin blenden

95

Die tumben helle welfe

Sende mir die helfe

Die dv drin kinden santest

Do dv herre wantest

Dez grimmen fures schroven

100

In dem brinnenden eitoven

Da inne siv wol genasen

Ane pin vnd fures mazen

Hohiv lob siv svngen

Div loblich erclungen

105

Daz din craft erkennit wart

Und din hoh gewalt enbart

Do diz wart gesaget

Ze gotte von dirre maget

Vnd ir not also geclaget

110

Mit vestem mvote vnverzaget

Limenivs vnd sin geverten

Die sich selden werten

147,1

Zvo zedrungen kamen

Do siv div wort vernamen

Mit grozir vigentschefte

Und mit heres crefte

5

Siv leiten alle ir maht

Wie siv die maget geslaht

Gewurfen von den sedel

Der in der genaden tredel

Ane wafen wart verhovwen

10

Martinvn der frowen

Und ane hant gemachet

Den wolden han geswachet

Dez keisers soldeniere

Mit grozir hofart schiere

[371]

15

Die maget da von enzichin

Div niht wolde enpfliehin

Uon dem gestüele vnwerde

Nider vf die erde

Die grozin vnfuoge

20

Die si der megde cluoge

Ane schulde wolden bieten

Nach ir willen niht gerieten

Wan der tugende stahel

Crist schrinde sine gemahel

25

Daz die vngemezin

Und die mordez rezin

Hie niht volle brahtin

Dez siv doch gedahtin

147b,29

Mit vil grozim meine

30

Gein der megde reine

Div in gotis geleite

Was vnd och beite

Waz got mit ir tæte

Daz wolde si vil stæte

35

Han vnd ane smerzin

Mit libe vnd mit herzin

Si hatte sich gar verwegen

Swaz der himilsche degen

Mit ir ordenon wolde

40

Daz si daz gerne solde

Mit vestem muote liden

Und daz niht vermiden

Swaz got der vil guoten

Mit siner zarten ruoten

45

Vbir ir lip hie gebot

Daz wart vnz in den tot

Demuotelich ervollet

Si hat hie so gezollet

Dirre tumben welte

50

Mit dem tiuren gelte

Ir kivschin libes huoben

Gein dez keisirs buoben

Vnd milteclichen vilten

Da mitte siv si bilten

55

Nach dem bilder der tugende

Den siv von ir ivgende

147c,57

Uor ir ovgen hatte gespannen

Ir herze was verbannen

Von dirre welte meile

[372]

60

Und ir svnden teile

Si lie der welte ir erbe

Ir vnstetes gewerbe

Die cranken morgen gabe

Div menic torschiv babe

65

Doch vngerne lieze

Swie vbil si erschieze

Wir muozens allis hie lan

Swaz wir hie besezzin han

Uns volget sin niht me

70

Wan ein kvrzir geschre

Den wir niht langer haben

Wan vntz wir begraben

Werden vnd vercluset

Swer suz wirt gehuset

75

Dem git sin guot zestiure

Gein dem heizen fiure

Ein linin tuoch vil dunne

Svz ist vnsir wunne

In menicvalter plage

80

Uon dez todis lage

Der welte frovde truret

Wan der tot ersuret

Swaz ieman leides geschiht

Nach der warheit vergiht

147d,85

Dirre sorgen ane

Was div wol getane

Div vf dem stule saz

Der welte wunne vergaz

Die Limenius der vil tunbe

90

Wolde werfen da vmbe

Und die mit im da waren

Der heize in leide swaren

Vmbe der megde glorie

Und ir hohin victorie

95

Die ir got her sande

Von der himel lande

Ich meine die mazzenie

Die engelschin storie

Die vmbe den stuol huoten

100

Der kivschen megede guoten

Die waren da ir ovgen

Gar verborgen tovgen

Siv waren och vnwirdich gar

Zesehinne die liehten schar

[373]

105

Div da was gesvndert

Wol vf siben hundert

Die wiziv cleider truogen

Nach kvschir art die cluogen

Owe wel geselleschaft

110

Die die maget mit craft

Uon ir vigenden losten

Vnd die reinen trosten

148,1

Gein dez fleischis blodekeit

So ez von nature treit

Div crankeit wart ir benomen

Wan div süeze vollekomen

5

Wart gein grozir swere

Uz dem kerkere

Von den heiden gefuoret

Dez doch vmbe ruoret

Wart ir herze so veste

10

Gein der marter vbirleste

Wan ir pflac der beste

Und die engelschin geste

Der wolde och da zeigen

Dem heidenschen volke veigen

15

Sinv wunder menicvalt

Vnd sinen hohin gewalt

Wan ein blœdes frowelin

Die romeschen menegin

Niht mohte vbir winden

20

Wer mohte frömders vinden

Daz ein so murwir lip

Ein maget niht ein wip

Den keiser smahte

Und ze spotte brahte

25

Daz ein maget einvaltic

Alexandern also gewaltic

Mit worten vbir rette

Vnd sin hoh gewette

148b,29

Mit magetlicher wipheit

30

Gebrochin vnde hin geleit

Diz ist ein wunder wilde

Daz eines wibes bilde

Uon keiser also gehonde

Den daz riche cronde

35

Vnd dem romere nigen

Wie was dez gewalt gedigen

[374]

Sin keiserlicher name

Muoze dulden groze schame

Sin craft was geneiget

40

Sin wisheit gar gesweiget

Und sin odes kallen

Vnd siner fursten schallen

Die im bi gestuonden

Und sinen gewalt ergruonden

45

Die wurden wisheit vber spilt

Nach topils reht vz gezilt

Siv wanden nemen den sig

An gotte nv ist der strig

In von ir selber hende

50

Gegebin vnd daz gebende

Daz ir frovde bindet

Vnd niemer sich entwindet

Siv ligent in dem clamme

Der helleschlichin wamme

55

In dez tievils buosen

Dez fures swebils truosen

148c,57

In der witen helle schoze

Da menic ir genoze

Mit iamer ist begriffen

60

Uf si ist och gesliffen

Ein fivr brinnender regen

Der sol ir iemer pflegen

Helle swebil si betovwen

Den tievil stete schowen

65

Der ist so vngehiure

Fur alle creature

Also schon er e was

Do er sich zegote maz

Und im wolde gelichen

70

Do muose er entwichen

In daz abgrunde

Da het in svnde

Also gar entschepphet

Daz er die selen erclepphet

75

Daz si stete zittirnt

Ir ogen siv erwittirnt

Eweclich niht dicke

An dez tievils an blicke

Wer sol daz wizen gotte

80

Die hie wider sinem gebotte

Sich steteclichen blægen

[375]

Ob die snident vnde mægent

Als siv och bvwent

Und ir gewalte getruwent

148d,85

Der einer niht geleben mac

Uon im selber einen tac

Merkent lieben brvoder

Wie gotis minne luoder

Die hoferten schendet

90

Und si frovden pfendet

Wie kan got sine vient

Die hie gein im schrient

So hovelich vertriben

Mit libes murwen wiben

95

Beidiv jenen vnde disen

Die gewaltes starken risen

Den der erde fursten hie

Bvgen dur gewalt ir knie

Und siv erten fur got

100

Ir gesetzide ir gebot

Siv vur gotis gebot hielten

Solches gewaltes siv wielten

Die wurden vbir wunden

Hie zemengen stunden

105

Von ivngen megden cranken

Daz sol man gote danken

Der mit blœden dingen

Die keiser kan betwingen

Der gewalt mit richem lobe

110

Dirre welte swebit obe

Und ir gewalt betenpfen

Der nam och zeinem kenpfen

149,1

Daz minnecliche bilde

Daz vnder vnsirm schilde

Also manlichen vaht

Div kvsche maget wol geslaht

5

Martina richiv gimmme

Div den keiser grimme

In eines lambes wete

Vest vnd darzvo stete

Div himelsche tocke

10

In cristes wapen rocke

Alexandern also larte

Swie vaste er doch warte

Gein gote siniv wapen

Div in doch trapen

[376]

15

In sines zornes geiegde

Er sante nach der megde

Div mit grozir arbeite

Als ich iv seite

Wart vz dem kerkere

20

Genomen vf menge swere

Swie si vnschuldic were

Und aller bosheit lere

DIV SEHSTE MARTER

Limenius der werde helt

Den ich dicke han gezelt

25

Vnd och die ewarten

Die sich niht ensparten

Mit im daz volk gemeine

Fuorten die meget reine

149b,29

Nach dez keisers gebot

30

Fur arthemiam daz abgot

Uon dem ich e han gesaget

Wart div vil kivsche maget

In daz riche tempil braht

Als ez vor hat gedaht

35

Die man wolde twingen

Dem abgot opfir bringen

Und ir reinen gelovbin

Mit gewalte rovbin

Martina in vil reiner kür

40

Gie mit vestem mvote vür

Ir herze vnverschertet

In gotis minne gehertet

Daz ez kein wapin sneit

Got hate ir muot bereit

45

Gein dez tievils liste

An der selbin friste

So kvone vnd so starke

Daz ir tugenden arche

In der wisheit swebte

50

Ir reines herze strebte

Ze criste mit stetim fluge

Ir begirde ane luge

Svhte der demuot luoder

Mit menger tugende ruoder

55

Die ir herzen schif fuorten

Vnd ez so ebin snuorten

149c,57

Ab disem wilden mere

[377]

Zvo dem himelschen here

Uon der welte vngemach

60

Wan do der keiser sach

Die maget also clare

Mit goltvarwem hare

So wunneclichen glestin

Mit reinem muote vesten

65

Ir antlüt rehte garwe

Mit so lihter varwe

So minneclichen luhte

Dez den keisir duhte

Alse der lihte meige

70

Mit bluomen aller leige

Uon rehte wirt geruomet

Suz wart Martina geblvomet

Mit tugenden menger hande

Die got an ir erkande

75

Siv hatten si geschonit

Menger hande gekronet

Daz ez michil wunder

Den keiser nam besunder

Si duhte in vil schoner gar

80

Danne vor dez neme war

Mit clarheit gegestet

Ir kivschir lip gevestet

Als einen kenpfen in den strit

Der sines wider kenpfin bit

149d,85

Der keiser do von zorne sprach

Do er si so frolich sach

Frowe hestv dinen muot

So vbil vnd so vnguot

Vf rehten sin gekeret

90

Und din herze geleret

Daz dv den goten bringest

Din opfir vnde dingest

An ir helfe menicvalt

Wan ir gotlichen gewalt

95

Pfleget also werde

Der himel zvo der erde

In ir gebot ez allis stat

Da mit div welt vmbe gat

Wiltv die erkennen

100

Din herze zvo in wennen

Alder wiltu stete sin

An dem vngelobin din

[378]

Und ein valschiv cristen

Mit dinen zobirlisten

105

Als wir han befunden

Nv ze mengen stunden

An dinem tumben wane

Dv bist witzen ane

Und ein torschiv schande

110

Daz dv mit zobirs bande

Vns wenest betovben

Und der sinne rovben

150,1

Machen vns zespotte

Mit dinem valschin gote

Den die wisen fliehint

Und sich von im ziehint

5

Wan ez ist ein truge

Und ein offen valschiv luge

Die ir nvwens hant erdaht

Von keiser kvngen versmaht

Ist div selbe tumbe lere

10

Do sprach div maget here

Div hast mich vil gescholten

Ich han gein dir engolten

Keiser daz ich bin ein wip

Und ich han so cranken lip

15

Dv hast gebrochin dinv zvht

Von dem adel vnd der fruht

Bistu keiser geborn

Der vntugende het erkorn

Dem ist alle vnfuoc vmbekant

20

Daz ist der vbil valant

Der guotiv dinc nie geriet

Daz in von himelriche schiet

Dur siner hofart vnfuoc

Div in gar zehohe truoc

25

Dez wart im got erbolgen

Dem wiltu nach volgen

Dem alten lugenere

Mit dinem orden lugemere

150b,29

Wan div valscher lugest

30

Als dv selber bezvgest

So dv von dinen göten seist

Dez dv selber niht enweist

Wie mun daz gote wesin

Wiltu die warheit lesin

35

Die ogen hant ane gesehin

[379]

Dez ir selbe muozent iehin

Ir sehin wol siv hant mvnt

Doch ist in sprache vnkvnt

Och hant die veigen toren

40

Ane gehorde oren

Siv hant fuz ane gan

An die ir ivch hant verlan

Darzvo hende ane grifen

Die tovben oden pfifen

45

In den die tievil ligent

Vnd ivwirn selden an gesigent

Die ivch hant geschendet

Ivwirn sin erblendet

Daz iv gelucke wendet

50

Und alles heiles pfendet

Daz ivch niht kan erweichen

So menic groze zeichen

Daz got mit mir machet

Daz min lip vngeswachet

55

Uon ivwer marter hie ist

Mich het der süeze crist

150c,57

Der vil gewere got

Mit siner güete gebot

Uon allir not erloset

60

Da mit sint ir verboset

Vnd ivwir göte geschant

Ir heilis gar gepfant

Und hie vor iv allen

Zerbrochin vnd zervallen

65

Vil pfaffen vnde heiden

Mit dem tode hin gescheiden

Dvnkit iv der vngelinpf

Niht ein spot vnd ein schinpf

So sint ir gar vnwise

70

Ivch het dez tievils spise

Unde sin tranck gelabet

Daz ir ez da fur habet

Ez si geschehin von zovber

Torschir esel vil tovber

75

Ich bin ein blœdiv dirne

Alexander nv erkirne

Minen sin vnd miniv wort

Mich het der tugende hort

So rehte wol geleret

[380]

80

Daz ich vil vmbe keret

Bin von diner herten dro

Min lip min sele ist fro

Dine lere ich versmahe

Zvo dem ist mir vil gahe

150d,85

Dez minneclicher trost

Mine sele ist erlost

Uon diner gemeinde

Vnd dines geloben vnreinde

Und diner grozin vnmilde

90

Der dich nie bevilde

Vnd der welte vppekeit

Der si also menge treit

An mannen vnd an wiben

Die nieman kan geschriben

95

Wan si ist an alle zal

In frovde kvrz vnde smal

Ich han ein gebot genomen

Uon minen herren vollekomen

Daz ich dur nieman laze

100

Ab siner tugende straze

Ich niemer fuoz gesteppfe

Mit siner helfe ich scheppfe

Vz der genaden brvnnen

Der wil der milde gunnen

105

Swer sin hie geruochet

Und mit demuote svochet

Da von so ist mir vil guot

Daz min herze vnde muot

Stete an im belibe

105

Die zit bi im vertribe

Vnd an in min gedinge

Lege svnder misselinge

151,1

Der die warheit wiset

Den dekein gebreste priset

So kan mir gebresten niht

Swaz mir doch hie geschiht

5

Daz ist mir alles lihte

Diz ist mines herzen bihte

Wan sin gewalt reckit

Mit warheit vnverdeckit

Fur alder welte witze

10

Sin wiser sin so spitze

Div lebindige simel

Beide erde vnd och himel

[381]

Mit einem worte geschaffen

Nach warheit der pfaffen

15

Er sprach nv si do was ez

Sines gewaltes neve mez

Ist gar an endez drvm

In secula seculorum

Keiser so hat din rede

20

Beide straze vnde pfede

Zvo der helle gullen

Die nieman erfullen

Sin rat der git den tot

Unde endelosen not

25

Svnder frovden zvouersiht

Swer dinem rate volge giht

Der wirt mit dir verdampnot

Dez tievils schimpf vnde spot

151b,29

Vt mit im verteilet

30

Mit gottes fluoche geseilet

Gant verfluochten in daz fivre

Daz mit ewiclicher stiure

Uon anegenge der welte

Mit werendes todis gelte

35

Iv vnd dem tievil ist benant

Mit im verfluochit vnd geschant

So han ich aber gotes segen

Der mir sin guoti hat gewegen

Der min herze erfuhtet

40

Und eweclich erluhtet

Div ovgen mines herzin

Vmbe disen kvrzen smerzin

Den ich dur in liden sol

Willeclich dez libez zol

45

Gih ich vnd der welte zins

Ich vil arme dirne bins

Die got mit sinem troste

Uon menger marter erloste

Wan din arger wille

50

Offen vnd och stille

Het an mir gevælet

Min lip ist hie gemælet

Mit minem blvote vnd geverwet

Min sele wol gegærwet

55

Mit menger marter sovme

Daz siv dem brivtgovme

151c,57

Dort niht missevalle

[382]

Da die govgen alle

Lvhtent sam die svnne

60

In ir besten wunne

Da wir gar vergezzin

Swaz ie wart gemezzin

Den libe kvmbers plage

Daz wirt mit der wage

65

Gottes hvndert tusint valt

Wider wegen vnd gezalt

Da man niemer wirdet alt

Noch von alter missestalt

Allen kvmber machet buoz

70

Cristes brvoderlicher gruoz

Der dir helle ruher igel

Totlicher svnden ingesigel

Valschis gelovbin blvome

Mit diner svnden rvome

75

Geänkert an der sele grunt

Daz dir frovde ist vnkvnt

Und alle selde frömede

Da dir zvo einem hemede

Daz fure wirt gesnitten

80

Nach dinen svntlichen sitten

Dir helleslichem bocke

Ane nat zvo einem rocke

Git dir der helle frige

Och mvstu svggenige

151d,85

Zvo dem spehen rocke han

Dez wirstu dort niht erlan

Gefutert gar mit swebil

Daz dir ruschet vmb den gebil

Einen mantel der selben koste

90

Der dich schirmet vor froste

Und niht vor der hitze

Vnd niht vor fures bitze

Din mantel sol sin beslagen

Den dv schalch solt tragen

95

Umbe diner sünden solt

Ane silber vnd ane golt

Div vil wehin spengelin

Daz svn alles krotten sin

Beslagen vnd behangen

100

Mit vngefugen slangen

Vnder zogen mit roche

[383]

Der dir helle govche

Spiset ogen vnde nasen

Svz muostu dich begrasen

105

Fvhzbelzis bedarf er niht

Dez min gelovbe sich versiht

Ich wene in selten friere da

Frischiv guot ist im vil na

Ez ist niht ein winter lant

110

Div hitze mengen hat verbrant

Got wil dich burger machen

Uon diner svnden sachen

152,1

In der tievil lande

Da dv mit steter schande

Dinv iar vertribest

Und ane frode belibest

5

Da dv dir selben leidest

Vnd dinv ovgen weidest

An dem tievil vngehiure

In dem wernden fivre

Daz dich stete brennet

10

Da wirt och gar erkennet

Dines geloben valscheit

Die ich dir ofte han geseit

Svnde hofart ist din schaz

Dv bist gottes wider latz

15

Verenden sol din riche

Uil schiere lasterliche

So frowet mich alle zit

Der heiligen tot vnde strit

Die siv hant gevohten

20

Vnd doch iht en mohten

Hie vber wunden werden

Uon gottes vienden vf erden

Swaz in leides ie geschach

Siv mohten kein vngemach

25

Der reinen sele niht getuon

Siv hant aber grozen rvon

An dem tievil erworben

Dez craft ist verdorben

152b,29

Vnd ir gewalt gebendet

30

Uon in vnd gar verschendet

Dem dv keiser volgest nach

Der schiere diner selden schach

Tvot vnd diner frovden mat

Vnd der svnden geltes sat

[384]

35

Der hie din wille het gegert

Dez wirstu tusent valt gewert

Da wider wider aber der rehte

Der getruwe der slehte

Blvoget als ein balmen bovn

40

Der aller tugende mengen sovn

Gotte git ze zolle

In reiner minne volle

Der argen rat vnde sin

Die siv habent vnnder in

45

Vnd von ir hofart kvmet

Div wirt so gar gedrvmet

Und muoz sich balde drvcken

Vorhteclichen smvcken

Gein minem herren criste

50

Dez hohen wisen liste

Alle mine vigent

Die vnverdrozzen zwigent

Gein mir menge stricke

Und menger leige ricke

55

Zelage minen heile

Mit ir svnden seile

152c,57

Wil si min herre binden

Zvo den helle kinden

Und ir wisheit tœren

60

Ir kvndekeit zerstœren

Ir witze machen stunpfe

In der helle svnpfe

Mit ir svnden sloz verrigeln

Zvo den verfluochten igeln

65

Der tievillicher ruher balck

Uil stete stichet der schalck

Der gottes kenpfen laget

Gein dem rehten gelovben gaget

Als ein vil tovbe gans

70

Der sol snabel vnde grans

Der werden so besenget

Von tage zetage gestrenget

Und der fluoch vber ir leben

Von rehten vrteil gegeben

75

Daz nieman wider sprichet

Und der heiligen blvot richet

Daz siv hant gegozzen

An erbermede vnverdrozzen

Der selbe rehte rihtere

[385]

80

Dem elliv valscheit ist vnmere

Het miner sele schiflin

Von der grozen guote sin

In der welte gewille

Daz niemer belibet stille

152d,85

Uon mengen sweren svnden

Die mit steten vnden

Daz tobende mer tribent

Vnd ane rvowe belibent

Geankert also wol min schif

90

An dez waren stadez begrif

Daz ich niht bevinde

Der welte sturnwinde

Die sint alle da gelegen

Beide hagel vnde regen

95

Kalter sne vnd rifen

Mvnt mich da begrifen

Er het geworfen selbe hie

Horent vnde merkent wie

Sines gewaltes änker

100

Daz er der svnden trenker

Die nieman kan gesatten

Vnd ganzen willen hatten

Swa in der werke gebrast

Daz si doch der svnden last

105

Mit dem willen truogen

Lip vnd sele erslvogen

Daz er sich an den reche

Ir werk ir willen breche

Und an in neme den sigk

110

In ir selben svnden strick

Die argen sich erwurgen

Dem wernden tode verburgen

153,1

Der da lebinde stirbet

Vnd lebinde tot erwirbet

Der tot sterbinde lebet

Und in lebinden nœten strebet

5

Vber die wernden quale

Habe ich nv zemale

Geschiffet vnd der svnden mer

Cristes helfe was min wer

Der himilsche kvnic von engellant

10

Bot mir sine zeswen hant

Mit ganzir sicherheite

Daz ich in sinem geleite

[386]

Die menicvalten truge

Und dine svntlichen luge

15

Vnd dez tievils lapen

Mit siner minne wapen

Nv vnd zaller stunde

Ane schaden vber wunde

Daz min sele niht befunde

20

Dekeiner sünden wunde

Dise rede vnd ander

Gein dem keiser alexander

Sprach div süeze maget

Martina gar vnverzaget

25

Dez wart der gar verlorne

Mit vngefugem zorne

In sinem herzen vberladen

Aller meist vf sinen schaden

153b,29

Vnd sprach mit valschem muote

30

Zvo der megde guote

Mit gelichzenden worten

Daz ez die livte horten

Wan er mengen list

Wie er den süezen crist

35

Uon ir herzen bræhte

Swie vil er dez gedæhte

Daz was allis vmbe svz

Wan der waren minne fluz

In ir sele was gegozzin

40

Ir sinne gar durflozzin

Der wisheit wazzir si trancte

Da von si niht wancte

Si kvnde niht erweichen

Dez keisers valschis smeichen

45

Die er also veste sach

Zvo der megde er sprach

Martina niht entrure

La dir niht wesin sure

Mine rede vnd minen sin

50

Ganc dur dine zvht hin

In den tempil riche

Edilv maget minnecliche

Brinc nach diner wirde

Opfir mit reiner girde

55

Nach dinem wisen sinne

Der reinenen guttinne

[387]

153c,57

Artemiam die heren

Die man sol billich eren

Div guttinne hoh gelobet

60

Der lop wol schulden obet

Wan ir helfe richer trost

Uon swere mengen het erlost

Si het erzovget menge craft

Von helfelicher meisterschaft

65

Und het ir lieben dienære

Von menger hande swære

Zefrovden braht vil dicke

Uon swerer sorgen stricke

Die an selden waren für

70

Ir lob in so hoher kvr

Dvr aldie welt gahet

Nieman si versmahet

Si het in ganzir mugent

Vns erscheinet menge tugent

75

Der maht dv gerne dingen

Din opfir vnde bringen

Ir genaden menicvalt

Ir güete vnde ir gewalt

Schiere frovden dich gewert

80

Swez din herze hie begert

Ir guote dez alhie geruochent

Daz siv demuteclichen svochent

Dine bekerde selic frovwe

Martina maget nv schovwe

153d,85

Wie div guttinne reine

Artemia valschis eine

Diner ivgende nimet

Div dinem libe wol gezimet

Uon diner reinen clarheit

90

So din vil ivnger lip treit

Diner zvht so vermezzen

Der wil si niht vergezzen

Dinv minneclichv varwe

Treit den wunsch so garwe

95

Vnd der selden crone

Div dir niht zelone

Ist nach froden gegeben

Bedenke vil eben

Dich wan ander guttinne lit

100

Groz genade elliv zit

Gedenke von ir niht wan guot

[388]

So ist din clarheit wol behuot

Vnd noch einez dez enbir

Rede och arges niht von ir

105

So mac dir gelingen wol

Und wirst allir froden vol

Do sprach div wol versinte

Von criste div geminte

Rose ane svnden dorn

110

Gottes brvt vz erkorn

Tvbe svnder gallen

Div dez keisers schallen

154,1

Vnd sin gelichzen cleine wac

Ir herze minr erschrac

Ab siner spehin herten dro

Ane vorhte sprach si do

5

Keiser heizest dv mich gan

Als ich nv vernomen han

In den richen tempil gros

Da inne wonet din genos

Der dir niht entwichet

10

Und dir niht gelichet

Wan er vmbe weglich ist

In siner herte als dv bist

Dich kan niht entweichen

Dekein gottes zeichen

15

Der dir ist vil erzeiget

Din herze ist geneiget

Gar zvo dinen genozen

Die von himel sint verstozen

Uon ir grozen hofart

20

Div von erst funden wart

Von den bosen wihten

Nach den wil sich rihten

Din verkerter herter sin

Als ich nv bewiset bin

25

Din verfluchter orden

Ist dem gelich worden

Der dur eigenlichen spot

Wonet in dem abgot

154b,29

Daz ir also holde

30

Gezieret hant mit golde

Gemalet kostecliche

Mit manger varwe riche

Dem ir tumben tovben

Fur got hant gelovben

[389]

35

Dez ir eigen hantgetat

Sint vnd dez niht verstat

Mich nimet iemer wunder

Daz ir hie besvnder

Gelobint an ein bilde

40

Wie ist ivwer sin so wilde

Und so gar verswachet

Ein mensche gar gemachet

Daz bilde also gegozzin

Dem ir vnverdrozzin

45

Willeclichen dienent noch

Ez were vil gefuoger doch

Daz ir dem werint bereit

Mit dienstlicher arbeit

Der mit wisen sitten

50

Daz selbe bilde hat gesnitten

Und stant in sinem gebotte

Vnde in haben zegotte

Danne ir zegotte iehint

Daz ir offenlichen sehint

55

Wesen einen sweren stock

Darzvo einen holen trock

151c,57

Darvmbe wegelich liget

Vnd dekeiner crefte pfliget

Wan als ein ander stein

60

Dirre svntliche mein

Und div groze schulde

Verluret gotes hulde

Der elliv dinc von nihte

Geschvof vnd gar berihte

65

Dem soltent ir gelovben baz

Fur diz hol gegozzin vaz

Daz der tievil ie besaz

Und an helfe ist so laz

Disiv wort vnd ander

70

Zvrnde alexander

Der hohe romesche vogt

Von im wart vil gebrogt

Gein der claren magt

Martinvn div vnverzagt

75

In gottes kampfe stuont

Als die getruwen tuont

Und sprach mit hertem muote

Zvo der megde guote

[390]

Herteclich niht linde

80

Frowe ganc geswinde

In den tempil mit sinne

Vnd bring der guttinne

Din opfir nach gewonheit

Alt dv wirst gar gereit

154d,85

Von mengem grimmem tiere

Balde vnd och schiere

Uil smehlich zerzerret

Din leben dir versperret

Do sprach div wolgetane

90

Martina sorgen ane

Ich wil gar svnder wank

Genade sagen vnde dank

Dem svzen ihesu criste

Lob vnd ere zaller friste

95

Daz helfe zalle zite

Ist in minen strite

Vnd der mine demuot

Uon siner milte hat behuot

Dvr den wirstu gewert

100

Dez dv nv hest gegert

Ich wil in daz tempil gan

Mich da inne vinden lan

Dvr den der sich och hie

Sine viende vinden lie

105

Willeclichen ane wer

Der daz israhelsche her

Dur daz rote mer fuorte

Daz sich daz mer niht ruorte

Daz stunt als ein mure

110

Und wandelte sin nature

Ez was dem gehorsam

Von dem ez vrhab nam

155,1

Dem dv keiser hofertic

Bist stete widerwertic

Den wil ich an betten

In daz tempel dur in tretten

5

Nv erkande der tievil daz

Der in dem abgotte was

Daz div reine was komen

Allen sinen gewalt dromen

Und in offenlichen schenden

10

Aller siner froden pfenden

Vnd schre also gar grimme

[391]

Mit einer luten stimme

We war sol ich keren

Mich von hinnan zeren

15

Uon dines gewaltes geiste

Vnd diner craft volleiste

Almehtic schepfer werde

Himels vnd der erde

Wa sol ich armer nv wesen

20

Uor dinem zorne genesen

Mir ist alle frovde tivre

Dines gewaltes fivre

Dur ehtet mich vil harte

Dines zornes garte

25

Mich vngefuege mennet

Sin fiur mich armen brennet

Daz wirt hie nv gekündet

Ein fivr ist enzündet

155b,29

In vier winkel vmbe mich

30

In dem tempel dur gerich

Daz wil mich vertriben

Hie niht lan beliben

Ich muoz min hus rumen

Vil balde ane svmen

35

Min gewalt ist zerstœrit

Div clage wart gehœrit

Uon dem volke ander stette

Vnd swaz der tievil rette

Wafen iemer wafen

40

Wie was ir sin entslafen

Wie waren ie so blinde

Dez tievils ingesinde

Daz siv niht erkanden

Wie siv ir ovgen wanden

45

Uon dem rehten schepfere

Swie vil si doch der mere

Von dem tievil vernamen

Daz in div niht kamen

Ze herzin vnd zemuote

50

Noch swaz div maget guote

In von gotte kvnte

Den gelovben si grunte

Daz was in gar ein spel

Ir tumber sin was vil snel

55

Zvo der alten blintheit

Div zeichin div ich han geseit

[392]

155c,57

Div kvnden niht erwecken

Die blinden helle recken

Div got offenbare tet

60

Dur der reinen megde bet

Siv waren an dem done

Gelich kvnic pharaone

Den so menic zeichen

Niht konde erweichen

65

Daz der gar verwazen

Die ivden niht wolde lasen

Varn von dem lande

Wan nach siner schande

Was der arge versenket

70

In dem roten mer ertrenket

Unde swaz dez heres was

Daz ir einer niht genas

Wan siv trugen gottes haz

Als ich die warheit las

75

Svz waren diz heiden

Uon sinnen och gescheiden

Daz siv wol bewarten

Wan siv der megde varten

Div do frolichen trat

80

Als si hiez vnd och bat

Daz romsche keiserlich gebot

In den tempel für daz abgot

Div kivsche ane vorhte gie

In cristes namen si gevie

155d,85

Daz wafen ir zetroste

Dar an vns crist loste

Unde daz er selbe truoc

Von siner suozen minne cluoc

Daz waz daz kriuce here

90

Nach ir gelovben lere

Daz si do fur sich bot

Daz ir half vz aller not

Den selben sturn van

Div maget ir zestrite nan

95

Die tievillichen lapen

Daz selbe reine wapen

Uil dicke het berovbet

Entwurket vnd verstovbet

Ir vil krefterichen schar

100

Reht alsam ein adelar

[393]

Die cleine vogel twinget

Und si zefluhte bringet

Sam git daz cruce sicherheit

Swer ez mit gelovben treit

105

Vnd tuot den tievil geschant

Alle sine craft gebant

Daz nan vil vnverzagt

Martina div starke magt

Und wapende ir kivschen lip

110

Div luter maget niht ein wip

Groze craft si enpfienc

Do si fur daz abgot gienc

156,1

Wan ir gelovbe was niht ful

Sie sach vf an die svl

Dar an groz koste lac

Der keiser si hohe wac

5

Als die verworhten tuont

Da vffe daz abgot stuont

Dem truoc si grozin haz

Sich keiser wa daz waz

Da inne der verfluochte wonet

10

Der din herze het verronet

Mit dez vngelovbin laste

Uor dem waren glaste

Der den rehten schinet

Vnd die valschen pinet

15

Die sich lant berovben

Hie dez rehten gelovben

Keiser din got het ovgen

Vnd ist im doch vil tovgen

Benomen elliv gesiht

20

Er siht mit den ovgen niht

Die tovbin niht gehorint

Vnd ivch blinden torint

Hende die doch niht grifent

An creften siv zerslifent

25

Siv hant fuze ane gan

Selbe lovfen noch gestan

Elliv craft ist in wilde

Dem tievillichem bilde

156b,29

Daz ir hant gezieret

30

So wol gekvrtieret

Mit so richem golde

Nach grozir sünden solde

Daz er so schone gelestet

[394]

Wan ez ist gegestet

35

Uon edilem gesteine

Groz vnd och cleine

Von lihter varwe gemal

Daz ir tumben ane twal

Erent vnd anbettent

40

Und ivch willeclichen wettent

In daz loch der helle diet

Die got von himelriche schiet

Der verfluochten helle bocke

Der in dem govgel stocke

45

Mit valscher antwurte

Zvo der helle furte

Ivch leitet vnde füeret

Da ivch iemer mere ruoret

Der not der ich wil gedagen

50

Wan nieman kan vollesagen

Die marter noch geschriben

Die lazen nv beliben

Wiltu daz mir gezeme

Richer keiser daz ich deme

55

Min opfer bringe schone

Nach siner helfe lone

156c,57

Und in nach diner lere

Mit richen gaben ere

Vnd im vil zvhten biete

60

Uor aller diner diete

Vnd im wese diensthaft

Mit vil richer miete craft

Und in dur din gebot

Habe für einen werden got

65

Daz la mich herre wizzen

Sül ich dez sin geflizzen

Alexander der spehe

Uon grozer frovden gehe

Begunde er sich frœwen

70

Vnd lie sin altez drœwen

Daz er der megde vor tet

Unde wande daz sin bet

Von ir vernomen were

Und lie alle sine swere

75

Die er hate da vor

Sin herze hohe enbor

Begonde in frovden fliegen

Hœrint vmbe den giegen

[395]

Der niht erkande daz

80

Sin also gespottet was

So grozer frovden er wielt

Daz er kvme sich enthielt

Vor der frovde so er pflac

Uf grozer selden beiac

156d,85

Frovte sich sin herze

Daz da vor menic smerze

Dicke hat verseret

Daz so gar vmbe keret

Div maget gen im streit

90

Und sin frode gar versneit

Swie er der lande pflæge

Vnd menic kvnic læge

Gein im in grozer vorhte

Die sin gewalt im worhte

95

In der welte witen

Ane wider striten

Die nah in mvozen riten

Und siner gebotte biten

Sin mvot stuont in froden ho

100

Frœlich sprach er do

Selde vnde langes leben

Si dir frovwe min gegeben

Frovde vnd groz gelucke

In vnzallichem stucke

105

Gebe dir der gotte gewalt

Mit ganzen truwen vngezalt

Diner hoher wirde lobe

Sweben allen eren obe

Din vnzallichen tugent

110

Sin gesegent in diner ivgent

Dine frovde mvozen bluogen

Leit dich niemer nie gemuogen

157,1

Din lieb wahse alle tage

Gelucke dine selde iage

Frode dir zvo flieze

Der gotte craft begieze

5

Dich mit selden tovwe

In der frovden ovwe

Wahse siner tagenden bluome

Mit hohis lobis ruome

Aller vogel suoze stimme

10

Dich richiv werde gimme

[396]

Loben vnde prisen

Vf allen bluogenden risen

Swaz frovden div welt habe

Die muozen volgen dir zegrabe

15

Div selde dich zekinde

Habe vnd in ze ingesinde

Div tugent aller liute

Die muozen dich hute

Zieren vnde schonen

20

Mit allen selden kronen

Dich vil tugent riches wip

Sit din minneclicher lip

Den vngeloben smahet

Unde von dem gahet

25

Den die valschen cristen

Mit ir zovberlisten

Prüevent vnde kvndent

Da mitte siv sich svndent

157b,29

Vnde mir nv volgen wil

30

Und minen gotten elliv zil

Dez muoze ir vil hohir trost

Dich von swere tvon erlost

Vnde ir werder segen

Müeze dines heilis pflegen

35

Selic wip nv buoze

Mit diner rede suoze

Swa du hast verseret

Die gotte alde enteret

Svz wander daz da solde

40

Opfirn vnde wolde

Div maget in hoher kür

Die furter dem abgote für

Martina als ir gezam

Fur die guttinne kam

45

Div artemia da hiez

Des wart cleine ir geniez

Div maget nider kniewete

Dem abgot si driewete

Tovgenlichen aller meist

50

Si sprach div boser geist

Der in disem bilde lit

Der ane rede alliv zit

Ist vnd an gesiht blint

Ane gefuoge an gelinpf ein rint

55

Und an der gehorde tovp

[397]

Krefteloser danne ein stovp

157c,57

Von gotte div verfluochit

Und swer din helfe suochit

Der muoz eweclichen sterben

60

An libe an sele verderbin

Geschantes bluotiges tier

Ruore vnde wege dich schier

Von himilrich dv verstozin

Mit andren dinen genozin

65

Uermeinsamet von gottis banne

Grizgrame vnde zanne

Vnd var vz dinem huse

Der verfluchten cluse

Aller luge ein anevanc

70

Alliz mordes vzganc

Aller meintat ein stifte

Aller hofart ein hantgifte

Ein vater aller hovbt sünde

Hovbt man der helle grunde

75

Wernder not ein gast gebe

Aller trunkenheit ein winrebe

Swer dir opfir bringet

Und ane zwivel dinget

Diner helfe der wirt geschant

80

In daz abgründe gesant

Do div maget diz gerette

An der selben stette

Do sprach si ir gebet

Daz si mit zvoversiht tet

157d,85

Aller keiser kvnge herre

Ich mane dich vil verre

Der vf dem hohen trone

Sitzit also schone

Der vnzallichen frovde groz

90

Wan nie wart din genoz

Noch kan och werden niemer

Din gewalt wert iemer

Uon dir alle frovde fliuzit

Din milte hant begiuzit

95

Mit vollekomenem werde

Der himel vnd die erde

Dv hest die himel gevestet

Ane wenken vnd wol gegestet

Din gewalt ist vngeletzet

100

Dv hest die erde gesetzit

[398]

Uf diu fliezinden wazzer

Diu siv machent nazzer

Vnd fuhtic mit genuhte

Zemenger suozen fruhte

105

Div erde ane wenken stat

Uf dem wazzer als si hat

Gemachet wol din witze

Beidiv frost vnd hitze

Darzvo tac vnde naht

110

Div beide von diner maht

Gant so wehzilliche

Daz iar hin geliche

158,1

Aller dinge dv waltest

Div wazzir dv behaltest

In der erde vil heinlich

Als wir wol sehin gemeinlich

5

Wannan aber der flus

Gange vnde och ir dus

Dez sin wir ane wizzen doch

Unde sehin wol daz loch

Dez wazzirs vnd den vrsprvnc

10

Beidiv alt vnd och iunc

Vnd nemen vil mengen trunc

Hie der welte samenunc

Vnd wie dv in alten tagen

Mit Daniele dem wissagen

15

Den tracken och ersluoge

Groz vnd gar vngefuoge

Den dur tievillichen spot

Die heiden fur einen got

An betten vnd och erten

20

Und ir vnselde merten

Wie dv die tievillichen schar

Het gewalteclicher gar

Gekvrpit in der helle sloz

In daz grundelose moz

25

Gar verletzit vnd versmidet

Die guoten von in geschidet

Die dv frowest ane zil

Bi der himel seitspil

158b,29

Wie dv daz wiselose her

30

Ab der svnden clebir mer

Zeselden stade lendest

Und alle ir not wendest

[399]

Vnd ir fursteclichen gewalt

Der bœsen geiste vngezalt

35

Die siv mit swerer bekorunge

Hant vber alt vnd iunge

Zenihte hat gemachet

Gar vnd gar veswachet

Den alle engel kvnne

40

In vnzallichir wunne

In vorteclicher minne

Mit eintrehtem sinne

Lobent vnde an bettent

Uz sinem willen niht entrettent

45

Vnd geordint och darzvo

Daz siv spate vnd och fruo

Dir alleine ere bieten

Dines antlütes sich nieten

Dez wisheit hie gesvndert

50

Het wunderlich gewundert

Diz ich selbe wol lerne

Mit so mengem sterne

Den himel also witen

So gar an allen siten

55

Gezierit vnd gebluomet

Daz dine wisheit ruomet

158c,57

Dar abe div sunne schinet

Div aldie welt finet

Siv frowet alle creatiure

60

Mit ir edilen lihtis stiure

Der dez manen vmbesweif

In einem lovfe gar begreif

Mit wandellichem glaste

Der luhtit nahtis vaste

65

Als din wisheit het beschert

Vz sinem ringe er niht vert

Nach orden der zeichen strazen

Als dv im hest gelazen

Den daz wite abgründe

70

Und aller wunder bünde

Furtet vnd och niget

Gein dinem gewalte ez swiget

In dinem gebotte ez allis stat

Daz lebin vnde sinne hat

75

Wan der mensche alleine

Herter danne die steine

Uz dinen wegen steppfet

[400]

Den dv selbe hest gescheppfet

Vnd nach dir gebildet

80

Der sich dicke wildet

Uon siner nature friheit

Die dv hest an in geleit

Dur dinen vorhtlichen namen

Milden suozen lobsamen

158d,85

Nach diner guote sitte

Ich dich herre natter bitte

Daz dv min gebet enpfahest

Und daz niht versmahest

Daz du herre vil gewaltic

90

Die bosheit menicvaltic

Dez vil alten slangen

Vf sines gewaltes zangen

Darzvo sine steten lage

Die er tuot vntrage

95

Sine tusent valten liste

Mit diner craft zerkniste

Und disen bv so rilich

Gemachet also frilich

In vngelovben gebvwen

100

In meintetigen truwen

Vnd mit so grozer koste

In ir sunden roste

Gewurket von menschen hant

Und in zegotte genant

105

Daz ruoche nv zerstœren

Vnd dine dirne erhoren

Und la den verfluochten

Diner genade den verruochten

Keiser alexandern

110

Schowen vnd die andren

Daz dv der got bist

Nazarenvs ihesus crist

159,1

Der e den tempel zerbrach

Vnd an dem abgote rach

Darzvo an sinen pfaffen

Der rehten warheit affen

5

Dines zornis anden

Zeschaden vnd zeschanden

Ein vbil sez in do viel

Der vil witen helle giel

Wart ir aller amme

10

Mit iemer wernder flamme