Der Pfarrturmbrand (Stoltze)

Der Pfarrthurmbrand

Der „Rewestock“, mei Vatterhaus,
dhat nah bei’m Pathorn leihe;
hoch iwwer unser Dach enaus,
wie hoch sah ich en steihe.

Deß war e Rewepahl! e Plock!

De Wolke nah, wo’s wettert;
doch is des Kind vom Rewestock,
wie oft, enuffgeklettert.

Im Pathorn war kää Eckelche,

ich wußt’s, kää Luck, kää Boge;

da hing kää Glock, kää Glöckelche,
ich habb schonn dra gezoge.
Der Therner selbst uff der Altan
wußt’s besser net ze sage,

wo’s Sprachrohr un die Feuerfahn,

Trombeet un Fernrohr lage.

Im Pathorn war ich wie dehaam,
ganz in der Näh war’s freilich,
un aus meim goldne Kinnertraam

da ragt err hoch un heilig.

Die Name von ’re jede Glock
un ihr Geburtsregister,
ich wußt se, wie im Rewestock
von Eltern un Geschwister.

Ihr Klang, un was err hat bedeut’,

es bleibt merr unvergesse.
„Es hat ja schonn zwölf Uhr geläut’–
kriehn merr noch nix ze esse?“
Un wann der Awend kam gedaut,

ich hatt’ mich mied gesprunge,

da hat mich, wie e Mutter, traut,
die Glock in Schlaf gesunge.

Un nachts, lag schlaflos ich un krank

un habb die Glock vernomme:

„Es läut vier Uhr, – ach Gott sei Dank!

Jetzt werrd der Dag bald komme!“
Un wann die Stormglock hat getönt,
bei Feuersnöte, kläglich,
Weh! – Weh! – Weh! – Weh! – hat se gestöhnt,

als litt se selbst unsäglich.

Un wann im diefe, diefe Baß
die Meßglock hat geklunge, –
„Mei Meß!“ wie bin ich uff die Gaß
mit lautem Ruf gesprunge!

Un fing derr die Karolusglock

im Pathorn aa ze brumme:
was war deß iwwerm Rewestock
hoch in de Luft e Summe! –

Wie awwer hat der Thorn gebraust

am achtzehnte Oktober!

Als hätt’ die deutsche Eisefaust
dort dirigiert die Oper!
Von alle Glocke e Gebraus,
e Machtchoral, e ganzer,

wie dorch die Luft in’s Land enaus

e Storm mit Schild un Panzer! –

Un wann des Marktschiff kam un ging
stromab, stromuff bedächtig,
der Therner uff dem Pathorn fing

ze schmettern aa gar prächtig.
Un trug en Berjer merr zu Grab

enaus zum kihle Rase,
da ließ meer dem vom Thorn erab
en sanfte Abschied blase.

Un als ich in die Fremd muß geh

un mußt mei Schätzi lasse,
so lang der Pathorn war ze seh,
wußt ich mich noch ze fasse.
Un als ich widder zog zum Maa,

stellt’ ich mich uff die Zehe

un uff en Haufe Chausseestaa
ihn ehnder zu erspehe.

Da lag err! Leiser Glockeklang
kam dorch die Luft gefloge;

err lag, vom Sonneunnergang

mit Gold ganz iwwerzoge.
Wer hätt gedacht bei jenem Rot,
in dem err sanft geschwomme,
der Pathorn könnt durch Flammenot

in so e Unglück komme!

O Schreckensnacht! Ich habb empor
gestarrt, zu Tod erschrocke;
es licht merr immer noch im Ohr
der Wehlaut von de Glocke;

sie sange in de Flamme drei

ihr letzte bange Strophe;
mir fiele die drei Männer ei
im feuerige Ofe.

Un als se schmolze, Stick um Stick,
enunner in die Glute:

mir war’s, als det mei Jugendglick
mir aus dem Herze blute;
mir war’s, als ob mei Kinnerzeit,
mit allem Klang un Schimmer

un ihre ganze Seligkeit,

zerfalle det in Trimmer. –

Da steht err jetzt so leichehaft,
so stumm, es dut aam schauern;
un bis err widder kimmt zu Kraft,

werd’s noch e Weilche dauern.

Nor Mut! du bist noch net am End,
se reiße dich net nidder! –
war aach schon manchmal abgebrennt
un sing’ un kling’ doch widder!