Seite:Beytrag zur Geschichte und statistischen Topographie der beyden Reichsdoerfer Gochsheim und Sennfeld in einem kurzen Entwurf.pdf/96

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

leybe und mit vor wol bedachtem muet da er wohl gen und gesten mocht angehaben hot zu stifften und zu machen. mit hilff und rot ander siner guten frunde die hernach geschriben sten. eine ewige frumeße. zu Sendelfelt. in dem dorff. in Gossheimer pfarr gelegen. in sant Erharts kirchen. got zu Lobe. und üm der ere der Hochwirdigen siner Muter marien und aller Heilgen. auch zu Troste siner und aller siner vorfarnde und aller cristen gelewbigen sele willen. und doran geben geschickt und gemacht hot grüntlichen (valide, auf rechts beständige Art) und ewigklichen. die gut die hernoch geschrieben sten. auch so haben die selben zwen syn gebrüder und nechsten erben chuntz Schultheizze und chuntz Westheimer obgenanten für sich und alle ir erben derselben stifftunge. gebunge und gesetze vormals an ihrs bruder selgen leben und auch nun noch sinem tode verhenget und gestatt und haben auch mir selber müntlichen. und mit fryem gesuntten leyben und vernüfften mit dem allerbesten rath als sy daz ymer getün mügen dieselben hernach geschriben gut auch doran geben gesetzt und gemacht glicher wise. als er daz tet. ewiglichen und unwiderrüffenlichen ohn alles geverde. So sint diez die gut von den obe geredt ist. so um den jezigen Hoff zu Abersfelt gelegen der vorgeziten Otten von Abersfelt was. und den yezunt bareit un erbeit Chuntz koler. und dovon Jerlichen giebt und antwurt acht malter korns und fünff malter Habern Swinfurter massen. und ein halben und drizzig

Von „https://de.wikisource.org/w/index.php?title=Seite:Beytrag_zur_Geschichte_und_statistischen_Topographie_der_beyden_Reichsdoerfer_Gochsheim_und_Sennfeld_in_einem_kurzen_Entwurf.pdf/96&oldid=3221947“