1. Der Rath von Danzig erklärt, dass Hildebrand und Sivert Veckinchusen und Gerd vam Hove zu Vormündern der Wittwe Langerbeke und deren Kinder gewählt seien. – 1395 März 15.
- Rev. St.-A. Orig. Perg. Urk. Auf der Rückseite die Spuren des grünen Sekrets.
Vor allen luoden de dessen breef zeen edder horen lezen, bekenne wy radmanne der stad Dantzik openbare unde bethughen, dat de wisen manne der stad Dantzik, richter unde scheppen, vor uns openbare hebben gethugit mit gehegedem dinge, dat vor en quam in ein geheged ding de erbar vruwe Hanna[1], wedewe des erbaren mannes Hildebrandi Langerbeke unses mederadmannes unde settede makede und koos in voremunderschop erer sulven un de erer unmundigen kynder Hildebrand Veckynghuezen unde Gerde vamme Hove afwesende likerwis ift se jegenwordich weren gewesed unde Syfridum Veckynghusen bewiss desses breves to eren vulmechtighen hovetmannen unde voremundern van erer unde erer kynder wegen to vordrende to manende unde up to hevonde alle de schuld, de men Hildebrando Langerbeken vorscreven in Vlandern schuldech blef, do he starf seliger dechtnisse unde gaf en vulle macht alle ding by der schuld, eer sy lutzel edder vele, unde se sta, under wene se sta, to donde unde to latende likerwys ift de vruwe edder erer kynder voremundere sulven jegenwordich weer. Hirumme bidde wy alle heren unde richter, dar desse breef tokumpth, in der gerichte Hildebrand Langerbeke voregenant schuld heft nagelaten, dat gi Hildebrando Veckynghusen Gherde unde Syfride vorscreven in der utmaninghe dersulven schuld ghuden willen bewisen unde siet en behulpen, dat en de sulve schuld gentzliken sunder togheringe werde betaled. Dat wille wy vordenen, wor wy konen edder moghen. Gescreven in deme jar Cristi 1395 an deme mondage vor Gerdrudis der hilgen juncvruwen under unseme secrete.
2. Sivert Veckinchusen bekennt die Eigentumsrechte an einigen Häusern in Brügge Andern überlassen zu haben. – 1395 Aug. 31.
- St.-A. Köln; Or., Pergament, am Pergamentstreif hängt das wohlerhaltene Siegel, dessen Umschrift: Zyvert Veckenchusen; Hausmarke:
- ↑ Hansen liest Helina. Beiträge II, 205.
Briefwechsel Hildebrand Veckinchusen, Seite 1. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_001.jpg&oldid=- (Version vom 17.8.2016)
