Seite:Briefwechsel Hildebrand Veckinchusen 091.jpg

	Wilhelm Stieda (Hrsg.): Briefwechsel Hildebrand Veckinchusen

79. Sivert Veckinchusen in Augsburg an Hildebrand Veckinchusen in Brügge. – 1412 Aug. 15.

Rev. St.-A. Orig. Adr.: An Hyldebrand Veckynchusen to Bru^ogge littera detur. Darunter von H. Veck.’s Hand: 1412, 15 in settember. Im zusammengefalteten Brief lag ein kleiner von der Hand des Briefschreibers beschriebener Zettel folgenden Inhalts: ic hebbe to Kolne screven, dat sey eynen boden an ju wynnen, op dat my eyn antworde kome in dey mysse, darumme su^omet nicht mede.

Broderlyke leyve vorscreven juwen breyf to Kolnne screven hebbe ic wol vornomen und es my leyt, dat ic nicht to Kolnne op dey tyt was umme vele sake wyllen dar uns op beyden syden wol grot macht an legen hedde. Item also gy scryven von den 800 gulden, kan ic nicht betalen, alsolde ic darumme vor ewelych vorderven und est dat gy my neyn gelt oversenden noch overkoft hebben, so sal ic quat doen hebben, wand ic sal neyn gelt kunnen opnemen, wand ic hebbe des loven nicht, my sal nu neymand also wol loven mer loven also vore umme des schaden wyllen, den wy an Karbowen nomen hebben und ic moet betalen ofte dey staet ru^omen met schanden des ic nummer vorwynnen kunde. Darumme helppet my ut den noeden und gy mogen meynen, ic hebbe gelt und wellet nicht utleggen, ic welt op myn seyle nemen, ic sy to Kolnne und to Francvord mer dan 600 gulden mer schu^oldych, dar ic eyn del pande vorsat hebbe und moet woeker darvan geven und kan ju myn noet nicht also hoge clagen also my wol noet were. Und kryge ic neyn hulppe van ju tegen desse mysse, so est su^one, dat ic al myne loven kome und grote noet lyden moet mer dan ic ju scryven kan und bydde ju dat gy by my doen also gy wolden, dat ic by ju doen solde, oftet ju also legen were, dar ju Got vor behoede, und help uns ut aller noet. Uns sal van Peter nicht mer werden bynnen kord, Got helpe uns to eynem betern eynde dan uns hyr werden kan. Wy wellen ju van Vrancvord al dync scryven, ic wolde dat elk dey helfte van syme gelde weder hedde op dat eyrste, so mochtet noch al gud werden, Gode unbarmet. Item doet wol und bestellet dat my myne van Hoensteyne und van al unser selschop werde van Swartten und van al deme dar ic pard mede an hebbe, dat mot syn. Ic mot my mede redden und helppen ut desser noet und wolde 50 gulden myn nemen dan my werden sal, dat ic dat reyde hedde op dat ic mede by loven und eren blyven mochte, dyt nemet to hertten und helppet my by tyden, ic wel den schaden gernne dregen wat my des tokomet, gy weten wol ic hebbe ummer dat, was op unser beyder eventu^ore koft, und hadde des nummer hopet, dat uns hyr nicht solde worden hebben.

Item doet wol und segget Hans Losekynge, dat hey my dey summe gulden vor dey 3 vardele sardoke in dey mysse brenge ofte sende sunder su^omen, hevet hey des alreyde nicht daen, wand ic moet dey hebben, dyt arbeydet hartlyken by emen und spard dar neyn dync ane und dar leget my grot macht ane also vorscreven. Ic hebbe ju ok er van Losekynge screven umme dat gelt, gy hebben my nicht weder screven, dey

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 20. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_091.jpg&oldid=- (Version vom 31.7.2018)